Тасмими Тоҷикистону Ӯзбекистон барои содагардонии интиқоли коло тавассути марз

© Sputnik / Виктор Толочко / Гузариш ба медиабонкГрузовик на границе, архивное фото
Грузовик на границе, архивное фото - Sputnik Тоҷикистон
Обуна шудан
Дар Душанбе комиссияи байниҳукуматии Тоҷикистону Ӯзбекистон оид ба ҳамкориҳои тиҷоративу иқтисодӣ масъалаи мусоидат ба ҳаракати гумрукиро баррасӣ кард

ДУШАНБЕ, 1 окт – Sputnik. Тоҷикистон ва Ӯзбекистон дар доираи ҳамкориҳои гумрукӣ ба мувофиқа расиданд, ки барои мусоидат ба ҳаракати гумрук чораҳои зарурӣ меандешанд, хабар медиҳад АМИТ “Ховар”.

Инветиционный форум между предпринимателями Узбекистана и Таджикистана - Sputnik Тоҷикистон
Дар Душанбе миёни Тоҷикистону Ӯзбекистон 15 созишномаи нави ҳамкорӣ ба имзо расид

Ба иттилои манбаъ, ин ба таъмини ҳаракати бемамонияти молҳо ва воситаҳои нақлиёти кишварҳои сеюм тавассути гузаргоҳҳои сарҳадии Саразм - Ҷартеппа дахл дорад.

Манбаъ мегӯяд, дар ҷаласа ба ғайр аз дигар намояндагон, сардори Хадамоти гумруки Тоҷикистон Хуршед Каримзода ва муовини якуми раиси Кумитаи давлатии гумруки Узбекистон Анвар Асамов ширкат ва суханронӣ карданд.

Таъкид шудааст, ки Ӯзбекистон дар панҷгонаи шарикони хориҷии тиҷоратии Тоҷикистон мавқеи устувор дошта, гардиши савдо байни ин ду давлати дӯст аз 12 миллион доллари соли 2015 ба 362 миллион доллар дар соли 2019 расид. Ин нишондиҳанда 30 баробар афзудааст.

Ҳамин тавр, аз рӯи натиҷаҳои нимсолаи аввали соли 2020, тиҷорат бо Ӯзбекистон беш аз 217 миллион долларро ташкил дод, ки ин зиёда аз 7% ҳаҷми умумии савдои хориҷии Тоҷикистонро ташкил медиҳад.

Аз чангкашак то телевизор: ифтитоҳи корхонаи муштараки Тоҷикистону Ӯзбекистон дар Душанбе

Ғайр аз он, содироти молҳои Тоҷикистон ба Узбакистон дар ҳашт моҳи соли 2020 53 миллион долларро ташкил додааст, ки ин 24% ҳаҷми умумии содироти Тоҷикистонро ташкил медиҳад.

"Соҳибкор бо соҳибкор": Форуми сармоягузории Тоҷикистону Ӯзбекистон доир гардид

Дар ҳамин ҳол, воридоти молу маҳсулот аз Узбакистон 164,6 миллион долларро ташкил додааст.

Лентаи хабарҳо
0