Богданов гуфт, ки мақомоти Тоҷикистон барои қарзи беруна аз куҷо мегирад
(Таҷдидшуда 00:34 09.12.2020)
Азбаски қарзҳо аз бонкҳо бо кафолати ҳукумат гирифта мешуданд, мақомот барои пардохти он маблағҳои иловагӣ меҷӯянд, гуфт Олег Богданов, таҳлилгари пешбари QBFДУШАНБЕ, 9 дек — Sputnik. Тибқи буҷети давлатии тасдиқшудаи Ҷумҳурии Тоҷикистон, дар соли 2021, субъектҳои соҳибкорӣ бояд ба ҳукумат барои хизматрасонии қарзи беруна беш аз 442,2 миллион сомонӣ (тақрибан 40 миллион доллар) -ро баргардонанд.
"Қарздиҳӣ ба корхонаҳои мушаххас ба кафолати давлатӣ ин як тарҳест, ки аз ҷониби бисёр кишварҳои ИДМ хеле васеъ истифода мешавад", - шарҳ дод Богданов ба Sputnik Тоҷикистон.
Ба гуфтаи коршинос, қарзҳо аз бонкҳо бо кафолати давлатӣ гирифта шудаанд ва ҳатто агар корхона даромади кофӣ надошта бошад ҳам, давлат барои пардохти қарзи берунии худ маблағҳои иловагӣ меҷӯяд.
"Шубҳае нест, ки онҳо бояд пардохт кунанд. Бонки Осиёии Рушд ва дигар муассисаҳои мӯътабари молиявие, ки ба корхонаҳои Тоҷикистон қарз медиҳанд, вазифадоранд, ки пардохт кунанд ва инҷо саволе нахоҳад буд",- илова кард таҳлилгар.
Ба гуфтаи коршинос, ҳаҷми умумии қарзи хориҷии Тоҷикистон тақрибан се миллиард долларро ташкил медиҳад, аз ин рӯ 40 миллион хеле ночиз аст.
Ба гуфтаи ӯ, маълум нест, ки ин пул барои пардохти қарзи хориҷӣ аз куҷо меояд.
Ҳукумат ҳаҷми буҷаи 2021-ро гуфт: барои кадом соҳа чанд пул?
"Ё корхона аз ҳисоби худ пардохт хоҳад кард, ё ҳукумат маблағ ё захираҳои худро дар дохили ҷумҳурӣ ҷалб хоҳад кард", - шарҳ дод ӯ.
Нақша барои се сол: Тоҷикистон 1 миллиард доллар аз хориҷа қарз мегирад
Богданов таъкид кард, ки бидуни кафолати ҳукумат ин корхонаҳо пул намегирифтанд.
Барчаспҳо:
Расулзода ба 14 ободгари сахии Хатлон ҷоиза дод: ному хайри ҷоизадорон-акс
(Таҷдидшуда 19:30 20.01.2021)
Қоҳир Расулзода, сарвазири Тоҷикистон ва Қурбон Ҳакимзода, раиси Хатлон ба 14 соҳибкор ҷоизаи “Ободгари Ватан” тақдим намудандДУШАНБЕ, 20 янв — Sputnik. Тибқи иттилои котиботи ҳукумати Хатлон, Кумитаи тадорукоти озмуни вилоятии "Ободгари Ватан" дар семоҳаи чоруми соли гузашта 14 соҳибкорро ғолиб донист.
Соҳибкорони пирӯз дар чароғонкунӣ, сохтмони беморхона, роҳҳо, мактаб, майдончаҳои варзишӣ, бунёди биноҳои истиқоматӣ ва ғайра саҳм гузоштаанд.
- Шарипов Некрӯз - барои гузоштани атраксионҳо дар боғи Раҳмон Мӯрчаев воқеъ дар шаҳри Бохтар.
- Раҳматов Илҳом - барои саҳм гузоштани дар таъмири биноҳо ва чароғонкунии намои биноҳо дар ҳудуди шаҳри Бохтар.
- Раҷабов Шодиҷон - барои бунёди маркази саломатӣ дар деҳаи Деҳбаланди ноҳияи Муъминобод.
- Нозимов Хуршед- барои бунёди МТМУ №2 дар кӯчаи Рӯдакии Ҷамоати шаҳраки “Фархор”-и ноҳияи Фархор бо 2000 ҷойи хониш.
- Сайфов Сайнуриддин - барои мумфаршкунии 1,5 километр роҳи маҳаллӣ дар Ҷамоати деҳоти “Навобод”-и ноҳияи Ҷалолиддини Балхӣ.
- Гулонов Абдулҳафиз - барои бунёди майдончаи варзишӣ дар Ҷамоати шаҳраки “Балхӣ”-и ноҳияи Ҷалолиддини Балхӣ.
- Сафаров Сафаралӣ - барои бунёди бинои истиқоматии 5-ошёна, бо маркази савдо дар ошёнаи якум, дар маркази шаҳри Норак.
- Асатзода Муҳаммадалӣ - барои бунёди қаҳвахонаи “Наврӯз” дар боғи фарҳангӣ-фароғатии ноҳияи Шаҳритуз.
- Маҳмадалиев Хуршед - барои бунёди майдончаи варзишӣ дар маркази ноҳияи Шаҳритуз.
- Холов Иноят - барои бунёди бинои маркази саломатӣ дар Ҷамоати деҳоти “Ҳилолӣ”-и ноҳияи Хуросон.
- Ҷобиров Абдуҳалим - барои мумфарш намудани 13,1 км роҳи автомобилгарди РҶ-029 даромад ба маркази ноҳияи Мир Саид Алии Ҳамадонӣ.
- Қурбонов Абдураҳим - барои бунёди бинои баландошёна бо ҷойгир намудани маркази савдо дар ошёнаи якум, воқеъ дар Ҷамоати шаҳраки “Ҳулбук”-и ноҳияи Восеъ.
- Раҷабов Ориф - барои сохтмони маркази саломатӣ дар деҳаи Каромати Ҷамоати деҳоти Исмат Шарифи ноҳияи Данғара.
- Нозилов Раҷабалӣ - барои сохта ба истифода додани мактаб барои 144 ҷойи нишаст дар деҳаи Гулафшони Ҷамоати деҳоти “Оқсу”-и ноҳияи Данғара.
Ҳукумати Хатлон таъкид намудааст, ки озмуни мазкур бо мақсади иҷрои амри раисиҷумҳури Тоҷикистон оид ба омодагии ҳамаҷониба ба ҷашни 30-солагии Истиқлолияти давлатӣ доир мегардад.
Манбаъ таъкид кардааст, ҳар семоҳа ба соҳибкорон ва шахсони саховатпешае, ки дар корҳои ободонию созандагӣ саҳми назаррас мегузоранд, тақдим мегардад.
Барчаспҳо:
Ӯзбекистон гуфт, даромадаш аз маблағи муҳоҷирон афзоиш ёфт
(Таҷдидшуда 19:27 20.01.2021)
Маблағи интиқолдодаи муҳоҷирони кории ӯзбекистонӣ дар соли 2020, ки ҷаҳонро пандемия фаро гирифт, беш аз 6 миллиард доллар эълом шуд ДУШАНБЕ, 20 янв — Sputnik. Бонки марказии Ӯзбекистон дар гузорише аз афзоиши даромади ин кишвар аз ирсоли маблағҳои коргарони муҳоҷир хабар дод, гузориш дод радиои тоҷикии Садои Хуросон ба нақл аз хабаргузории Форс.
Бонки марказии Ӯзбекистон таъкид кардааст, ки бо вуҷуди пандемия даромади гирифта аз муҳоҷирони кишвар афзоишро нишон додааст.
“Бо вуҷуди густариши корона дар кишварҳои мухталиф дар соли 2020 коргарони муҳоҷири ӯзбек 6 миллиарду 30 миллион доллар ба дохили кишвар мунтақил кардаанд”, - навиштааст манбаъ.
Бонки марказии Ӯзбекистон пешбинӣ кардааст имсол ҳам раванди интиқоли пули коргарони муҳоҷири ин кишвар рӯ ба афзоиш хоҳад буд.
Ҳақиқати нави Иттиҳоди иқтисодии АвруОсиё: оё Ӯзбекистон Тоҷикистонро аз пасаш меорад?
Ӯзбекистон аз рӯи теъдоди муҳоҷирони корияш дар Русия яке аз ҷойҳои аввалро мегирад.
Ин дар ҳолест, ки қаблан хабар дода шуд, ки интиқоли маблағи муҳоҷирони тоҷикистонӣ аз Русия ба ватан коҳиш ёфтааст.
Барчаспҳо:
Байден чанд фармони Трампро бекор кард: ӯ ба вуруди мусалмонон иҷозат дод
(Таҷдидшуда 12:02 21.01.2021)
Қаблан собиқ кишвардори Амрико Доналд Трамп бо судури фармоне вуруди мусалмонони аксар кишварҳоро манъ карда будДУШАНБЕ, 21 янв— Sputnik. Ҷо Байден рӯзи 20 январ расман савганд ёд кард. Пас аз анҷоми маросими савгандёдкунӣ нахустин коре, ки Байден анҷом дод, ин бекор кардани чандин фармонҳои Трамп буд.
Кишвардори феълӣ аз ҷумла фармон дар мавриди манъи вуруд барои мусалмонони аксар кишварҳо ба Амрикоро лағв кард. Гузашта аз ин, Амрикоро дигарбора ба Созмони ҷаҳонии беҳдошт ва Созишномаи иқлими Порис баргардонд.
Паёми хайрбодии Трамп: Амрико кишвари инсонҳои ноустувор нест
Ҳамчунин дар робита ба вазъият дар марзи Мексика вазъи фавқулодаро бекор ва сохтмони деворро дар марз бо он давлат низ лағв намуд.
Байден аз тамоми амрикоиҳо даъват кард, ки давоми 100 рӯз режими ниқобро риоя кунанд ва дар ҳама ҷо ниқоб пӯшанд.
Илова бар ин, Байден 20 январро ҳамчун Рӯзи ваҳдати миллӣ эълон кард.
Мушовири Байден аз нақшаи музокира бо Русия гуфт
Қаблан, Қасри сафед хабар дода буд, ки Доналд Трамп чор соат пеш аз маросими савгандёдкунӣ Вашингтонро тарк мекунад.
Барчаспҳо: