Табло с символикой доллара на обменном пункте

Русия ва Чин аз доллар рӯй гардонданд

614
(Таҷдидшуда 17:31 20.08.2020)
Иқтисоддонҳо мегӯянд, Русия ва Чин азми ташкили эътилофи молиявиеро доранд, ки барои пули амрикоӣ дар он ҷой нахоҳад буд, чун амалиёти тиҷорӣ бо асъори миллӣ сурат мегиранд

ДУШАНБЕ, 18 авг — Sputnik. Наталя Дембинская. Маскав ва Пекин азм доранд, ки аз пули амрикоӣ даст кашанд. Саҳми доллар дар тиҷорат миёни Русия ва Чин дар сатҳи пасттарин ва додугирифт бо асъори миллӣ дар сатҳи баландтарин қарор дорад. Иқтисоддонҳо муътақиданд, ки дар ниҳоят “эътилофи молиявие” ташкил хоҳад шуд, ки барои асъори амрикоӣ дар он ҷой нахоҳад буд. Зиёда аз ин сармоядорон низ захираҳояшонро аз доллар ба тилло гузаронда истодаанд.

Евро ва юан: чораҳо барои канорагирӣ аз доллар

Дар нимсолаи аввали соли равон ҳиссаи доллар дар амалиёти тиҷорӣ миёни Русия ва Чин бори аввал дар таърих аз 50 дарсад поин рафта, ба 46 фоиз баробар шуд. Ба евро 30% ва ба асъори миллӣ — рубл ва юан — 24% рост меояд. Ин ҷаҳиш — ҷузъе аз стратегияи кам кардани ҳиссаи доллар дар иқтисодиёти Русия ва зиёд намудани устуворӣ дар баробари таҳдиди таҳримҳои нави ИМА мебошад.

Солҳои охир Маскав ва Пекин қадам ба қадам долларро аз тиҷорати дуҷонибаашон истисно мекунанд. Ҳанӯз соли 2014 ҷонибҳо созишномаи сесолаи своп ба маблағи 150 миллиард юан, муодили 24,5 миллиард доллар бастанд, ки имкони дастрасӣ ба асъори миллиро бидуни зарурати харид дар бозори озод, фароҳам мекунад.

Соли 2015 қариб 90 дарсади амалиёт бо доллар сурат мегирифтанд. Аммо дар соли 2019 ин нишондод ба 51% баробар шуд. Абарширкати нафтии Русия, “Роснафт” созишномаҳои содиротии худро ба евро гузаронд.

Ба таъкиди Nikkei Asian Review, азми Русия ва Чин барои дасткашӣ аз доллар ба лаҳзаи калидӣ наздик омадааст, ки имкон медиҳад, “эътилофи молиявӣ” бидуни иштироки пули амрикоӣ ташкил карда шавад.

Кори беисти дастоҳи чопи доллар чӣ пайомад дорад?

Талоши Русия ва Чин, яке аз омилҳои калидии коҳиши талабот ба доллар мебошад, аммо ягона нест. Тавре бонкҳои пешоҳанги сармоягузорӣ таъкид мекунанд, чоҳ барои асъори амрикоиро Хадамоти захиравии федералӣ меканад.
Барои дастгирии иқтисодиёт ин ниҳоди танзимкунанда меъёри бозтамвилро ба нол баробар карда, дастгоҳи чопиро ба кор даровард. Аз оғози буҳрони каронавирус Хадамоти захиравии федералӣ қариб 6 триллион долларро вориди бозор кард. Молияшиносон мегӯянд, ин озмоиши таърихист, ки дастгоҳи чопӣ бе ист кор карда, кишварро бебунёд бо пули нақд таъмин мекунад. Ин оҳиста-оҳиста долларро мекушад.

