Глава Амонатбанка Сироджиддин Икроми

Афзоиши фоидаи “Амонатбонк” дар давраи"вируси корона"

362
Бонки  давлатии Тоҷикистон “Амонатбонк” аз афзоиши даромадҳояш давоми шаш моҳи гузаштаи соли ҷорӣ хабар дод

ДУШАНБЕ, 21 июл — Sputnik. Сироҷиддин Икромӣ, раиси бонк имрӯз зимни нишасти хабарияш гуфт, даромати софи бонк дар ин давра 23,9 миллион сомониро ташкил намуд, ки ин нисбат ба ҳамин давфраи соли гузашта 17,5 фисад зиёд мебошад.

Номбурда гуфт, сармояи бонк бошад ба андозаи 6,6 фоиз боло рафта, ба 444, 6 миллион сомонӣ баробар шуд.

“Бонк аз рӯи фаъолияти худ ба андозаи 44,3 миллион сомонӣ андозу пардохтҳои ҳатмиро ба буҷети давлатӣ партохт намуд, ки дар муқоиса нисбат ба ҳамин давраи соли гузашта 13,2 миллион сомонӣ ва ё 42,5 фоиз зиёд мебошад,-гуфт Сироҷиддин Икромӣ.

Ба иттилои манбаъ, ҳоло дороиҳои бонк ба 4,2 миллиард сомонӣ ва уҳдадориҳои бон 3,2 миллиард сомониро ташкил медиҳад.

Ба гуфти Сироҷиддин Икромӣ, пардохтпазирии бонк дар сатҳи баланд нигоҳ дошта шуда, маблағҳо сари вақт ба ҳисобҳои дахлдор гузаронида шуданд.

362
Президент Республики Таджикистан Эмомали Рахмон

Раҳмон аз зимистони тӯлонии оянда ва вобастагӣ аз ғизои хориҷӣ гуфт

86
(Таҷдидшуда 15:23 01.10.2020)
Эмомалӣ Раҳмон, раисиҷумҳури Тоҷикистон, дар мулоқот бо фаъолони ноҳияи Рӯдакӣ аз зимистони сарду тӯлонӣ ҳушдор дод

ДУШАНБЕ, 1 окт — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон дар мулоқот масъалаи омодагӣ ба зимистонро махсусан таъкид карда, афзуд? тибқи пешгӯии мутахассисон зимистони дарпешистода сарду тӯлонӣ меояд.

“Бинобар ин, зарур аст, ки ба масъалаи дар ҳар як оила захира кардани маводи озуқа, сӯзишворӣ ва омода намудани муассисаҳои иҷтимоӣ, шабакаҳои барқ ва роҳҳо эътибори аввалиндараҷа дода шавад”, - изҳор дошт Эмомалӣ Раҳмон.

Раисиҷумҳури Тоҷикистон аз вазъи феълӣ дар ҷаҳон зикр намуда, таъкид кард, ки бояд вобастагии Тоҷикистон аз ғизои хориҷӣ коҳиш дода шавад. Ӯ зарур хонд, ки барои таъмини мардум бо озуқаи истеҳсоли худӣ чораҷӯӣ карда шавад.

“Хусусан, шароити имрӯзаи иқтисодиёти ҷаҳонӣ моро водор месозад, ки ҷиҳати ҳарчи бештар бо маҳсулоти озуқаи истеҳсоли худӣ таъмин намудани аҳолӣ ва кам кардани вобастагӣ аз воридоти маводи ғизоӣ мунтазам чораҷӯӣ намоем”, - изҳор дошт Раҳмон.

86
Барчаспҳо:
ғизо, Рӯдакӣ, Эмомалӣ Раҳмон, Тоҷикистон

 Тасмими Тоҷикистону Ӯзбекистон барои содагардонии интиқоли коло тавассути марз

176
(Таҷдидшуда 14:43 01.10.2020)
Дар Душанбе комиссияи байниҳукуматии Тоҷикистону Ӯзбекистон оид ба ҳамкориҳои тиҷоративу иқтисодӣ масъалаи мусоидат ба ҳаракати гумрукиро баррасӣ кард

ДУШАНБЕ, 1 окт – Sputnik. Тоҷикистон ва Ӯзбекистон дар доираи ҳамкориҳои гумрукӣ ба мувофиқа расиданд, ки барои мусоидат ба ҳаракати гумрук чораҳои зарурӣ меандешанд, хабар медиҳад АМИТ “Ховар”.

