Экономический рост, архивное фото

Пешқадами Хатлон: мақомот гуфтанд, кадом ноҳияи вилоят нақшаи даромадро зиёд иҷро кард

161
(Таҷдидшуда 18:12 17.11.2020)
Дар ноҳияи Балҷувони вилояти Хатлон қисми даромади буҷети ноҳия дар даҳ моҳи соли равон 126,3 дарсад иҷро гардида, ба буҷет 2 миллиону 130,2 ҳазор сомонӣ зиёд маблағ ворид карда шудааст

ДУШАНБЕ, 17 ноя — Sputnik. Тибқи иттилои Раёсати андози вилояти Хатлон, қисми даромади буҷети ноҳияи Балҷувон дар даҳ моҳи соли ҷорӣ 8 миллиону 90,8 ҳазор ба нақша гирифта шуда буд, ки он 10 миллиону 221 ҳазор сомонӣ иҷро гардид, иттилоъ додааст сомонаи рӯзномаи “Фараж”.

Гуфта шудааст, ки нисбат ба маблағҳои ба нақша гирифташуда ба буҷети ноҳия 2 миллиону 130,2 ҳазор сомонӣ бештар ворид гардидааст, ки ин баробари 126,3 дарсади нақша мебошад.

Инчунин қайд карда шудааст, ки қисми даромади буҷет аз ҳама бештар дар вилояти Хатлон дар ноҳияҳои  Темурмалик 131,1, Ҷалолиддини Балхӣ 109,2, Ҳамадонӣ 109,4,  Носири Хусрав 108,1 Данғара 107,3  Ховалинг 107,7 ва Муъминобод 106 дарсадӣ иҷро шудааст.

Дар умум қисми даромади буҷети вилояти Хатлон дар ин давра 100,8 дарсад таъмин гардида, ба буҷет ба ҷойи 1 миллиарду 236 миллиону 635,5 ҳазор сомонӣ, 1 миллираду 246 миллиону 392,7 ҳазор сомонӣ ворид карда шудааст, ки ин аз нақша 9 миллиону 757,3 ҳазор сомонӣ зиёд мебошад.

161
Барчаспҳо:
Балҷувон, ноҳия, буҷа, даромад, Хатлон, Тоҷикистон
Винокуров Евгений

Винокуров се суди Тоҷикистон аз узвият дар Иттиҳоди АвруОсиёро гуфт

118
(Таҷдидшуда 18:59 04.12.2020)
Тоҷикистонро аз узвият дар Иттиҳоди иқтисодии АвруОсиё роҳати муҳоҷирон, фаъолии сармоягузорон ва густариши савдо интизор аст, мегӯяд иқтисоддони асосии Бонки авруосиёии рушд.

ДУШАНБЕ, 4 дек — Sputnik. Евгений Винокуров, иқтисоддони асосии Бонки авруосиёии рушд, мегӯяд, суди Тоҷикистон аз узвияти эҳтимолӣ дар Иттиҳоди иқтисодии АвруОсиёро таҳлил кардаанд ва се фоидаи асосии кишварро ном бурд.

Винокуров гуфт, дар ҳошияи нахусти Конгресси авруосиёӣ дар суҳбат бо Sputnik Тоҷикистон манофеи асосии ҷумҳурӣ аз узвият дар Иттиҳоди иқтисодии АвруОсиёро номбар кард.

“Таҳлилҳои мо нишон медиҳанд, ки натиҷаҳои узвият мусбат хоҳанд буд ва он ба се омил вобастагӣ дорад: узвият дар Иттиҳод сармоягузоронро фаъол месозад, савдоро таҳким мебахшад, чун на ҳамаи имконоти содиротӣ феълан истифода мешаванд ва сеюм низоми мусоид барои муҳоҷирони меҳнатӣ аз Тоҷикистон фароҳам мешавад”, - изҳор дошт Винокуров.

Коршинос зикр кард, ки дар Иттиҳод бозори ягонаи меҳнат мавҷуд мебошад, ки самаранокии худро нишон дод.

Ӯ илова намуд, ки дар сурати узвият шаҳрвандони Тоҷикистон метавонанд аз дастгириҳои иҷтимоӣ бархӯрдор бошанду иловатан ба буҷаи ҷумҳурӣ низ ҳудуди 200-300 миллион доллар интиқол дода мешавад. Ба гуфтаи Винокуров дар доираи созмон, ҳатто масъалаи таъминоти нафақа низ ҳал шуд, ки тибқи он ҳар ҷое, ки шахс иқомат дорад, низоми пардохти нафақа низ он ҷо мекӯчад.

Феълан Тоҷикистон узви Иттиҳоди иқтисодии АвруОсиё набуда, мақомоти он мегӯянд, ҷанбаҳои мусбату манфии пайвастан ба ин созмонро омӯхта истодаанд.

118
Барчаспҳо:
узвият, фоиданок, Иттиҳоди иқтисодии АвруОсиё, Тоҷикистон
Премьер-министр Казахстана Аскар Мамин

Қазоқистон аз рушди нишондодҳои иқтисодии Иттиҳоди УрОсиё гуфт

55
(Таҷдидшуда 15:47 04.12.2020)
Сарвазири Қазоқистон Аскар Мамин дар нишасти Шӯрои байниҳукуматии кишварҳои узви Иттиҳоди Иқтисоди УрОсиё ширкат кард

ДУШАНБЕ, 4 дек – Sputnik. Нишондиҳандаҳои асосии иқтисодӣ дар Иттиҳоди иқтисодии УрОсиё тадриҷан беҳтар мешаванд, гуфт сарвазири Қазоқистон Аскар Мамин дар ҷаласаи Шӯрои байниҳукуматии УрОсиё.

Дар баробари ин сарвазир қайд кард, ки хавфҳо барои барқарорсозии пурраи иқтисод то ҳол дар сатҳи баланд аст.

"Дар заминаи тадбирҳои андешидаи ҳукумати кишварҳои мо, чӣ дар сатҳи миллӣ ва чӣ дар сатҳи ИИУО, тадриҷан беҳтар шудани нишондиҳандаҳои асосии иқтисодӣ ба назар мерасад. Дар паи мутобиқ шудани иқтисодиёт ба оқибатҳои бӯҳрон, донишгоҳҳои бонуфузи ҷаҳонӣ тадриҷан пешгӯиҳои худро дар бораи беҳтар мекунанд", -  гуфт Мамин.

Вай диққати ҳозиринро ба динамикаи мусбати мубодилаи молу амвол миёни кишварҳои узви ИИУО ҷалб кард.

Путин ҷонибдорӣ кард: Русия ба муҳоҷирони кишварҳои узви ИИУО нафақа медиҳад

"Аз ҷумла, суръати гардиши савдои байни кишварҳоямон аз рӯи натиҷаҳои нӯҳ моҳ охир коҳиш ёфтааст", - гуфт сарвазири Қазоқистон.

Бурду бохти ҶТ аз узвият дар Иттиҳоди АвруОсиё

Ёдрас мешавем, ки 4 декабр ҷаласаи Шӯрои байниҳукуматии УрОсиё ифтитоҳ ёфт.

55
Барчаспҳо:
иқтисод, Нишондодҳо, пайвастан ба ИИУ

Таъйини мудири нави бахши душанбегии Донишгоҳи давлатии Маскав

0
(Таҷдидшуда 20:02 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон