Здание администрации города Хорог, архивное фото

Иҷрои барзиёди нақшаи даромади буҷа дар ВМКБ

101
Умедчон Носирзода, ноиби раиси ВМКБ, мегӯяд, дар давоми 6 моҳи соли равон қисми даромади буҷети вилоят ба андозаи 47 миллиону 929 ҳазор сомонӣ иҷро гардид

ДУШАНБЕ, 17 июл — Sputnik. Носирзода аз 47 миллиону 929 ҳазор сомонӣ даромади буҷаи вилоят дар 6 моҳи аввали соли равон хабар дода, таъкид намуд, ки нисбати нақша наздики 2 миллион сомонӣ бештар маблағ ба буҷа ворид гардидааст.

Тибқи иттилои котиботи ҳукумати ВМКБ, дар ҷаласаи ҷамъбастии шашмоҳа дар вилоят зикр шуд, ки дар вилоят 45 корхонаи саноатӣ фаъолият доранд, ки аз сабаби камчин будани шумораи коргарон ва ҳаҷми истеҳсолот қисмати зиёди онҳоро коргоҳ бояд ном бурд.

"Дар соли 2019 дар вилоят 16 чунин коргоҳҳо таъсис дода шуда, соли равон бошад таъсиси 9 коргоҳи дигар ба нақша гирифта шудааст. Диққати асосӣ ба зиёд намудани истеҳсоли маҳсулоти маҳаллӣ равона гардидаст, ки ин ба истеҳсоли маҳсулоти воридотивазкунанда ва коҳиш додани хаҷми маҳсулоти воридотӣ дар бозорҳои дохили вилоят мусоидат мекунад", - хабар дод котиботи ҳукумати ВМКБ. 

Манбаъ афзуд, афзоиши коркарди сангу мева, гиёҳои шифобахшу маҳсулоти чорво, обҳои маъданӣ инчунин таъсиси корхонаҳои истеҳсоли қубурҳои пластикӣ, дару тиреза, мизу курсӣ, духти либос ва ҳунарҳои мардумӣ аз ҷумлаи пешниҳодоте буданд, ки барои боло бурдани ҳаҷми маҳсулоти дохилӣ бояд амалӣ карда шаванд.

Инчунин зикр гардид, ки барои таъмини Истиқлолияти энергетикӣ дар вилоят ба маблағи зиёда аз 50 миллион доллари ИМА корҳо барои таъмини аҳолии ВМКБ ва вилояти Бадахшони Афғонистон бо нерӯи барқ лоиҳаҳои инвеститсионӣ амалӣ гардида истодаанд.

101
Барчаспҳо:
буҷа, ВМКБ, Тоҷикистон
Монеты, архивное фото

Вазир: қарзи давлатии Тоҷикистон ба беш аз 43 дарсади ММД расид

201
(Таҷдидшуда 20:20 22.11.2020)
Вазири молияи Тоҷикистон мегӯяд, қарзи давлатии ҷумҳурӣ то ҳол беш аз 43 дарсади маҷмӯи маҳсулоти дохилӣ, ММД-ро ташкил медиҳад

ДУШАНБЕ, 22 ноя – Sputnik. Файзиддин Қаҳҳорзода, вазири молия зимни баррасии барномаи нави қарзгирии Тоҷикистон дар парлумон гуфт, то 1 октябри соли 2020 ҳаҷми умумии қарзи давлатии ҷумҳурӣ  3,7 миллиард  доллари амрикоиро ташкил медиҳад.

Ба гуфтаи вазир, дар моҳҳои январ – сентябри соли ҷорӣ барои татбиқи лоиҳаҳои афзалиятдоштаи кишвар 5 созишномаи нави қарзӣ ба маблағи умумии 459,5 миллион доллари амрикоӣ бо ташкилотҳои гуногуни молиявӣ ба имзо расонида шуд.

Нашрияи парлумонии “Садои мардум” аз қавли Қаҳҳорзода афзуд, ки  ҳаҷми қарзи давлатии ҷумҳурӣ ба ҳолати аввали октябри соли равон ба 43,3 фоизи Маҷмӯи маҳсулоти дохилии кишвар баробар мебошад.

Ба гуфтаи вазири молияи Тоҷикистон, барои хизматрасонии қарзи беруна дар соли  2021 ҳудуди 213,5 миллион  доллар, соли 2022 -  238,2 миллион доллар ва соли 2023 ҳудуди 243,3 миллион доллари амрикоӣ ба нақша гирифта шудааст.

Қаҳҳорзода тавзеҳ дод, ки дар буҷа барои соли 2021 барои хизматрасонии қарзи берунаи давлатӣ 2,3 миллиард сомонӣ пешбинӣ шуда, 1 миллиард сомонии он барои пардохти қарзи асосӣ ва 861,1 миллион сомонӣ барои пардохти фоизҳои он аз ҳисоби буҷети ҷумҳуриявӣ равона карда мешавад.

201
Барчаспҳо:
ММД, Тоҷикистон
Министр финансов республики Таджикистан Файзиддин Каххорзода

Вазир аз нақшаи қарзгирии Ҳукумат барои сохтмони "Роғун" гуфт: чанд ва аз кӣ?

1133
(Таҷдидшуда 19:11 22.11.2020)
Давлати Тоҷикистон ният дорад, барои сохтмони нерӯгоҳи "Роғун" боз ҳудуди 340 миллион евро қарз бигирад

ДУШАНБЕ, 22 ноя – Sputnik. Файзиддин Қаҳҳорзода, вазири молияи Тоҷикистон, зимни баррасии барномаи қарзгирии кишвар барои соли 2021 ва дурнамои нишондиҳандаҳои он барои солҳои 2022-2023 аз нақшаи қарзгирӣ барои сохтмони НБО "Роғун" гуфт.

