Строительство нового дома в Душанбе

“Хонаи арзону бепул”: ширкатҳои сохтмонӣ ва нархи хона дар Душанбе - омор

1087
(Таҷдидшуда 11:39 18.07.2020)
Раиси Кумитаи меъморӣ ва сохтмони Тоҷикистон сохтмони хонаҳои хайрия ё бепулро як амри ношуданӣ хонд, аммо гуфт, ҳар ширкат ё фарде, ки ба ин иқдом даст занад, аз ҳама гуна пардохтҳо озод хоҳад буд

ДУШАНБЕ, 18 июл — Sputnik. Ҷамшед Аҳмадзода, ки дар нишасти матбуотии ниҳодаш суҳбат мекард, гуфт, ҳоло дар ягон ҷои Тоҷикистон ё аз сӯи ҳеҷ як ширкати давлативу ғайридавлатӣ манзили ройгон сохта намешавад.

“Агар ширкат ё фарде бошад, ки хоҳад хонаи бепул ва барои хайр созад, аз сӯи мо пурра дастгирӣ хоҳад ёфт. Мо омодаем ба ӯ бепул тарҳи сохтмонро омода карда, онро аз ташхис гузаронем. Аммо чунин кор дар ягон ҷо иттифоқ наафтодааст. Соҳибкор бидуни фоида кор намекунад”, - гуфт раиси Кумитаи меъморӣ ва сохтмони Тоҷикистон.

Тибқи иттилои Кумитаи меъморӣ ва сохтмон, ҳоло дар Тоҷикистон 2113 (2094 – 2019) муассиса, аз ҷумла 16 (20 – 2019) соҳибкори инфиродӣ, иҷозатномаи сохтмонро доранд. Дар сохтмонҳои Тоҷикистон 80 ширкати хориҷӣ, ба шумули Чин (32), Эрон (14), Русия (10), Туркия (4) ва бақия кишварҳо (20) кор мекунанд.

Раиси Кумитаи меъморӣ ва сохтмони Тоҷикистон дар бораи хонаҳои арзон ё бепул вақте изҳори назар кард, ки сухан дар бораи маҷмӯаи “Манзили дастрас” дар Душанбе рафт.

Ин тарҳ соли 2013 аз сӯи шаҳрдории Душанбе пиёда шуд, ки бино ба он, дар пойтахт бояд як 20-ошёна, ҳафт 16-ошёна ва ду 18-ошёна аз ҳисоби буҷети шаҳр сохта, ба мардум арзон фурӯхта мешуданд. Як метри мукааби хона дар ин маҷмӯа, бино ба иттилои гуногун, аз 200 то 350 доллар арзиш дошт. Дере нагузашта ин сохтмон ба таъхир афтод.

Раҳбарияти тарҳ аз сӯи Прокуратураи генералӣ ба фасоди молӣ ва аз худ кардани ҳудуди 42 миллион сомонӣ муттаҳам шуд. Маҷмӯа соли 2019 анҷом ёфт ва мавриди истифода қарор гирифт, аммо Нурулло Наимов, раиси “Манзили дастрас” моҳи январи соли равон ба 21 сол равонаи зиндон шуд.

Тибқи иттилои Кумитаи меъморӣ ва сохтмон, ҳоло арзонтарин нархи як метри мукааб дар пойтахти Тоҷикистон 360 ва нархи миёнаи он 544 доллар аст. Бино ба ин манбаъ, нархи миёнаи як метри мукааб дар Маскав 3 316, Ишқобод – 2 400, Минск – 1 068, Кишинёв – 791, Алмаато – 953, Боку – 108 ва Тошканд - 678 доллар мебошад.

1087
Барчаспҳо:
пардохт, хона, ширкат, сохтмон, сохтмонӣ, Тоҷикистон
Монеты, архивное фото

Суҳбати раиси нахустин бонки исломии Тоҷикистон: аз бартарият то мушкилот

360
Шералӣ Зардов, раиси нахустин бонки исломии Тоҷикистон, “Тавҳидбонк” дар бораи бартарияти бонкдории исломӣ ва мушкилоти роҳандозии ин низом дар кишвар суҳбат кард

ДУШАНБЕ, 21 октябр - Sputnik. Шералӣ Зардов гуфт, ки бартарии бонкдории исломӣ нисбат ба бонкҳои анъанавӣ дар он аст, ки роҳбарият ва кормандони он аз ҳама гуна фаъолияти спекулятивӣ дурӣ меҷӯянд.

Национальный банк Таджикистана
© Фото : Пресс-служба президента Таджикистана

Раиси “Тавҳидбонк” бо истиқбол аз қабули қонун “Дар бораи фаъолияти бонкии исломӣ” инчунин зарур хондааст, ки бархе корҳои дигар низ анҷом дода шаванд.

“Бе ворид намудани тағйирот ба қонунҳои амалкунанда, такмили санадҳои дахлдори Бонки миллии Тоҷикистон ва дигар мақомоти давлатӣ, дар сатҳи зарурӣ татбиқ намудани қонуни мазкур ғайриимкон аст. Алалхусус, мутобиқ намудани Қонуни Ҷумҳурии Тоҷикистон “Дар бораи фаъолияти бонкии исломӣ” ба Кодекси андоз (вобаста ба андоз­бандии маҳсулоти бонкии исломӣ), қонунҳои Ҷумҳурии Тоҷикистон “Дар бораи бозори қоғазҳои қиматнок”, “Дар бораи иҷораи молиявӣ (лизинг)” ва ғайра ҳатмист”, - изҳор дошт Зардов дар суҳбат бо нашрияи парлумонии “Садои мардум”.

Ӯ афзудааст, ки дар раванди табдилдиҳии бонк аз анъанавӣ ба исломӣ бо норасоии мутахассисони ин соҳа, нобоварии аксари кормандони бонк барои ноил шудан ба комёбӣ, ноогоҳии масъулини мақомот аз моҳияти фаъолият, мушкилоти техникӣ ва ғайра мувоҷеҳ шудаанд.

“Бонки анъанавиро ба исломӣ табдил додан осонтар аз он буд, ки тафаккури кормандон, соҳибкорон ва масъулини мақомоти назоратиро мутобиқ намоем”, - изҳор доштаст мусоҳиб.

Шайх Абдулло ба БМТ: бо сармоягузорони Қатар бонки исломӣ бисозед

Зардов тавзеҳ додааст, ки дар адабиёти илмии марбут ба иқтисод ва бонкдории исломӣ зиёда аз 100 фарқи низоми бонкии исломӣ аз низоми бонкии анъанавӣ муайян шудааст.

Аммо фарқи асосӣ дар нагирифтани фоиз зоҳир мегардад. Ба гуфтаи ӯ, ташкилоти қарзии исломӣ дар қиёс ба ташкилоти қарзии анъанавӣ ба ҷои гирифтани фоиз аз амалиёти қарзӣ дар татбиқи лоиҳаҳо иштирок намуда, фоидаю зарарро бо мизоҷон тақсим менамояд.

Инчунин ин қабил ташкилоти молиявӣ наметавонанд маблағгузории фаъолиятеро, ки ба истеҳсол ва савдои тамоку, маҳсулоти спиртӣ, силоҳ ва лавозимоти ҷангӣ, қиморбозӣ, муомилоти ғайриқонунии маводи нашъадор ва прекурсорҳо вобаста мебошад, анҷом диҳанд.

“Эътироф бояд кард, ки доир ба бонкдории исломӣ аксарият бардошти ғайримантиқӣ ва то андозае ғалат доранд. Бояд дарк намуд, ки бонкдории исломӣ падидаи иқтисодӣ аст, на динӣ”, - изҳор доштааст Шералӣ Зардов дар фарҷоми суҳбат.

360
Барчаспҳо:
низоми бонкдории исломӣ, Тоҷикистон
Денежные купюры.

Бонки миллӣ арзиши рубл, доллар ва евроро барои имрӯз эълон кард

426
(Таҷдидшуда 13:26 21.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 21 октябр эълон кардааст

ДУШАНБЕ, 21 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1324 сомонӣ  ва дар бозори нақд бошад 0.1350 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3385 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2077 то 12.4000 сомонӣ арзёбӣ кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1370 то 0,1395 сомонӣ муқаррар кардааст.

Дар “Спитаменбонк” бошад арзиши 1 рубл аз 0.132 то 0.141 ва дар “Алифбонк” бошад 1 рубл аз 0,1325 то 0,1415 сомонӣ нишон дода шудааст.

Раиси Бонки миллӣ аз мардуми Тоҷикистон хостааст долларҳоро дар хона нигаҳ надоранд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

426
Барчаспҳо:
қурби асъор, Бонки миллӣ, Тоҷикистон
Кулябский Равшан выиграл золото первенства первой лиги Таджикистана

"Равшан" пеш аз мӯҳлат дар Лигаи футболи Тоҷикистон пирӯз шуд

0
(Таҷдидшуда 11:45 22.10.2020)
Дастаи футболи "Равшан"-и шаҳри Кӯлоб дар майдони худ дастаи "Ҳулбук"-и ноҳияи Восеъро мағлуб кард

ДУШАНБЕ, 22 окт — Sputnik. Шоми  дирӯз дар Варзишгоҳи марказии  шаҳри Кӯлоб  бозии даври 21-уми Лигаи аввали футболи Тоҷикистон байни  дастаҳои   футболи   "Равшан"-и шаҳри  Кӯлоб ва "Ҳулбук"-и ноҳияи  Восеъ хеле ҷолиб баргузор гардида, бо ҳисоби 4:2 бар нафъи  дастаи  футболи   "Равшан" хотима ёфт. 

Дар ин бора АМИТ "Ховар" гузориш медиҳад.

Дастаи футболи  "Равшан"-и шаҳри Кӯлоб  дар майдони худ дастаи  "Ҳулбук"-и ноҳияи  Восеъро  мағлуб кард ва  як давр пеш аз анҷоми мусобиқаи Лигаи аввали футболи Тоҷикистон соҳиби медалҳои тилло гардид.

Қаблан футболбозони шаҳри Кӯлоб дар мавсими соли 2021 ба Лигаи олӣ роҳхат гирифта буданд. Голҳои Наврӯз Рустамов, Ҳасан Рустамов, Умед Бадалов ва Сафаралӣ Каримов ба дастаи  "Равшан" пирӯзӣ оварданд. Дастаи футболи  "Равшан"-и шаҳри Кӯлоб   дар 21 бозӣ 51 имтиёз гирифта, дар ҷадвали мусобиқа дар зинаи аввал қарор дорад.

Баъди 26 сол: “Равшан”-и Кӯлоб Ҷоми Тоҷикистонро соҳиб шуд

Дастаи  футболи "Эсхата"-и шаҳри  Хуҷанд, ки 46 имтиёз дорад ва дар ҷадвали мусобиқа мақоми дуюмро касб намудааст, бо медалҳои нуқра мукофотонида мешавад. Дастаи  футболи  "Эсхата"-и шаҳри Хуҷанд  низ соҳиби роҳхат ба Лигаи олӣ гардидааст.

Дастаи футболи  "Панҷшер"-и ноҳияи Ҷалолиддини Балхӣ бо касби 38 имтиёз дар ҷадвали мусобиқа мақоми сеюмро ишғол мекунад. Тақдири медалҳои биринҷӣ дар даври охирини мусобиқа маълум хоҳад шуд. Барои ҷойи сеюм дастаҳои футболи  "Панҷшер"-и ноҳияи Ҷалолиддини Балхӣ  ва "Равшан"-и  ноҳияи  Зафаробод байни  ҳам талош доранд.

Баъди 17 сол: “Равшан” ва “Хатлон” дар финали Ҷоми Тоҷикистон

Ёдовар  мешавем, ки бозиҳои даври 22-юм ва охирини мусобиқаи Лигаи аввали футболи Тоҷикистон 25  октябр баргузор мешаванд.

 

0