Вывеска на здании Налогового комитета при правительстве РТ. Архивное фото

Даромади хуб доранду андоз намесупоранд: пули ҷарима беш аз 2 баробар зиёд шуд

3278
(Таҷдидшуда 14:18 13.06.2020)
Нарзулло Маликзода, ноиби раиси Кумитаи андози Тоҷикистон, андозгурезиҳо дар кишварро ба ҷаримаҳои кам барои соҳибкорӣ бидуни қайди давлатӣ рабт дод. Парлумон ҷарима барои соҳибкорӣ бидуни қайдро беш аз 2 баробар зиёд намуд

ДУШАНБЕ, 13 июн - Sputnik. Маликзода зимни ҷаласаи ахири Маҷлиси намояндагон, гуфт, 20 – 30 фоизи шахсони воқеие, ки ба фаъолияти соҳибкорӣ машғул мебошанд, бар хилофи қонунгузорӣ худро ба қайд намегиранд, ки чунин ҳолат ба интизоми андозсупорӣ таъсири манфӣ расонида, миёни соҳибкорон рақобати носолим ва мутаносибан норизогиро ба миён меорад.

Маликзода сабаби андозгурезиҳоро ба андозаи ками ҷарима рабт дод

Ноиби раиси Кумитаи андоз сабаби ин ҳолро ба камсамар будани ҷаримаҳо барои соҳибкорӣ бидуни қайди давлатӣ рабт дод, ки феълан аз 30 то 40 нишондиҳанда барои ҳисоб, муодили 1740 сомонӣ то 2320 сомониро ташкил медиҳанд.

Маликзода 1740 то 2320 сомониро кам хонда, тағйирот дар Кодекси ҳуқуқвайронкуниро пешниҳод намуд, ки бар асоси он ҷарима барои соҳибкории бидуни сабт беш аз ду баробар зиёд карда шавад.

Бар асоси тағйирот дар Кодекси ҳуқуқвайронкунии маъмурӣ, ки парлумон қабул кард, ба шахсони воқеӣ барои фаъолияти соҳибкорӣ бидуни қайди давлатӣ минбаъд ба андозаи аз 70 то 80 нишондиҳанда барои ҳисобҳо, аз 4060 то 4640 сомонӣ муқаррар шуд. Ҳангоми дар давоми як соли баъди таъини ҷазои маъмурӣ такроран содир намудани ин амал аз 130  то 150 нишондиҳанда барои ҳисобҳо, муодили  7540 сомонӣ то 8700 сомонӣ ҷарима пешбинӣ шудааст.

Ноиби раиси Кумитаи андоз мисол овард: таксистҳо

Ноиби раиси Кумитаи андоз бо гила аз андозгурезҳо таъкид кард, соҳибкорони инфиродие, ки бо патент фаъолият менамоянд, сарфи назар аз даромади бадастоварда, танҳо маблағҳои устуворро, пардохт менамоянд, навиштаст нашрияи парлумонии “Садои мардум” аз қавли Маликзода.  

“Масалан, барои мусофиркашонӣ бо таксӣ дар 1 моҳ, ҳамчунин якчанд мисоли дигар, ки маблағи калонро ташкил намедиҳад, аммо даромади хуб дорад”, - изҳор дошт ноиби раиси Кумитаи андоз.   

Маҷлиси намояндагон зиёд кардани ҷарима барои соҳибкорӣ бидуни қайдро ҷонибдорӣ намуда, тағйирот дар Кодекси ҳуқуқвайронкунии маъмурӣ қабул гардиданд.

3278
Барчаспҳо:
соҳибкорӣ, ҷарима, Кумитаи андоз, Тоҷикистон
Ведущий научный сотрудник Института экономики РАН Зарина Дадабаева

Дадабоева: Минтақаҳои озоди иқтисодии Тоҷикистон ҳоло мушкили муҳоҷиратро ҳал намекунанд

118
(Таҷдидшуда 13:00 12.08.2020)
Муҳаққиқи Институти иқтисодиёти Академияи илмҳои Русия, доктори илмҳои сиёсӣ Зарина Дадабаева шарҳ дод, ки оё имкон дорад бо кумаки Минтақаҳои озоди иқтисодӣ ҷараёни муҳоҷират аз Тоҷикистон ба Россия кам карда шавад

ДУШАНБЕ, 12 авг — Sputnik.  Зарина Дадабоева дар суҳбат бо Sputnik Тоҷикистон гуфт, аз Тоҷикистон захираҳои озоди корӣ асосан ба Русия барои кор мераванд.

Бо мақсади коҳиш додани ҷараёни муҳоҷират, дар Тоҷикистон минтақаҳои озоди иқтисодӣ ташкил карда шуданд, ки ҳоло тавони коҳиши муҳоҷиратро надоранд, гуфт коршинос.

Ҳиссаи шаҳрвандони хориҷӣ дар МОИ набояд аз 20% шумораи кормандон зиёд бошад ва барои кор дар ин минтақаҳо бояд шаҳрвандони Тоҷикистонро ҷалб шаванд, илова кард Дадабоева.

"Дар тӯли ин муддат, тақрибан 800 ҳазор нафар аз аҳолии маҳаллӣ ба кор ҷалб шуданд, ки то ҳол ин мушкилро ҳал намекунад", шарҳ дод, мутахассиси Пажӯҳишгоҳи иқтисодии Академияи илмҳои Русия.

Дадабоева иброз дошт, ки агар сармоягузорон ба минтақаҳои саноатӣ маблағгузорӣ кунанд, ин ҳам барои худи онҳо ва ҳам барои Тоҷикистон фоидаовар хоҳад буд ва чунин ҷараёни бузурги муҳоҷирони меҳнатӣ вуҷуд нахоҳад дошт.

Муовини вазир: дар МОИ “Кӯлоб” 4 ҳазор сокини шаҳр бо кор таъмин мешаванд

Бозгашт ба масъалаи минтақаҳои озоди иқтисодӣ, коршинос қайд кард, ки онҳо дар савдои хориҷӣ, баланд бардоштани иқтисодиёт ва рушди саноат дар Тоҷикистон нақши ҳалкунанда нахоҳанд дошт.

118
Барчаспҳо:
кор, Вазорати меҳнат ва муҳоҷират, иқтисод, муҳоҷират, Тоҷикистон
Денежные купюры США

Низоми тандурустии Тоҷикистон аз буҷа 25 миллион доллар кам пул гирифт

80
(Таҷдидшуда 12:46 12.08.2020)
Дар нимаи аввали соли 2020 ягон бахши давлатии Тоҷикистон 100% аз ҳисоби буҷаи давлат маблағгузорӣ нашудааст

ДУШАНБЕ, 12 авг — Sputnik.  Бино ба маълумоти Агентии омори назди президенти ҷумҳурӣ, ниҳодҳои давлатии Тоҷикистон маблағе, ки аз буҷаи кишвар пешниҳод мегардад, пурра нагирифтаанд.

Тибқи иттилои агентӣ, дар нимсолаи аввали соли 2020, ҳеҷ як бахши давлатӣ аз ҳисоби буҷети давлатӣ 100% маблағгузорӣ нашудааст.

Ҳамин тавр, дар соҳаи тандурустӣ, ҳатто бо назардошти давраи пандемияи коронавирус, танҳо 72,7% маблағи аслӣ равона шудааст.

Агентии омор шарҳ дод, ки барои рушди соҳаи тандурустӣ 66,9 миллион доллар масраф шудааст, ки аз ҳаҷми нақшаи буҷаи давлатӣ 25 миллион доллар камтар аст.

Манбаъ мегӯяд, дигар соҳаҳо ба ҳисоби миёна 64% -и нақша маблағгузорӣ шудаанд.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Вазорати молияи Тоҷикистон гуфт, ҳаҷми умумии буҷаи давлатӣ дар нимсолаи аввали соли ҷорӣ аз 950,5 миллион доллар зиёд аст, ки ин аз нақшаи ислоҳшуда 44,6 миллион доллар камтар мебошад.

80
Барчаспҳо:
Вазорати тандурустӣ, Вазорати молия, маблағ, буҷа, Тоҷикистон
Народный поэт Таджикистана Гулназар Келди

Гулназар Келдӣ зери дастгоҳи нафасдиҳии сунъӣ гузаронда шуд

0
(Таҷдидшуда 17:14 12.08.2020)
Вазъи саломатии Гулназар Келдӣ, шоири шинохтаи тоҷик, муаллифи суруди миллии Тоҷикистон бадтар шудааст

ДУШАНБЕ, 12 авг — Sputnik. Табибон дар пайи бадтар шудани вазъи Гулназар Келдӣ, ӯро ба дастоҳи нафасдиҳии сунъӣ пайваст кардаанд, иттилоъ дод хабарнигори Sputnik Тоҷикистон.

"Гулназар Келдӣ худро бадтар эҳсос кард ва табибон тасмими гирифтанд, ки ӯро зери дастгоҳи нафасдиҳии сунъӣ гузаронанд”, - изҳор дошт манбаъ.

Ахиран шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфта буд.

Худи шоир 11 август ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш салоҳ донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода, Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

0