Железнодорожное депо Тайга

Афзоиши содироти маҳсулоти Хатлон ба хориҷ ва сабукиҳои "Роҳи оҳан" ба соҳибкорон

123
(Таҷдидшуда 13:43 30.06.2020)
Аз истгоҳҳои роҳи оҳани вилояти Хатлон 1733 тонна маҳсулоти кишоварзӣ ва семент ба хориҷи кишвар содирот шудааст

ДУШАНБЕ, 30 июн — Sputnik. Ба нақл аз дафтари матбуоти ҳукумати вилояти Хатлонт дар 6 моҳи соли равон аз истгоҳҳои роҳи оҳани вилояти Хатлон 19 вагон пиёз бо вазни 1140 тонна, 1 вагон сабзӣ бо вазни 49 тонна ба Қазоқистон ва Русия ва 8 вагон семент бо вазни 544 тонна ба Ӯзбекистон содирот шудааст.

Дилшод Шафизода, муовини сардори Хадамоти боркашонии “Роҳи оҳани Тоҷикистон” дар вилояти Хатлон хабар додааст, ки дар ҳоли ҳозир содироти маҳсулоти киршоварзӣ идома дорад.

Вай афзуд бо мақсади рушди соҳибкорӣ ва ҳавасмандсозии кишоварзону тоҷирони вилоят ҷиҳати зиёд намудани ҳаҷми боркашонӣ тавассути роҳи оҳани минтақаи Хатлон — Амузанг, ҳамасола КВД “Роҳи оҳани Тоҷикистон” сабукиҳои имтиёзнок барои соҳибкорон ва интиқолдиҳандагонро пешниҳод мекунад.

Ҳамчунин, барои кашонидани семент аз истгоҳи Ёвон то истгоҳи Амузанг тавассути нимвагон 60 дарсад, вагони болопӯш 40 дарсад ва барои интиқоли пиёз ва маҳсулоти кишоварзии зудвайроншаванда аз ҳамаи истгоҳҳои вилоят 60 дарсад сабукиҳо пешниҳод шудааст.

Дар ин баробар, барои ҷалби соҳибкорону ширкатҳои ватанӣ барои ҳама намуди борҳои аз минтақаи Хатлон содиршаванда ва ҳам ба минтақаи Хатлон воридшаванда 40 дарсад сабукиҳо пешниҳод шудааст.

Гуфта шудааст, ки "Роҳи оҳани Тоҷикистон" бо дастгирии Ҳукумати Тоҷикистон барои зиёд намудани содироту воридоти ҳама намуди борҳо аз минтақаи Хатлон ва ҳамчунин, ба минтақаи Хатлон бо роҳи оҳани дигар давлатҳо як қатор вохӯриҳои дуҷониба анҷом дода, дар натиҷа як қатор сабукиҳо пешниҳод шудаанд.

Аз ҷумла, барои интиқоли борҳои транзитие, ки тавассути қаламрави Ӯзбекистон мегузаранд, барои ҳама намуди бор дар вагонҳои инвентарӣ 40 дарсад ва дар вагонҳои шахсӣ 35 дарсад сабукиҳо пешниҳод шудааст.

“Хуб мешуд, ки шаҳру ноҳияҳо, соҳибкорону ширкатҳои ватанӣ аз сабукиҳои додашудаи роҳи оҳани Тоҷикистон истифода менамуданд”,  - зикр намуд Дилшод Шафизода.

Манбаъ зикр намудааст, ки бо ин мақсад кишоварзону саноатчиёни шаҳру навоҳии вилоят аз истгоҳҳои Бохтар, Ёвон, Шаҳритуз, Ҷалолиддини Балхӣ, Данғара ва Кӯлоб бе мушкилӣ барои воридоту содироти маҳсулот метавонанд истифода баранд.

Ҳамзамон манбаъ таъкид доштааст, ки КВД “Роҳи оҳани Тоҷикистон” дар вилояти Хатлон минбаъд низ барои ҳавасмандсозии соҳибкорони ватанӣ тамоми чораҳои заруриро меандешад.

