Председатель города Канибадама Зафарбек Давлатзода

Мақомоти Конибодом: дар соли равон аз 43 корхонаи саноатӣ 22 корхона фаъолият накард

873
Раиси шаҳри Конибодом Зафарбек Давлатзода дар ҷаласаи оид ба натиҷаҳои рушди иқтисодиву иҷтимоӣ дар семоҳаи якуми соли равон таъкид дошт, ки гарчанде дар аксарияти соҳаҳо пешравӣ ба назар мерасад, аз 43 корхонаи саноатӣ 22 корхона фаъолият накардааст

ДУШАНБЕ, 26 апр — Sputnik. Бино бар иттилои дафтари матбуоти мақомоти шаҳри Конибодом, дар ҷаласаи мазкур зикр гардидааст, ки нақшаи воридоти андозҳо ва пардохтҳо 101 фоиз, андози иҷтимоӣ 100 фисад, андозҳо 101 дарсад иҷро гардидааст.

Аммо ба гуфтаи мақомоти шаҳри Конибодом гарчанде дар аксарияти соҳаҳо пешравӣ ба назар расад ҳам, бақияи қарзи андоз афзоиш ёфта, аз 43 корхонаи саноатӣ 22 корхона фаъолият накардааст.

Гуфта шудааст, ки раиси шаҳр Зафарбек Давлатзода натиҷаи фаъолияти кулли соҳаҳоро мавриди таҳлил қарор дода, назди масъулин барои ислоҳи камбудиҳо, аз ҷумла, таваҷҷуҳ зоҳир намудан ба тухмии босифати пахта, андешидани тадбирҳо барои мубориза алайҳи малах, бунёди боғҳои нав, гармхонаву сардхона, ҳалли муаммои истифодаи замини ҶС “Сайҳун”, афзоиш бахшидани истеҳсоли шир, беҳбудии ҳолати мелиоративии заминҳои киштшаванда дастуру супоришҳои мушаххас дод.

Инчунин раиси Конибодом ба масъулин супориш дод, ки сохтмони синфҳои иловагӣ, таъминоти мактабҳо бо мизу курсӣ ва компютер, пешгирии ҷудошавии оилаҳо, ба роҳ мондани фаъолияти корхонаҳои равғанбарорӣ, марказҳои атласу адрасбофӣ, ҳунарҳои мардумӣ, вусъат бахшидани корҳои сохтмонӣ дар иншоотҳои ҷашнӣ, азнавсозии боғи марказии шаҳр, даъвати ҷавонон ба хизмати ҳарбӣ таъмин гарданд.

873
Барчаспҳо:
корхонаҳои саноатӣ, фаъолият, корхона, пешравӣ, рушди иқтисод, ҷаласа, Конибодом
Таджикские фрукты и овощи в Декхане

Гардиши савдои Тоҷикистон бо кишварҳои ИДМ аз як миллиард доллар гузашт

68
(Таҷдидшуда 15:51 10.08.2020)
Аз рӯи натиҷаҳои нимсолаи якуми соли ҷорӣ, Тоҷикистон танҳо бо се кишвари ИДМ гардиши савдояш афзоиш ёфтааст

ДУШАНБЕ, 10 авг — Sputnik. Тибқи гузориши Агентии омори назди президенти ҷумҳурӣ, тиҷорати Тоҷикистон бо кишварҳои ИДМ дар нимсолаи аввали соли 2020 беш аз 1,1 миллиард долларро ташкил додааст.

Тибқи маълумоти ин ниҳод, савдо бо кишварҳои ИДМ 53,9% гардиши умумии муомилотро ташкил додааст.

Гуфта мешавад, ки нишондиҳанда барои нимсолаи аввали соли 2020 баробар дар ҳамин давраи соли 2019 буд.

Ба таъкиди Агентии омор, афзоиши савдо танҳо бо кишварҳои Белорус (56%), Қазоқистон (8,3%) ва Молдова (7,5%) ба қайд гирифта шудааст.

Савдои хориҷӣ дар Суғд : воридот зиёду содирот кам

Бо кишварҳои дигари ИДМ савдо дар нимаи аввали соли 2020 поин рафтааст.

Ёдовар мешавем, ки Русия дар гардиши савдои хориҷии Тоҷикистон дар ҷои аввал қарор дорад: аз моҳи январ то май муомилоти мол миёни кишварҳо қариб 421 миллион долларро ташкил додааст.

68
Люди в масках в городе

БОР барои мубориза бо COVID-19 ба Тоҷикистон иловатан 2,5 миллион доллар медиҳад

63
(Таҷдидшуда 11:27 10.08.2020)
Бонки Осиёии Рушд (БОР) ба Тоҷикистон дар ҳаҷми 2,5 миллион доллар барои мубориза бо коронавирус гранти иловагӣ хоҳад дод

ДУШАНБЕ, 10 авг — Sputnik.  Бино ба иттилои сомонаи ташкилот, тасмими додани бурсия тасдиқ шуда, он  аз фонди Осиёии Уқёнуси Ором оид ба вокуниш ба офатҳои барои дастгирии минбаъдаи вокуниши ҳукумат ба пандемияи коронавирус ҷудо карда мешавад.

"БОР комилан омода аст ба Тоҷикистон дар коҳиш додани таъсири пандемия ба саломатӣ ва иқтисодиёти кишвар мусоидат кунад" гуфт Прадеп Сривастава, намояндаи доимии ташкилот дар Тоҷикистон.

“Гранти мазкур ба Тоҷикистон дар хариди лавозимоти тиббии таъҷилӣ барои мубориза бо COVID-19 тибқи нақшаи миллии вокуниш кӯмак хоҳад кард. Мо ҳамкории зичро бо ҳукумат ва дигар шарикони рушд идома хоҳем дод, то барои вокунишҳои ҳамоҳангшуда ва самарабахш кӯмак расонем ” ,- гуфтааст, намояндаи бонк дар Тоҷикистон.

Ба иттилои манбаъ, гранти нав, аз ҷониби ҳукумати Ҷопон маблағгузорӣ шуда, барои беҳтар кардани ташхиси лабораторӣ ва озмоишҳо дар Тоҷикистон истифода мешавад.

Ҳамзамон, он хариди таҷҳизоти тиббӣ ва тадбирҳои дигарро барои кӯмак расонидан ба ҳукумат дар бартараф сохтани камбудиҳои шадид дар вокуниш ба пандемия пешбинӣ мекунад.

Мақомоти Тоҷикистон қаблан низ гуфта буданд, ки дар асоси созишномае БОР то охир сол ба кишвар 50 миллион доллар медиҳад.

БОР барои дастгирии муҳоҷирон ва занони Тоҷикистон 30 миллион доллар медиҳад

Файзиддин Қаҳҳорзода, вазири молияи Тоҷикистон гуфт, ки маблағи мазкур барои рӯйпӯш намудани хароҷоти давлатӣ ва идоракунии молиявӣ, амалӣ намудани ташаббусҳо вобаста ба ҳифзи иҷтимоии аҳолӣ, инчунин, маблағгузории чорабиниҳо вобаста ба пешгирӣ ва табобати пандемияи бемории сироятии COVID — 19 масраф карда мешавад.

Татбиқи созишнома то охири соли молиявии 2020 ба нақша гирифта шудааст.

63
Сотрудник милиции проверяет салон маршруток в Душанбе

Пулис сокини 30 - солаи Кӯлобро меҷӯяд: аз чор нафар 1.5 миллион сомонӣ гирифту ғайб зад

0
Кормандони Вазорати умури дохилии Тоҷикистон сокини 30 - солаи Кӯлобро меҷӯянд, ки дар фиреби 4 мард муттаҳам дониста мешавад

ДУШАНБЕ, 11 авг – Sputnik. Аз болои сокини 30 - солаи шаҳри Кӯлоб марди 40 - сола, ки низ аз ҳамин шаҳр мебошад, ба ШВУД дар шаҳри Кӯлоб муроҷиат намуд, хабар медиҳад котиботи ВУД.

Бар тибқи даъвои сокини Кӯлоб, ҷавони 30 - сола соли гузашта ба боварияш даромада аз ӯ 1 миллиону 147 ҳазору 500-сомонӣ гирифта, ғайб задааст.

Зимнан, ин ҷавон бо ҳамин тарзу усул бо роҳи фиреб ба воситаи шахси сеюм ба боварии марди 34 - солаи сокини ҳамин шаҳр даромада, аз ӯ 88 ҳазор сомониро гирифта, барнагардондаст.

Раис аз дасти коргар фиреб хурд: боздошти корманди ширкати “Афзалият-Групп” барои қаллобӣ

Инчунин ӯ бо роҳи фиреб ба воситаи марди 34 - сола ба боварии марди 32 - солаи сокини шаҳри мазкур даромада, аз ӯ 115 ҳазор сомонӣ гирифта, маблағи мазкурро ба эҳтиёҷоти шахсиаш сарф намудааст.

"Боз ӯ бо роҳи фиреб ба боварии марди 30 - солаи сокини ҳамин шаҳр даромада, ба воситаи ӯ аз марди 34 - солаи сокини ҷамоати деҳоти Балхоби ноҳияи Муъминобод, 234 ҳазор сомонӣ, чорвои майдаи шохдор гирифта ба эҳтиёҷоти шахсиаш сарф намудааст", - таъкид мешавад дар хабар.

ВУД Тоҷикистон тавзеҳ медиҳад, ки  дар маҷмӯъ номбурда ба шахсони дар боло зикршуда, маблағи умумии 1 миллиону 584 ҳазору 500  сомонӣ зарари махсусан калони моддӣ расонидааст.

Манбаъ меафзояд, нисбати гумонбаршаванда бо моддаи 247 қисми 4 банди "б"-и Кодекси ҷиноии Тоҷикистон парвандаи ҷиноятӣ оғоз гардида, тафтишот идома дорад.

0
Барчаспҳо:
қаллобӣ, пулис, ҷустуҷӯ, сокин, Кӯлоб