Мард дар пеши тиреза, акс аз бойгонӣ

Киштии хурдро дарёи бузург бояд: ифтитоҳи курсҳо барои соҳибкорони ҷавон

132
(Таҷдидшуда 15:16 15.03.2020)
Русия як миллион доллар барои иҷрои ин барномаи СММ дар чорчӯби тарҳи "Мусоидат барои рушди тиҷорат ва навоварии ҷавонон дар Тоҷикистон" ихтисос додааст

ДУШАНБЕ, 15 мар — Sputnik. Дар Тоҷикистон бахши дувуми курсҳои соҳибкорӣ таҳти унвони “Созандаи тиҷорат” ё “Бизнес конструктор” оғоз шуд.

Маросими ифтитоҳия дар Маркази иттилоотӣ - захиравии Созмони Милали Муттаҳид дар Душанбе баргузор гардид.

Русия як миллион доллар барои иҷрои ин барномаи СММ дар чорчӯби тарҳи "Мусоидат барои рушди тиҷорат ва навоварии ҷавонон дар Тоҷикистон" ихтисос додааст. Бахши аввали "Созандаи тиҷорат" соли 2019 бо шиори "Аз аҳдоф ба дастовардҳо" анҷом ёфта буд.

“Тавсиаи зарфиятҳои ҷавонон яке аз авлавиятҳои сиёсати чандбуъдии Русия барои ҳимоят аз Тоҷикистони дӯст аст”, - гуфт Олег Илишев, котиби аввали сафорати Русия дар Тоҷикистон.

Илишев афзуд, ин курсҳо ба соҳибкорони ҷавони тоҷик ин имконро медиҳанд то маҳоратҳои тақозошавандаи ҳирфаиро дар бахши тиҷорат касб кунанд ва дар тавсеаи ҷумҳурӣ саҳим бошанд.

"Русия ба зуҳури ширкатҳои ҷадиди муассир дар Тоҷикистон, ки тавонанд шарикони қобили эътимод барои ширкатҳои русӣ шаванд, манфиатдор аст", - зикр кард намояндаи сафорат.

Ба гуфтаи корманди аршади тавсеаи иқтисодии Барномаи рушди СММ (UNDP) дар Тоҷикистон Фирӯз Саидхоҷаев, дар давоми ин курсҳо беш аз 30 нишасти омӯзишӣ баргузор мешавад, ки дар он 70 марду зани ҷавони аз 18 то 30-сола ширкат хоҳанд кард.

Ин омӯзиш 16 ҳафта ба тӯл меанҷомад.  Хотирнишон мешавад, ки бачаҳо ба тимҳо тақсим мешаванд. Ҳар тим барои тавсеаи бахши хусусӣ бояд як идеяи тиҷорӣ эҷод кунад.

“Дар гузашта 15 тим идеяҳои тиҷории худро дар поёни курсҳо ироа доданд ва 5 маврид аз онҳо роҳандозӣ шуд. Онҳо дар ҳоли ҳозир кор мекунанд", - гуфт Саидхоҷаев.

Матлуба Солеҳова, мудири созмони хайрияи “Пешрафт”, ки иҷрои тарҳи “Созандаи тиҷорат”-ро ба зимма дорад, гуфт, афсонаҳои зиёде вуҷуд доранд, ки дар Тоҷикистон роҳандозии тиҷорат ё бизнес хеле мушкил аст, аммо ин фақат фаҳмишҳои ғалат ҳастанд, ки ҷавонон ба он чӣ мардум мегӯянд, гӯш медиҳанд.

“Ҳангоми мусоҳибаҳо аз ҷавонон як суол доштем, ки шумо чӣ монеаҳоеро дар фаъолиятҳои соҳибкорӣ мебинед. 90%, тақрибан ҳама гуфтанд, ки андоз. Саволи баъдӣ ин буд: манзури шумо чист? Кадом андоз? Чӣ қадар аз кадом ҳаҷми гардиш бояд андоз супоред? Маълум шуд, ки аксарият огаҳӣ надоранд. Ҳадафи мо маҳз ин аст, ки ҷавонон аз воқеиятҳо огоҳ шуда, дар шурӯъи тиҷорати худ ҷасорат пайдо кунанд”, - гуфт Матлуба Солеҳова.

Тибқи иттилои Кумитаи давлатии сармоягузорӣ ва идораи амволи Тоҷикистон, дар ин кишвар беш аз 300 ҳазор воҳиди тиҷорӣ вуҷуд дорад. Бар асоси иттилооти Утоқи тиҷорат ва саноати Тоҷикистон, дар соли 2019 саҳми бахши хусусӣ дар тавлиди нохолиси дохилӣ (ТНД) 70 дарсад буд.

Гуфтанист, ки Русия яке аз пешгомон дар заминаи мусоидат ба рушди Тоҷикистон, аз ҷумла дар чаҳорчӯби барномаҳои ҷавонон аст. Бар асоси иттилооти сафорат Русия дар ҷумҳурӣ, 21 ҳазор шаҳрванди Тоҷикистон дар донишгоҳҳои Русия таҳсил мекунанд, 12 ҳазор нафар аз онҳо аз буҷа таъмини молӣ мешаванд.

132
Барчаспҳо:
соҳибкорон, таълим, Русия, Тоҷикистон
Президент Республики Таджикистан Эмомали Рахмон

Раҳмон гуфт, дар даҳ сол барои рушди Хатлон чӣ қадар пул масраф шудааст

154
Раисҷумҳури Тоҷикистон ахиран дар ноҳияи Данғара дар муоқот бо сокинони вилояти Хатлон таъкид дошт, ки мақомот барои рушди иҷтимоиву иқтисодии вилоят дар давоми даҳ сол наздик ба 20 миллиард сомонӣ равона кардааст

ДУШАНБЕ, 30  май — Sputnik. Эмомалӣ Раҳмон, раисҷумҳури Тоҷикистон таъкид дошт, ки ҳукумати кишвар ба рушди соҳаҳои иҷтимоиву иқтисодии вилояти Хатлон ҳамчун яке аз минтақаҳои калонтарани саноатию кишоварзӣ ҳамеша таваҷҷуҳи хосса зоҳир мекунад, иттилоъ додааст дафтари матбуоти раисҷумҳур.

Вай афзуд, ки дар даҳ соли охир аз ҳамаи сарчашмаҳои маблағгузорӣ барои рушди иҷтимоиву иқтисодии вилоят қариб 20 миллиард сомонӣ равона шудааст, ки 80 фоизи он аз ҳисоби буҷети давлатӣ мебошад.

Раҳмон тасвиб кард: то 2021 дар тамоми шаҳру навоҳӣ беморхонаи сироятӣ бунёд мешавад

Инчунин вай афзуд, татбиқи барномаҳои пешбинишуда имкон додааст, ки сатҳи камбизоатӣ дар вилоят аз 50,2 дарсад соли 2009 ба 32,7 фоиз дар соли 2019 коҳиш дода шавад.

“Бо назардошти он ки иқтидорҳои мавҷуда дар вилояти Хатлон ҳанӯз ба таври кофӣ истифода нашуда истодааст”, - гуфт Эмомалӣ Раҳмон.

Дар ҳамин ҳол, раисҷумҳур роҳбарони вилоят ва шаҳру ноҳияҳои Хатлонро вазифадор намуд, ки якҷо бо вазорату идораҳои дахлдор дар асоси таҳлили ҳамаҷониба ва бо дарназардошти ҳадафҳои стратегии кишвар дар самти таҳияи барномаҳои рушди иҷтимоиву иқтисодӣ барои солҳои минбаъда тадбирҳои зарурӣ андешанд ва бо ҷалби сармояи мустақим сарчашмаҳои маблағгузории лоиҳаҳоро дар ҳамкорӣ бо шарикони рушд ва сармоягузорону соҳибкорони ватаниву хориҷӣ дарёфт намоянд.

Инчунин, Эмомалӣ Раҳмон таъкид дошт, ки дар даврони истиқлол дар вилоят 531 корхонаи нави саноатӣ бунёд гардида, аз 75 корхонаи саноатии соли 1991 ба 606 корхона дар соли 2020 расонида шудааст.

“Танҳо тайи шаш соли охир дар ҳудуди вилоят 291 корхонаву коргоҳҳои саноатии нав бо 6900 ҷойи нави корӣ таъсис дода шудааст”, қайд кард раисҷумҳур.

Вай афзуд, имрӯз шумораи кормандон дар корхонаҳои саноатии вилоят нисбат ба соли 1991 ду баробар зиёд мебошад, аммо ин нишондиҳанда ҳамагӣ 2,8 фоизи шумораи умумии аҳолии дар иқтисодиёт машғулбудаи вилоятро ташкил медиҳад.

Дар корхонаҳои саноатии вилоят танҳо 90 намуди маҳсулот истеҳсол мешавад, ки ҳанӯз қонеъкунанда нест.

154
Барчаспҳо:
Эмомалӣ Раҳмон, Раисҷумҳур, иҷтимоӣ, иқтисод, рушд, мақомот, Хатлон, Данғара, Тоҷикистон
Женщина ест лапшу

Ширкатҳои “Gallina Blanca” “Доширак” ва "Маги" ба ширкати “Хуҷанд-Агро” чӣ робита доранд?

180
(Таҷдидшуда 13:32 30.05.2020)
Корхонаи “Хуҷанд-Агро” бо маблағгузории соҳибкорони ватанӣ ва ҷалби сармояи хориҷӣ, ки зиёда аз 3,5 миллион сомониро ташкил медиҳад, бунёд шудаааст

ДУШАНБЕ, 30  май — Sputnik.  Дафтари матбуоти мақомоти шаҳри Хуҷанд таъкид доштааст, ки маҳсулоти истеҳсолшудаи корхонаи “Хуҷанд-Агро” , ки аз лиҳози экологӣ тоза арзёбӣ мешавад, асосан ба хориҷи кишвар, аз ҷумла Русия, Қазоқистон, Украина ва Аврупо содирот карда мешавад.

манбаъ таъкид доштааст, ки харидорони маҳсулоти ин корхона ширкатҳои маъруфи “Gallina Blanca” “Доширак”, “Маги” ва як қатор тарабхонаҳои брендии Руссияву Аврупо мебошанд, ки асосан барои омода кардани хӯрокҳои зудтайёр онро истифода мебаранд.

Корхонаи “Хуҷанд-Агро” бо истифода аз технологияи муосири истеҳсоли Русия, Чин, Украина ва Олмон асосан дар коркарди меваю сабзавот, ба монанди сабзӣ, лаблабу, карам, пиёз, каду, сирпиёз, се намуди кабудӣ, картошка, лиму ва себ ба роҳ монда шудааст.

Манбаъ зикр кардааст, ки ин корхона иқтидор дорад, ки дар як шабонарӯз аз 10 то 12 тонна меваю сабзавоти тару тоза мавриди коркард намояд.

“Корхона маҳсулоти кишоварзиро аз хоҷагиҳои деҳқонии вилоятҳои Суғду Хатлон ба тариқи яклухт дастрас намуда, дар се марҳила бо технологияи муосир тоза карда, дар ҳарорати 100 дараҷа пухта, реза ва хушк мекунад. Ҳамчунин дар худи корхона маҳсулоти тайёр мувофиқ ба талаботи бозори ҷаҳонӣ банду баст карда мешавад”, - қайд намудааст манбаъ.

Тибқи иттилои мақомоти шаҳри Хуҷанд алҳол дар корхона пиёзҳои истеҳсоли вилояти Хатлон ба миқдори калон мавриди коркард қарор дорад ва қарор аст, ки он ба хориҷи кишвар содирот шавад.

Дар ҳамин ҳол, раиси вилояти Суғд Раҷаббой Аҳмадзода ба роҳбарияти корхона дастур дод, ки дар ин корхона сафи кормандонро зиёд намоянд ва   бо истифода аз фаровонии ҳосили имсола аз тамоми минтақаҳои кишвар маҳсулоти хомро ҷамъоварӣ ва барои коркард захира намояд.

180
Барчаспҳо:
маблағгузорӣ, ширкат, сармоя, соҳибкор, корхона, Тоҷикистон
Строительство аквапарка в Варзобе

Ширкати чинӣ даст кашид: Ҳукумати Хуҷанд гуфт, сокинон то охири сол соҳиби хона мешаванд

0
(Таҷдидшуда 22:31 30.05.2020)
Ҳукумати шаҳри Хуҷанд сокинонеро, ки заминҳои наздиҳавлигиашон барои бунёди "Чайна тавн" тахриб шуда буд, муҳоҷирони экологӣ номида, гуфтааст, ки онҳо то охири соли равон соҳиби манзил мешаванд

ДУШАНБЕ, 30 мая — Sputnik. Шаҳрдории Хуҷанд дар пайи нашри гузориш дар бораи боз истодани сохтмони шаҳраки чинӣ дар Хуҷанд посухе навишта, ба сокинон ваъдаи манзил кардааст. 

Манбаъ, ин қазияро айби ширкати чинӣ хондаву сабабшро ин иқдоми ширкатро баланд будани сатҳи оби зеризаминии мавзеъ гуфтааст.

"Бояд қайд намоем, ки ин сохтмон на бо айби МИХД шаҳри Хуҷанд, балки дар асоси даст кашидани ширкати чинӣ аз оғози сохтмон рӯйи кор омадааст. Ширкати чинӣ омили асосии даст кашидани сохтмони шаҳракро бинобар баланд будани сатҳи оби зеризаминӣ дар мавзеъи сохтмон арзёбӣ карда, аз ҷиҳати иқтисодӣ идомаи онро зери суол қарор бурд", - омадааст дар изҳороти шаҳрдорӣ.

Манбаъ таъкид мекунад, кииҷорапулии сокинонро феълан шаҳрдорӣ пардохт мекунад.

Шаҳрдорӣ хабар медиҳад, ки баъди бекор намудани қарори вобастакунии замин ба ширкати "Ҳусноро1" ҳанӯз соли гузашта дар маҳалаи 18-уми шаҳри Хуҷанд ба сохтмони бинои истиқоматиии 9 ошёна барои мардуме, ки аз ширкати чинӣ ноумед шуданд, оғоз карда шуда, шаҳрдорӣ барои ин 27 миллион сомонӣ ҷудо кардааст.

"Бино бо маблағгузории Мақомоти иҷроияи ҳокимияти давлатии шаҳри Хуҷанд бунёд гардида, аз 9 ошёна ва таҳхона иборат мебошад. Дар умум 72 манзили истиқоматӣ иборат аз 1,2,3-хуҷрагӣ бунёд мегардад. Қисмати асосии бино бунёд шудааст. Интизор меравад, ки бинои мазкур соли ҷорӣ мавриди истифода қарор гирифта, шаҳрвандони номбурда соҳиби манзили истиқоматӣ хоҳанд шуд", - тавзеҳ медиҳад шаҳрдорӣ.

Гуфта мешавад, тибқи нақшаи генералии шаҳр, заминҳе, ки барои "Чайна тавн" ҷудо шуда буданд, ба ихтиёри шаҳрдорӣ гирифта шуда, дар зудтарин фурсат дар ин макон мавзеъи истироҳату фароғат ва дигар инфрасохтори шаҳрдорӣ бунёд карда мешавад.

Ваъдаҳои хушку интизории чорсола: чаро “China Town” дар Хуҷанд сохта нашуд?

0