Агроинвестбанк, архивное фото

Тафтиши саросарии "Агроинвестбонк": Ожонси зидди фасод пулҳои “гумшуда”-ро меҷӯяд

1372
(Таҷдидшуда 13:18 28.07.2020)
Агентии назорати давлатии молиявӣ ва мубориза бо коррупсияи Тоҷикистон аз оғози тафтиши саросарии бонки бӯҳронзада “Агроинвестбонк” хабар дод

ДУШАНБЕ, 28 июл — Sputnik. Қутбиддин Сафарзода, сардори раёсати тафтишотии ин ниҳод зимни нишасти хабарие дар Душанбе гуфт, агентӣ барои тасарруфу азхудсозии маблағҳои “Агроинвестбонк” дар ҳаҷми 391 миллион сомонӣ парвандаи ҷиноӣ боз кардааст.

Ба иттилои манбаъ, дар доираи ин парванда, тақрибан 40 нафар мансабдорони воломақоми ин бонк (аз ҷумла кормандони собиқ) ва инчунин роҳбарони як қатор ширкатҳои Тоҷикистон бозпурсӣ мешаванд.

Номбурда гуфт, ҳангоми таҳқиқи парвандаи ҷиноии зикршуда, ният доранд, далелҳои додани қарзҳои ғайриқонунӣ, тасарруфӣ ва азхудкунии онҳоро ошкор кунанд.

Ӯ гуфт, баъзе ҷузъиёти парванда бояд ифшо карда нашаванд, "зеро дар пеш кори тӯлониву пурмашаққате доранд".

Зиёни кори якҷояи хешон дар курсиҳои роҳбарӣ: суҳбати ошкорои раиси Бонки миллӣ ва 4 мисол

Сафарзода гуфт, давлат дар ниҳоят талош мекунад, амонатҳои амонатгузоронро баргардонад.

Қаблан низ Оҷонсӣ аз боздошти нафаре хабар дода буд, ки дар ҳамдастӣ бо мақобдорони бонк дар гирифтани миллионҳо доллар қарзи ғайриқонунӣ муттаҳам мешуд.

"Агроинвестбонк" яке аз бонкҳои муфлисшудаи кишвар дар қатори "Тоҷиксодиротбонк " мебошад, ки тули панҷ сол аст, дар буҳрон задааст.

Тибқи иттилои Ҷамшед Нурмаҳмадзода,  раиси Бонки Миллии Тоҷикистон,  давоми шаш моҳи соли ҷорӣ "Агроинвестбонк" ва "Тоҷиксодиротбонк" ба амонатгузорон 211 миллион сомонӣ баргардонидаанд.

Ёдовар мешавев, баъди як соли буҳронӣ шудани бонкҳо, соли 2016 Ҳукумати Тоҷикистон қарори  ҷудо кардани 3 миллиарду  320 миллион сомонӣ сармоя ба ин ду бонк ҶСК “Агроинвестбок” ва ҶСК “Тоҷиксодиротбонк”-ро  содир кард. Ин миқдор маблағ, ки сармоякунонӣ ба бонкҳои мушкилотдор гуфта мешуд, тавассути Вазорати молияи Ҷумҳурии Тоҷикистон амалӣ карда шуд.

Вазорати молияи Тоҷикистон бо гузаронидани 2 миллиарду 250 милион сомонӣ ба ҶСК “Тоҷиксодиротбонк”, саҳми худро дар ин бонк  ба 85, 2 %  ва бо ҷудо кардани 1 миллиарду 70 милион сомонӣ ба ҶСК “Агроинвестбонк” ҳиссаи худро дар ин бонк ба 87, 3% баробар кард.

Вале бо ин вуҷуд, ки ҳоло беш аз 85 % и саҳмдорони ин ду бонк Вазорати молияи Ҷумҳурии Тоҷикистон ба ҳисоб меравад ва то пурра тобеъи ин ниҳоди давлатӣ гузаштани ҳарду ин ду бонк як қадам боқист, қарзи муштариён аз сӯи ин бонкҳо пурра пардохт карда нашудааст. 

