Местная жительница Восейского района перегоняет бычка

Барои таъмири роҳҳо ва дастгирии занон: БОР ба Тоҷикистон 67 миллион доллар медиҳад

172
(Таҷдидшуда 12:37 20.11.2020)
Бар асоси лоиҳаи нав қисмҳои роҳҳои Хулбук-Кангурт ва Данғара-Оқмазор дар вилояти Хатлон барқарор мешавад ва инчунин ба занони маҳаллӣ дар кушодани тиҷорати худ кӯмак хоҳад кард

ДУШАНБЕ, 20 ноя - Sputnik.  Бонки Осиёии Рушд дар ҳаҷми 67,49 миллион доллар грантро барои барқарорсозии роҳҳо дар ҷануби Тоҷикистон ва дастгирии фаъолияти иқтисодии занони ин минтақа тасдиқ кардааст, хабар медиҳаддафтари матбуотии ин бонк.

Ба иттилои манбаъ, дар чаҳорчӯби лоиҳа ду қитъаи калони роҳи Хатлон дар самти Данғара - Оқмазор бо масоҳати зиёда аз 28 километр ва Хулбук - Кангурт бо дарозии 59,5 километр таъмир карда мешаванд.

Маҳз тавассути онҳо ҳамарӯза ба ҳисоби миёна аз 1,3 то 4 ҳазор мошин мегузарад, зеро ҳарду бахш ҳамроҳ Тоҷикистонро бо кишварҳои Осиё ва Аврупо мепайванданд.

БОР барои дастгирии соҳаи сайёҳии Тоҷикистон 10 миллион доллар кӯмаки бебозгашт мекунад

Рика Идей, мутахассиси нақлиёти БОР дар Осиёи Марказӣ ва Ғарбӣ гуфт, ки аксари шабакаҳои роҳҳои автомобилгарди Тоҷикистон хароб шуда, дар ҳолати хатарнок қарор доранд ва ин дар навбати худ, шароити зиндагии мардуми маҳаллиро душвортар мекунад.

"Тоҷикистон барои ҳаракати байналмилалӣ ва дохилии бор ва одамон бештар ба нақлиёти автомобилӣ такя мекунад",- гуфт мутахассис.

Лоиҳаи нав ба таҳкими шабакаи роҳҳои ҷумҳурӣ бо дарназардошти мутобиқшавии тағирёбии иқлим,  хавфҳои офатҳои табиӣ мусоидат намуда, пайвастшавӣ ва рақобатпазирии роҳҳои автомобилгарди кишварро бо долонҳои байналмилалӣ беҳтар менамояд.

БОР барои мубориза бо COVID-19 ба Тоҷикистон иловатан 2,5 миллион доллар медиҳад

Марҳалаи дуюми дастгирии грантӣ кумак ба сокинони вилояти Хатлон хоҳад буд.

"Занон ба барномаи такмили дониши рушди тиҷорат ва малакаҳои идоракунии молиявӣ дар хонаводаҳо тавассути телефонҳои мобилии худ дастрасӣ пайдо мекунанд", - гуфта мешавад дар изҳорот.

Лоиҳа инчунин дастрасии занонро ба грантҳо барои оғоз намудани тиҷорати худ беҳтар хоҳад кард.

172
Барчаспҳо:
грант, БОР, Тоҷикистон
Чемодан с деньгами, архивное фото

Чаро Бонки ҷаҳонӣ ба Тоҷикистон боз 6 миллион доллар дод?

6
(Таҷдидшуда 14:07 05.12.2020)
Бонки ҷаҳонӣ ба ҳукумати Тоҷикистон ба маблағи 6 миллион доллар маблағ ҷудо кардааст. Бонк ба идораи муосири молияи давлатӣ дар Тоҷикистон сармоягузорӣ мекунад

ДУШАНБЕ, 5 дек — Sputnik. Маблағҳои мазкур ба идораи муосири молияи давлатӣ дар Тоҷикистон равона шудааст

Бонки ҷаҳонӣ 2 декабр маблағгузории иловагиро ба маблағи 6 миллион доллари барои “Лоиҳаи дуввуми муосиргардонии идораи молияи давлатӣ” тасдиқ кард.