Ба иттилои манбаъ, ин ба таъмини ҳаракати бемамонияти молҳо ва воситаҳои нақлиёти кишварҳои сеюм тавассути гузаргоҳҳои сарҳадии Саразм - Ҷартеппа дахл дорад.

Манбаъ мегӯяд, дар ҷаласа ба ғайр аз дигар намояндагон, сардори Хадамоти гумруки Тоҷикистон Хуршед Каримзода ва муовини якуми раиси Кумитаи давлатии гумруки Узбекистон Анвар Асамов ширкат ва суханронӣ карданд.

Таъкид шудааст, ки Ӯзбекистон дар панҷгонаи шарикони хориҷии тиҷоратии Тоҷикистон мавқеи устувор дошта, гардиши савдо байни ин ду давлати дӯст аз 12 миллион доллари соли 2015 ба 362 миллион доллар дар соли 2019 расид. Ин нишондиҳанда 30 баробар афзудааст.

Ҳамин тавр, аз рӯи натиҷаҳои нимсолаи аввали соли 2020, тиҷорат бо Ӯзбекистон беш аз 217 миллион долларро ташкил дод, ки ин зиёда аз 7% ҳаҷми умумии савдои хориҷии Тоҷикистонро ташкил медиҳад.

Аз чангкашак то телевизор: ифтитоҳи корхонаи муштараки Тоҷикистону Ӯзбекистон дар Душанбе

Ғайр аз он, содироти молҳои Тоҷикистон ба Узбакистон дар ҳашт моҳи соли 2020 53 миллион долларро ташкил додааст, ки ин 24% ҳаҷми умумии содироти Тоҷикистонро ташкил медиҳад.

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

Дар ҳамин ҳол, воридоти молу маҳсулот аз Узбакистон 164,6 миллион долларро ташкил додааст.

176
Барчаспҳо:
коло, сарҳад, Ӯзбекистон, Тоҷикистон
Спичка, архивное фото

Пулро гирифту хонаро оташ зад: боздошти хонандаи синфи 10 дар Истаравшан

0
Мақомоти милитсия аз боздошти як ноболиғи 16 - сола, хонандаи синфи 10, сокини шаҳри Истаравшан хабар медиҳад, ки ба содир намудани ҷинояти дуздӣ ва сӯзонидани хона даст задааст

ДУШАНБЕ, 1 окт – Sputnik. Акбар Шарифӣ, сухангӯи РВКД дар вилояти Суғд рухдоди ин ҳодисаро ба Sputnik Тоҷикистон шарҳ дод.

"Сокини 16 - солаи шаҳри Истаравшан, хонандаи синфи 10, ки ҳоло танҳо аз вай Д. Б. ном бурда мешавад, санаи 10 - уми сентябр, соати 07: 30 ба манзили соҳибкор, марди 38 - солаи сокини ин шаҳр воқеъ дар кӯчаи Ҳакимова дохил шуда, 4 ҳазору 400 доллари амрикоиро тасарруф намуд", - шарщ дод Шарифӣ.

Ба изҳори ӯ, ноболиғ барои рӯйпуш кардани изи ҷинояти содиркардааш, хонаи соҳибкорро оташ зад.

Дар асоси муроҷиатномаи соҳибкор, кормандони милитсия хонандаи синфи 10 - и яке аз макотиби Истаравшанро боздошт намуданд, ки дар содир намудани ҷинояти мазкур муттаҳам дониста мешавад.

Боздошти сокини Вахш барои дуздӣ дар даҳ масҷиди ду ноҳия-видео

Гуфта мешавад, навраси 16 - сола, ба ҷузъ аз дузди маблағ, аз ҳисоби оташ задани манзили истиқоматӣ ба соҳибхона боз 30 ҳазор сомонӣ зарар расонидааст.

Ҳоло аз рӯи ин ҳодиса бо моддаи 244 (дуздӣ) ва 255 (қасдан несту нобуд кардани молу амвол) - и Кодекси ҷиноятӣ парванда оғоз карда шуда, ноболиғ ба ҳабс гирифта шудааст.

0
Барчаспҳо:
боздошт, ноболиғ, дуздӣ, Истаравшан