Встреча Председателя Согдийской области Раджаббоя Ахмадзода с предпринимателями области

Дар Суғд дар давоми сол зиёда аз 90 адад корхонаҳои саноатӣ ба фаъолият оғоз намуданд

100
(Таҷдидшуда 18:34 24.12.2020)
Дар толори меҳмонхонаи “Суғдиён”-и шаҳри Хуҷанд, мулоқоти раиси вилояти Суғд, Раҷаббой Аҳмадзода бо соҳибкорони вилоят баргузор гардид

ДУШАНБЕ, 24 дек — Sputnik. Бино бар иттилои дафтари матбуоти мақомоти вилояти Суғд, дар мулоқот муовини якуми Сарвазири мамлакат Давлаталӣ Саид, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода ва соҳибкорон аз шаҳру ноҳияҳои вилоят ширкат доштанд.

Зимни ҷаласа қайд карда шудааст, ки дар давоми соли 2020 зиёда аз 90 адад корхонаҳои саноатӣ бо 1469 ҷойи корӣ ба фаъолият оғоз намуданд.

“Имрӯзҳо дар вилояти Суғд зиёда аз 111 ҳазор соҳибкорон ва қариб 700 корхонаҳои саноатӣ фаъолият доранд. Бояд зикр намуд, ки соҳибкорони вилоят дар самтҳои гуногуни иқтисодиёт фаъолият намуда, дар фаъолияти худ технологияҳои муосир, аз ҷумла технологияҳои информатсионӣ-коммуникатсиониро ба таври васеъ мавриди истифода қарор медиҳанд”, - қайд кардааст  Аҳмадзода.

Зимни ҷаласа таъкид шудааст, ки барои ҳаллу фасли муаммоҳои ҷойдошта дар назди Раиси вилоят Шӯрои машваратӣ оид ба беҳтар кардани фазои сармоягузорӣ таъсис дода шудааст.

Дар Шӯрои машваратӣ муаммоҳое, ки дар вилоят вуҷуд доранду ва онҳо барои рушди соҳибкорӣ монеа эҷод мекунанд, мавриди баррасӣ қарор дода шуда, ҷиҳати дарёфти роҳи ҳалли онҳо корбарӣ карда мешавад.

Инчунин, гуфта шудааст, ки давоми соли 2020 дар шаҳри Хуҷанд Муассисаи давлатии “Ташаккул ва рушди соҳибкории Тоҷикистон” дар бинои Кохи матбуот ба фаъолият оғоз намуд, ки барои раҳнамоии соҳибкорони ҷавон ва ба ин восита рушд бахшидани фаъолияти онҳо нақши муҳим доштааст.   

Зимни ҷаласа қайд карда шуд, ки дар натиҷа, ба таъсири омилҳои манфии берунӣ нигоҳ накарда, ҳаҷми истеҳсоли маҳсулоти саноатӣ ба маблағи 13,5 млрд сомонӣ расонида шуд, ки ин нишондиҳанда нисбати ҳамин давраи соли гузашта 118,7 фоизро ташкил медиҳад.

“Соли ҷорӣ дар соҳаи саноати вилоят як қатор дастоварду равандҳои мусбат ба қайд гирифта шуд. Ба фаъолият оғоз кардани як қатор корхонаву ташкилот имкон дод, ки нуфузи вилоят тадриҷан боло бурда шавад”,- гуфт раиси вилояти Суғд.

Дар ҳамин ҳол, муовини якуми Сарвазири мамлакат Давлаталӣ Саид, таъкид кард, ки мақсади асосии Ҳукумати Тоҷикистон ва тамоми сохторҳои он ин мусоидат намудан барои рушди соҳибкорӣ мебошад.

Зикр гардидааст, ки дар охири ҷаласа дар вазъияти тантанавӣ барои фаъолияти пурсамар, меҳнати фидокорона, ноил шудан ба комёбиҳои назаррас, баланд бардоштани дараҷаи хизматрасонӣ ва саҳми муносиб дар рушди иқтисодиёти вилоят як қатор соҳибкорони пешқадам бо Сипосномаи мақомоти иҷроияи ҳокимияти давлатии вилояти Суғд қадршиносӣ шуданд.

