Дастгоҳи ихстироҷ дар баҳр, акс аз бойгонӣ

Ба хотири сиёсат, на барои мардум: захираҳои гази Туркия чӣ медиҳанд?

199
(Таҷдидшуда 21:05 26.08.2020)
Мақомоти Туркия кашфи захираҳои газ дар Баҳри Сиёҳро зери унвони “оғози даври нав”, “кишвар аз нигоҳи энергетикӣ мустақил мешавад” ва “лаҳзаи таърихӣ” бозтоб доданд. Аммо дар амал ин ба зудӣ ба даст намеояд

ДУШАНБЕ, 26 авг — Sputnik. Сесад миллиард мукааб газ бо арзиши 80 миллиард доллар хеле ҷиддӣ садо медиҳад. Таҳлилгарон дар пайи изҳороти Анқара дар бораи дарёфти захираҳои газ дар Баҳри Сиёҳ ба пешгӯии нишондиҳандаҳои макроиқтисодӣ пардохтанд.

Гуфта шуд, ки оё Туркия тавони таъмини талаботи худ ва ба содиркунанда табдил ёфтанро дорад. Бархе нигаронияшонро аз “Маҷрои Туркия” баён доштанду гуруҳи дигар арзиши истихроҷро ҳисоб намуданд.

Дар амал вазъ хеле содатар асту баррасиҳо бояд бо назардошти ҳаводиси дохилии ин ҷумҳурӣ сурат гиранд.  Раҳмӣ Туран, яке аз муаллифони матлаб барои нашрияи туркии  Sözcü зикр намуд, ки дар кишвар як анъанаи сиёсист, ки қабл аз интихобот дар бораи захираҳои бузурги нафту газ эълон мекунанд.

Интихоботи наздиктарин соли 2023 дар назар аст ва чунин менамояд, ки барои як маъракаи пиар ҳанӯз барвақт аст. Маҳз то он лаҳза мақомдорон ният доранд, ки истихроҷи захираҳоро оғоз кунанд, бинобар ин сарлавҳаҳо баъди се сол метавонанд боз баландтару ҷолибтар садо диҳанд.

Туркия феълан пурра аз воридоти газ аз хориҷ вобаста аст ва умедвор кардани интихобкунандаҳо дар арафаи интихобот хеле пураҳамият мебошад. Ин масъала чун ҳалли кулли мушкилоти иқтисодии кишвар бозтоб дода мешавад.

Оверчук дар бораи тамдиди патенти муҳоҷирин ва таҷдиди парвозҳо

Дар нашрияи Sözcü бо чунин бархӯрд розӣ нестанд, чун аввалан эҳтимоли хеле кам аст, ки ҳамагӣ тайи се сол тамоми марҳилаҳои истихроҷу коркард роҳандозӣ шавад. Дуюм ҳадди ниҳоии истеҳсол барои 7 соли наздик 8 – 10 миллиард метри мукааб дар як со ласт, ки танҳо аз 5 як ҳиссаи талаботи Туркияро таъмин мекунад. Агар истиқлоли энергетикии фаро ҳам расад, ин ба зудӣ рух нахоҳад дод.

Гуфта мешавад, ки тайи 18 соли раёсати Ҳизби адолату рушд, туркҳо ҳудуди 9 бор аз хабарҳои кашфи захираҳои нафт табли шодӣ мезаданд. Аммо баъди овоздиҳии навбатӣ он боз фаромӯш мешуд. Ин одати пешазинтихоботӣ ҳудуди 65 сол пеш асос гузошта шуд, ки он замон сарвазир Аднан Мендерес, роҳбари Ҳизби демократӣ буд.  

Қирғизистон марзҳояшро барои 31 кишвар боз кард: Тоҷикистон ҳам дар рӯйхат ҳаст?

Рӯзномаҳо он зери сарлавҳаҳои боло “дар Фраксия кони бузурги нафт пайдо шуд”, нашр гардиданд.  Аммо оё ин “оғози даври нав”-у кафили истиқлоли энергетикии Туркия шуд? Тавре аён аст, не.

