Национальный банк Таджикистана

Ҳушдори БМТ аз хатарҳои коронавирус ба иқтисод: меъёри бозтамвилро кам кард

755
(Таҷдидшуда 14:09 04.05.2020)
Бонки миллии Тоҷикистон дар пасманзари таъсири COVID-19 меъёри бозтамвилро 1 фоиз поин бурда, аз 1 майи соли равон дар ҳаҷми 11,75 фоиз муқаррар намуд

ДУШАНБЕ, 29 апр — Sputnik. БМТ аз таъсири коронавирус ба иқтисоди ҷаҳон зикр карда, Русияро ҳамчун яке аз шарикони стратегӣ мисол овардааст, ки дар он номуайяниву ноустувории иқтисодӣ, коҳишёбии қурби рубли русӣ ва мушкилоти тиҷорати байналмилалӣ ба вуҷуд омадааст.

Бонки миллӣ бо такя ба дурнамои Хазинаи Байналмилалии Асъор иттилоъ додааст, ки дар соли 2020 иқтисодиёти Федератсияи Русия 5,5 фоиз коҳиш хоҳад ёфт.

Дар идома поинравии нархи нафт таъкид шудааст, ки ба иттилои БМТ арзиши нафт яке аз нишондиҳандаи муҳим барои иқтисодиёти Федератсияи Русия ба ҳисоб рафта, коҳишёбии он ба қурби пули миллии ин кишвар таъсири зиёд дорад.

Ин ниҳод илова кардааст, ки COVID-19 ба иқтисоди Тоҷикистон низ бинобар зиёд шудани таъсири омилҳои беруна зиён мерасонад.

БМТ дар мавриди хавфҳои эҳтимолӣ барои Тоҷикистон маҳдуд гардидани равобити марзӣ, коҳиш ёфтани муомилоти тиҷоратӣ, болоравии нархи молу маҳсулоти воридотӣ, кам шудани ҳаҷми сармоягузориҳо, паст шудани сатҳи даромаднокии аҳолӣ, инчунин коҳишёбии қурби пули миллӣ ва эҳтимолияти зиёд гардидани хавфҳои молиявиро зикр кардааст.

Ин ниҳоди молиявӣ таъкид намудаст, ки барои дастгирии иқтисодиёти кишвар ва пеш гирифтани сиёсати ҳавасмандгардонии монетарӣ қарор қабул карда шуд, ки меъёри бозтамвил 1 банди фоизӣ паст карда шуда, дар сатҳи 11,75 фоизи солона аз 1 майи соли 2020 муқаррар карда шавад.

755
Барчаспҳо:
Бонки Миллӣ, Тоҷикистон
Оби зулол расширяет производство

"Оби Зулол" хатҳои нави истеҳсолӣ фаъол мекунад

189
(Таҷдидшуда 17:12 03.06.2020)
Ҳангоми пурра ба кор андохтани хатҳои нави истеҳсолӣ, ки дар маҷмӯъ ба маблағи 2,5 миллион евро харидорӣ шудаанд, имкон пайдо мешавад, ки ба маблағи 120 миллион сомонӣ маҳсулоти иловагӣ истеҳсол ва беш аз 50 ҷойи корӣ таъсис дода шавад

ДУШАНБЕ, 3 июн - Sputnik. Масъулини Ҷамъияти саҳомии пӯшидаи "Оби Зулол" бо воридсозии хатҳои нави технологӣ тасмим доранд истеҳсоли маҳсулоти ғизои бачагона ва афшураҳоро ба роҳ монанд, хабар медиҳад мақомоти ичроияи ҳокимияти давлатии вилояти Суғд.

Гуфта мешавад, ки зимни боздиди раиси вилояти Суғд Раҷаббой Аҳмадзода аз корхонаи мазкур иттилоъ дода шуд, ки ҶСП "Оби зулол" бо мақсади саҳмгузорӣ дар раванди саноатикунонии мамлакат аввалин шуда, истеҳсоли маҳсулоти хӯроквории ғизои кӯдаконро дар зарфҳои "Дой-пак" ба роҳ хоҳад монд.

Бо ин мақсад корхона аз ширкати "Navatta Group"-и Италия хатти технологии "GUALAPACK"-ро ба маблағи қариб 700 ҳазор евро харидааст. Айни замон насби хатти технологӣ идома дошта, тавассути таҷҳизоти нав дар зарфҳои "Дой-пак" аз меваҳои себ, шафтолу, нок, қулфинай маҳсулот истеҳсол карда мешавад.

Дар назар аст, ки барои кӯдакон, наврасони синни томактабӣ ва ҷавонон омехтаи меваҳои пухтасоидашуда ё смузи аз гулчини меваҳо, олу, себ, шафтолу, биҳӣ, нок ва барои гурӯҳи васеи истеъмолкунандагон нок, олу, анор, олуча бо мағзи ин меваҳо истеҳсол карда шавад.

Ашёи хоми асосӣ барои маҳсулоти истеҳсолшаванда хамираи меваҳои ватанӣ маҳсуб ёфта, корхона бо хоҷагиҳо барои харидории 20 ҳазор тонна мева шартнома бастааст.

Ҳангоми пурра ба кор андохтани хатҳои нави истеҳсолӣ, ки дар маҷмӯъ ба маблағи 2,5 миллион евро харидорӣ шудаанд, имкон пайдо мешавад, ки ба маблағи 120 миллион сомонӣ маҳсулоти иловагӣ истеҳсол ва беш аз 50 ҷойи корӣ таъсис дода шавад.

Маҳсулоти истеҳсолшаванда тибқи нақша ба бозорҳои дохилӣ бароварда шуда, ҳамзамон ба Русия ва Қазоқистон содирот карда мешавад.

Пас аз шоӣ бо ҷараёни насби таҷҳизот Раиси вилоят барои пурра ба анҷом расонидани корҳо ба роҳбарияти корхона тавсияҳои судманд дод.

189
Барчаспҳо:
Тоҷикистон, Суғд
Маруф Мухаммадзода

Коронавирус ба буҷаи шаҳри Хуҷанд таъсир кард: шаҳр ба мушкилоти муваққатӣ рӯ ба рӯ шуд

380
(Таҷдидшуда 15:22 03.06.2020)
Ахиран раиси шаҳри Хуҷанд дар як ҷаласа таъкид доштааст, ки паҳншавии вируси корона дар Хуҷанд ба фаъолияти як қатор субектҳои андозсупор таъсир гузошта, мушкилоти муваққатиро пеш овардааст

ДУШАНБЕ, 3 июн - Sputnik. Бино бар иттилои дафтари матбуоти раиси шаҳри Хуҷанд, Маъруф Муҳаммадзода, раиси шаҳри Хуҷанд дар ҷаласаи навбатӣ барои вазъи иҷрои буҷаи давлатӣ ва маҳаллӣ ба масъулини дахлдор, ҷиҳати ҳалли мушкилоти ба миёномада дастуру супоришҳо дод.

Вай таъкид доштааст, ки бинобар паҳн ёфтани бемории короновирус ва аз фаъолият бозмондани як қатор субектҳои андозсупор, бахусус корхонаҳои саноатӣ дар ин ҷода мушкилоти муваққатиӣ пеш омадааст.

Шаҳрдор дастур дод, ки бинобар кам шудани шиддати бемориии короновирус тамоми корхонаҳои шаҳр бо риояи қоидаҳои беҳдоштӣ ба фаъолияти пурсамар гузаранд.

Дафтари матбуоти шаҳри Хуҷанд қайд кардааст, ки оғози фаъолияти дигар нуқтаҳои савдо, аз ҷумла мағозаҳо ба истиснои бозору ошхонаву тарабхонаҳо мувофиқи мақсад дониста шуд.

Дар ҷаласа таъкид шудааст, ки фаъолияти муназзами бахши иқтисодӣ таъмини маоши кормандони соҳаи буҷа ва нафақагирон вобастагии зиёд дорад. Ҳамзамон бидуни он ба вусъатбахшии корҳои созандагию бунёдкорӣ, ободонию кабудизоркунӣ, таъмиру тармими биноҳои маъмурию истиқоматӣ, тароватбахшии кўчаву хиёбонҳо, гулгашту боғҳои фарҳангию мавзеъҳои истироҳатӣ коре анҷом дода намешавад.

Раиси шаҳри Хуҷанд дар маҷлис барои истиқболи сазовори ҷашни Ваҳдати миллӣ ва ифтитоҳи якчанд иншоот ба муносибати ин ҷашни умумимиллӣ масъулини дахлдорро дастуру супоришҳо дод.

Ҳамзамон вай гуфт дар ҳудуди шаҳри Хуҷанд барои сазовор пешвоз гирифтани 30 солагии Истиқлолияти Тоҷикистон силсилаи корҳои ободониву созандагӣ бомаром идома дорад.

380
Барчаспҳо:
буҷа, таъсир, муваққат, мушкилот, вирус, паҳншавӣ, ҷаласа, Хуҷанд, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Ду донишҷӯи тоҷик мубталои коронавирус шуда, ба бемористон бистарӣ шуданд

0
Ду донишҷӯи тоҷик дар шаҳри Рибински вилояти Ярослав дар пайи сироятёбӣ аз коронавирус зери табобати пизишкон фаро гирифта шуданд

ДУШАНБЕ, 3 июн — Sputnik. Ду донишҷӯи тоҷикистонӣ дар вилояти Ярослав пас аз натиҷаҳои мусбии тахшиси коронавирус дар беморхонаи шаҳрӣ зери назорати табибон қарор гирифтанд.

Дар ин бора нашрияи минтақавии Рибинск хабар медиҳад.

"Ду донишҷӯ, шаҳрвандони Тоҷикистон ба беморхона интиқол ёфтанд. Ташхиси коронавирус дар бадани онҳо мусбӣ будаст. Аммо нафаре аз онҳо ягон нишанаи бемориро надоштаанду феълан худро хуб ҳис мекунанд", - менависад нашрия.

Ҳарду донишҷӯ ҳам дар хобгоҳи донишгоҳ зиндагӣ мекарданд. Бино бар сабаби карантин ва баста шудани роҳҳо натавонистанд ба Тоҷикистон раванд.

Боқимонда донишҷӯёне, ки дар ҳамин хобгоҳ зиндагӣ мекарданд, аз ташхис гузаштанд. Онҳо зери назорати табибон қарор доранд.

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

 

133 донишҷӯи дигар ба карантини 14-рӯза фаро гирифта мешаванд.

 

0