Денежные переводы с помощью Золотой Короны

Ҳақ бар кист?: Бонки миллӣ маълумоти Бонки марказии Русияро рад кард

583
(Таҷдидшуда 11:41 24.12.2020)
Бонки Миллии Тоҷикистон бо радди изҳороти мақомоти Бонки марказии Русия дар бораи коҳиши 37 дарсадии даромади ирсолии коргарони муҳоҷири тоҷик, ин коҳишро танҳо 9 дарсад эълом кардаанд

ДУШАНБЕ, 24 дек — Sputnik. Бонки марказии Русия ахиран эълом кард, ки коргарони муҳоҷири тоҷик аз ин кишвар ба Тоҷикистон дар 11 моҳу 20 рӯзи ахир як миллиарду 244 миллион доллар ирсол кардаанд, ки дар муқоиса бо давраи мушобеҳи соли қабл 37 дарсад коҳиш нишон медиҳад.

Аммо ба нақл аз сомонаи “Парстудей”, мақомоти Бонки миллии Тоҷикистон бидуни ишора ба омори 11 моҳу ними ахир эълом кардаанд, ки даромади ирсолии коргарони муҳоҷири тоҷикистонӣ аз Русия дар 9 моҳи нахусти имсол танҳо 9 дарсад коҳиш ёфтааст.

Ин дар ҳоле аст, ки қаблан Ҷамшед Нурмаҳмадзода, раиси собиқи Бонки миллии Тоҷикистони гуфта буд, ки дар шаш моҳи нахусти имсол коргарони тоҷик аз Русия ба кишварашон 195 миллион доллар ирсол кардаанд, ки дар муқоиса бо давраи мушобеҳи соли 2019 коҳиши 14,5 дарсадӣ нишон медиҳад.

Дар ҳамин ҳол, Пайрав Чоршанбиев, коршиноси масоили иқтисодӣ муътақид аст, ки Бонки миллӣ ба ду далел намехоҳад омори воқеии коҳиши даромади ирсолии коргарони муҳоҷири тоҷик дар шароити густариши вируси корона аз Русияро ошкор кунад.

Вай афзуд, ки ошкор шудани ин омор воқеияти вобастагии шадиди иқтисоди Тоҷикистон ба манобеи молии ирсолӣ аз хориҷро собит мекунад ва аз сӯи дигар муҷиби эҷоди ноумедӣ дар афкори умумии ин кишвар хоҳад шуд.

Бояд қайд кард, ки дар соли 2019 коргарони муҳоҷири тоҷик аз Русия ба Тоҷикистон 2 миллиарду 700 миллион доллар ирсол карда буданд.

583
Барчаспҳо:
коҳиш, муҳоҷирон, интиқоли пул, Бонки марказии Русия, Бонки миллӣ, Тоҷикистон
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

48
(Таҷдидшуда 13:39 18.01.2021)
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

48
мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев

Азми Душанбею Остона барои густариши ҳамкориҳо

51
(Таҷдидшуда 13:45 17.01.2021)
Тоҷикистону Қазоқистон ният доранд, бо истифодаи имкониятҳои мавҷуда ҳамкориҳои ду кишварро густариш диҳанд

ДУШАНБЕ, 17 янв — Sputnik. Тибқи иттилои Кумитаи давлатии сармоягузорӣ ва идораи амволи давлатии Тоҷикистон, дар назар аст ҷаласаи навбатии 16-уми байниҳукуматии Тоҷикистону Қазоқистон оид ба ҳамкориҳои иқтисодӣ баргузор гардад.

Манбаъ афзуд, омодагӣ ба ҷаласаи мазкур дар мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев баррасӣ шуд.

“Зимни вохурӣ масъалаҳои мубрами рушди муносибатҳои тиҷоратию иқтисодӣ ва сармоягузорӣ байни Ҷумҳурии Тоҷикистон ва Ҷумҳурии Қазоқистон, инчунин пешбурди лоиҳаҳои муштарак дар соҳаҳои гуногуни иқтисодӣ мавриди баррасӣ қарор гирифт”, - омадааст дар иттилоия.

Ҷонибҳо таъкид кардаанд, ки имкону захираҳои мавҷуда ҳар ду ҷониб барои таҳкими ҳамкориҳо зиёд мебошанд.

Феълан, Қазоқистон яке аз шарикони асосии тиҷории Тоҷикистон буда, таъминкунандаи кишвар бо орду маводи сӯхт мебошад.

51
Барчаспҳо:
ҳамкорӣ, Қазоқистон, Тоҷикистон
Сотрудники милиции

Пулис ду сокини Хатлонро дар Душанбе барои ташкили "алик-малик" боздошту ҳабс кард

0
(Таҷдидшуда 14:05 18.01.2021)
Ин ду ҷавони боздоштшуда қаблан низ аз ҷониби кормандони милитсия барои кирдорҳои ғайриқонунӣ боздошт ва ҷазо дода шуданд

ДУШАНБЕ, 18 янв — Sputnik. Ҳафтаи гузашта кормандони милитсия дар шаҳри Душанбе назди бозорҳо ва ҳамчунин дар кӯчаҳо рейдҳо роҳандозӣ намуданд, хабар медиҳад Раёсати умури дохила дар пойтахт.

Ба иттилои манбаъ, кормандони пулис асосан қиморбозонро дастгир мекарданд.

Рейд: боздошти гургҳои қиморбози "алик-малик" дар Душанбе

Ҳамин тариқ, РВУД дар шаҳри Душанбе аз боздошти ду ҷавони 26 ва 27 - сола хабар медиҳад, ки яке сокини шаҳри Кӯлоб ва дигаре сокини ноҳияи Фархор мебошанд.

"Ҳомидов Хуршед ва Юнусов Самандар, ки дар кӯчаи Муҳаммадҷон Қосимови ноҳияи Фирдавсӣ ба бозии "алик-малик" машғул буданд, дастгир шуданд", - таъкид мешавад дар хабар.

Манбаъ меафзояд, ки ҳар ду боздоштшуда қаблан низ аз ҷониби кормандони милитсия барои кирдорҳои ғайриқонунӣ боздошт шуда буданд.

Ҳамин тариқ, бо ҳукми суд нисбати ҳар кадоме ҷазо дар намуди ҳабси маъмурӣ ба муҳлати 7 шабонарӯзӣ таъин карда шуд.

0
Барчаспҳо:
ҷилавгирӣ аз фаъолияти қиморхонаҳо, боздошт, Душанбе