Дар қатори ин ду бонк ҳамзамон мушкили буҳронро "Тоҷпромбонк" ва "Фононбонк" низ доранд, ки то ба имрӯз амонатҳову пасандозҳои мизоҷонашонро пас надодаанд.

1372
Грузовик с газом, архивное фото

Боз гаронтар: газ 4,5 сомонӣ шуд. Оё нарх поён меравад?

519
(Таҷдидшуда 16:34 06.08.2020)
Қимати гази моеъ, аз умдатарин маводи сӯзишвории нақлиёт дар Тоҷикистон боз ҳам боло рафта ба 4, 5 ва ҳатто дар баъзе аз таъмингоҳҳои маводи сухт то ба 4, 7 сомонӣ баробар шудааст. Зимнан ин нархнома назар ба як моҳи қабл беш аз 55 % баланд гуфта мешавад

ДУШАНБЕ, 6 авг – Sputnik. Шурӯъ аз имрӯз нархи гази моеъ дар нуқтаҳои фурӯши сӯзишворӣ дар шаҳру навоҳии Тоҷикистон тағйир ёфтааст.

Бино ба иттилоъи манобеъи Sputnik Тоҷикистон ҳоло арзиши як литр гази моеъ ба 4, 5 – 4, 7 сомонӣ боло рафтааст.

Ин дар ҳолест, ки оғози ҳафтаи ҷорӣ нархи он дар аксар нуқтаҳои фурӯши сӯзишворӣ 4, 2 ва 4, 3 сомонӣ муқаррар шуда буд.

Сабаби боло рафтани қиммати газро масъулини ширкатҳои фурӯши маводи сӯхт расман шарҳ намедиҳанд. Як корманди нуқтаи фурӯши сӯзишворӣ (автозаправка) дар ноҳияи Варзоб гуфт, барои ӯ ҳам дақиқ маълум нест, ки чаро нархи газ рӯз ба рӯз боло меравад.

“Мо коргари оддӣ ҳастем. Шахсан ман танҳо дастгоҳи газдиҳандаро ба баки мошинҳо насб мекунам. Маблағи фурӯши газро нафари дигар дар хазина қабул мекунад. Ростӣ барои мо ҳам маълум нест сабаби болоравии нарх, инро роҳбарон медонанд”, иброз намуд, ҳамсуҳбти мо.

Дар ҳамин ҳол аксар ронандаҳои нақлиёт аз баланд шудани нархи газ изҳори нигаронӣ мекунанд. Онҳо мегуянд, баланд шудани арзиши газ дар замони хуруҷи пандемияи COVID -19 ба ҷайби зарба мезанад.

Коршинос сабабҳои ҷаҳиши  нархи гази моеъ дар Тоҷикистонро гуфт

"Нархи газ ба кори мо таъсир мерасонад. Нархи газ гарон шуд гуфта, нархи хизматрасонии мусофиркашони (таксӣ) ро зиёд кунем, ҳеҷ кас намешинад. Дар ин миён мо бояд ҳар моҳ маблағи патентро супорем. Агар нарх ҳамингуна боло рафтан гирад, кори мо тамом мешавад”, - гуфт ронандаи таксӣ.

Коршиносон мегуянд, тағйири нархи газ дар Тоҷикистон дар замони хуруҷи пандемияи COVID-19 ба вуҷуд омад.

Дар оғози моҳи май вақте мақомот сабти бемории вируси каронаро расман тасдиқ карданд, гаштугузори мошинҳо дар шаҳру навоҳии кишвар ба маротиб коҳиш ёфт.

Дар ин миён қимати газ то ба 2, 4 сомонӣ поён рафт. Аммо баъди хатми муҳлати қарантинаи хонагӣ ва эълони вазъи муътадили беҳдоштӣ дар кишвар ҳаракати восиатҳои нақлиёт бештар шуд ва ба ин минвол нархи гази моеъ умдатарин василаи ҳаракатдиҳандаи нақлиёт ҳам рӯз ба рӯз баланд шуд.

Ҳоло бар тибқи мушоҳидаҳо нархи газ дар қиёс ба як моҳи пеш беш аз 55 % баланд шуда то ба 4, 5 - 4, 7 сомонӣ баробар шудааст.

Иктишофи нафту гази Тоҷикистон: танҳо ду ширкат, ҳарду ҳам кор намекунанд

Дар Тоҷикистон маводи сӯхт, аз ҷумлаи гази моеъ ва бензину дизел аз хориҷа, асосан аз кишвари Русия ва Қазоқистон тавассути қаламрави Қирғизистон ворид мешавад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст. "Фароз”, "Газпром", "Газойл", "Роҳи Сомон нафт" ва “Суғднефт” аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

Саридораи геологияи гуфт, дар Тоҷикистон чи қадар кони нафту газ аст

Аммо то кунун ҳеҷ кадом аз ин ширкатҳо дар бораи сабабҳои болоравии нарх расман изҳори назар накардаанд. Ин вазъ то кай давом мекунад ва нархи газ кай поён меравад? Ин суолест, ки ҳоло бештар аз ҳар вақти дигар масъулинро манзур медорад.

519
Барчаспҳо:
НФС, шикоят, сокинон, гарон, нарх, гази моеъ, Тоҷикистон
Экономический рост, архивное фото

Иқтисоддонҳо мегӯянд ММД Тоҷикистон дар соли оянд 7% рушд мекунад, агар...

62
Вазорати рушди иқтисодии Тоҷикистон вазъеро номбар кард, ки афзоиши ММД-и кишварро дар соли 2021 беш аз 7% таъмин карда метавонад

ДУШАНБЕ, 6 авг — Sputnik. Дар Тоҷикистон, афзоиши маҷмӯи маҳсулоти дохилӣ дар соли 2021 ҳадди аққал 7% пешбинӣ шудааст, хабар медиҳад Авеста бо такя ба Вазорати рушди иқтисод ва савдои ҷумҳурӣ.

Ин ниҳод  иҷрои пешбинии хушбинонаро  танҳо бо иҷрои як шарт имконпазир медонад.

Ба гуфтаи вазорат, афзоиши ММД дар Тоҷикистон аз 7% хоҳад гузашт, танҳо агар мавҷи дуввуми коронавирус вуҷуд надошта бошад.

"Баъзе ташкилотҳои молиявии байналмилалӣ низ пешгӯии хушбинона пешкаш мекунанд. Дар сурати мӯътадил шудани вазъ, афзоиши ММД-и ҷумҳурӣ то нишондиҳандаҳои оғози пандемия, яъне зиёда аз 7% таъмин карда мешавад", - гуфтааст вазорат.

Пул нест: касри буҷет дар чаҳор моҳ ба 60 миллион доллар расид

Ҳамзамон, коршиносон бар он назаранд, ки ба ғайр аз вазъи пандемия, бояд ба интиқоли маблағҳои муҳоҷирони меҳнатӣ, воридшавии сармоя ба иқтисодиёти Тоҷикистон ва кори корхонаҳо низ таваҷҷӯҳ зоҳир карда шавад.

Қаблан вазири рушди иқтисод ва савдои Тоҷикистон Завки Завкизода гуфта буд, ки дар шаш моҳи аввали соли 2020 афзоиши ММД 3,5% буд.

Вазорати молия: нақшаи буҷет иҷро нашуд

Ҳамзамон, тибқи пешгӯиҳои Бонки ҷаҳонӣ, дар соли 2020 ММД-и Тоҷикистон то 2% коҳиш хоҳад ёфт ва дар соли 2021 афзоиши он ба 3,7% дар назар аст.

62

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон