Эмомалӣ Раҳмон гуфт, чӣ қадар интиқоли пул аз Русия ба Тоҷикистон коҳиш ёфт

© Sputnik / Екатерина ЧесноковаТерминал оплаты банковскими картами и денежные купюры, архивное фото
Терминал оплаты банковскими картами и денежные купюры, архивное фото - Sputnik Тоҷикистон
Обуна шудан
Паст шудани интиқоли маблағ метавонад якчанд моҳ идома ёбад ва боиси афзоиши бекорӣ дар Тоҷикистон гардад

ДУШАНБЕ, 8 май – Sputnik. Ҳаҷми интиқоли пул аз Русия ба Тоҷикистон дар моҳи март ва нимаи аввали апрел 50% (80 миллион доллар) коҳиш ёфтааст.

Деньги с защитной маской - Sputnik Тоҷикистон
Боз қарз: Сандуқи байналмилалии пул ба Тоҷикистон 189,5 млн. доллар дод

Эмомалӣ Раҳмон, раисиҷумҳури Тоҷикистон ин нуктаро дар як номаи дархости кумаки молиявӣ аз Сандуқи Байналмилалии Пул, ки рӯзи 29 апрел фиристодааш, изҳор доштааст.

Дар нома гуфта шудааст, ки ба ҷараёни интиқоли пул аз Русия ба маҳдудияти сафар ва нархи пасти нафт таъсир мерасонад.

Дар номаи дархостӣ ҳамчунин зикр шудааст,  ки коҳиши  ҳаҷми интиқоли пул шояд чанд моҳ давом кунад, ки ин ба коҳиши сатҳи истеъмол ва афзоиши бекорию таъсир ба бозори асъор оварда расонад.

Ин омил сабаб шуд, ки Бонки миллии Тоҷикистон маҷбур шуд, арзиши сомониро нисбат ба доллар 5% коҳиш диҳад, шарҳ дод Эмалӣ Раҳмон.

Президент пешгӯӣ кардааст,  ки  бо коҳишёбии даромадҳо ва сарфаи маблағҳо барои пешгирӣ аз паҳншавии коронавирус  афзоиши назарраси касри буҷет дар назар аст.

Ғайр аз он, ҳоло маблағҳои буҷа инчунин барои табобати нафарони бемор ва дастгирии камбизоатон равона шудааст.

Дар пайи ин номаи президенти кишвар Сандуқи Байналмилалии Пул рӯзи 6 май 189,5 миллион доллар ҷудо кардааст.

 

Лентаи хабарҳо
0