Купюры американских долларов.

Раиси “Амонатбонк”: “Долларҳои “таги болишт” фоида надоранд”

564
Сироҷиддин Икромӣ, раиси “Амонатбонк” гуфт, ниҳоди зертобеяш имкон дорат ҳамарӯза то 1 ё 2 миллион доллар ба корхонаҳое, ки ниёз доранд бидиҳад

 ДУШАНБЕ, 21 июл — Sputnik. Раиси Бонки давлатии Тоҷикистон “Амонатбонк” ин нуктаро имрӯз зимни нишасти матбуотӣ изҳор дошта, гуфт, ба шарти он ин маблағҳоро дар ихтиёри мизоҷ қарор дода мешавад, ки корхона шаффоф кор мекунад, аз андоз намегурезад ва тавассути ҳисобҳои муросилотии худ фаъолият мебарад.

“Дар додани асъори хориҷа ба чунин корхонаҳо ягон мушкилӣ нест. Бар асоси дастури ҳукумат аввал ниёзи корхонаҳое бароварда мешавад, ки барои воридот ва истеҳсоли маводҳои аввалия машғуланд”, - гуфт Сироҷиддин Икромӣ.

Раиси “Амонатбонк” дар ин бора замоне изҳори назар кард, ки аз камбуди доллар дар марокизи хизматрасонии бонкаш борҳо шикоят шудаву иддаоҳои бонк дар бораи захоири кофии доллар ботил шумурда мешуданд.

Сироҷиддин Икромӣ гуфт, аксари онҳое, ки мехоҳанд аз бонкҳо доллар ба даст оранд, ҳадафи дигарбора фурӯхтани он дар “бозори сиёҳ” – ро доранд.

Вай афзуд, аз сӯи дигар, давлате, ки худашро эҳтиром мекунад, ба мардумаш набояд доллари нақд фурӯшад.

“Қонун дар бораи ҳисобаробаркунӣ бо пули нақд ҳаст. Дар дохили Тоҷикистон бо пули миллӣ метавонед ҳисоби худро баробар кунед. Агар як асъори хориҷии дигарро ба муомила кашонем, қонун куҷо мешавад? Доллар мегирӣ, чӣ кор мекунӣ? Мегӯяд, ба хориҷа меравам. Хуб, ин тавр бошад, корт кушоед, ба ҳар ҷое, ки мехоҳед равед табобат, таҳсил, тиҷорат ё туризм, марҳамат. Маблағи шумо чӣ қадаре, ки бошад, мо конвертатсия мекунем”, - гуфт раиси “Амонатбонк”.

Сироҷиддин Икромӣ ба масъалаи захира кардани доллар дар дасти мардум низ ишора карда, гуфт, “зери болишт” нигаҳ доштани доллар яке аз сабабҳои камчинии асъори хориҷӣ аст.

Бонки миллӣ арзиши рубл, доллар ва евроро барои имрӯз эълон кард

“Ин вазъ “иқтисоди соя” – ро тақвият медиҳад. Ин андеша хатост, ки доллар дар дасти кас бошад, бо болову поён шудани қурб фоида мебинад. Баръакс, маҳз ҳамин маболиғи хуфта як рӯз ба бозор баромада, беқурбиро ба вуҷуд меоранд. Маблағ бояд ҳамеша дар гардиш бошад. Беҳтар аст долларро дар бонк пасандоз гузоштаву фоиз гиранд”, - гуфт раиси “Амонатбонк”.

564
Президент Республики Таджикистан Эмомали Рахмон

Раҳмон аз зимистони тӯлонии оянда ва вобастагӣ аз ғизои хориҷӣ гуфт

52
(Таҷдидшуда 15:23 01.10.2020)
Эмомалӣ Раҳмон, раисиҷумҳури Тоҷикистон, дар мулоқот бо фаъолони ноҳияи Рӯдакӣ аз зимистони сарду тӯлонӣ ҳушдор дод

ДУШАНБЕ, 1 окт — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон дар мулоқот масъалаи омодагӣ ба зимистонро махсусан таъкид карда, афзуд? тибқи пешгӯии мутахассисон зимистони дарпешистода сарду тӯлонӣ меояд.

“Бинобар ин, зарур аст, ки ба масъалаи дар ҳар як оила захира кардани маводи озуқа, сӯзишворӣ ва омода намудани муассисаҳои иҷтимоӣ, шабакаҳои барқ ва роҳҳо эътибори аввалиндараҷа дода шавад”, - изҳор дошт Эмомалӣ Раҳмон.

Раисиҷумҳури Тоҷикистон аз вазъи феълӣ дар ҷаҳон зикр намуда, таъкид кард, ки бояд вобастагии Тоҷикистон аз ғизои хориҷӣ коҳиш дода шавад. Ӯ зарур хонд, ки барои таъмини мардум бо озуқаи истеҳсоли худӣ чораҷӯӣ карда шавад.

“Хусусан, шароити имрӯзаи иқтисодиёти ҷаҳонӣ моро водор месозад, ки ҷиҳати ҳарчи бештар бо маҳсулоти озуқаи истеҳсоли худӣ таъмин намудани аҳолӣ ва кам кардани вобастагӣ аз воридоти маводи ғизоӣ мунтазам чораҷӯӣ намоем”, - изҳор дошт Раҳмон.

52
Барчаспҳо:
ғизо, Рӯдакӣ, Эмомалӣ Раҳмон, Тоҷикистон

 Тасмими Тоҷикистону Ӯзбекистон барои содагардонии интиқоли коло тавассути марз

140
(Таҷдидшуда 14:43 01.10.2020)
Дар Душанбе комиссияи байниҳукуматии Тоҷикистону Ӯзбекистон оид ба ҳамкориҳои тиҷоративу иқтисодӣ масъалаи мусоидат ба ҳаракати гумрукиро баррасӣ кард

ДУШАНБЕ, 1 окт – Sputnik. Тоҷикистон ва Ӯзбекистон дар доираи ҳамкориҳои гумрукӣ ба мувофиқа расиданд, ки барои мусоидат ба ҳаракати гумрук чораҳои зарурӣ меандешанд, хабар медиҳад АМИТ “Ховар”.

Ба иттилои манбаъ, ин ба таъмини ҳаракати бемамонияти молҳо ва воситаҳои нақлиёти кишварҳои сеюм тавассути гузаргоҳҳои сарҳадии Саразм - Ҷартеппа дахл дорад.

Манбаъ мегӯяд, дар ҷаласа ба ғайр аз дигар намояндагон, сардори Хадамоти гумруки Тоҷикистон Хуршед Каримзода ва муовини якуми раиси Кумитаи давлатии гумруки Узбекистон Анвар Асамов ширкат ва суханронӣ карданд.

Таъкид шудааст, ки Ӯзбекистон дар панҷгонаи шарикони хориҷии тиҷоратии Тоҷикистон мавқеи устувор дошта, гардиши савдо байни ин ду давлати дӯст аз 12 миллион доллари соли 2015 ба 362 миллион доллар дар соли 2019 расид. Ин нишондиҳанда 30 баробар афзудааст.

Ҳамин тавр, аз рӯи натиҷаҳои нимсолаи аввали соли 2020, тиҷорат бо Ӯзбекистон беш аз 217 миллион долларро ташкил дод, ки ин зиёда аз 7% ҳаҷми умумии савдои хориҷии Тоҷикистонро ташкил медиҳад.

Аз чангкашак то телевизор: ифтитоҳи корхонаи муштараки Тоҷикистону Ӯзбекистон дар Душанбе

Ғайр аз он, содироти молҳои Тоҷикистон ба Узбакистон дар ҳашт моҳи соли 2020 53 миллион долларро ташкил додааст, ки ин 24% ҳаҷми умумии содироти Тоҷикистонро ташкил медиҳад.

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

Дар ҳамин ҳол, воридоти молу маҳсулот аз Узбакистон 164,6 миллион долларро ташкил додааст.

140
Барчаспҳо:
коло, сарҳад, Ӯзбекистон, Тоҷикистон
Мужчины с портфелем в руке. Архивное фото

Қатъи ваколати Бахтовар Сафарзода дар парлумон: вазифаи нав гирифт

0
Ваколати Бахтовар Сафарзода, раҳбари Гурӯҳи Ҳизби халқи демократ дар палатаи поёнии порлумони кишвар қабл аз муҳлат қатъ карда шуд

ДУШАНБЕ, 1 окт – Sputnik. Дар ин бора аз дастгоҳи Маҷлиси намояндагон гуфтанд, ваколати Бахтовар Сафарзода, имрӯз зимни баргузории ҷаласаи навбатӣ қатъ карда шуд.

Ба иттилои манбаъ, ваколати Сафарзода бинобар таъйин шуданаш  ба вазифаи намояндаи комилҳуқуқи порлумони Тоҷикистон дар Ассамблеяи байнипорлумонии кишварҳои Иттиҳоди Давлатҳои Мустақил қатъ шуд.

Бахтовар Сафарзода номзади Ҳизби  халқии демократии Тоҷикистон ду маротиба, тайи солҳои 2015 ва 2020 вакили Маҷлиси Намояндагон аз ҳавзаи вахш интихоб гаштааст.

Номбурда доктори ҳуқуқ буда,  дар гузашта мудири кафедраи ҳуқуқи инсон ва ҳуқуқшиносии муқоисавии факултети ҳуқуқшиносии Донишгоҳи миллии Тоҷикистон ва муовини ректори Донишгоҳи миллии Тоҷикистон оид ба илм буд.

Ӯ узви кумитаи Маҷлиси намояндагони Маҷлиси Олии Ҷумҳурии Тоҷикистон оид ба қонунгузорӣ ва ҳуқуқи инсон буда сар аз 7 апрели соли 2015 ба сифати гурӯҳи вакилони Ҳизби Халқии Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон интихоб гардидааст.

 

0