Помидоры в теплице

Вазорати кишоварзӣ: сардиҳои ахир қариб нисфи сабзавоту меваро нобуд кард

391
(Таҷдидшуда 19:33 18.04.2020)
Барфрезии ахир ва шамолҳои шадид қисме аз гармхонаҳои кишварро хароб карда, ҳамакнун зарур аст қариб ҳаммаи  ниҳолҳои помидор, бодиринг ва сабзӣ бояд дубора кошта шаванд

ДУШАНБЕ, 17 апр — Sputnik. Бориши барфи шадид ва боронҳое, ки ҳафтаи гузашта дар Тоҷикистон рух дод, як қисми ҳосили мева ва сабзавотро дар саросари ҷумҳурӣ нобуд кард, хабар медиҳад РИА Новости дар такя ба Вазорати кишоварзии кишвар.

Ба иттилои манбаъ, барф ва шамоли шадид дар кишвар бисёре аз дарахтонро шикаст, гармхонаҳоро вайрон кард ва сардиҳои шабона бошад меваҳои гелос, зардолу ва олуро нобуд кард.

Манбаъ мегӯяд, сардиҳои ахир дар ҷануби Тоҷикистон ба зироатҳои пахта, нахуд, ангур ва гелос таъсир расонд. Ҳамчунин, дар ноҳияи Восеи вилояти Хатлон тухмии пахта дар майдони зиёда аз 830 гектар нобуд шуд.

Гуфта мешавад, шамолу барфрезиҳои ахир ба ҳар як деҳқон аз 35 то 40 ҳазор сомонӣ (3,5-4 ҳазор доллар) зарар расонидааст. Бар замми ин, барф 30% дарахтони мевадиҳандаро нобуд кард.

Вазорат гуфтааст, сабзавот, ки қаблан дар майдони кушод шинонда шуда буданд, сардиҳои шабро онро нобуд кард.

Ба таъкиди ин ниҳод, дар Истаравшан бештар токзорҳо зарар диданд, барф 25-30% ҳосили имконпазирро нобуд кард.

Тибқи иттилои вазорати кишоварзӣ, ҳоло ниҳолҳои қариб тамоми помидор, бодиринг ва сабзӣ бояд дубора кошта шаванд.

Ёдовар мешавем, санаи 9 апрел дар кишвар барфи ногаҳонӣ борид ва шамолҳои шадид баъди он рух дод. 

Дар пайи ин ҳодисаи табиӣ бисёре аз сокинони кишвар мегӯянд сабзавоту меваҷотро хунук зад ва ин таъсирашро ба нархҳои бозор хоҳад гузошт. 

391
Барчаспҳо:
барф, меваву сабзавот, Вазорати кишоварзӣ, Тоҷикистон
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1778
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1778
Барчаспҳо:
бозор, нуқтаи назар, Тоҷикистон
Таджикские деньги, архивное фото

Харҷро кам кунед: дастури Президент дар пайи иҷро нашудани нақшаи андоз

1043
(Таҷдидшуда 20:35 31.05.2020)
Эмомалӣ Раҳмон, раисиҷумҳури Тоҷикистон дар шароити феълӣ, ки нақшаи андозу пардохтҳои ҳатмӣ иҷро нашуда истодаанд, дастур додаст, ки хароҷоти дуюмдараҷа кам карда шавад

ДУШАНБЕ, 31 май - Sputnik. Раисиҷумҳур дар мулоқот бо феъолони Хатлон гуфт, соли 2019 нақшаи андозҳо ва андози иҷтимоӣ дар вилоят 100 фоиз иҷро шудааст, вале дар чор моҳи соли 2020 иҷрои 4 намуди андоз таъмин нашудааст.

“Тамоюли пастравии ин нишондиҳанда ба сатҳи иҷтимоии вилоят таъсири манфӣ мерасонад, чунки қариб 90 фоизи қисми хароҷоти буҷети вилоят ба соҳаҳои иҷтимоӣ равона гардидааст”, - изҳор дошт Раҳмон.

Ӯ роҳбарони вилоят, шаҳру ноҳияҳо, Вазорати молия ва Кумитаи андозро муваззаф кард, ки камбудиҳои ҷойдоштаро сари вақт бартараф карда, рушди тамоми соҳаҳо, афзоиши даромади буҷет, такмили низоми андозбандӣ, таъмини шаффофият, баланд бардоштани самаранокии хароҷоти буҷет ва нигоҳ доштани вазъи мутавозини маблағгузории буҷетро таъмин намоянд.

“Дар шароити имрӯза бинобар иҷро нагардидани нақшаи андозҳо ва пардохтҳои ҳатмӣ масъулини шаҳру ноҳияҳои вилоятро зарур аст, ки ҷиҳати иҷрои босифати нишондиҳандаҳои қабулшуда, кам намудани хароҷоти дуюмдараҷа, коҳиш додани ҳаҷми бақияпулиҳои андоз, идораи самараноки амволи давлатӣ, фарогирии пурраи амалиёти молиявӣ, фароҳам овардани шароити мусоид барои соҳибкорӣ ва мунтазам дастгирӣ кардани соҳибкорон, ташаккули манбаъҳои нави андозбандӣ, ба ин васила зиёд намудани ҳаҷми воридоти маблағҳо ба буҷет ва пардохти саривақтии музди меҳнат ва нафақа пайваста чораҷӯӣ намоянд”, - таъкид кард Эмомалӣ Раҳмон.

1043
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

89
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

89
Барчаспҳо:
ҷасад, Ватан, баргардонидан, кишварҳо, Тоҷикистон