Мошинҳои боркаш, акс аз бойгонӣ

Додугирифти Тоҷикистон бо Қазоқистон аз додугирифт бо Русия бештар шудааст

142
(Таҷдидшуда 13:26 23.12.2020)
Дар Тоҷикистон додугирифти мол бо аксари кишварҳои Иттиҳоди Давлатҳои Мустақил, ба истиснои Белорус ва Озорбойҷон коҳиш ёфтааст

ДУШАНБЕ, 23 дек — Sputnik. Ҳаҷми савдои хориҷии Тоҷикистон бо кишварҳои ИДМ  дар соли 2020 беш аз 6% коҳиш ёфтааст, хабар дод Вазорати рушди иқтисод ва савдои Тоҷикистон.

"Аз январ то ноябри соли 2020 додугирифти мол миёни Тоҷикистон ва кишварҳои ИДМ дар муқоиса ба ҳамин давраи соли гузашта беш аз 6,2 фоиз коҳиш ёфт", - омадааст дар иттилоия.

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

Дар маҷмуъ савдои хориҷии Тоҷикистон бо кишварҳои ИДМ ҳудуди 2,1 миллиард долларро ташкил додааст, ки 50,9 дарсади маҷмӯи умумии савдои хориҷии кишварро ташкил додааст.

Ҳаҷми додугирифти мол миёни Тоҷикистону Белорус ҳудуди 84 дарсад ва бо Озорбойҷон 7,9 дарсад афзоиш ёфтааст.

Ба иттилои расмии мақомоти тоҷик, Русия ҳамоно яке аз шарикони асосии тиҷории Тоҷикистон буда, гардиши мол миёни ду кишвар тайи 11 моҳ ба 721,3 миллион доллар баробар шудааст, ки аз ин 25,5 миллион доллар ба содирот ва 695,8 миллион доллар ба воридот рост меояд.

Гардиши савдо бо Қазоқистон беш аз 795,8 миллион доллар ва бо Ӯзбекистон беш аз 300,4 миллион долларро ташкил додааст. Тавозуни савдои Тоҷикистон бо ИДМ манфӣ буда, воридот аз содирот 7,4 баробар зиёд мебошад.

Ожонси омори Тоҷикистон мегӯяд, дар 11 моҳи соли равон содироти мол аз Тоҷикистон беш аз 1,322 миллиарда долларро ташкил додааст.

142
Барчаспҳо:
ИДМ, Русия, Тоҷикистон

Маросими савгандёдкунии Байден ба доллар зарба хоҳад зад

520
(Таҷдидшуда 14:35 20.01.2021)
Таҳлилгарон дар бораи тағйири қурби доллар ва евро пас аз савгандёдкунии президенти нави ИМА Ҷо Байден пешгӯӣ карданд

ДУШАНБЕ, 20 янв - Sputnik. Таҳлилгарон гуфтанд, ки пас аз савгандёдкунии президенти тозаинтихоб Ҷо Байден қурби доллар ва евро чӣ гуна хоҳад буд

Пас аз савгандёдкунии сарвари нави давлат, доираи тағирёбии асъор нисбат ба ҳолати муқаррарӣ барои бозор камтар хоҳад буд, гуфт Анна Бодрова, таҳлилгари калони ИАЦ "Альпари", дар сӯҳбат бо "Российская газета".

Ба гуфтаи вай, дар ҳафтаи сеюми моҳи январ қурби доллар ҳудуди 73,5-75,5 рубл фарқ хоҳад кард. Аммо, нархи солимтари он 76-77 рублро ташкил хоҳад дод. Евро дар ҳудуди 89-91 рубл боқӣ хоҳад монд.

Бодрова гуфт, ки аз аввали моҳи январ қурби доллар бо рубл ҳамагӣ 0,2% коҳиш ёфтааст. Бо вуҷуди ин, ноустувории баланд боқӣ мемонад.

"То он даме, ки ин омил амал мекунад, рубл ба он чизе, ки дар атрофаш рух медиҳад, ба таври зебо муносибат мекунад, дар айни замон, иштирокчиёни бозор ба таври возеҳ заминаи ахборро, ки ба назар мусоидтар менамояд, "интихоб мекунанд", - қайд кард таҳлилгар.

Вай таъкид кард, ки зикри таҳримҳои Амрико алайҳи Русия дар рӯзҳои аввали Байден ба ҳайси президент метавонад боиси коҳиши "шадид ва эҳсосии" рубл шавад.

