Богданов дар бораи афзоиши рубл нисбат ба сомонӣ: барои Тоҷикистон ин бад нест
(Таҷдидшуда 17:08 19.05.2020)
Олег Богданов, таҳлилгари аршади QBF гуфт, болоравии қурби рубли русӣ ба иқтисодиёти Тоҷикистон чӣ гуна таъсир хоҳад кардДУШАНБЕ, 19 май — Sputnik. Дар Тоҷикистон қурби рубли русӣ дар як рӯзи охир нисбат ба пули миллӣ - сомонӣ ба таври назаррас боло рафт. Тибқи маълумоти расмӣ Бонки миллии Тоҷикистон, як рубли русӣ аз 0.1388 то 0.1402 сомонӣ боло рафтааст.
"Аз нигоҳи гардиши савдо, пули сомонӣ арзон мешавад, рубл мутаносибан гаронтар. Аз ин рӯ ширкатҳои Русия метавонанд дар Тоҷикистон молҳои бештарро харидорӣ кунанд. Маҳсулот ва хидматрасониҳои Тоҷикистон дар Федератсияи Русия талаботи зиёд пайдо мекунад, зеро онҳо барои Русия арзон хоҳанд шуд", - гуфт Богданов ба Sputnik Тоҷикистон.
Ба гуфтаи вай, дар маҷмӯъ, барои Тоҷикистон ин бад нест.
БА таъкиди ӯ, ҳоло рубл қариб ба нуқтае, аз онафтид, баргаштан дорад. Ин аз он шаҳодат медиҳад, ки аксари сармоягузорон лозим донистпнд пз бозорҳои Русия нараванд ва, мизони коҳиш низ назаррас набуд.
"Агар мо ҳамаи асъорҳои кишварҳоро бо иқтисодиёти рушдёбанда муқоиса намоем, пас пули ҳақиқии Бразилия, лираи туркӣ хеле бадтар шуд ва рубли русӣ дар ин давраи нооромии пуршиддат барои бозори молиявӣ ба пули устувор табдил ёфт", - гуфт коршинос.
Ба гуфтаи Богданов, рубли русӣ устувориро нишон дод, рубл болоравии таваррумро дар Русия нигоҳ дошт. Аз ин рӯ, вақте ки ҳама чиз ба эътидол омад, рубл зуд натанҳо нисбати асъорҳои кишварҳои Иттиҳоди Давлатҳои Мустақил, аз ҷумла ба сомонӣ, балки ҳамчун асъори асосӣ таҳким ёфт.
"Агар вазъ дар бозорҳои ҷаҳонӣ мӯътадил боқӣ монад, пас сармоягузорон дороии Русияро интихоб мекунанд, ки фоидаи зиёд доранд", гуфт коршинос.
Барчаспҳо:
Расулзода ба 14 ободгари сахии Хатлон ҷоиза дод: ному хайри ҷоизадорон-акс
(Таҷдидшуда 19:30 20.01.2021)
Қоҳир Расулзода, сарвазири Тоҷикистон ва Қурбон Ҳакимзода, раиси Хатлон ба 14 соҳибкор ҷоизаи “Ободгари Ватан” тақдим намудандДУШАНБЕ, 20 янв — Sputnik. Тибқи иттилои котиботи ҳукумати Хатлон, Кумитаи тадорукоти озмуни вилоятии "Ободгари Ватан" дар семоҳаи чоруми соли гузашта 14 соҳибкорро ғолиб донист.
Соҳибкорони пирӯз дар чароғонкунӣ, сохтмони беморхона, роҳҳо, мактаб, майдончаҳои варзишӣ, бунёди биноҳои истиқоматӣ ва ғайра саҳм гузоштаанд.
- Шарипов Некрӯз - барои гузоштани атраксионҳо дар боғи Раҳмон Мӯрчаев воқеъ дар шаҳри Бохтар.
- Раҳматов Илҳом - барои саҳм гузоштани дар таъмири биноҳо ва чароғонкунии намои биноҳо дар ҳудуди шаҳри Бохтар.
- Раҷабов Шодиҷон - барои бунёди маркази саломатӣ дар деҳаи Деҳбаланди ноҳияи Муъминобод.
- Нозимов Хуршед- барои бунёди МТМУ №2 дар кӯчаи Рӯдакии Ҷамоати шаҳраки “Фархор”-и ноҳияи Фархор бо 2000 ҷойи хониш.
- Сайфов Сайнуриддин - барои мумфаршкунии 1,5 километр роҳи маҳаллӣ дар Ҷамоати деҳоти “Навобод”-и ноҳияи Ҷалолиддини Балхӣ.
- Гулонов Абдулҳафиз - барои бунёди майдончаи варзишӣ дар Ҷамоати шаҳраки “Балхӣ”-и ноҳияи Ҷалолиддини Балхӣ.
- Сафаров Сафаралӣ - барои бунёди бинои истиқоматии 5-ошёна, бо маркази савдо дар ошёнаи якум, дар маркази шаҳри Норак.
- Асатзода Муҳаммадалӣ - барои бунёди қаҳвахонаи “Наврӯз” дар боғи фарҳангӣ-фароғатии ноҳияи Шаҳритуз.
- Маҳмадалиев Хуршед - барои бунёди майдончаи варзишӣ дар маркази ноҳияи Шаҳритуз.
- Холов Иноят - барои бунёди бинои маркази саломатӣ дар Ҷамоати деҳоти “Ҳилолӣ”-и ноҳияи Хуросон.
- Ҷобиров Абдуҳалим - барои мумфарш намудани 13,1 км роҳи автомобилгарди РҶ-029 даромад ба маркази ноҳияи Мир Саид Алии Ҳамадонӣ.
- Қурбонов Абдураҳим - барои бунёди бинои баландошёна бо ҷойгир намудани маркази савдо дар ошёнаи якум, воқеъ дар Ҷамоати шаҳраки “Ҳулбук”-и ноҳияи Восеъ.
- Раҷабов Ориф - барои сохтмони маркази саломатӣ дар деҳаи Каромати Ҷамоати деҳоти Исмат Шарифи ноҳияи Данғара.
- Нозилов Раҷабалӣ - барои сохта ба истифода додани мактаб барои 144 ҷойи нишаст дар деҳаи Гулафшони Ҷамоати деҳоти “Оқсу”-и ноҳияи Данғара.
Ҳукумати Хатлон таъкид намудааст, ки озмуни мазкур бо мақсади иҷрои амри раисиҷумҳури Тоҷикистон оид ба омодагии ҳамаҷониба ба ҷашни 30-солагии Истиқлолияти давлатӣ доир мегардад.
Манбаъ таъкид кардааст, ҳар семоҳа ба соҳибкорон ва шахсони саховатпешае, ки дар корҳои ободонию созандагӣ саҳми назаррас мегузоранд, тақдим мегардад.
Барчаспҳо:
Ӯзбекистон гуфт, даромадаш аз маблағи муҳоҷирон афзоиш ёфт
(Таҷдидшуда 19:27 20.01.2021)
Маблағи интиқолдодаи муҳоҷирони кории ӯзбекистонӣ дар соли 2020, ки ҷаҳонро пандемия фаро гирифт, беш аз 6 миллиард доллар эълом шуд ДУШАНБЕ, 20 янв — Sputnik. Бонки марказии Ӯзбекистон дар гузорише аз афзоиши даромади ин кишвар аз ирсоли маблағҳои коргарони муҳоҷир хабар дод, гузориш дод радиои тоҷикии Садои Хуросон ба нақл аз хабаргузории Форс.
Бонки марказии Ӯзбекистон таъкид кардааст, ки бо вуҷуди пандемия даромади гирифта аз муҳоҷирони кишвар афзоишро нишон додааст.
“Бо вуҷуди густариши корона дар кишварҳои мухталиф дар соли 2020 коргарони муҳоҷири ӯзбек 6 миллиарду 30 миллион доллар ба дохили кишвар мунтақил кардаанд”, - навиштааст манбаъ.
Бонки марказии Ӯзбекистон пешбинӣ кардааст имсол ҳам раванди интиқоли пули коргарони муҳоҷири ин кишвар рӯ ба афзоиш хоҳад буд.
Ҳақиқати нави Иттиҳоди иқтисодии АвруОсиё: оё Ӯзбекистон Тоҷикистонро аз пасаш меорад?
Ӯзбекистон аз рӯи теъдоди муҳоҷирони корияш дар Русия яке аз ҷойҳои аввалро мегирад.
Ин дар ҳолест, ки қаблан хабар дода шуд, ки интиқоли маблағи муҳоҷирони тоҷикистонӣ аз Русия ба ватан коҳиш ёфтааст.
Барчаспҳо:
Рақибони тими наврасони тоҷик дар "Ҷоми Иттиҳод" муайян шуданд
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кардДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.
“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”, - омадааст дар иттилоия.
Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.
Футбол: бозиҳои ниҳоии Ҷоми Тоҷикистон-2020 маълум шуд
Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.
Барчаспҳо: