Первый вице-премьер Таджикистана Давлатали Саид, архивное фото

Ҳисоботи мақомоти Суғд ба муовини сарвазир: гуфтанд чаро иқтисоди вилоят рушд накард

494
(Таҷдидшуда 14:09 22.12.2020)
Ахиран бо иштироки муовини якуми сарвазири Тоҷикистон Давлаталӣ Саид дар Мақомоти иҷроияи ҳокимияти давлатии вилояти Суғд машварати корӣ баргузор гардид

ДУШАНБЕ, 22 дек - Sputnik. Бино бар иттилои дафтари матбуоти мақомоти вилояти Суғд,  муовини якуми сарвазири ва Раиси вилоят ба мақомдорони вилоят доир, масъалаҳои муҳими иқтисодиву иҷтимоӣ, алалхусус таъмини босифати нақшаи буҷети давлатӣ, истифодаи самараноки неруи барқ, оқилона ва пурсамар истифода намудани заминҳои кишт дастуру супоришҳои мушаххас доданд.

Тибқи иттилои мақомоти вилоят дар 11 моҳи соли равон нақшаи даромадҳои буҷети давлатӣ (бе назардошти андози иҷтимоӣ) ба маблағи 2220,98 миллион сомонӣ тасдиқ гардида, ба буҷет 2126,9 миллион сомонӣ ворид гардид.

Дар ҷаласа зикр гардид, ки дар 11 моҳи соли равон дар вилояти Суғд  ҳаҷми умумии гардиши савдо 9717,3 миллион сомонӣ ва хизматрасонии пулакӣ ба аҳолӣ 2977,7 миллион сомониро ташкил дода, афзоиш нисбат ба ҳамин давраи соли гузашта мутаносибан 82,6 ва 87,7 фоиз таъмин гардид.

Ҳамчунин мақомоти вилоят қайд кардааст, ки бо сабаби пандемия гардидани бемории сироятии COVID-19 ва ба тамоми ҷаҳон паҳн гаштани он нишондиҳандаҳои савдои хориҷӣ коҳиш ёфтанд.

“Ҳаҷми гардиши савдои хориҷии вилоят дар 11 моҳи соли равон ба 1487,6 миллион доллар расонида шуд, ки баробари 80,7 фоизи ҳамин давраи соли гузашта мебошад. Аз ҷумла, воридот 1185 миллион доллар ва содирот 302,5 миллион долларро ташкил намуда, суръати афзоиш нисбат ба ҳамин давраи соли сипаришуда мутаносибан 73,9 ва 82,8 фоизро дар бар гирифт”, - иттилоъ додааст манбаъ.

Ҳамзамон, дар навбати худ зимни ин ҷаласа муовини якуми Раиси вилоят Хол Ҳайдар оид ба ҷараёни зимистонгузаронӣ дар шаҳру навоҳии вилоят гузориш дода, зикр дошт, ки барои ташкили корҳои ташвиқотию тарғиботӣ вобаста ба истифодаи сарфакоронаи қувваи барқ дар ҳамбастагӣ бо сохторҳои дахлдори вилоятӣ, мақомоти шаҳру ноҳияҳо ва фаъолони вилоят тадбирҳои судманд амалӣ шуда истодаанд.

Гуфта шудааст, ки ба ин гурӯҳҳои корӣ кормандони соҳаи идеологӣ, занон, ҷавонон, маориф, нигоҳдории тандурустӣ, бахши дин, шабакаҳои барқӣ, назорат дар соҳаи энергетика, кормандони мақомоти ҳифзи ҳуқуқ, олимону зиёиён ва шахсони барӯманду фаъолони маҳаллаҳо шомил карда шудаанд.

Дар идомаи кори ҷаласа муовини якуми сарвазири Тоҷикистон Давлаталӣ Саид аз масъулин ва раисони шаҳру ноҳияҳои вилоят оид ба вазъи омодагӣ ба ҷашни 30-солагии Истиқлоли давлатии  Тоҷикистон пурсон шуда, таъкид дошт, ки бояд ба сифати сохтмони иншооти ҷашнӣ эътибори зарурӣ дода шавад.

Таъкид шудааст, ки тибқи нақша, дар вилоят бунёд ва таҷдиди 7190 иншооти ҷашнии истеҳсолию иҷтимоӣ пешбинӣ гардидааст. Аз ҷумла, соли 2020 бунёди 1895 иншоот ба нақша гирифта, амалан то ин давра 1897 иншоот ба истифода дода шудаанд, ки 100,1 фоизи нақшаи солонаро дар бар мегирад. Дар маҷмӯъ, то ин давра 5915 иншооти гуногун ба истифода дода шудаанд, ки 82,2 фоизи нақшаро ташкил медиҳад.

494
Барчаспҳо:
сарвазир, машварати корӣ, машварат, мақомот, Суғд, Тоҷикистон
Рустам Эмомали подписывает документ

“Корвон” бо қарори раиси Душанбе бозсозӣ мегардад: чӣ гуна хоҳад шуд? аксҳо

1550
(Таҷдидшуда 15:28 15.01.2021)
Мақомоти меъмории шаҳри Душанбе тарҳи навсозии маҷмааи савдои “Корвон”-ро нашр кардаанд, ки бо унсурҳои миллии меъморӣ таҳия шудааст

ДУШАНБЕ, 15 янв — Sputnik. Маҷмааи савдои “Корвон”-и шаҳри Душанбе, ки калонтарин дар Тоҷикистон мебошад, навсозӣ мегардад.

Ба иттилои мақомоти меъмории шаҳри Душанбе дар пайи навсозӣ Маҷмааи муосири савдову хизматрасонии “Корвон” мавриди истифода қарор хоҳад гирифт.

“Бо қарори раиси шаҳри Душанбе, азнавсозии Маҷмааи муосири савдову хизматрасонии “Корвон” бо таҳхона ва таваққуфгоҳи нақлиётии бисёрсатҳа оғоз шудааст”, - омадааст дар иттилоияи мақомоти меъморӣ.

Лоиҳакаши тарҳи навсозии “Корвон” корхонаи давлатии “Душанбешаҳрсоз” буда, фармоишгари он ҶДММ “Корвон” мебошад.

“Корвон” калонтарин минтақаи тиҷоратии ҷумҳурӣ ба шумор рафта, дар он одатан ба далели зиёд будани одамон ва мошинҳо танбашавии нақлиёт сурат мегирад. Дар тарҳи ҷадид таваққуфгоҳи бисёрқабата пешбинӣ шудааст, ки интизор меравад, мушкили танбашавии нақлиётро бартараф кунад.

1550
Барчаспҳо:
навсозӣ, бозор, Тоҷикистон
Нусратулло Давлатзода, раиси Кумитаи андози назди Ҳукумати Тоҷикистон, акс аз бойгонӣ

Солҷашни 59-ум ва 12 соли раисӣ дар Кумитаи андоз: Давлатзода кист?

918
(Таҷдидшуда 15:27 15.01.2021)
Нусратулло Давлатзода, ки расо 12 сол роҳбарии Кумитаи андози назди Ҳукумати Тоҷикистонро ба уҳда дорад, имрӯз 59-солагияшро таҷлил мекунад

ДУШАНБЕ, 15 янв — Sputnik. Бар асоси ҳолномаи расмӣ, Давлатзода корашро ба ҳайси нозир оғоз карда, 12 соли охир - аз 16 январи соли 2009 то ҳол раиси Кумитаи андоз мебошад.

Презентация нового сервиса Google Android Pay в России
© Sputnik / Валерий Мельников

Нусратулло Давлатзода 15 январи соли 1962 дар ноҳияи Темурмалик таваллуд шуда, соли 1982 Донишгоҳи давлатии Тоҷикистон ва соли 2006 Академияи хизматии давлатии Русияро бо ихтисоси идоракунии давлатӣ ва маҳаллӣ хатм кардааст.

Тибқи тарҷумаи ҳоли Давлатзода, ӯ баъди хатми донишгоҳ дар соли 1982 то соли 1987 нозир оид ба маблағгузории хоҷагии қишлоқи шуъбаи молияи ноҳияи Совети вилояти Кӯлоб будааст.

“Солҳои 1987-1989 – сармуҳосиби Иттиҳодияи агросаноатии ноҳияи Советӣ вилояти Кӯлоб, солҳои 1989-1990 – муовини раиси Иттиҳодияи агросаноатии ноҳияи Советӣ вилояти Кӯлоб, солҳои 1990-1991 – тафтишотчии пешбар, сартафтишотчии Иттиҳодияи истеҳсоли меваю сабзавоти “Кӯлоб”-и вилояти Кӯлоб буд”, - омадааст дар ҳолнома.

Солҳои 1991-1992 - мутахассиси пешбари шуъбаи ҳисоботу тафтишотии Идораи кишоварзии вилояти Кӯлоб, солҳои 1992-1995 – директори Идораи ҳисоби хоҷагии савдои “Марҳабо”-и вилояти Хатлон, солҳои 1995-1997 – сардори шуъбаи савдои Базаи ҷумҳуриявии яклухтфурушии “Тоҷик-баққолисавдо” будааст.

Ӯ солҳои 1997-1998 ба ҳайси сарревизор-назоратчии Раёсати санҷиш ва назорати молиявии Вазорати молия, солҳои 1998-1999 – нозири калони андози Идораи санҷиши андозсупорандагони Кумитаи андоз кор кардааст.

Сипас дар мақомоти андози вилояти Ленинобод ва солҳои 2002-2006  дар вазифаи сардори Нозироти андози андозсупорандагони азими Вазорати даромадҳо ва пардохтҳои давлатии Ҷумҳурии Тоҷикистон фаъолият доштааст.

Солҳои 2006-2009  муовини аввали раиси Кумитаи андоз ва аз 16 январи соли 2009 то ҳол раиси Кумитаи андози назди Ҳукумати Ҷумҳурии Тоҷикистон.

Таъкид шудааст, ки Давлатзода оиладор ва соҳиби 7 фарзанд мебошад.

918
Барчаспҳо:
зодрӯз, кумитаи андоз, Тоҷикистон
Медицинские работники в отделении реанимации и интенсивной терапии в госпитале для больных COVID-19

Ҳолатҳои нави сироятёбӣ ба коронавирус дар Чин: мутахассисони СҶБ вориди Вуҳон шуданд

0
(Таҷдидшуда 15:33 16.01.2021)
Созмони ҷаҳонии беҳдошт ахиран омори нави гирифторон ба коронавирус дар ҷаҳонро эълон кард

ДУШАНБЕ, 16 январ – Sputnik. Тибқи иттилои Созмони ҷаҳонии беҳдошт то санаи 15 январ шумори сироятшудагон  ба 91 миллиону  816 ҳазору 091 нафар расид.

Тибқи иттилои манбаъ, ҷонбохтагон 1  миллиону 986 ҳазору 871 нафар расидаааст.

Дар ҳамин ҳол, шумори муолиашудагон ба беш аз 67 миллиону нафар расидааст.

Кумитаи ҳолатҳои фавқулоддаи Тоҷикистон хабар додааст, ки намояндагони Созмони ҷаҳонии беҳдошт барои муайян кардани ҷойю макони аввали зуҳури вируси корона ба Вуҳони Чин ворид шуданд.

Тибқи иттилои расида ин коршиносон дар ҳайати 14 нафар ба Чин рафтанд, гуфтушуниди дурудароз билохира самар дод ва Чин 14 январи соли равон ба коршиносону мутахассисони байналмилалӣ иҷозаи вуруд дод.

Дар ин ҳайат вирусшиносон аз Амрико, Австралия, Олмон, Ҷопон, Британияи Кабир, Русия, Нидерландия, Қатар ва Ветнам шомиланд.

Ҳамзамон манбаъ иттилоъ додааст, ки дар Чин бори аввал аз моҳи марти соли гузашта то ба имрӯз шумори зиёди гирифторони нав ба коронавирус ба қайд гирифта шуд. Мақомот гуфтанд, ки шабонарӯзи гузашта 144 нафар чун мубталои нав сабт шуд (моҳи марти соли гузашта 202 нафар буд).  Дар қиёс ба мамолики дигар ин омор чандон зиёд ҳам нест, вале ҳукуматдорони Чин онро чун як бонги изтироб қабул мекунанд.

0
Барчаспҳо:
омор, вируси корона, ҷаҳон, вирус, Чин