100
Барчаспҳо:
соҳибкорон, вилоят, мулоқот, Раҷаббой Аҳмадзода, Суғд, Тоҷикистон
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

48
(Таҷдидшуда 13:39 18.01.2021)
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

48
мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев

Азми Душанбею Остона барои густариши ҳамкориҳо

51
(Таҷдидшуда 13:45 17.01.2021)
Тоҷикистону Қазоқистон ният доранд, бо истифодаи имкониятҳои мавҷуда ҳамкориҳои ду кишварро густариш диҳанд

ДУШАНБЕ, 17 янв — Sputnik. Тибқи иттилои Кумитаи давлатии сармоягузорӣ ва идораи амволи давлатии Тоҷикистон, дар назар аст ҷаласаи навбатии 16-уми байниҳукуматии Тоҷикистону Қазоқистон оид ба ҳамкориҳои иқтисодӣ баргузор гардад.

Манбаъ афзуд, омодагӣ ба ҷаласаи мазкур дар мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев баррасӣ шуд.

“Зимни вохурӣ масъалаҳои мубрами рушди муносибатҳои тиҷоратию иқтисодӣ ва сармоягузорӣ байни Ҷумҳурии Тоҷикистон ва Ҷумҳурии Қазоқистон, инчунин пешбурди лоиҳаҳои муштарак дар соҳаҳои гуногуни иқтисодӣ мавриди баррасӣ қарор гирифт”, - омадааст дар иттилоия.

Ҷонибҳо таъкид кардаанд, ки имкону захираҳои мавҷуда ҳар ду ҷониб барои таҳкими ҳамкориҳо зиёд мебошанд.

Феълан, Қазоқистон яке аз шарикони асосии тиҷории Тоҷикистон буда, таъминкунандаи кишвар бо орду маводи сӯхт мебошад.

51
Барчаспҳо:
ҳамкорӣ, Қазоқистон, Тоҷикистон

ИМА манъи вуруд аз бархе кишварҳои мусалмониро бекор мекунад

0
(Таҷдидшуда 14:20 18.01.2021)
Ҷо Байден, раисиҷумҳури тозаинтихоби ИМА, ният дорад, манъи вуруди шаҳрвандони бархе аз кишварҳои мусалмониро бекор кунад

ДУШАНБЕ, 18 янв — Sputnik. Лағви манъи вуруд аз бархе кишварҳои мусалмонӣ аз нахустин қадамҳои Ҷо Байден дар мақоми раисиҷумҳури ИМА хоҳад буд, хабар додааст CNN.

Манбаъ афзуд, Байден дар рӯзи нахустини корияш инчунин бархе тағйироти ҷиддии дигарро анҷом доданист. Аз ҷумла зикр шудааст, ки ИМА ба созишномаи Париж дар бораи тағйирёбии иқлим бармегардад. Ин созишнома коҳиши партовҳо ба ҳаворо дар назар дорад.

Байден инчунин ният дорад, ба Конгресс тарҳи бузурги умури муҳоҷиратро пешниҳод кард, ки бар асоси он миллионҳо муҳоҷири беҳуҷҷат дар қаламрави ИМА метавонанд шаҳрвандии ин кишварро ба даст оранд.

Инчунин маълум шуд, ки Байден бархе дастуроти раисиҷумҳурии феълии ИМА-ро бекор карданист. Аз ҷумла баромадани ИМА аз Созмони ҷаҳонии тандурустӣ ва ғайраро.

Маросими савгандёдкунии раисиҷумҳури нави ИМА 20 январ дар назар аст. Ба далели пандемия ин маросим бо бархе тағйирот сурат хоҳад гирифт.

0
Барчаспҳо:
мусалмонон, қарор, президент, ИМА