Сомони и доллары, архивное фото

Дар Тоҷикистон қурби доллару рубл якбора баланд шуд: чаро?

2565
(Таҷдидшуда 11:54 20.11.2020)
 Бонки миллии Тоҷикистон дар як шабонарӯзи ахир қурби расмии доллару рублро боло бурд. Як доллари амрикоӣ ҳамакнун ба 11 сомониву 30 дирам баробар шуд

ДУШАНБЕ, 4 ноя – Sputnik. Имрӯз дар бонкҳои Тоҷикистон як доллари амрикоӣ 11 сомониву 30 дирам ва як рубли русӣ ба 14, 25 дирам мубодила мешавад.

Рӯзи қабл, 3 ноябр, як доллар 10 сомониву 34 дирам ва як рубл 13, дирам мубодила мешуд.

Як манбаъ дар Бонки миллии Тоҷикистон ба Sputnik Тоҷикистон гуфт, ин иқдом ба хотири ҷилавгирӣ аз муомилаҳо дар "бозори сиёҳ" ва ҷалби асъори хориҷӣ ба иқтисодиёти кишвар гирифта шуд.

Бино ба додаҳои гуногуни ғайрирасмӣ, рӯзҳои ахир дар "бозори сиёҳ" табодули асъори Тоҷикистон як доллар ба 11 сомониву 25 дирам ва як рубл ба 14,2 дирам мубодила мешуданд.

Арзиши доллар ва рубл нисбат ба сомонӣ- шарҳи Бонки миллӣ

Як далели болоравии қимати нарху навои маводи ниёзи мардум дар бозорҳои кишварро низ мақомоти расмӣ ба боло рафтани ин ду асъори хориҷии муассир дар иқтисодиёти Тоҷикистон арзёбӣ карда буданд.

Дар ҳамин ҳол, маркази матбуоти Бонки миллии Тоҷикистон дар як иттилоия хабар дод, ки ин иқдом дар чаҳорчӯби тадобири муқобила бо таъсири пандемияи коронавирус ба иқтисодиёт, нисбатан муътадил нигоҳ доштани интизориҳои таваррумӣ дар дохили кишвар ва амалӣ намудани сиёсати пулию қарзӣ барои нигоҳдории муътадилии сатҳи нархҳои дохилӣ, коҳиш додани фишорҳои қурбӣ, ба танзим даровардани афзоиши ҳаҷми пул дар муомилот тавассути механизму фишангҳои монетарӣ гирифта мешавад.

"Яке аз сабабҳои асосии дар ин давра баланд шудани қурби фурӯши доллари нақди ИМА дар Тоҷикистон ва зиёд шудани талабот ба он, ин идома ёфтани тавозуни манфии савдои кишвар, коҳишёбии вуруди интиқолҳои пулӣ ва сармояи хориҷӣ ба кишвар ва вобаста ба ин кам шудани пешниҳоди асъори хориҷӣ дар бозори дохилӣ ба ҳисоб меравад", - омадааст дар иттилоия.

Ин манбаъ меафзояд, дар натиҷаи таъсири омилҳои беруна фарқияти байни қурби расмии Бонки миллии Тоҷикистон ва қурби фурӯши доллари нақди ИМА тавассути анҷомдиҳии амалиётҳои хариду фурӯши асъори хориҷӣ дар бозори ғайрибонкӣ аз меъёри муқарраршуда (2 фоиза) гузашта, то ба 9,3 фоиз зиёд гардид.

"Бо вуҷуди ин, фарқияти аз меъёр зиёди қурби расмӣ ва қурби фурӯши доллари нақди ИМА дар бозори ғайрибонкӣ вобаста ба хавфҳои ҷойдошта боз ҳам зиёд гардида истодааст, ки барои ба танзим даровардани он зарурати амалӣ намудани чораҳои иловагии фаврӣ ба миён омадааст", - омадааст дар иттилоия.

Тибқи иттилои Бонки миллии Тоҷикистон, дар моҳҳои январ-октябри соли 2020 қурби расмии сомонӣ нисбат ба доллари ИМА 16,7 фоиз (аз 9,6910 сомонӣ дар аввали сол то 10,3398 сомонӣ дар санаи 30 октябр) коҳиш ёфта, дар муқоиса ба ҳамин давраи соли гузашта 3,9 банди фоизӣ зиёд мебошад.

2565
Барчаспҳо:
қурби асъор, Тоҷикистон
Винокуров Евгений

Винокуров се суди Тоҷикистон аз узвият дар Иттиҳоди АвруОсиёро гуфт

211
(Таҷдидшуда 18:59 04.12.2020)
Тоҷикистонро аз узвият дар Иттиҳоди иқтисодии АвруОсиё роҳати муҳоҷирон, фаъолии сармоягузорон ва густариши савдо интизор аст, мегӯяд иқтисоддони асосии Бонки авруосиёии рушд.

ДУШАНБЕ, 4 дек — Sputnik. Евгений Винокуров, иқтисоддони асосии Бонки авруосиёии рушд, мегӯяд, суди Тоҷикистон аз узвияти эҳтимолӣ дар Иттиҳоди иқтисодии АвруОсиёро таҳлил кардаанд ва се фоидаи асосии кишварро ном бурд.

Винокуров гуфт, дар ҳошияи нахусти Конгресси авруосиёӣ дар суҳбат бо Sputnik Тоҷикистон манофеи асосии ҷумҳурӣ аз узвият дар Иттиҳоди иқтисодии АвруОсиёро номбар кард.

“Таҳлилҳои мо нишон медиҳанд, ки натиҷаҳои узвият мусбат хоҳанд буд ва он ба се омил вобастагӣ дорад: узвият дар Иттиҳод сармоягузоронро фаъол месозад, савдоро таҳким мебахшад, чун на ҳамаи имконоти содиротӣ феълан истифода мешаванд ва сеюм низоми мусоид барои муҳоҷирони меҳнатӣ аз Тоҷикистон фароҳам мешавад”, - изҳор дошт Винокуров.

Коршинос зикр кард, ки дар Иттиҳод бозори ягонаи меҳнат мавҷуд мебошад, ки самаранокии худро нишон дод.

Ӯ илова намуд, ки дар сурати узвият шаҳрвандони Тоҷикистон метавонанд аз дастгириҳои иҷтимоӣ бархӯрдор бошанду иловатан ба буҷаи ҷумҳурӣ низ ҳудуди 200-300 миллион доллар интиқол дода мешавад. Ба гуфтаи Винокуров дар доираи созмон, ҳатто масъалаи таъминоти нафақа низ ҳал шуд, ки тибқи он ҳар ҷое, ки шахс иқомат дорад, низоми пардохти нафақа низ он ҷо мекӯчад.

Феълан Тоҷикистон узви Иттиҳоди иқтисодии АвруОсиё набуда, мақомоти он мегӯянд, ҷанбаҳои мусбату манфии пайвастан ба ин созмонро омӯхта истодаанд.

211
Барчаспҳо:
узвият, фоиданок, Иттиҳоди иқтисодии АвруОсиё, Тоҷикистон
Премьер-министр Казахстана Аскар Мамин

Қазоқистон аз рушди нишондодҳои иқтисодии Иттиҳоди УрОсиё гуфт

58
(Таҷдидшуда 15:47 04.12.2020)
Сарвазири Қазоқистон Аскар Мамин дар нишасти Шӯрои байниҳукуматии кишварҳои узви Иттиҳоди Иқтисоди УрОсиё ширкат кард

ДУШАНБЕ, 4 дек – Sputnik. Нишондиҳандаҳои асосии иқтисодӣ дар Иттиҳоди иқтисодии УрОсиё тадриҷан беҳтар мешаванд, гуфт сарвазири Қазоқистон Аскар Мамин дар ҷаласаи Шӯрои байниҳукуматии УрОсиё.

Дар баробари ин сарвазир қайд кард, ки хавфҳо барои барқарорсозии пурраи иқтисод то ҳол дар сатҳи баланд аст.

"Дар заминаи тадбирҳои андешидаи ҳукумати кишварҳои мо, чӣ дар сатҳи миллӣ ва чӣ дар сатҳи ИИУО, тадриҷан беҳтар шудани нишондиҳандаҳои асосии иқтисодӣ ба назар мерасад. Дар паи мутобиқ шудани иқтисодиёт ба оқибатҳои бӯҳрон, донишгоҳҳои бонуфузи ҷаҳонӣ тадриҷан пешгӯиҳои худро дар бораи беҳтар мекунанд", -  гуфт Мамин.

Вай диққати ҳозиринро ба динамикаи мусбати мубодилаи молу амвол миёни кишварҳои узви ИИУО ҷалб кард.

Путин ҷонибдорӣ кард: Русия ба муҳоҷирони кишварҳои узви ИИУО нафақа медиҳад

"Аз ҷумла, суръати гардиши савдои байни кишварҳоямон аз рӯи натиҷаҳои нӯҳ моҳ охир коҳиш ёфтааст", - гуфт сарвазири Қазоқистон.

Бурду бохти ҶТ аз узвият дар Иттиҳоди АвруОсиё

Ёдрас мешавем, ки 4 декабр ҷаласаи Шӯрои байниҳукуматии УрОсиё ифтитоҳ ёфт.

58
Барчаспҳо:
иқтисод, Нишондодҳо, пайвастан ба ИИУ
Морозное утро

Ҳушдор аз сардиҳо: чанд тавсияи КҲФ ба сокинон

10
(Таҷдидшуда 12:40 05.12.2020)
Кумитаи ҳолатҳои фавқулодда ва мудофиаи граждании Тоҷикистон ба далели сардии ҳаво аз 5 то 8 декабри соли равон ба сокинони кишвар чанд тавсия додааст

ДУШАНБЕ, 5 дек – Sputnik. КҲФ Тоҷикистон хабар додааст, ки тибқи маълумоти Агентии обуҳавошиносии кишвар, аз 5 то 8 декабри соли 2020 ҳаво сард мешавад. Даводиҳо борон меборад, дар доманакӯҳҳо ва кӯҳҳо барф, дар баъзе минтиақаҳо барф шадидтар меборад. Ҳарорати миёнаи рӯзонаи ҳаво дар водиҳо 5 ° С хоҳад буд.

Кумитаи ҳолатҳои фавқулодда ҳушдор медиҳад, ки барфи тар метавонад сабабгори хароб шудани хатҳои интиқоли барқ, қисман шикастану афтидани дарахтон, инчунин хароб гаштани сутунҳои сустниҳоди реклом дар кӯчаҳо шавад.

“Дар робита ба тағйири обо ҳаво ва сардиҳои чанд рӯзи ояндаву барфу боронҳо  Кумита аз шаҳрвандони кишвар хоҳиш мекунад, ки ҳангоми истифодаи асбобҳои гармидиҳандаи барқӣ қоидаҳои бехатарии сӯхторро қатъиян риоя кунанд, инчунин бехатарии ҳаракат дар роҳҳоро риоя намоянд, хусусан ҳангоми истифода аз роҳҳо ва гузаргоҳҳои кӯҳӣ то ҳадди имкон ҳушёр бошанд”,  - таъкид доштааст манбаъ.

Ҳамзамон КҲФ дар ин рӯзҳо аз шаҳрвандон даъват кардааст, ки ҳаракатро дар роҳҳои кӯҳӣ бидуни эҳтиёҷоти фаврӣ маҳдуд кунанд.

Инчунин ин ниҳод аз сокинон даъват кардааст, ки аз корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳӣ худдорӣ намоянд.

10
Барчаспҳо:
Кумитаи ҳолатҳои фавқулодда, КҲФ Тоҷикистон, тавсия, сокинон, сарди ҳаво, Тоҷикистон