Шохиси пули амрикоӣ бемайлон коҳиш ёфта, даромаднокии коғазҳои қиматноки давлатӣ поин рафта истодааст. Аз моҳи апрел доллар дар қиёс бо 6 асъори асосӣ 10 дарсад поин рафт. Бори охир доллар то чунин нишондод моҳи майи соли 2018 поин рафта буд.

Яке аз бузургтарин бонкҳои Goldman Sachs ҳисоб кард, ки дастгоҳи чопӣ тавозуни Хадамоти федералиро ба андозаи 2,8 триллион расонд. Сармоядорон дороияшонро аз аз доллар гирифта, ба тилло мегузаронанд. Ин ҳама дар пасманзари меъёрҳои пасти коғазҳои қиматноки давлатӣ сурат мегирад.

“Хадамоти федералии захиравӣ беш аз 4 триллион долларро чоп кард, ки ин дар қиёс ба нишондоди 11 соли гузашта, бештар мебошад. Асъори бидуни таъминотро ба фурӯш гузоштаанд, ки дар натиҷа доллар ба поин меравад”, - изҳор дошт коршинос ва сармоягузор Ян Марчинский.

Беқурбшавӣ ба андозаи сеяк

Дар бораи хатарҳо Сандуқи байналмилалии асъор низ дар гузориши моҳи августӣ ҳушдор дод. Триллионҳо доллари чопшуда барои мубориза бо буҳрон ва меъёрҳои аз ҳад паст ба захираҳои пулӣ таъсири манфӣ доранд. Сармоядорон мегурезанд.

Ба гуфтаи собиқ ноиби ХБА, Жу Мина, бастаи нави дастгириҳои молиявӣ аз конгрес ба андозаи ҳадди ақал 1 триллион доллар, метавонад бебандуборие ба вуҷуд орад.

“На барои он ки қурби доллар мунтазам ба андозаи 30 дарсад поин меравад, ташвиш бояд кашид,  балки ҳодисаи яквақтаина, таркише ба вуҷуд меояд, ба таври ногаҳонӣ долларро аз эътимоди сармоядорон маҳрум мекунад”, - гуфт Жу Мин.

Ӯ тавзеҳ дод, ки ин “таркиш” дар сурате метавонад рух диҳад, ки ширкатҳои бузург зери бори қарзҳо муфлис шаванд. Дар пайи буҳрони молиявии соли 2008 бахши корпоративӣ осебпазиртар шуд ва дар ҳамин ҳол меъёрҳои паст ба онҳо имкон доданд, ки якбора қарзгириро зиёд кунанд.

Инчунин иқтисоди амрикоӣ зери қарзи 26-триллионии ҳукумати федералӣ мондааст, ки ба гузориши UBS-и Швейтсария, ин ҳама дар ниҳоят ба доллар зарба мезанад.

“Дар дурнамои дарозмуддат афзоиши қарзи давлатӣ ба эҳтимоли зиёд ба асъори амрикоӣ таъсир хоҳад гузошт”, - гуфт Томас Флурӣ, стратеги  UBS Wealth Management.

Доллар ҳанӯз ҳам аз имтиёзҳои зиёд бархӯрдор аст, аммо давраи доллар ҳам дар ҳоли анҷомёбист, изҳор дошт Стивен Роуч, собиқ роҳбари бахши осиёии бонки сармоягузории Morgan Stanley.  Ӯ пешгӯӣ мекунад, ки соли 2021 қурби доллари амрикоӣ метавонад ба андозаи сеяк поин равад. Ин натиҷаи коҳиши якбораи захираҳои аҳолӣ ва афзоиши қарзи давлатӣ дар пасманзари беруншавии муваффақи шарикони асосии тиҷории ИМА аз буҳрон хоҳад буд.