199
Барчаспҳо:
газ, Туркия
Моҳиҳо, акс аз бойгонӣ

"Форел" бо шиногоҳ - яке аз иншооти ҷашнӣ дар Хуҷанд

296
(Таҷдидшуда 18:10 27.09.2020)
Аз ҷумлаи иншооте, ки ба истиқболи 30-солагии Истиқлоли давлатии Ҷумҳурии Тоҷикистон дар шаҳри бостонии Хуҷанд бунёд мешаванд, тарабхонаи “Форел” дар соҳили рости дарёи Сир арзёбӣ мегардад

ДУШАНБЕ, 27 сен — Sputnik. Тибқи иттилои котиботи шаҳрдории Хуҷанд, раиси шаҳр Маъруф Муҳаммадзода бо раванди сохтмони тарабхонаи “Форел” дар соҳили Сир шинос шуд.

“Тарабхонаи “Форел” барои ҷалби сайёҳон бахусус хориҷиён нигаронида шуда, дар атрофи он барои шаҳрвандон мавзеъҳои истироҳатӣ бунёд карда мешавад. Аз ҷумла бунёди як шиногоҳ ба нақша гирифта шудааст”, - омадааст дар иттилоия.

Манбаъ афзуд, муассиси ширкати “Форел” Муҳсин Шодиев буда, иншоот аз таҳхона ва 2 ошёна иборат буда, дар масоҳат 960 метри мураббаъ сохта мешавад.

Ба иттилои котиботи шаҳрдорӣ, тарабхонаи “Форел” дар рӯзҳои таҷлили Наврӯзи 2021 мавриди истифодабарӣ қарор дода мешавад.

Зикр гардид, ки алҳол дар иншоот наздики 30 нафар фаъолият доранд ва баъди истифодадиҳии он беш аз 25 нафар шаҳрвандон соҳиби ҷойи кори доимӣ мегарданд.

Раиси шаҳри Хуҷанд Маъруф Муҳаммадзода ба роҳбарияти ширкати “Форел” ҷиҳати суръатбахшии босифати корҳо дастуру супоришҳо дода, баҳри ободонии атрофи он, ташкили инфрасохтори сайёҳӣ машварат дод. Таъкид шудааст, ки атрофи иншоот пурра тоза карда шуда, барои мардум шароити созгори истироҳату фароғат дар соҳили дарёи Сир муҳайё гардад.

296
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

282
(Таҷдидшуда 16:04 27.09.2020)
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буда, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, - гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бесуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидории зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

282
Барчаспҳо:
истеҳсол, бозор, нарх, картошка, Тоҷикистон
Панорама города Худжанд, архивное фото

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

0
(Таҷдидшуда 00:08 29.09.2020)
Раҳматзода Даврон, муовини сардори Бозрасии давлатии автомобилии (БДА) Суғд шоми гузашта бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кардааст

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишдухтари тақрибан 18 сола ба қасди худкушӣ худро аз болои купрук (мост) ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт манзари ғарқшавиро дида, фавран бо қойиқ ба маҳалли ҳодиса шитофта, донишҷӯдухтарро, ки дар ҳоли фурурафтан ба коми дарё буд, ҳамроҳ бо кормандони ситоди ҳолатҳои фавқуллода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

“Агар Раҳматзода ва кормандони КҲФ фавран ба қаъри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз худғарқкунӣ наҷот дода шуд”, иброз намуд, Аваззод.

Ба иттилоъи манбаъ, зимнан донишҷудухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд.

Хабарҳо дар бораи даст ба худкушӣ задани шаҳрвандон дар руду обанборҳо вақтҳои ахир зиёд ба нашр мерасад.

Фоҷиа дар Ғарм: модари ҷавон бо се фарзандаш худро ба дарё андохт

Субҳи имрӯз, дафтари матбуоти КҲФ Тоҷикистон низ аз дарёфти ду ҷасад аз дарёи Вахш хабар дод.

Бар пояи эълони КҲФ зани 31 солаи сокини ноҳияи Ёвон рӯзи 27 сентябр ҳамроҳ бо духтарчаи 9 солааш ба коми дарёи Вахш задааст.

0
Барчаспҳо:
худкушӣ, наҷот, БДА, Суғд, Тоҷикистон