123
Барчаспҳо:
роҳи оҳан, содирот, кишоварзӣ, маҳсулот, Хатлон, Тоҷикистон
Сомони и доллары, архивное фото

Бонки миллӣ арзиши рубл, доллар ва евроро барои имрӯз эълон кард

410
(Таҷдидшуда 08:27 13.07.2020)
Қурби доллар чи дар бозори ҷаҳон ва чи дар бозори асъори Тоҷикистон боло ва қурби рубл бошад, рӯз то рӯз паст мешавад

ДУШАНБЕ, 13 июл – Sputnik. Бонки миллии Тоҷикистон барои имрӯз дар оғози ҳафтаи навин арзиши асъори хориҷиро нисбат ба пули миллӣ эълом кард

Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1442 сомонӣ  ва дар бозори нақд бошад 0.1460 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3097 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6386 то 12. 0500 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Иқтисодшиносон аз коҳиши арзиши рубл ва гарон шудани доллар ҳушдор медиҳанд

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1490 ва дар “Алифбонк” бошад 1 рубл аз 0,1450 то 0,1500 сомонӣ нишон дода шудааст.

Бо доллар кор мекунӣ, муҷозот мешавӣ: додгоҳ раиси ширкати “Тоҷикояндасоз”-ро ҷарима кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

410
Барчаспҳо:
евро, доллар, сомонӣ, рубл, арзиши асъор, Бонки Миллӣ, Тоҷикистон
Денежные купюры

Иқтисодшиносон аз коҳиши арзиши рубл ва гарон шудани доллар ҳушдор медиҳанд

371
Иқтисодшиносон тавзеҳ доданд, ки арзиши доллар ва рубл дар моҳи август аз кадом омилҳо вобаста хоҳад буд

ДУШАНБЕ, 12 июл — Sputnik. Феълан бозори асъори ҷаҳониро вазъи пандемияи коронавирус идора мекунад, гуфтааст коршинос  Марк Гойхман дар мусоҳиба бо "Российская газета".

"Сенарияи неки арзиши рублу доллар аз паси сар шудани давраи тезу тунди пандемия, хусусан дар Аврупо вобаста аст. Он дороиҳои хатарнокро тамоми ҳафтаи равон, аз ҷумла аксияҳо, нафт ва рублро дастгирӣ мекард. Аммо охири ҳафта афзоиши сирояти коронавирус ба бозор бетаъсир намонд", - гуфт коршинос.

Ӯ таъкид бар рекорди нави афзоиши сирояти коронавирус дар Амрико, Чин, Ҷопон ва Австралия кард.

"Ду тамоюли короновирусии бо ҳам муқобил, бо ҳам пайваст шуда, раванди таҷаммӯи дороиҳои хатарнокро суст карданд, ки байни онҳо рубл низ ҳаст. Онҳо дар мувозинати заифе монданд", - тавзеҳ дод вай.

Коршинос тахмин мезанад, ки рӯзҳои наздик барои рубл тағйирот меоранд. Сабаби асосӣ дар вазъи номаълуми натиҷаҳои рӯйдодҳои ахир ва вазъи бозор мебошад.

Бино бар пешгӯии коршинос, ҳафтаи сеюми июл доллар метавонад ба 68,9 то 72,5 рубл баробар шавад, евро 78,3-81,6 рубл хоҳад шуд. 

Ба арзиши рубл дар моҳи август панҷ омил таъсир мерасонанд, мегӯяд Гойхман.

Аввалинаш, ба гуфтаи вай, ба анҷом расидани давраи пардохти дивидентҳо аз ҷониби ширкатҳои русӣ ба анҷом мерасад. Дувум, мегӯяд коршинос, табдили фоидаи рубл ба асъор аз ҷониби саҳмдорони бузурги аксияҳои русӣ дар хориҷ мебошад.

"Пас аз коҳиши нархи калидӣ Бонки марказии Русия тадриҷан даромаднокии сармоя ба авроқи қарзии Русия аз ҷониби шахсони ғайри муқимро кам мекунад, ки ин омили севум аст", - афзудааст иқтисодшинос.

Ба гуфтаи ӯ, омили чорум аз ҷониби Бонки марказӣ кам шудани фурӯши асъор бо роҳи "қонуни буҷавӣ" мебошад. 