Арзиши рубли русӣ каме боло рафт: Бонки миллӣ арзиши рубл, доллар ва евроро эълон кард

Ба гуфтаи Бодрова, такягоҳ барои бисёре аз сармоягузорон эътимоди онҳо ба эмгузаронии коронавирус буд.

Ин ба нигоҳ доштани сатҳи баланди ҳам нархи нафт (55-57 доллар барои як баррел) Brent ва ҳам асъори кишварҳои рӯ ба тараққӣ мусоидат мекунад.

520
Барчаспҳо:
арзиши асъор, рубл, евро, доллар
Национальный банк Таджикистана

Аз болоравии евро то суқути доллар: эълони қурби асъори хориҷӣ барои имрӯз

261
(Таҷдидшуда 14:38 20.01.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 20 январ эълон кард, ки бар асоси он арзиши рублу евро нисбат ба аввали ҳафта каме боло рафтааст

ДУШАНБЕ, 20 янв— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1522 сомонӣ нишон дода шудааст.

Доллари амрикоӣ пас аз якбора боло рафтан дар соли гузашта, дар ҳоли суқут қарор дорад. Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.7193 то 13.9000 сомонӣ арзёбӣ кардааст, ин дар ҳолест, ки қурби асъори аврупоӣ рӯзи гузашта поинтар буд.

Харидуфурӯши 1 рублро бошад, Бонки миллӣ имрӯз аз 00.1516 то 0.1550 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1530 то 0,1555 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1530 то 0.1550 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Иқтисоддонҳо гуфтан, кадом асъор нисбат ба доллар фоидаовартар аст

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

261
Барчаспҳо:
қурби асъор, Бонки Миллӣ, Тоҷикистон
Вакцина против COVID-19 Pfizer-Biontech

Оғози сабти ваксинаи сеюм алайҳи COVID - 19 дар Русия

0
(Таҷдидшуда 14:58 20.01.2021)
Маркази ба номи Чумаков барои тасдиқи ваксина аҳайли COVID - 19 дар Русия ҳуҷҷатҳояшро ба Вазорати тандурустии кишвар пешниҳод кардааст

ДУШАНБЕ, 20 янв – Sputnik. Дар Русия сабти номи ваксинаи сеюми зидди коронавирус, ки онро Маркази Чумаков таҳия кардааст, оғоз ёфт, хабар медиҳад РИА Новости.

Ҳуҷҷатҳои дахлдор ба Вазорати тандурустии Федератсияи Русия пешниҳод шудаанд. Ин дору "КовиВак" ном гирифт.

"Ҳамин тариқ, дар Русия ваксинаҳое, ки бо истифода аз се технологияи мухталиф сохта шудаанд, пайдо мешаванд, ки ин бешубҳа саҳми ҷиддӣ дар пирӯзӣ бар пандемияи COVID-19 хоҳад буд", - гуфт вазири тандурустӣ Михаил Мурашко.

Қарор аст, ки ҳамаи таҳқиқот то нимаи моҳи феврали имсол ба анҷом расонида шаванд.

Гуфта мешавад, ки ваксина дар асоси вирусҳои ғайрифаъол, яъне "мурда" таҳия шудааст.

Эмгузаронии ваксинаи "Sputnik V" дар Қазоқистон аз 1 феврал оғоз мешавад

Ба гуфти олимон, дар ин ҳолат, организм коронавирусро беҳтар мешиносад ва ҳангоми тамос бо он, аллакай барои муҳофизат омода мешавад. Инчунин қайд карда мешавад, ки ваксина бар зидди мутатсияи COVID-19 низ самаранок хоҳад буд.

Тахмин меравад, ки ин дору барои эмгузаронии пиронсолон, кӯдакон ва шахсони гирифтори бемориҳои музмин истифода мешавад.

Ёдовар мешавем, аввалин ваксинаи Русия алайҳи коронавирус "Спутник V" моҳи августи соли гузашта ба қайд гирифта шуд. Дар миёнаҳои моҳи октябр дуввумаш - "ЭпиВакКорона" ба қайд гирифта шуд.

"Русия дунболи пул нест". Урупо пуштибони "Спутник V" шуд

То кунун, бо ваксинаи "Спутник V" беш аз 1,5 миллион нафар эм карда шудааст.

0
Барчаспҳо:
сабт, сабти ном, вируси корона, Русия
Мавзуҳо:
Пайомадҳои COVID-19 дар Тоҷикистон ва ҷаҳон