Ба гуфтаи вазир, феълан 8 созишномаи қарзӣ дар сатҳи лоиҳавӣ қарор доранд, ки калонтаринашон қарз  барои сохтмони  НБО "Роғун" мебошад.

Ӯ тавзеҳ дод, ки барои сохтмони НБО "Роғун"  гирифтани 340 миллион евро дар назар аст. Дар мавриди қарздиҳандагон Қаҳҳорзода илова намуд, ки тибқи нақша бояд аз бонкҳои аврупоӣ - Credit Suisse ва Landesbank Baden — Wiirttember гирифта шавад.

Дар маҷмуъ ба иттилои нашрияи парлумонии "Садои мардум", вазир таъкид намуд, ки барномаи нави қарзгирӣ барои соли 2021 ва дурнамо барои солҳои 2022-2023 ҳудуди 59 лоиҳаи қарзии амалкунанда ва 8 созишномаи қарзии дар сатҳи лоиҳавӣ қарордоштаро дар бар мегирад.

Ин дар ҳолест, ки Эмомалӣ Раҳмон, раисҷумҳури Тоҷикистон, моҳи октябри соли равон дар мулоқот бо сохтмончиёни "Роғун" гуфт,  аз аввали корҳои барқарорсозии иншооти нерӯгоҳи "Роғун", яъне аз соли 2008 то ба ҳол ба ин иншоот 25 миллиарду 340 миллион сомонӣ маблағ равона гардидааст.

1133
Барчаспҳо:
қарз, сохтмон, Тоҷикистон
День 24 ноября

Ҷашнҳои рӯзи 24 ноябр дар Тоҷикистон ва ҷаҳон

0
(Таҷдидшуда 17:10 23.11.2020)
Рӯзи бисту чоруми ноябр, дар Тоҷикистон Рӯзи Парчами давлатӣ, дар Русия Рӯзи модарон ва дар Амрико Рӯзи дӯстон таҷлил мешавад

Рӯзи 24 ноябр дар ҷаҳон чӣ рух дод

Соли 1996 дар раъйпурсии умумихалқӣ дар Беларус беш аз 70 фоизи аҳолӣ Конститутсияи пешниҳоднамудаи президент Александр Лукашенкоро ҷонибдорӣ карданд.

БелТА
Президент Беларуси Александр Лукашенко

Соли 1961 изҳороти СММ дар бораи манъи истифодаи яроқи ядроӣ қабул гардид.

День 23 ноября
© Sputnik/ Стас Этвеш/ Мария Вишнякова

Соли 1969 киштии кайҳонии "Аполлон-12" ба самти Моҳтоб парвоз кард.

Соли 2005 дар шаҳри Алмато Анҷумани 5-уми мутахассисони корҳои молияи Қазоқистон доир гардид.

Рӯзи 24 ноябр дар Тоҷикистон чӣ рух дод

Соли 1986 дар фурудгоҳи шаҳри Душанбе аввалин маротиба ҳавопаймои ТУ-154 М фуруд омад.

Соли 2010 бо ширкати раисҷумҳури Тоҷикистон Эмомалӣ Раҳмон дар маркази шаҳри Душанбе бунёди парчами давлатии Ҷумҳурии Тоҷикистон расман оғоз ёфта, он 30 августи соли 2011 дар пояи 165 — метра, ки дар ҷаҳон баландтарин маҳсуб меёфт, парафшон гардид.

Соли 2017 дар шаҳри Душанбе ба муносибати 25 — солагии барқарорсозии муносиботи дипломатии Ҷумҳурии Тоҷикистон ва Корея конфронси илмӣ — амалии байналмилалӣ доир шуд.

Соли 2016 дар Маркази исмоилияи шаҳри Душанбе конфронси байналмилалии "Таҳсилоти пайваста барои рушди устувор" доир шуд.

Исмаилитский центр в Душанбе, архивное фото
© Sputnik / Амир Исаев
Исмаилитский центр в Душанбе, архивное фото

Соли 2017 дар шаҳри Душанбе шарҳи муштараки ҳарсолаи  амалигардии барномаи "Стратегияи миллии саломатии аҳолии Ҷумҳурии Тоҷикистон барои солҳои 2010-2020" гузаронида шуд.

Соли 2014 доираи васеи ҳамкории дуҷонибаи Тоҷикистону Кувайт баррасӣ шуд.

Ҷашнҳои рӯзи 24 ноябр

  • Дар Ҷумҳурии Тоҷикистон - Рӯзи Парчами давлатӣ.
  • Дар Русия - Рӯзи модарон.
  • Дар Амрико - Рӯзи дӯстон.

Рӯзи 24 ноябр дар Тоҷикистон кӣ ба дунё омадааст

Солҳои (1939-1984) – адабиётшинос Назира Қаҳарова.

Соли 1942 – Ҳунарманди халқии Сайрам Исоева.

Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву
Пресс-служба мэра Худжанда
Председатель согда Раджаббой Ахмадзода, мэр Худжанда Маъруф Мухамадзода посетили актрису Сайрам Исоеву

Соли 1947 – рӯзноманигор ва нависанда, сармуҳаррири "Курер Таджикистана" Муҳаммадҷон Тоштемиров.

Соли 1950 – хабарнигори Шаҳбозхон Саркориев.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 17 ноябр дар Тоҷикистон ва ҷаҳон
Ҷашнҳои рӯзи 19 ноябр дар Тоҷикистон ва ҷаҳон
Зодрӯзи Бозор Собир ва инқилоб дар Мексика: ҷашнҳои рӯзи 20 ноябр
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон