Банкноты номиналом 1000, 2000 и 5000 рублей

Коршинос гуфт, арзиши рубл кай дубора боло меравад

447
Иқтисоддонҳо гуфтанд, ки кадом омилҳо ба қурби доллар ва рубл дар охири моҳи октябр таъсир мерасонанд

ДУШАНБЕ, 18 окт — Sputnik. Рубл нисбат ба доллар ва евро ба таври назаррас коҳиш ёфт, хабар медиҳад Российская Газета бо истинод ба Анна Зайтсева, таҳлилгари Гурӯҳи “ФИНАМ”.

Ба гуфтаи иқтисодшинос, ин вазъ бо сабаби коҳиши талабот ба сармоягузорон ба дороиҳои хатарнок, аз ҷумла асъори кишварҳои дар ҳоли рушд ва бад шудани вазъи эпидемиологӣ дар ҷаҳон дар шароити паҳншавии коронавирус ба вуҷуд омадааст.

"Илова ба бад шудани COVID-19, динамикаи бениҳоят ноустувори нафт ба рубл таъсири манфӣ расонд" гуфт коршинос.

Ҳамзамон, таҳлилгар таваҷҷӯҳро ба он ҷалб кард, ки таҳримҳои Аврупо алайҳи Русия ба қурби рубл таъсири назаррас надоштанд. Ғайр аз ин, пули русиро интервенсияҳои асъории Бонки марказии Федератсияи Русия ва Вазорати молия дастгирӣ мекунанд.

Зайтсева қайд кард, ки то эълони натиҷаҳои интихоботи президентӣ дар ИМА ноустувории рубл боқӣ хоҳад монд.

"Ҳамзамон, дар сурати мавҷуд набудани омилҳои нави манфии хусусияти геополитикидошта ва нисбатан мӯътадил гардидани вазъ дар бозорҳои ҷаҳонӣ, рубли русӣ барои таҳким ҳама имкониятҳоро дорад",- гуфт таҳлилгар.

Тибқи пешгӯии иқтисодшинос, дар охири моҳи октябр қурби доллар дар ҳудуди аз 77 то 78,8 рубл боқӣ хоҳад монд ва евро  бошад дар марзи  90,50 то 92,40 рубл муомилот хоҳад шуд.

447
Барчаспҳо:
қурби асъор, евро, доллар, рубл
Мошинҳои боркаш, акс аз бойгонӣ

Савдои хориҷии Хатлон беш аз 217 миллион долларро ташкил додаст

57
(Таҷдидшуда 13:44 25.10.2020)
Қурбон Ҳакимзода, раиси вилояти Хатлон, зимни як ҷаласа натиҷаҳои фаъолияти бахшҳои гуногуни вилоятро тайи 9 моҳи соли равон ҷамъбаст кард

ДУШАНБЕ, 25 окт — Sputnik. Дар нуҳ моҳи соли равон гардиши савдои хориҷӣ ба 217,2 миллион доллари амрикоӣ расид, хабар дод нашрияи “Ҷумҳурият” аз қавли котиботи ҳукумати Хатлон.

Манбаъ афзуд, содироти мол 100,9 миллион долларро ташкил дода, воридоти он ба 116,3 миллион доллар расидааст.

“Аз вилоят ба хориҷи кишвар, асосан, нахи пахта, калобаи ресандагӣ, неруи барқ, семент, шираи камол, ангишт ва маҳсулоти кишоварзӣ содирот гардида, нурии минералӣ, маҳсулоти нафтӣ, гази моеъ, воситаҳои нақлиёт, маҳсулоти кишоварзӣ, тиббӣ, шакар ва дигар анвои маҳсулот ворид шудааст”, - омадааст дар иттилоия.

Инчунин ҳукумати Хатлон гузориш додааст, ки дар давраи ҳисоботӣ дар ҳудуди вилоят 36 ҳазору 204 ҷойи нави кори доимӣ ва мавсимӣ таъсис ёфт.

“Аз ҳисоби 302 ярмаркаи ҷойҳои кории холии баргузоршуда 3 ҳазору 270 шаҳрванд бо ҷойи кор таъмин гардид. Дар умум, 5 ҳазору 308 нафар бо шуғл фаро гирифта шуд”, - таъкид кардааст манбаъ.

57
Барчаспҳо:
савдо, Хатлон, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Ташкили колхозу кооператив ба ҷои хоҷагиҳои оилавӣ: пешниҳоди ҳукумати ВМКБ

2097
(Таҷдидшуда 20:58 23.10.2020)
Ҳукумати Вилояти Мухтори Куҳистони Бадахшон аз натиҷаи машварати назоратии назди раиси вилоят гузориш дод, ки хоҷагиҳои деҳқонӣ ё худ оилавӣ дар вилоят таҷдиди сохтор шаванд

ДУШАНБЕ, 23 окт - Sputnik. Ҳукумати ВМКБ теъдоди хоҷагиҳои хурди деҳқонӣ ё худ оилавиро 15 ҳазору 844 адад гуфта, фаъолияти онҳоро ноустувор ва нокифоя хондааст.

Бар асоси иттилоияи нашркардаи мақомоти ВМКБ, гузаронидани ислоҳоти соҳаи кишоварзӣ ва таҷдиди хоҷагиҳо - ташкили кооперативҳои истеҳсолию колхозҳо зарур аст. Манбаъ илова намудааст, ки инчунин зиёда аз 1300 гектар замин солҳои дароз дар зери сохтмон ҳастанд, вале ҳанӯз аз ҳисоботи омори замини кишт бароварда нашудаанд

Ин дар ҳолест, ки қаблан низ Ёдгор Файзов, раиси ВМКБ,  барои истифодаи самараноки заминҳои мавҷуда ва таъмини бозор бо маҳсулоти кишоварзӣ  ташкили ассотсиатсияҳо ва кооперативҳои деҳқониро пешниҳод карда буд.

“Хочагиҳои деҳқонии инфиродӣ имрӯз дар вилоят зиёда аз 16 ҳазор ҳастанд, вале ҳиссаи ҷамъи замин ба ҳар яки онҳо 0,10 ҳисса мерасад. Ба ин хотир ассотсиатсияҳо ё кооперативҳои хоҷагиҳои деҳконӣ таъсис додан зарур аст. Ин омил имкон медиҳад, на танҳо ҳисобу китоби фаъолият, балки тавлиди зиёди ҳосили рӯёнда ва андозбандии онҳо, ҳамзамон хизматрасониҳои дигар ба онҳо беҳтар ба роҳ монда мешаванд", - омада буд дар изҳороти Файзов, ки котиботи ҳукумати ВМКБ нашр карда буд.

2097
Барчаспҳо:
ВМКБ, пешниҳод, Тоҷикистон

Шикори шабона: низомиёни русиягӣ дар Тоҷикистон бо "душман" даргир шуданд - видео

0
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

0
Барчаспҳо:
пойгоҳи 201, низомиён, тамринот, Тоҷикистон