Пункт по денежным переводам, архивное фото

Юнистрим тарофаи интиқолҳои пулиро ба Тоҷикистон барои се моҳ 40 дарсад коҳиш дод

252
(Таҷдидшуда 13:40 12.06.2020)
Бонки тиҷоратии Юнистрим эълон доштааст, ки тарофа барои интиқолҳои пулӣ бо пардохти рубл танҳо 0,95 дарсадро ташкил хоҳад дод

ДУШАНБЕ, 12 июн — Sputnik. Бино бар иттилои дафтари матбуоти Бонки миллии Тоҷикистон, дар ин давраи мушкил бонки тиҷоратии “Юнистрим” - оператори низоми пардохти ЮНИСТРИМ тасмим гирифт муштариёни худро дар Тоҷикистон дастгирӣ намояд.

Ин бонк тарофаи интиқолҳои пулии то 30 ҳазор рубли русиро аз хазинаҳои шабакаи худ ба андозаи 40 дарсад коҳиш дод.

Тибқи иттилдои Бонки миллӣ акнун тарофа барои интиқолҳои пулӣ бо пардохти рубл танҳо 0,95 дарсадро ташкил медиҳад.

Гуфта шудааст, ки тарофаи нав то охири моҳи августи соли 2020 амал хоҳад кард. Барои интиқолҳои пулӣ бо пардохти доллар ва евро оператори низоми пардохти Юнистрим тарофаи 0 дарсадиро нигоҳ дошт.

“Бонки миллӣ ба тасмими ҶС БТ “Юнистрим” доир ба коҳиш додани тарофаи худ барои шаҳрвандони кишвари мо дар робита ба пандемияи коронавирус баҳои баланд медиҳем. Акнун муштариёни Юнистрим, ҳангоми интиқоли пул ба хонаводаҳояшон метавонанд маблағҳои худро ба таври назаррас сарфа намоянд” – зикр кардааст  Ҷамолиддин Нуралиев, муовини якуми Раиси Бонки миллӣ .

Дар навбати худ Ксения Чернышева, президенти низоми интиқолҳои пулии байналмилалии Юнистрим қайд кардааст, ки бонк ҳамеша ба ниёзмандиҳои муштариёни худ таваҷҷуҳ зоҳир мекунад ва барои осон кардани ҳамгироии муҳоҷирони меҳнатӣ дар муҳити иҷтимоию иқтисодии Русия кӯшиш хоҳад кард.

Бояд қайд кард, ки анҷом додани интиқол бо тарофаи коҳишёфта дар марказҳои худии низоми пардохти Юнистрим имконпазир аст. Дар Тоҷикистон интиқол дар бештар аз 1200 марказ, ки дар Душанбе, Хуҷанд, Бохтар, Кӯлоб, Истаравшон ва шаҳрҳои дигар ҷойгиранд, дастрас мебошад.

Ба муштариёне, ки мехоҳанд пули худро тариқи онлайн ирсол намоянд, низоми пардохти Юнистрим пешниҳод мекунад аз корти Юнистрим ва бонки мобилӣ истифода баранд. Тарофаи 0,9 дарсадиро ташкил медиҳад.

252
Барчаспҳо:
бонк, коҳиш, "Юнистрим", пардохт, интиқоли пул, Тоҷикистон
Таджикские фрукты и овощи в Декхане

Гардиши савдои Тоҷикистон бо кишварҳои ИДМ аз як миллиард доллар гузашт

71
(Таҷдидшуда 15:51 10.08.2020)
Аз рӯи натиҷаҳои нимсолаи якуми соли ҷорӣ, Тоҷикистон танҳо бо се кишвари ИДМ гардиши савдояш афзоиш ёфтааст

ДУШАНБЕ, 10 авг — Sputnik. Тибқи гузориши Агентии омори назди президенти ҷумҳурӣ, тиҷорати Тоҷикистон бо кишварҳои ИДМ дар нимсолаи аввали соли 2020 беш аз 1,1 миллиард долларро ташкил додааст.

Тибқи маълумоти ин ниҳод, савдо бо кишварҳои ИДМ 53,9% гардиши умумии муомилотро ташкил додааст.

Гуфта мешавад, ки нишондиҳанда барои нимсолаи аввали соли 2020 баробар дар ҳамин давраи соли 2019 буд.

Ба таъкиди Агентии омор, афзоиши савдо танҳо бо кишварҳои Белорус (56%), Қазоқистон (8,3%) ва Молдова (7,5%) ба қайд гирифта шудааст.

Савдои хориҷӣ дар Суғд : воридот зиёду содирот кам

Бо кишварҳои дигари ИДМ савдо дар нимаи аввали соли 2020 поин рафтааст.

Ёдовар мешавем, ки Русия дар гардиши савдои хориҷии Тоҷикистон дар ҷои аввал қарор дорад: аз моҳи январ то май муомилоти мол миёни кишварҳо қариб 421 миллион долларро ташкил додааст.

71
Люди в масках в городе

БОР барои мубориза бо COVID-19 ба Тоҷикистон иловатан 2,5 миллион доллар медиҳад

64
(Таҷдидшуда 11:27 10.08.2020)
Бонки Осиёии Рушд (БОР) ба Тоҷикистон дар ҳаҷми 2,5 миллион доллар барои мубориза бо коронавирус гранти иловагӣ хоҳад дод

ДУШАНБЕ, 10 авг — Sputnik.  Бино ба иттилои сомонаи ташкилот, тасмими додани бурсия тасдиқ шуда, он  аз фонди Осиёии Уқёнуси Ором оид ба вокуниш ба офатҳои барои дастгирии минбаъдаи вокуниши ҳукумат ба пандемияи коронавирус ҷудо карда мешавад.

"БОР комилан омода аст ба Тоҷикистон дар коҳиш додани таъсири пандемия ба саломатӣ ва иқтисодиёти кишвар мусоидат кунад" гуфт Прадеп Сривастава, намояндаи доимии ташкилот дар Тоҷикистон.

“Гранти мазкур ба Тоҷикистон дар хариди лавозимоти тиббии таъҷилӣ барои мубориза бо COVID-19 тибқи нақшаи миллии вокуниш кӯмак хоҳад кард. Мо ҳамкории зичро бо ҳукумат ва дигар шарикони рушд идома хоҳем дод, то барои вокунишҳои ҳамоҳангшуда ва самарабахш кӯмак расонем ” ,- гуфтааст, намояндаи бонк дар Тоҷикистон.

Ба иттилои манбаъ, гранти нав, аз ҷониби ҳукумати Ҷопон маблағгузорӣ шуда, барои беҳтар кардани ташхиси лабораторӣ ва озмоишҳо дар Тоҷикистон истифода мешавад.

Ҳамзамон, он хариди таҷҳизоти тиббӣ ва тадбирҳои дигарро барои кӯмак расонидан ба ҳукумат дар бартараф сохтани камбудиҳои шадид дар вокуниш ба пандемия пешбинӣ мекунад.

Мақомоти Тоҷикистон қаблан низ гуфта буданд, ки дар асоси созишномае БОР то охир сол ба кишвар 50 миллион доллар медиҳад.

БОР барои дастгирии муҳоҷирон ва занони Тоҷикистон 30 миллион доллар медиҳад

Файзиддин Қаҳҳорзода, вазири молияи Тоҷикистон гуфт, ки маблағи мазкур барои рӯйпӯш намудани хароҷоти давлатӣ ва идоракунии молиявӣ, амалӣ намудани ташаббусҳо вобаста ба ҳифзи иҷтимоии аҳолӣ, инчунин, маблағгузории чорабиниҳо вобаста ба пешгирӣ ва табобати пандемияи бемории сироятии COVID — 19 масраф карда мешавад.

Татбиқи созишнома то охири соли молиявии 2020 ба нақша гирифта шудааст.

64
Паспорт гражданина США

Беш аз 5,5 ҳазор амрикоӣ аз шаҳрвандии худ даст кашиданд: сабаб дар чист?

0
Соли гузашта, ҳамагӣ 2072 амрикоӣ аз баҳри шаҳрвандии худ гузаштанд ва шаҳрвандии дигар давлатро пазируфтанд

ДУШАНБЕ, 11 авг – Sputnik. Ширкати "Бамбриҷ" дар Ню - Йорк гузорише дар мавриди афзун шудани теъдоди шаҳрвандони амрикоӣ, ки аз шаҳрвандии худ даст мекашанд, интишор намуд.

Ба гузориши ин ширкат, дар шаш моҳи аввали соли ҷорӣ дасти кам 5800 нафар аз шаҳрвандони Амрико аз баҳри шаҳрвандии худ гузаштанд.

Дар ҳоле, ки соли гузашта ҳамагӣ 2072 нафар аз шаҳрвандии худ даст кашиданд.

Манбаъ меафзояд, афроде, ки тарки шаҳрвандӣ кардаанд аз иттифоқоте, ки дар давраи раёсатҷумҳурии Доналд Трамп, раиси ҷумҳурии ин кишвар рӯй додааст, аз наҳваи мудирияти ҳамагирии корона ва сиёсатгузориҳо дар Амрико хаста шудаанд.

Трамп пешниҳод намуд, интихоботи раёсатҷумҳурӣ дар Амрико ба таъхир гузошта шавад

Бар асоси ин гузориш, ҳар шаҳрванди амрикоӣ агар дар Амрико набошад ва бихоҳад шаҳрвандии амрикоии худро канор бигузорад, бояд 2350 доллар бипардозад ва шахсан дар сафорати Амрико дар кишваре, ки зиндагӣ мекунад, ҳузур пайдо кунад.

Бамбриҷ пешбинӣ кард бо вуҷуди хатарҳое, ки дар канор гузоштани шаҳрвандии амрикоӣ вуҷуд дорад, ин раванд ҳамчунон рӯ ба афзоиш хоҳад буд.

Дар ин гузориш омадааст, агар Трамп дар интихоботи раёсатҷумҳурии ноябри имсол пирӯз шавад, мавҷи наве аз шаҳрвандонеро шоҳид хоҳем буд, ки шаҳрвандии амрикоии худро канор хоҳанд гузошт.

0
Барчаспҳо:
даст кашидан, шаҳрвандӣ, Амрико