АЗС, архивное фото

Тафтишу ҷарима: Агентии зиддиинҳисорӣ адаби ширкатҳоро дод

1257
(Таҷдидшуда 10:46 04.09.2020)
Хадамоти зиддиинҳисории назди ҳукумати Тоҷикистон аз ҷарима шудани ҳудуди даҳ ширкате, ки бо тиҷорати гази моеъ машғуланд, хабар дод

ДУШАНБЕ, 4 сен — Sputnik. Маркази матбуоти Хадамоти зиддиинҳисорӣ бо таъйиди ин хабар ба Sputnik Тоҷикистон гуфт, ин ниҳод шурӯъ аз моҳи июл ба тафтиши фаъолияти ширкатҳои воридкунандаи гази моеъ пардохта, 9 ширкатро ҷарима баст.

"Ҳаҷми ҷаримаҳо дар умум 1 миллиону 200 ҳазор сомониро ташкил медиҳад. Сабаби аслии ҷарима шудани онҳо ворид намудани хароҷоти беасос ба нархи фурӯши мол аст, ки мӯҷиби ба таври сунъӣ боло рафтани нархи газ дар бозорҳои кишвар шудааст”, - гуфт ин манбаъ.

Дар ҳамин ҳол, Маркази матбуоти Хадамоти зиддиинҳисорӣ аз овардани номҳои ин ширкатҳо ба хотири ҳифзи обрӯву эътибори тиҷоратии онҳо худдорӣ карда, афзуд, ҳоло фақат 9 ширкат аз тафтиш гузаштаанд ва бақия 6 ширкати дигар низ мавриди тафтиш қарор дода хоҳанд шуд.

"Ин тафтишҳо нишон доданд, ки ширкатҳо аз роҳҳои ғайриқонунӣ ба нархи маҳсулоти худ меафзоянд. Ҳол он ки тибқи қонунгузории Тоҷикистон, ширкатҳо ҳақ доранд як фоизи муайян бар арзиши аслии маҳсулот илова кунанд, на беш аз он", - гуфт ин манбаъ.

Тибқи иттилои Хадамоти зиддиинҳисорӣ, дар ҳоли ҳозир дар Тоҷикистон 15 ширкати воридкунандаи гази моеъ - "Аллат" (18,24), “Темур ойл” (11,08%), “Ғайрат” (10,61%), “Октан – сервис” (10,04%), “Газпромнефт Тоҷикистон” (8,09%), “Эмом импорт эспорт” (8,08%), “Мабдаи нур” (4,70%), “Каёнуш – таъминот” (5,36%), “Гули сурх континент” (4,33%), “Нури Дилшод” (4,05%), “Баҳор” (3,71%), “Газойл” (3,40%), “Соро компания” (2,86%), “Кӯлобнафтрасон” (2,82%) ва “Газнафт” (2,64%) – фаъолият мекунанд.

Бино ба ин манбаъ, ин ширкатҳо дар нимсолаи аввали соли равон 264 ҳазору 207,66 тон гази моеъ ба маблағи 102, 1 миллион доллар ворид кардаанд.

1257
Барчаспҳо:
ширкатҳо, гази моеъ, Тоҷикистон
Моҳиҳо, акс аз бойгонӣ

"Форел" бо шиногоҳ - яке аз иншооти ҷашнӣ дар Хуҷанд

116
(Таҷдидшуда 18:10 27.09.2020)
Аз ҷумлаи иншооте, ки ба истиқболи 30-солагии Истиқлоли давлатии Ҷумҳурии Тоҷикистон дар шаҳри бостонии Хуҷанд бунёд мешаванд, тарабхонаи “Форел” дар соҳили рости дарёи Сир арзёбӣ мегардад

ДУШАНБЕ, 27 сен — Sputnik. Тибқи иттилои котиботи шаҳрдории Хуҷанд, раиси шаҳр Маъруф Муҳаммадзода бо раванди сохтмони тарабхонаи “Форел” дар соҳили Сир шинос шуд.

“Тарабхонаи “Форел” барои ҷалби сайёҳон бахусус хориҷиён нигаронида шуда, дар атрофи он барои шаҳрвандон мавзеъҳои истироҳатӣ бунёд карда мешавад. Аз ҷумла бунёди як шиногоҳ ба нақша гирифта шудааст”, - омадааст дар иттилоия.

Манбаъ афзуд, муассиси ширкати “Форел” Муҳсин Шодиев буда, иншоот аз таҳхона ва 2 ошёна иборат буда, дар масоҳат 960 метри мураббаъ сохта мешавад.

Ба иттилои котиботи шаҳрдорӣ, тарабхонаи “Форел” дар рӯзҳои таҷлили Наврӯзи 2021 мавриди истифодабарӣ қарор дода мешавад.

Зикр гардид, ки алҳол дар иншоот наздики 30 нафар фаъолият доранд ва баъди истифодадиҳии он беш аз 25 нафар шаҳрвандон соҳиби ҷойи кори доимӣ мегарданд.

Раиси шаҳри Хуҷанд Маъруф Муҳаммадзода ба роҳбарияти ширкати “Форел” ҷиҳати суръатбахшии босифати корҳо дастуру супоришҳо дода, баҳри ободонии атрофи он, ташкили инфрасохтори сайёҳӣ машварат дод. Таъкид шудааст, ки атрофи иншоот пурра тоза карда шуда, барои мардум шароити созгори истироҳату фароғат дар соҳили дарёи Сир муҳайё гардад.

116
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

183
(Таҷдидшуда 16:04 27.09.2020)
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буда, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, - гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бесуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидории зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

183
Барчаспҳо:
истеҳсол, бозор, нарх, картошка, Тоҷикистон

Лавров дар бораи “Маҷрои Шимол 2”: барои Олмон ин масъалаи номус аст-видео

0
(Таҷдидшуда 20:48 27.09.2020)
Сергей Лавров, вазири умури хориҷии Русия, мегӯяд, ИМА тариқи оммавӣ ба паст задани Иттиҳоди Аврупо ва махсусан Олмон машғул мебошад

Лавров дар пайи гуфтушунид бо ҳамтои эронияш, Муҳаммад Ҷавод Зариф, зимни нишасти матбуотӣ, аз ҷумла дар бораи лоиҳаи сохтмони лӯлаи газ “Маҷрои Шимол – 2” гуфт.

“Мо мебинем, ки чигуна ИМА ҳамарӯза тариқи оммавӣ талош мекунанд, Иттиҳоди Аврупоро паст зананд ва пеш аз ҳама Олмонро. ИМА аз забони намояндагони расмияш аз Олмон талаб мекунад, ки бахташро дарк кунаду амнияти энергетикияшро таъмин созад”, - изҳор дошт вазири умури хориҷии Русия.

Ба гуфтаи Лавров таҳримҳои амрикоӣ алайҳи лӯлаи газ ба он равона шудаанд, ки аврупоиҳоро водор созанд, гази ба маротиб қимати моеъро аз ИМА харанд.

Вазири умури хориҷии Русия илова намуд, ки раёсати ИМА талош дорад, ин иқдомашро ҳамчун “таҳкими амнияти энергетикии Аврупо” шарҳ диҳад.

Ба гуфтаи Лавров, акнун барои Олмон анҷоми сохтмони лӯлаи “Маҷрои шимол – 2” барои Олмон масъалаи нангу номус аст.

0
Барчаспҳо:
Иттиҳоди Аврупо, Олмон, Русия