Предприниматель из Согда открыл магазин во время пандемии

"Сад дари баста, як дари кушода" : тасмими таваккалии соҳибкор дар замони коронавирус

1892
(Таҷдидшуда 19:17 20.04.2020)
Дар ҳоле, ки аксар бозору мағоза, ошхона ва дигар марказҳои савдо дар манотиқи кишвар, ба далели камбуди муштариён аз таъсири иқтисодшикани вируси корона дар ҷаҳон муваққатан дари худро бастаанд, соҳибкори тоҷик бузургтарин маркази фурӯши либосҳоро дар Хуҷанд боз кард

ДУШАНБЕ, 20 апр – Sputnik. Алишер Сатторов бунёдгузори маркази савдои "Асл" дирӯз дар расми ифтитоҳи он ба хабарнигорон иброз дошт, ки дар чунин шароити душвор, ки вируси корона аз пои иқтисоди ҷаҳон доштааст ба фаъол сохтани маркази савдо аз лиҳози иқтисодӣ рискҳои зиёд дорад, вале ӯ, умедвор аст ин ҳама сахтиҳо муваққатӣ асту рӯзе самараи заҳматашро хоҳад дид.

"Асл" дар канори бозори "Панҷшанбе" дар ҷое ба фаъолият шурӯъ намудааст, ки кор дар ин макон солҳо ба ин тараф боз монда буд. Ҳоло ин маркази савдо бо фарогирии бештар аз 650 метри мураббаъ яке аз калонтарин марказҳои фурӯши либосҳои мардона дар Хуҷанд гуфта мешавад, ки аз тагпуш то сарпуш, имкони хариддории ҳама намуд либосҳоро бо тарзи ҷадид барои хариддорон фароҳам овардааст.

"Бартарии кори мо, ин ҷо дар он аст, ки хариддор метавонад аз як макон ҳама намуд либосҳои ба худ лозимро бо сарфа намудани вақт ва ҳам маблағ хариддорӣ намояд. Фарз кардем, вақте хариддор пойафзолро аз як мағоза ва куртаро аз мағозаи дигар хариддорӣ мекунад, ин барои ӯ гарон меафтад. Қоидаи савдо аст, ки як хариддор вақте ҳама либосҳои лозимиро аз як ҷо мехарад, табиист, ки барои ӯ тахфиф дода мешавад, мо ҳоло ин имкон фароҳам намудем", - афзуд Сатторов.

Ин маркази савдо аз шуъбаҳои зиёди фурӯши либос иборат будааст, ки дар ҳар яки он то 250 навъи мол аз ҷумлаи ҷӯробҳо, куртаҳо, шиму костюм, либосҳои варзишӣ, пойафзоли сабук, тагпӯшҳо, пойафзоли расмӣ ва либосҳои дигар мавҷуд будааст.

Бино ба гуфти Сатторов, инчунин молҳоро онҳо умдатан аз кишвари Туркия ворид мекунанд, ки аз лиҳози муд ва сифат тафовут доранд. Қарор аст, дар як бахши ин макон минбаъд дар радифи молҳои воридотӣ маҳсули ширкатҳои ватанӣ низ ба фурӯш гузошта шавад.

1892
Барчаспҳо:
вируси нав, соҳибкор, Суғд
Мавзуҳо:
Пайомадҳои COVID-19 дар Тоҷикистон ва ҷаҳон (738)
Здание Национального банка Таджикистана, архивное фото

Бонки миллӣ арзиши рубл, доллар ва евроро барои имрӯз эълон кард

393
Бонки миллии Тоҷикистон арзиши сомониро нисбат ба асъори хориҷӣ барои имрӯз 24 сентябр эълон кардааст

ДУШАНБЕ, 24 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1341 сомонӣ  нишон дода шудааст.

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

Ин ниҳод қурби миёнаи фурӯши 1 доллари ИМА дар  муассисаҳои қарзии Тоҷикистонро аз 10.3282 то 10.3300 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.0747 то 12.5000 сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1341 то 0.1390 сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 10.3282 сомонӣ, 1 евро – 12.0747 сомонӣ, 1 рубли русӣ — 0.1341  сомонӣ.

Дурнамои асъор: иқтисоддонҳо гуфтанд, то соли 2023 бо сомонӣ чӣ хоҳад шуд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

393
Барчаспҳо:
евро, сомонӣ, рубл, қурби асъор, Бонки миллӣ
Денежные купюры.

Коҳиши рублу евро ва ҷаҳиши доллар: Бонки миллӣ арзиши асъори хориҷиро эълон кард

405
(Таҷдидшуда 10:02 23.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рублу евро дар бозори асъори кишвар дар ҳоли коҳишёбӣ буда, доллар боз гаронтар шудааст

ДУШАНБЕ, 23 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1354 сомонӣ  ва дар бозори нақд бошад 0.1390 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3278 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.1300 то 12.5000 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1395 то 0,1415 сомонӣ муқаррар кардааст.

Дар “Спитаменбонк” бошад арзиши 1 рубл аз 135 то 143 ва дар “Алифбонк” бошад 1 рубл аз 0,1350 то 0,1440 сомонӣ нишон дода шудааст.

Бонки миллӣ “Тоҷиксодиротбонк” ва “Агроинвестбонк”-ро варшикаста эълом нахоҳад кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

405
Барчаспҳо:
евро, доллар, сомонӣ, рубл, қурби асъор, Бонки Миллӣ

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия