Президент Республики Таджикистан Эмомали Рахмон и президент Узбекистана Шавкат Мирзиеев

Таъсиси Фонд: Тошканд тафсилоти бештари суҳбати Раҳмону Мирзиёевро гуфт

1055
(Таҷдидшуда 10:55 05.04.2020)
Дафтари матбуоти Шавкат Мирзиёев, раисиҷумҳури Ӯзбекистон, тафсилоти бештари суҳбати телефонӣ бо Эмомалӣ Раҳмон, раисиҷумҳури Тоҷикистонро нашр кардааст, ки таъсиси Фонди муштарак аз мавзӯъҳои меҳварии он будааст

ДУШАНБЕ, 5 апр — Sputnik. Дар суҳбати Раҳмон ва Мирзиёев аҳамияти тезондани таъсиси Фонди муштарак, ки ба татбиқи лоиҳаҳои муфиди тарафайн машғул мешавад, таъкид гардид, хабар дод котиботи раисиҷумҳури Ӯзбекистон.

Дурнамои рушди ҳамкориҳо миёни пойтахтҳо - Тошканду Душанбе аз мавзӯъҳои меҳварии дигари ин суҳбат будааст. Манбаъ афзуд, ки роҳбарони ду кишвар роҳҳои густариши ҳамкориҳо дар бахши иқтисоду тиҷорат, сармоягузорӣ, бонку молия ва фарҳангу маорифро баррасӣ намудаанд.

Таъкид ба лоиҳаҳои муштарак дар ҳолест, ки яке аз тарҳҳои бузурги Тоҷикистону Ӯзбекистон бунёди нарӯгоҳҳо дар дарёи Зарафшон мебошад.

Вазорати энергетикаи Ӯзбекистон ахиран гуфт, дар назар аст, аввал нерӯгоҳи барқи обии Ёвон бо арзиши 282 миллион доллари амрикоӣ бо иқтидори 140 Мвт ва 700-800 миллион кВт/соат бунёд гардад.

Дар марҳилаи баъдӣ сохтмони нерӯгоҳ дар дарёи Фондарё баррасӣ мешавад, ки арзиши лоиҳавии он 270 миллион доллар ва иқтидораш 135 МВТ-ро ташкил медиҳад.

Ба иттилои манбаъ, маблағгузории сохтмони ду нерӯгоҳ аз ҳисоби пули қарзу грант ва саҳми ҷонибҳо дар хазинаи оинномавии нерӯгоҳҳои бунёдшаванда дар назар аст.

Мақомоти Ӯзбекистон таъкид намудаанд, ки нерӯгоҳҳои мазкур то 1400 миллион кВт/соат нерӯи аз нигоҳи экологӣ тозаро, танҳо барои бароварда кардани эҳтиёҷоти Ӯзбекистон тавлид хоҳанд кард.

Инчунин аз аҳамияти нерӯгоҳҳо барои низоми ягонаи энергетикии Осиёи Марказӣ гуфта шудааст.

1055
Барчаспҳо:
иқтисод, ҳамкорӣ, таъсис, сохтмон, нерӯгоҳсозӣ, Тоҷикистон-Ӯзбакистон
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1683
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1683
Барчаспҳо:
бозор, нуқтаи назар, Тоҷикистон
Таджикские деньги, архивное фото

Харҷро кам кунед: дастури Президент дар пайи иҷро нашудани нақшаи андоз

999
(Таҷдидшуда 20:35 31.05.2020)
Эмомалӣ Раҳмон, раисиҷумҳури Тоҷикистон дар шароити феълӣ, ки нақшаи андозу пардохтҳои ҳатмӣ иҷро нашуда истодаанд, дастур додаст, ки хароҷоти дуюмдараҷа кам карда шавад

ДУШАНБЕ, 31 май - Sputnik. Раисиҷумҳур дар мулоқот бо феъолони Хатлон гуфт, соли 2019 нақшаи андозҳо ва андози иҷтимоӣ дар вилоят 100 фоиз иҷро шудааст, вале дар чор моҳи соли 2020 иҷрои 4 намуди андоз таъмин нашудааст.

“Тамоюли пастравии ин нишондиҳанда ба сатҳи иҷтимоии вилоят таъсири манфӣ мерасонад, чунки қариб 90 фоизи қисми хароҷоти буҷети вилоят ба соҳаҳои иҷтимоӣ равона гардидааст”, - изҳор дошт Раҳмон.

Ӯ роҳбарони вилоят, шаҳру ноҳияҳо, Вазорати молия ва Кумитаи андозро муваззаф кард, ки камбудиҳои ҷойдоштаро сари вақт бартараф карда, рушди тамоми соҳаҳо, афзоиши даромади буҷет, такмили низоми андозбандӣ, таъмини шаффофият, баланд бардоштани самаранокии хароҷоти буҷет ва нигоҳ доштани вазъи мутавозини маблағгузории буҷетро таъмин намоянд.

“Дар шароити имрӯза бинобар иҷро нагардидани нақшаи андозҳо ва пардохтҳои ҳатмӣ масъулини шаҳру ноҳияҳои вилоятро зарур аст, ки ҷиҳати иҷрои босифати нишондиҳандаҳои қабулшуда, кам намудани хароҷоти дуюмдараҷа, коҳиш додани ҳаҷми бақияпулиҳои андоз, идораи самараноки амволи давлатӣ, фарогирии пурраи амалиёти молиявӣ, фароҳам овардани шароити мусоид барои соҳибкорӣ ва мунтазам дастгирӣ кардани соҳибкорон, ташаккули манбаъҳои нави андозбандӣ, ба ин васила зиёд намудани ҳаҷми воридоти маблағҳо ба буҷет ва пардохти саривақтии музди меҳнат ва нафақа пайваста чораҷӯӣ намоянд”, - таъкид кард Эмомалӣ Раҳмон.

999

Донишманд: гармо метавонад сирояти вируси коронаро коҳиш диҳад

0
(Таҷдидшуда 03:31 01.06.2020)
Донишманди ӯзбекистонӣ эълом кардааст ҳавои гарм метавонад сирояти COVID-19-ро коҳиш диҳад

ДУШАНБЕ, 1 июн - Sputnik. Сарходими илмии Пажӯҳишгоҳи илмию тадқиқотии вирусологияи вазорати тандурустӣ Хайрулло Мустафоев, эълон кардааст, ки ҳавои гарм метавонад пеши коронавирусро гирад, иттилоъ додааст рӯзномаи “Ҷумҳурият” дар истинод ба “Правда Востока”.

Вай афзудааст, ки ҳавои Ӯзбекистон торафт гарм мешавад ва дар чунин шароит вирус инкишоф ёфта наметавонад.

Карантин дар Ӯзбкистон тамдид шуд: то 15 июн

Хайрулло Мустафоев, таъкид доштааст, ки беҳтарин ҳарорат барои мавҷудияти коронавирус 5 – 8 дараҷа селсия ва на камтар аз 60 дарсад намӣ ба ҳисоб меравад.

“Дар кишвари мо иқлим хушку гарм аст. Умуман, ҳама бемориҳои шамолхӯрӣ дар давраи гармо ҳамеша аз байн мераванд”, - афзуд вирусшинос.

Ёдрас мешавем, ки тибқи омори ахири вазорати тандурустии Ӯзбекистон, дар давоми як рӯзи охир дар ин кишвар 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

0
Барчаспҳо:
коҳиш, вирус, гарм, гармо, ҳаво, донишмандон, Ӯзбекистон