Глава налогового комитета Таджикистан Давлатзода Нусратулло, архивное фото

Аз НБО "Роғун" то "Талко": Кумитаи андоз бузургтарин қарздоронашро ном бурд

537
(Таҷдидшуда 12:49 31.07.2020)
Кумитаи андози Тоҷикистон аз афзоиши бақияи андоз ба беш аз 35% фақат дар нимсолаи аввали соли равон хабар дод

ДУШАНБЕ, 30 июл — Sputnik. Нусратулло Давлатзода, раиси Кумита зимни нишасти матбуотии ин ниҳод ба хабарнигорон гуфт, бақияи қарзи андозҳо агар ба 1 январи соли равон 580 миллиону 384,9 ҳазор сомониро ташкил медод, ба ҳолати 1 июл 417 миллиону 360, 4 ҳазор сомонӣ афзуда, ба марзи як миллиард ё 997 миллиону 745,3 наздик шуд.

“Албатта, ин қабл аз ҳама бастагӣ дорад ба вазъияте, ки ба амал омадааст ва вазъи молиявии корхонаҳо, ки натавонистанд дуруст фаъолият кунанд. Бахусус, корхонаҳои калони саноатӣ, соҳаи хизматрасонӣ, ширкатҳои ҳавопаймоӣ ва он ширкатҳое, ки ба онҳо хизматрасонӣ мекунанд, марокизи калони тиҷоратӣ, бозорҳо ва дигар корхонаҳо аз ин буҳрони дар пайи пандемия пешомада хисороти зиёд дида, натавонистанд ба таври лозим уҳдадориҳои худро пеши андоз адо кунанд”, - гуфт Нусратулло Давлатзода.

Бино ба иттилои Кумитаи андози Тоҷикистон, қисмати умдаи ин қарз бар дӯши ширкату корхонаи ғайридавлатӣ ва соҳибкору ашхоси ҳуқуқӣ аст ва қарзи ширкату корхонаҳои давлатӣ ҳамагӣ 438 миллиону 142,8 ҳазор (соли 2019 - 289 389,7) буда, ҳиссаи онҳо дар бақияи умумии қарзи андозҳои ҷумҳурӣ – 43,9 (49,9)% - ро ташкил мекунад, ки дар қиёс бо соли гузашта 5,9% кам аст.

Аммо оморе, ки Кумитаи андози Тоҷикистон дар ихтиёри Sputnik Тоҷикистон гузошт, нишон медиҳад, ки ширкату корхонаҳои давлатӣ ҳамоно бузургтарин қарздорони андозанд.

Дар ин рақамҳо дида мешавад, ки чӣ гуна қарзи ширкату корхонаҳо дар қиёс бо соли 2019 афзоиш ёфтааст. Бузургтарин қарздорони андоз тайи ним соли ахир қарзҳои худро ҳисобӣ карда, то ҷое муваффақ шудаанд, онро коҳиш диҳанд ва ё натавонистаанд аз афзоиши он ҷилавгирӣ кунанд.

Тибқи иттилои Кумитаи андози Тоҷикистон, қарзи андози корхонаҳои сохтмони нерӯгоҳи барқи обии “Роғун” – 120 565,4 (соли 2019 - 89 115,7), корхонаҳои Агентии беҳдошти замин ва обёрии назди ҳукумати Тоҷикистон – 53 809,2 (48 801,1), “Тоҷиктелеком” – 64 269,8 (55 011,3), Нерӯгоҳи барқи обии “Сангтӯда – 1” - 71 813, 1 (6 058,6), ММЭР ХАНХҶТ – 21 872,6 (16 466,6), “Талко” – 24 612,8 (12 525,8), Маркази мутобиқати электромагнитӣ ва радиомониторинги Хадамоти алоқаи назди Ҳукумати Ҷумҳурии Тоҷикистон ба 21 872,6 (16 466,6) миллион сомонӣ мерасад.

Нусратулло Давлатзода гуфт, сабаби кам ҷамъовари шудани андоз дар чист

Ҳамзамон қарзи корхонаҳои тобеъи “Хоҷагии манзилию коммуналӣ” – 21 049,2 (25 452,8), “Алюминсохтмон КВД ШАТ” – 19 049,8 (17 803,1), “Барқи тоҷик” 11 550, 7 (0,0 – 2019), “Фулузоти нодири Тоҷикистон” – 8 766,1 (1 132,9), “Коргоҳи мошинсозӣ” – 8 300,1 (7 343,8), “Ангишт” – 8 105,7 (7 696,5), “Кони ангишти Зиддӣ” – 2 283,7 (493,6), “Трансформатор” - 1 484,9 (1 487,9) миллион ва “Шахтаи Фон Яғноб” – 609,7 (0,0) ҳазор сомониро ташкил мекунад.

537
Всемирный банк, офис в Вашингтоне

Зарари бесобиқаи коронавирус ба иқтисоди ҷаҳон: 5 сол барои барқароршавӣ лозим

164
(Таҷдидшуда 16:58 19.09.2020)
Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст

ДУШАНБЕ, 17 сен — Sputnik. Кармен Рейнхарт сармутахассиси Бонки ҷаҳонӣ мегӯяд, барқароршавии иқтисоди ҷаҳон аз буҳроне, ки дар натиҷаи пандемияи коронавирус ба амал омад, метавонад то панҷ солро дар бар гирад. 

"Эҳтимол, дар пасманзари лағви ҳама чораҳои маҳдудкунандаи марбут ба карантин ҷаҳиши фаврӣ ба амал ояд, аммо барқароршавии пурра то панҷ солро дар бар хоҳад гирифт", - изҳор доштааст Рейнхайтер.

Ҳамзамон Рейнхарт интизор дорад, ки пас аз буҳрон сатҳи камбизоатӣ дар ҷаҳон бори аввал дар 20 соли охир боло хоҳад рафт.

Ба гуфтаи иқтисодчӣ, буҳроне, ки дар натиҷаи пандемия ба вуҷуд омадааст, нобаробариро дар ҷаҳон афзоиш хоҳад дод, "зеро табақаҳои камбизоати аҳолӣ аз буҳрон дар кишварҳои сарватманд аз ҳама сахттар зарар мебинанд ва кишварҳои камбизоат нисбат ба сарватманд бештар хисорот хоҳанд дид", - менависад Арменпресс бо истинод ба РИА Новости.

Гуттерреш мегӯяд, коронавирус аз назорат берун омад ва ваксин ин буҳронро рафъ намекунад

Бонки ҷаҳонӣ моҳи июн гузориш дод, ки соли 2020 коҳиши рекордии иқтисоди ҷаҳонро пас аз ҷанги дуввуми ҷаҳонӣ интизор аст.

Ёдовар мешавем, Созмони ҷаҳонии беҳдошт хуруҷи сирояти нави коронавируси COVID-19-ро пандемия эълон кард. Тибқи маълумоти охирини СҶБ, дар ҷаҳон зиёда аз 29,1 миллион ҳолати сироятёбӣ ошкор гардида, беш аз 926 ҳазор нафар фавтидаанд.

164
Барчаспҳо:
иқтисод, БҶ
Флаг Таджикистана и Узбекистана, архивное фото

Дар Душанбе ҷаласаи Комиссияи байниҳукуматии Тоҷикистон ва Ӯзбекистон баргузор мегардад

201
(Таҷдидшуда 11:12 19.09.2020)
Мақомоти Тоҷикистон эълон кардааст, ки охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

ДУШАНБЕ, 19 сен – Sputnik. Бино бар иттилои дафтари матбуоти вазорати иқтисод ва савдои Тоҷикистон, дар охири моҳи сентябри соли равон дар шаҳри Душанбе ҷаласаи навбатии Комиссияи байниҳукуматии Тоҷикистон ва Ӯзбекистон баргузор гардад ва ҳоло омодагиҳо дар ин самт идома доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Баррасии ҳамкориҳои иқтисодӣ, иҷтимоии Тоҷикистону Ӯзбекистон дар Душанбе

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

Гуфта шудааст, ки ба шарофати сиёсати сарони ду кишвар ҳамкории стратегӣ босуръат рушд карда истодааст.

201
Барчаспҳо:
иқтисодӣ, ҷаласа, ҳамкорӣ, Ӯзбекистон, Тоҷикистон
Выборы в парламент Таджикистана - Москва 2020 год

Даҳ ҳазор довталаб барои баргузории интихоботи президентӣ Тоҷикистон кӯмак хоҳанд кард

0
(Таҷдидшуда 02:29 20.09.2020)
Кумитаи давлатии ҷавонон ва варзиши Тоҷикистон эълом кард барои баргузории интихоботи президентӣ 11 октябр 10 ҳазор ҷавони довталаб ба кӯмаки комиссияи марказии интихобот хоҳанд омад

ДУШАНБЕ, 20 сен — Sputnik. Дилноза Аҳмадзода муовини раиси кумитаи давлатии ҷавонон ва варзиши Тоҷикистон бо эъломи ин хабар дар нишасти комиссияи марказии интихоботи ин кишвар  афзуд, ки ин 10 ҳазор нафар дар ҳама қитъаҳои интихоботӣ ҳузур хоҳанд дошт, то ба маъмурони интихоботӣ кӯмак кунанд, иттилоъ додааст радиои тоҷикии Садои  Хуросон. 

Вай гуфт, 250 нафар аз ин довталабон ба забонҳои руси ва англисӣ мусаллат ҳастанд ва ба нозирони байналмилалии интихоботи президентӣ Тоҷикистон  кӯмак хоҳанд кард.

Ин довталабон акнун машғули таҳияи феҳристи райдиҳандагон , сабти номи онон ва омодасозии маконҳо барои дидорҳои интихоботӣ бо риояти муқаррароти беҳдоштӣ мебошанд.

Бар асоси тасмими комиссияи марказии интихоботии Тоҷикистон Эмомалӣ Раҳмон  номзади Ҳизби халқии Демократӣ, Рустам  Латифзода  номзади Ҳизби Кишоварзӣ, Абдуҳалим Ғаффоров номзади ҳизби сотсиалист, Рустами Раҳматзода номзади Ҳизби ислоҳоти иқтисодӣ ва Меъроҷ Абдуллоев номзади Ҳизби коммунистии Тоҷикистон дар интихоботи раёсати ҷумҳурии рӯзи 11 октябр  рақобат хоҳанд кард.

0
Барчаспҳо:
Кумитаи ҷавонону варзиш, кӯмак, ҷавонон, президентӣ, интихобот, Тоҷикистон