“Низоми самараноки идораи молияи давлатӣ (ИМД) имконияти ҳукуматро барои расонидани хадамоти босифат ба шаҳрвандон баланд мебардорад ва захираҳоро ба қонеъ гардонидани талаботи афзалиятнок, ба монанди тандурустӣ, маориф ва коҳиш додани сатҳи камбизоатӣ самаранок равона мекунад. махсусан, дар пасманзари коҳиш ёфтани даромади буҷетӣ бар асари буҳрон низоми устувори ИМД воситаи ҷудонашавандаи сиёсати тақсимоти самараноки захираҳои маҳдуд буда, имкон медиҳад, ки сиёсатгузорон ва шаҳрвандон дар бораи истифодаи захираҳои буҷетӣ барои қонеъ гардонидани талаботи рӯзафзун пурра огоҳ шаванд” — таъкид доштааст намояндаи доимии БҶ дар Тоҷикистон Жан-Питер Олтерс.

Бонки ҷаҳонӣ қайд кардааст, ки лоиҳа дар шакли гранти Ассотсиатсияи байналмилалии рушд маблағгузорӣ шудааст. 

Бонки ҷаҳонӣ қайд кардааст, ки бо маблағгузории иловагии имрӯз тасдиқёфта тавонмандии корхонаҳои алоҳидаи давлатиро дар риояи Меъёрҳои байналмилалии ҳисоботи молиявӣ ва амалияи муносиби идораи корпоративӣ тақвият медиҳад;

Ҳамчунин заминаи меъёрӣ ва институтсионалии хариди давлатиро таҳким мебахшад, татбиқи низоми хариди электрониро дастгирӣ менамояд ва инчунин иқтидори мувофиқро барои ташкилоти хариди давлатӣ муҳайё месозад, идораи сармоягузории давлатӣ ва амалиёти шарикии давлат ва бахши хусусиро тавассути таҳкими меъёрҳо, сиёсат, назорат ва мониторинги ин амалиёт такмил медиҳад ва аудити дохилии ташкилоти буҷетиро тақвият мебахшад.

Ҳадафи лоиҳа мусоидат ба Тоҷикистон дар баланд бардоштани самаранокии сармоягузории давлатӣ барои расидан ба рушди босуръат ва ба содирот нигаронидашуда мебошад.

Лоиҳа аз ҷониби Вазорати молия, Агентии хариди давлатии мол, кор ва хизматрасонӣ, Дастгоҳи иҷроияи Президенти ҶТ, Агентии хизмати давлатӣ ва Палатаи ҳисоб татбиқ мешавад. Лоиҳа соли 2024 ба итмом мерасад.

Бастаи фаъоли Бонки ҷаҳонӣ дар Тоҷикистон 16 лоиҳаи кишварӣ ва минтақавиро дар бар мегирад, ки уҳдадориҳои холиси онҳо беш аз 841 миллион долларро ташкил медиҳад.

6
Барчаспҳо:
сармоягузорӣ, маблағ, бонк, Бонки ҷаҳонӣ, Тоҷикистон
Винокуров Евгений

Винокуров се суди Тоҷикистон аз узвият дар Иттиҳоди АвруОсиёро гуфт

213
(Таҷдидшуда 18:59 04.12.2020)
Тоҷикистонро аз узвият дар Иттиҳоди иқтисодии АвруОсиё роҳати муҳоҷирон, фаъолии сармоягузорон ва густариши савдо интизор аст, мегӯяд иқтисоддони асосии Бонки авруосиёии рушд.

ДУШАНБЕ, 4 дек — Sputnik. Евгений Винокуров, иқтисоддони асосии Бонки авруосиёии рушд, мегӯяд, суди Тоҷикистон аз узвияти эҳтимолӣ дар Иттиҳоди иқтисодии АвруОсиёро таҳлил кардаанд ва се фоидаи асосии кишварро ном бурд.

Винокуров гуфт, дар ҳошияи нахусти Конгресси авруосиёӣ дар суҳбат бо Sputnik Тоҷикистон манофеи асосии ҷумҳурӣ аз узвият дар Иттиҳоди иқтисодии АвруОсиёро номбар кард.

“Таҳлилҳои мо нишон медиҳанд, ки натиҷаҳои узвият мусбат хоҳанд буд ва он ба се омил вобастагӣ дорад: узвият дар Иттиҳод сармоягузоронро фаъол месозад, савдоро таҳким мебахшад, чун на ҳамаи имконоти содиротӣ феълан истифода мешаванд ва сеюм низоми мусоид барои муҳоҷирони меҳнатӣ аз Тоҷикистон фароҳам мешавад”, - изҳор дошт Винокуров.

Коршинос зикр кард, ки дар Иттиҳод бозори ягонаи меҳнат мавҷуд мебошад, ки самаранокии худро нишон дод.

Ӯ илова намуд, ки дар сурати узвият шаҳрвандони Тоҷикистон метавонанд аз дастгириҳои иҷтимоӣ бархӯрдор бошанду иловатан ба буҷаи ҷумҳурӣ низ ҳудуди 200-300 миллион доллар интиқол дода мешавад. Ба гуфтаи Винокуров дар доираи созмон, ҳатто масъалаи таъминоти нафақа низ ҳал шуд, ки тибқи он ҳар ҷое, ки шахс иқомат дорад, низоми пардохти нафақа низ он ҷо мекӯчад.

Феълан Тоҷикистон узви Иттиҳоди иқтисодии АвруОсиё набуда, мақомоти он мегӯянд, ҷанбаҳои мусбату манфии пайвастан ба ин созмонро омӯхта истодаанд.

213
Барчаспҳо:
узвият, фоиданок, Иттиҳоди иқтисодии АвруОсиё, Тоҷикистон
Рудобаи Мукаррам вазифаи нав гирифт

Дастури Президент: Рудобаи Мукаррам вазифаи нав гирифт

0
(Таҷдидшуда 14:11 05.12.2020)
Рудобаи Мукаррам дар асоси дастури раисҷумҳури Тоҷикистон раиси Кумитаи иҷроияи Ҳаракати Ваҳдати миллӣ ва эҳёи Тоҷикистон интихоб гардид

ДУШАНБЕ, 5 дек — Sputnik. Рудобаи Мукаррам, ки то имрӯз вазифаи муовини раисро дар ин кумитаи иҷро мекард, имрӯз дар асоси дастури раисҷумҳури Тоҷикистон Эмомалӣ Раҳмон раиси Кумитаи иҷроияи Ҳаракати Ваҳдати миллӣ ва эҳёи Тоҷикистон интихоб гардидааст.

Ёдрас мешавем, дирӯз раисҷумҳури Тоҷикистон бо чанд фармону амр тағйироти кадрии куллие анҷом дод. Ҳамин тавр дар сохторҳои давлатии Тоҷикистон 36 тағйироти кадрӣ анҷом ёфт.
Аз ҷумла Фаррух Ҳамрализода аз мақоми раиси Кумитаи давлатии сармоягузорӣ ва идораи амволи давлатӣ озод ва ба ҷои Фарҳод Салим – писари Абдулмаҷид Достиев – сафири нави Тоҷикистон дар Амрико таъйин шуд. Ба ҷои Ҳамрализода ба мақоми раиси Кумитаи сармоягузорӣ Саъдӣ Қодирзода, ки то имрӯз муовини раиси дастгоҳи президент буд, таъйин шудааст.

 

0