614
Моҳиҳо, акс аз бойгонӣ

"Форел" бо шиногоҳ - яке аз иншооти ҷашнӣ дар Хуҷанд

295
(Таҷдидшуда 18:10 27.09.2020)
Аз ҷумлаи иншооте, ки ба истиқболи 30-солагии Истиқлоли давлатии Ҷумҳурии Тоҷикистон дар шаҳри бостонии Хуҷанд бунёд мешаванд, тарабхонаи “Форел” дар соҳили рости дарёи Сир арзёбӣ мегардад

ДУШАНБЕ, 27 сен — Sputnik. Тибқи иттилои котиботи шаҳрдории Хуҷанд, раиси шаҳр Маъруф Муҳаммадзода бо раванди сохтмони тарабхонаи “Форел” дар соҳили Сир шинос шуд.

“Тарабхонаи “Форел” барои ҷалби сайёҳон бахусус хориҷиён нигаронида шуда, дар атрофи он барои шаҳрвандон мавзеъҳои истироҳатӣ бунёд карда мешавад. Аз ҷумла бунёди як шиногоҳ ба нақша гирифта шудааст”, - омадааст дар иттилоия.

Манбаъ афзуд, муассиси ширкати “Форел” Муҳсин Шодиев буда, иншоот аз таҳхона ва 2 ошёна иборат буда, дар масоҳат 960 метри мураббаъ сохта мешавад.

Ба иттилои котиботи шаҳрдорӣ, тарабхонаи “Форел” дар рӯзҳои таҷлили Наврӯзи 2021 мавриди истифодабарӣ қарор дода мешавад.

Зикр гардид, ки алҳол дар иншоот наздики 30 нафар фаъолият доранд ва баъди истифодадиҳии он беш аз 25 нафар шаҳрвандон соҳиби ҷойи кори доимӣ мегарданд.

Раиси шаҳри Хуҷанд Маъруф Муҳаммадзода ба роҳбарияти ширкати “Форел” ҷиҳати суръатбахшии босифати корҳо дастуру супоришҳо дода, баҳри ободонии атрофи он, ташкили инфрасохтори сайёҳӣ машварат дод. Таъкид шудааст, ки атрофи иншоот пурра тоза карда шуда, барои мардум шароити созгори истироҳату фароғат дар соҳили дарёи Сир муҳайё гардад.

295
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

282
(Таҷдидшуда 16:04 27.09.2020)
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буда, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, - гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бесуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидории зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

282
Барчаспҳо:
истеҳсол, бозор, нарх, картошка, Тоҷикистон
Панорама города Худжанд, архивное фото

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

0
(Таҷдидшуда 00:08 29.09.2020)
Раҳматзода Даврон, муовини сардори Бозрасии давлатии автомобилии (БДА) Суғд шоми гузашта бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кардааст

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишдухтари тақрибан 18 сола ба қасди худкушӣ худро аз болои купрук (мост) ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт манзари ғарқшавиро дида, фавран бо қойиқ ба маҳалли ҳодиса шитофта, донишҷӯдухтарро, ки дар ҳоли фурурафтан ба коми дарё буд, ҳамроҳ бо кормандони ситоди ҳолатҳои фавқуллода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

“Агар Раҳматзода ва кормандони КҲФ фавран ба қаъри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз худғарқкунӣ наҷот дода шуд”, иброз намуд, Аваззод.

Ба иттилоъи манбаъ, зимнан донишҷудухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд.

Хабарҳо дар бораи даст ба худкушӣ задани шаҳрвандон дар руду обанборҳо вақтҳои ахир зиёд ба нашр мерасад.

Фоҷиа дар Ғарм: модари ҷавон бо се фарзандаш худро ба дарё андохт

Субҳи имрӯз, дафтари матбуоти КҲФ Тоҷикистон низ аз дарёфти ду ҷасад аз дарёи Вахш хабар дод.

Бар пояи эълони КҲФ зани 31 солаи сокини ноҳияи Ёвон рӯзи 27 сентябр ҳамроҳ бо духтарчаи 9 солааш ба коми дарёи Вахш задааст.

0
Барчаспҳо:
худкушӣ, наҷот, БДА, Суғд, Тоҷикистон