Ва дар охир, омили панум, зиёд шудани талабот ба асъори хориҷӣ бо далели воридоти амволи хориҷӣ пас аз карантин мебошад, афзуд вай.

Пешбинии коршинос: арзиши доллар тобистон поён мераваду рубл боло

Марк Гойхман боварӣ дорад, ки ин панҷ омил боиси поён рафтани арзиши рубл мешавад.

"Дар моҳи август арзиши доллар метавонад ба 73-74 ва арзиши евро ба 82-83 рубл баробар шавад", - мегӯяд коршинос.

371
Сотрудник охраны рынка Мехргон проверяет температуру у посетителя

Карриева: маҳдудиятҳо дар Тоҷикистон ба фарқ аз се кишвари ОМ, 65 рӯз пас сабук гардиданд

0
(Таҷдидшуда 17:28 13.07.2020)
Намояндаи Созмони ҷаҳонии беҳдошт дар Тоҷикистон Бахтигул Карриева аз хатари коронавирус ҳушдор додааст

ДУШАНБЕ, 13 июл — Sputnik. Бахтигул Карриева аз сабук гардидани маҳдудиятҳо, ки қаблан ба хотири пешгирӣ аз паҳншавии коронавирус ҷорӣ гардида буданд, изҳори нигаронӣ кард.

"Бисёре аз мардум дар хона нишастан хаста шуданд ва аксар кишварҳо ба таври возеҳ мекӯшанд, ки иқтисодиётро кушоянд. Аммо вирус ҳанӯз ҳам паҳн шуда истодааст ва он то ҳол марговар аст.  Бештари мардум ҳанӯз ҳам зери хатар қарор доранд", - афзуд Карриева дар мусоҳиба бо Sputnik Тоҷикистон.

Вай таъкид кард, то замоне, ки олимон аз пайи ихтироъ кардани ваксин алайҳи ин маризӣ қарор доранд, одамон бояд худ кӯшиш ба харҷ диҳанд, то андозае пеши роҳи ин бемориро бигиранд.

Намояндаи СҶБ гуфт, роҳи ягонае, ки алъон дар мубориза бо коронавирус маҷвуд аст, ин риоя кардани фосилаи иҷтимоӣ, пӯшидани ниқоб ва тамиз будани ҳолати санитарии одамон мебошад.

Омори ҷадиди фавт, сироят ва шифоёбӣ аз коронавирус дар Тоҷикистон давоми як рӯз

Ба изҳори ӯ, кишварҳои Осиёи Марказӣ авохири моҳи май ва авоили моҳи июн ба авҷи қуллаи баландтарини ин маризӣ расиданд. Барои пешгирӣ намудан аз паҳншавии ин маризӣ маҳдудиятҳо аз қабили баста намудани роҳҳои автомобилгард байни шаҳру навоҳӣ, муттаваққиф намудани фаъолияти мактабу корхонаҳо, манъи баргузории тӯй ва чорабиниҳои фароғатӣ, ҷорӣ гардида буд.

Аммо пас аз ба эътидол омадани вазъ ин маҳдудиятҳо то андозае сабук шуданд, гарчанде вирус комилан аз байн нарафт ва хатари он то ҳол мавҷуд аст, - таъкид намуд намояндаи СҶБ.

Вазъ мушкилтар шуд: коронавирус дар Ӯзбекистон дубора авҷ гирифт

Карриева гуфт, Тоҷикистон ба фарқ аз Қирғизистону Қазоқистон ва инчунин Ӯзбекистон ин маҳдудиятҳоро бо гузашти 65 рӯз сабуктар кард, аммо дар кишварҳои зикргардида маҳдудиятҳо барвақттар лағв шуданд ва вазъият дар робита ба паҳншавии вирус боз ваҳимтар шуд.

Намояндаи СҶБ илова намуд, ки то ҳол табобати мушаххас аз маризии коронавирус мавҷуд нест, аммо рӯйхати як қатор доруҳо вуҷуд дорад, ки ҳангоми табобат васеъ истифода буда мешаванд.

0
Барчаспҳо:
СҶБ, намоянда, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон