Национальный банк Таджикистана

Бонки миллӣ арзиши рубл, доллар ва евроро барои имрӯз эълон кард

193
(Таҷдидшуда 00:31 19.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 октябр эълон кардааст

ДУШАНБЕ, 19 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1320 сомонӣ  ва дар бозори нақд бошад 0.1360 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3368 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1354 то 12.5000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1365 то 0,1390 сомонӣ муқаррар кардааст.

Дар “Спитаменбонк” бошад арзиши 1 рубл аз 0.131 то 0.141 ва дар “Алифбонк” бошад 1 рубл аз 0,1320 то 0,1410 сомонӣ нишон дода шудааст.

Пешгӯии коршинос аз ҷаҳиши рекордии доллар то охири октябр

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

193
Барчаспҳо:
қурби асъор, Бонки Миллӣ, Тоҷикистон

Қурби астъор: Бонки миллӣ арзиши рубл, доллар ва евроро барои имрӯз эълон кард

362
(Таҷдидшуда 12:07 01.12.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 1-уми декабр эълон кард

ДУШАНБЕ, 1 дек — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1472 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кардааст.

Бонки миллӣ қурби миёнаи фурӯши 1 евроро 13.5566 то 13.6000 сомонӣ арзёбӣ кардааст.

Хариду фурӯши 1 рублро бошад, Бонки миллӣ имрӯз аз 0.1477 то 0.1500 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" хариду фурӯши 1 рублро имрӯз аз 0,1480 то 0,1505 сомонӣ муқаррар кардаанд.

Дар “Спитаменбонк” бошад арзиши 1 рубл аз 0.1480 то 0.1515 ва дар “Алифбонк” бошад 1 рубл аз 0,1480 то 0,1515 сомонӣ нишон дода шудааст.

Раиси наву ваъдаи нав: Бонки миллӣ нархҳоро дар бозори дохилӣ устувор нигаҳдорӣ хоҳад кард

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

362
Барчаспҳо:
қурби асъор, Бонки миллӣ, Тоҷикистон
Мясо на рынке, архивное фото

Ҷӯҷа ба ҷои гов: чӣ тавр манъсозии қирғизҳоро ба фоидаи тоҷикон бояд табдил дод?

1018
(Таҷдидшуда 19:56 30.11.2020)
Қарори Бишкек барои манъи содироти чорво метавонад бо афзоиши нарх дар бозори гӯшти Тоҷикистон анҷомад, аммо аз ҷониби дигар барои рушди истеҳсолоти воридотивазкунанда мусоидат мекунад

ДУШАНБЕ, 30 ноя — Sputnik. Қирғизистон содироти чорво ба кишварҳои ҳамсоя, ки узви Иттиҳоди иқтисодии АвруОсиё нестанд – ба Тоҷикистону Ӯзбекистон, мамнӯъ кард.

Аз ҷумла содироти чорвои калони шохдор, бузу гӯсфанд, аспҳо, мурғҳои хонагӣ ва баъзе маҳсулоти дигар манъ гардид.

Ташаббускори ин иқдом, Вазорати кишоварзии Қирғизистон, тавзеҳ дод, ки модоме дар худи кишвар камбуди гӯшт ҷой дорад, содироти чорво мамнӯъ шуд.

“Имсол мо дар муқоиса бо соли гузашта 12 баробар бештар чорво содир кардем. Агар соли гузашта 718 сар чорвои калони шохдор ба хориҷ фурӯхтем, имсол он ба 8415 сар расидааст. Асосан ба хориҷ чорвои модина фурӯхта мешавад. Агар мо фурӯшро идома диҳем, аз оянда мемонем”, - изҳор дошт Тилек Токтогазиев.

Мақомоти зиддиинҳисорӣ мегӯяд, ки баъди ҷорӣ кардани чунин маҳдудият дар Қазоқистон, тоҷирони Тоҷикистону Ӯзбекистон ба хариди чорво аз Қирғизистон оғоз карданд, ки дар натиҷа қочоқ аз ҳарду ҷониб афзоиш ёфт.

“Бисёри миёнаравҳо аз вазъият истифода бурда, сунъӣ нархро боло бурданд”, - таъкид шудааст дар иттилоияи Хадамоти зиддиинҳисории Қирғизистон.

Ин тасмими мақомоти Қирғизистон зарба ба истеъмолкунандагон дар Тоҷикистон арзёбӣ мешавад, чун афзоиши нархи гӯшту маҳсулоти ширӣ дар ин кишвар идома дорад ва оҳиста-оҳиста гӯшти гов қариб ба ғизои нодиру гарон – деликатес табдил ёфта истодааст.

Аммо дар худи Қирғизистон низ на ҳама аз ин маҳдудият хурсанданд. Чорводорон ва содироткунандагон бо як овоз изҳор медоранд, ки ин маҳдудият ҳеч мушкилеро ҳал намесозад ва танҳо бар зарари соҳибкорони маҳаллӣ мебошад.

Ленара Ниёзбекова, роҳбари Ассотсиатсияи содироту воридкунандагони "Кирғизленда", мегӯяд, маҳдудиятҳо камаш ним сол давом хоҳанд кард ва таъсири хубе ба гардиши мол бо ҳамсояҳо нахоҳанд дошт.

“Аз нуқтаи назари мантиқ, на сиёсат, ин албатта тасмими шитобзада буд. Мо кишвари кишоварзием ва фурӯши чорво аз омилҳои асосии иқтисод мебошад. Барои ин миёни чорводорон бархе эродҳо нисбати ин иқдом ҷой доранд, ки имкон намедиҳад Тоҷикистону Ӯзбекистон чорворо аз Қирғизистон харид намоянд ва дар натиҷа аз ҳарду ҷониб қочоқ афзоиш меёбад”, - изҳор дошт Ниёзбекова.

Ба гуфтаи ӯ, маҳдудиятҳо танҳо камбуди мол дар бозорҳои ҳамсояро ба вуҷуд меорад ва дар натиҷа миёнаравҳо бо ҳадафи гирифтани даромади бештар масирҳои қочоқиро аз худ хоҳанд кард. Нақзи қонунҳо онҳоро наметарсонад, чун нафси гирифтани фоида боло мегирад ва аз қудратиҳо дар сарҳад метавонанд осон бо пардохти пора халос шаванд.

Дар баробари истеъмолкунандагони тоҷикистонӣ, аз маҳдудияти содироти чорво инчунин чорводорони наздисарҳадӣ зарар мебинанд, ки тиҷораташон дар заминаи додугирифт бо ҳамсояҳо роҳандозӣ шудаст.

“Агар Қирғизистон ба далели камбуди мол дар бозори худ, содиротро манъ кардааст, бармеояд, далелҳои ҷиддие вуҷуд доранд. Аммо аз нуқтаи назари таҷрибаи ҷаҳонӣ, ин нишонаи хуб нест ва хилофи талошҳои ҷаҳонӣ барои тиҷорати озод мебошад”, - таъкид кард доктори илмҳои иқтисодӣ, собиқ ноиби вазири хоҷагии қишлоқи Русия, Леонид Холод.

Ба гуфтаи ӯ, барои бисёри чорводорон фурӯши молашон ба хориҷи кишвар муфидтар аст, на дар дохил. Агар дар Тоҷикистон мардум аз камбуди гӯшт гила доранд, дар Қирғизистон норозигӣ аз мақомот аст, ки бидуни фароҳам кардани бозори алтернативӣ содироти чорворо мамнӯъ кардаанд.

Дар худи Тоҷикистон баъди маҳдудият дар навоҳии наздимарзӣ маҳсулоти ширию гӯштӣ боз гаронтар хоҳад шуд ва мардум барои гӯшти гов ҷойгузин ҷустуҷӯ хоҳанд кард.

“Ҳозир нархи як кило метавонад то 65-75 сомонӣ расад, ки ҳудуди 7 доллар мебошад. Ин хеле қимат аст ва ба наздикӣ мардум хариди гӯшти говро бас хоҳанд кард. Ҳукумат аз ин огоҳ аст ва мақомот бархе иқдом барои таъмини амнияти озуқавориро пешниҳод карданд. Яке аз стратегияҳо парвариши паранда мебошад, ки навъҳои дигари гӯштро иваз мекунад. Аз бахши соҳибкорӣ бештар даъват карда мешавад, корхонаҳои парандапарварӣ кушоянд, имтиёзҳо ваъда мекунанд”,  - гуфт ба Sputnik Тоҷикистон коршинос, Тилав Расулзода.

Миёни чунин сабукиҳо аз ҷумла лағви боҷи гумрукӣ зимни воридоти хӯрока ва таҷҳизот мебошад.

Дар маҷмуъ азми иваз кардани як навъи гӯшт бо дигар, барои ҳалли масъалаи ғизо дар Тоҷикистон воқеӣ ва самаранок менамояд.

Президент Республики Таджикистан Эмомали Рахмон
Исполнительный орган государственной власти Согдийской области

“Парандапарварӣ воқеан тезтар аз истеҳсолоти дигари гӯштӣ рушд мекунад. Чунин тиҷорат сармоягузории нисбатан бузурги аввалияро талаб мекунад, аммо даври гардиши сармоягузорӣ дар қиёс бо парвариши чорвои калон ба маротиб кам мебошад. Чарогоҳ зарур нест, ин истеҳсолоти шакли саноатӣ мебошад, танҳо бино, ҷой барои ҷӯҷаҳо ва ғизо зарур аст”, - таъкид кард Леонид Холод.

Маврид ба қайд аст, ки солҳои охир дар пасманзари камбуду гаронии гӯшт мушкили сифати гӯшт низ пайдо шуд.

Аз ҷумла Муҳаммадсаид Файзуллозода, раиси Кумитаи бехатарии озуқавории назди Ҳукумати Тоҷикистон, тобистони соли равон гуфт, ки тайи нимсолаи аввал аз гардиш ҳудуди 33,8 тонна гӯшти ғайристандартӣ гирифта ва нобуд карда шуд. Инчунин дар 500 гов бемории буғумдард ё худ брутселёз ошкор карда шудааст.

Дар ҳамин ҳол дар Бишкек иқдоми Вазорати кишоварзӣ барои манъи содироти чорворо сахт интиқод карданд.

Вакили парлумон, Бейшенали Нурдинов мегӯяд, бо маҳдудиятҳо наметавон вазъи нархи гӯштро муътадил сохт. Ӯ бо он далел, ки чорво моли хоҷагидорон аст, на аз давлат, талаб кард, ки маҳдудиятҳо бекор карда шаванд.

“Оё аз чорвои модина метавонад ояндаи Қирғизистон вобаста бошад? Манъ кардан осон аст, аммо худатон як баста алаф намедиҳед. Ё шумо ба чорводорон сабукию имтиёзҳо медиҳед?”, - изҳор дошт ба ҷонибдорӣ аз вакил, ноиби парлумони Қирғизистон, Мирлан Боқиров.

1018
Барчаспҳо:
воридоти гӯшт, гӯшти мурғ, гӯшт, нарх, содирот, манъ, қарор, гов, фоида, Қирғизистон, Тоҷикистон
Панисир-СА, акс аз бойгонӣ

Силоҳи Русия: натиҷаҳои аввали соли 2020

0
(Таҷдидшуда 19:02 01.12.2020)
Саноати мудофиавии Русия ва барномаи азнавмусаллаҳгардонии Вазорати дифои Русия соли ҷорӣ дар шароити лаппишҳои иқтисодӣ ва таҳдиду чолишҳои ҷаҳонӣ устувории болоро намоиш доданд

Александр Хроленко. Буҳрони иқтисодии соли 2020, ки ба пандемияи коронавирус марбут аст, барномаи давлатии рушди силоҳ ва мавқеи Русия дар бозори ҷаҳонии силоҳро осебпазир накард.

Таъминоти артиши Русия дар қиёс бо соли гузашта 11 дарсад афзоиш ёфтанд. Ба мизоҷони хориҷӣ, "Рособоронэкспорт" молҳои таъиноти низомӣ ба андозаи 10 миллиард долларро расонда, бастаи фармоишҳоро дар ҳаҷми 50 миллиард доллар ҳифз намуд. Инчунин созишномаҳои ҷадид ба маблағи 9 миллиард долларро баст.

Бидуни шомилшавӣ ба сабқати мусаллаҳшавӣ, Русия барои таъминоти артишу нерӯҳои баҳрӣ бо таҷҳизоти ҷадид аз соли 2019 беш аз 1,5 триллион рублро сарф мекунад, ки беш аз 70 дарсади он ба намунаҳои нави силсилавӣ равон шудаанд. Тайи як сол артиш беш аз 2300 номӯи силоҳро дастрас кард.

Нерӯҳои баҳрӣ бо 35 киштии зериобию киштиҳои болоиобӣ гирифтанд, танҳо флоти Балтик 6 киштии мушакдорро соҳиб шуд. Ба низоми мудофиаи ҳавоӣ чор маҷмааи полкии низоми мушакии С-400 "Триумф" ва шаш маҷмааи  "Пантсир" зам гардид.

Зимни иҷрои барномаи давлатии рушди силоҳ-2020 сатҳи таъминоти артиш ва нерӯҳои баҳрӣ бо силоҳи ҷадид ба 70 фоиз, дар нерӯҳои стратегии ҳастаӣ – 83%, нерӯҳои ҳавоӣ-кайҳонӣ ба 75% расид. Дар маҷмуъ барномаи давлатии рушди силоҳ дар Русия барои солҳои 2011-2020 нахустин барномаи пурра иҷрошуда гардида, силоҳу техникаи ҷадид дар артишро таъмин намуд.

Дар соли ҷадид таъминоти беш аз 3400 номгӯи техникаи ҷангии дигар дар назар аст, ки бо ин таъминоти артиш бо силоҳи ҷадид беш аз 71 дарсадро ташкил хоҳад дод.

Дар ҳалқаи мушкилот

Дар баробари таҳримоти зиддирусиягӣ ва рақобати носолими “шарикон”-и ғарбӣ, мушкилоти дигари содироти силоҳ аз Русия пандемия шуд. Маврид ба зикр аст, ки дар маҷмуъ камшавии “ковидӣ”-и тиҷорати силоҳ дар соли 2020 дар ҷаҳон 10 дарсад пешгӯӣ мешавад. Силоҳи Русия ҳудуди сеяки бозори ҷаҳонии силоҳро дар бар гирифта, баъди ИМА дар мақоми дуюм қарор дорад.

Иттилоъ дар бораи ҳамкориҳои техникӣ-низомӣ аксаран пӯшида мебошад. Бо вуҷуд маълум аст, ки Русия ва Туркия барои маҷмааи дуюми “ЗРС С-400”, бо Миср барои 500 танки Т-90МС бастаст. Инчунин барои таъминоти фармоишгари хориҷӣ бо чархболҳои  Ми-38Т созишнома баста шудааст.

Ҳинд омода аст, 2 миллиард доллари амрикоиро барои ҳавопаймоҳои қиркунандаи Миг-29 ва Су-30 харҷ кунад. Зарфияти баланди содиротиро инчунин ҳавопаймоҳои насли панҷуми Су-57Э,  чархболҳои таҷдидшудаи  Ми-28НЭ ва чархболҳои киштинишини Ка-52К доранд. Маҷмааи мушакии С-300В4 "Антей-4000", мошинҳои зиреҳпӯши "Армата" низ талаботи зиёд дорад.

Барои дарки дурнамои пешоҳангии Русия бояд зикр кард, ки ҳудуди 45 дарсади силоҳи содиротии Русия марбути ҳавонавардӣ аст. Ҳаҷми ҷаҳонии содироти ҳавопаймоҳои қиркунандаи бисёрсамта дар солҳои 2020-2023 беш аз 110,7 миллиард доллар ва бозори чархболҳои ҷангӣ 65,3 миллиардро ташкил медиҳад.

Технологияҳои муосир дар сафи ҷангӣ

Соли сипаришаванда аз нигоҳи теъдод ( тавлидоти силсилавӣ) ва сифат (татбиқи ҷангӣ) барои силоҳи Русия бобарор буд. Чанд ҷанба ба тартиб зикр мешаванд.

Чархболи муосири бисёрсамтаи зарбазану иктишофӣ, Ка-52 "Аллигатор" дар шароити ҷангӣ дар Сурия санҷида шуд, метавонад лавозимоти то 2,8 тонро бардорад, мушакҳои болдори ба фосилаи то 100 километрро кор барад, ки дар ҷаҳон бемисланд. Дар нерӯҳои ҳавоӣ-кайҳонии Русия ҳудуди 140 чунин чархбол хидмат мекунанд.

Маҷмааи "Панитсир" бори аввал бо талаби замон соли 2020 ба саҳни киштӣ "қадам" зад.

Суръату тавони хунсо кардани ҳадафҳои ҳавоӣ пайваста такмил дода мешаванд, ҳаҷми ҳадафҳо низ хурдтар мешавад. Истифодаи мушакҳои вазнин барои хунсо кардани дастгоҳҳои парвозкунандаи арзанда аз рӯи хирад нест. Низоми зиддиҳавоӣ дар масири баҳрӣ тамоми дастгоҳҳои парвозкунандаро аз масофаи 20 километр то худи саҳни киштӣ ошкор мекунад.

Нерӯҳои ҳавоӣ-кайҳонии Русия истифодаи низомии низоми мудофиавии мушакии С-350 "Витяз" дар вилояти Ленинградро оғоз карданд. Ин силоҳ низоми мудофиаи зиддиҳавоиро дар самти стратегии ғарбӣ таҳким мебахшад.  Ин дивизион 12 дастгоҳ дорад, ки дар ҳар кадоми онҳо 12 мушак насб шудааст.

Дар маҷмуъ 1728 мушак омодаанд, зуд ва дақиқ тариқи автоматӣ ҳадафҳои ҳавоӣ дар масофаи 120 километр дар баландии то 30 километрро нобуд созанд. Санҷиши низоми мушакӣ-зенитии С-500 "Прометей" низ дар ҳоли анҷомёбист, ки зимни он мушак ҳадафро дар масофаи рекордии то 553 километр нобуд кард.

Дар самти Баҳри Сиёҳ аз Қрим С-500 назариявӣ метавонад ҳавопаймои қиркунанда ё худ бомбафкани стратегиро болои Бухарест, Анқара ва ё Киев нобуд созад, ки дар ҳамаи ин ҳолатҳо масофа камтар аз 550 километрро ташкил хоҳад дод.

Нерӯҳои баҳрии Русия соли 2020 бори аввал тайи 28 соли охир якбора 6 киштии зериобиро қабул мекунанд: чор ҳастаии навъи 955А ва 885М ва ду лоиҳаи дизелӣ-барқии навъи 636.3 и 677.

Даҳ крейсери зериобии стратегии насли чорум – се  "Борей" ва 7 "Бореев-А"-ро мегиранд, ки сегонаи асосии ҳастаии Русия дар баҳр тайи даҳсолаҳои наздик хоҳанд шуд. Онҳо на кам аз 160 мушаки "Булава" ва масофаи амали 8 ҳазор километрро дар бар хоҳанд гирифт. Русия бо сароҳат нерӯҳои баҳрии зериобиро таъсис дода истодааст, ки метавонанд манофеи кишварро дар ҳар нуқтаи уқёнуси ҷаҳонӣ ҳифз намоянд.

Инчунин тавлиди силсилавии ҳавопаймоҳои қиркунандаи насли панҷум Су-57 роҳандозӣ гардид. Ин ҳавопаймои ҷадид метавонад ҳадафҳои заминию ҳавоӣ ба масофаи то 400 километрро ошкор кунад ва ҳамзамон то 62 ҳадафро ҳамроҳӣ намояд.

Дар навбати аввал 76 ҳавопаймо барои Вазорати дифои Русия ва дар оянда се полки ҳавоии Су-57 рушди устувори тавонмандиҳои низомии нерӯҳои ҳавоӣ – кайҳонии Русияро таъмин хоҳад кард.

Озмоиши ниҳоии мушаки вазнини фароқитъавии "Сармат" низ анҷом ёфт, ки метавонад аз болои ду қутби сайёра парвоз кунад. Фарқияти асосии ин мушаки балистикӣ дар он аст, ки метавонад якҷоя бо блокҳои фаросавтии навъи Ю-71 ба ҳайси силоҳи ғайриҳастаии дорои дақиқияти баланд истифода шавад.

Бо суръати 15 Max  дар ҳаво(7 км/сония) энергияи кинетикии блок хисороти монанд ба зарбаи ҳастаиро таъмин мекунад, аммо хисороти радиоактивӣ ба муҳит намеорад.  Бартарияти дигар дар он аст, ки метавонад масири парвозро бозбинӣ кунад ва аз масофаи ҳазорҳо километр дақиқ ба ҳадаф расад.

Санҷиши дастгоҳи умқнаварди "Посейдон" бо дастгоҳои барқии ҳастаӣ тасдиқ кард, ки он метавонад бидуни ронанда ба масофаи бемаҳдуд шино намояд. Ин дастгоҳи фароқитъавии стратегӣ дар чуқурии 1000-метрӣ метавонад масофаи то 10 ҳазор километрро бо суръати 185 километр дар як соат тай намояд.

Ин дастгоҳи 24-метрӣ метавонад бо силоҳҳои одӣ ё ҳастаӣ муҷаҳҳаз гардад, ки барои нобудсозии киштиҳои бузурги ҳавопаймобару пойгоҳи киштиҳои зериобӣ, инфрасохтори соҳилӣ пешбинӣ шудааст.

Русия инчунин озмоиши мушаки фаросавтии "Сиркон"-ро анҷом дода истодааст, ки монандаш дар ягон кишвари дунё нест. Ин мушак, ки моҳи октябр аз саҳни "Адмирали  флоти Иттиҳоди Шӯравӣ Горшков" дар Баҳри сафед давоми 4,5 дақиқа ҳадаф дар Баҳри Баренс дар масофаи 450 километрро нобуд карда, устувории сарҳадоти арктикии Русияро тасдиқ кард.

Суръати парвоз аз 8 Мах бештар шуда, баландии ниҳоии парвоз 28 километрро ташкил дод.  Тибқи лоиҳа суръати  то  9 Мах, беш аз 10789 км/соат ва масофаи парвоз то 1000 километр пешбинӣ шудааст.

Дар Вазорати дифои Русия тасмим гирифтаанд, ки артишро бо роботҳои безараргардонии минаҳо "Уран-6" таъмин намоянд. Маҷмааи безараргардонӣ, барои тозасозии ҳудуд аз минаҳо кушодани роҳ тариқи майдонҳои мина пешбинӣ шуда, қаблан дар Сурия мавриди санҷиш қарор гирифтааст.

0
Барчаспҳо:
саноат, Русия