Глава Хатлонской области Курбон Хакимзода

Пешрафт дар шароити пандемия: раиси Хатлон гуфт, чӣ гуна рушди иқтисоди вилоят таъмин гашт

129
(Таҷдидшуда 19:38 28.12.2020)
Ахиран дар шаҳри Бохтар иҷлосияи чоруми Маҷлиси вакилони халқи вилояти Хатлон, даъвати шашум баргузор гардид

ДУШАНБЕ, 28 дек — Sputnik. Бино ба иттилои дафтари матбуоти мақомоти вилояти Хатлон, раиси маҷлиси вакилони халқи вилояти Хатлон, раиси вилояти Хатлон Қурбон Ҳакимзода зимни суханрониша иҷлосия қайд кардааст, ки новобаста аз паҳншавии вируси корона иқтисодиёти вилоят рушд карда аст ва барои рушди он дар соли сипаригашта тақрибан дар тамоми бахшҳои иқтисодиёти вилоят тадбирҳои мушаххас андешида шуд.

Қурбон Ҳакимзода қайд кардааст, ки давраи ҳисобот (ёздаҳ моҳи соли 2020) иҷрои нақшаи андоз (бе назардошти андози иҷтимоӣ) ба андозаи 102,2 фоиз таъмин гардида, ба буҷет 1 миллиарду 132,6 миллион сомонӣ ворид шуд, ки нисбат ба нақшаи тасдиқгардида 24,7 миллион сомонӣ ва нисбат ба ҳамин давраи соли 2019 ба маблағи 65,7 миллион сомонӣ зиёд мебошад.

“Пардохти музди меҳнати кормандони соҳаи буҷетӣ пурра маблағгузорӣ гардида, қарзи музди меҳнат дар давраи ҳисоботӣ вуҷуд надорад”, - таъкид доштааст раиси вилояти Хатлон.

Дар ҳамин ҳол Қурбон Ҳакимзода таъкид доштааст, ки дар давраи ҳисоботӣ музди миёнаи меҳнат дар вилоят 1028,44 сомониро ташкил намуд, ки нисбат ба ҳамин даври соли қаблӣ 29,94 сомонӣ зиёд мебошад.

Нишондиҳандаи нисбатан баланди музди меҳнат дар шаҳру ноҳияҳои Норак 1843,74 сомонӣ, Данғара 1433,37 сомонӣ, Ховалинг 1344,17 сомонӣ, Бохтар 1267,49 сомонӣ ва Темурмалик 1102,05 сомонӣ ба ҳисоб гирифта шудааст.

Мақомоти вилояти Хатлон омили асосии таъсиррасонанда ба сатҳи музди маошро дар ин шаҳру ноҳияҳо дар рушди босуръати соҳаҳои хизматрасонӣ ва саноат медонад.

Вай афзуд, вилоят бо молҳои аввалиндараҷа, рушди бозори истеъмолӣ, пешгирии болоравии нархи молу маҳсулот, баланд бардоштани самаранокии фаъолияти корхонаҳои соҳаи савдо ва хизматрасонӣ тадбирҳои зарурӣ андешида шуданд.

Ҳамчунин вай илова кард, ки ҳаҷми гардиши мол дар соҳаи савдо 6,1 миллиард сомониро ташкил дода, нисбати ҳамин давраи соли гузашта бештар ва хизматрасонии пулакӣ дар ҳамаи соҳаҳои хизматрасонӣ ба 1,8 миллиард сомонӣ расида, нисбат ба ҳамин давраи соли 2019-ум 1,7 фоиз коҳиш ёфтааст.

Дар ҳамин ҳол, ҳаҷми гардиши савдои хориҷии вилоят дар ёздаҳ моҳи соли равон ба 276,4 миллион доллар, аз ҷумла воридот 147,5 миллион доллар ва содирот ба 128,9 миллион доллар баробар шуд.

Қурбон ҳакимзода зикр намудааст, ки барои сол ба сол тадриҷан зиёд намудани содироти маҳсулоти кишоварзӣ ба хориҷи кишвар тадбирҳои иловагӣ амалӣ карда шуда, дар давраи ҳисоботӣ ба хориҷӣ кишвар 106,8 ҳазор тонна ба маблағи 11,4 миллион доллар маҳсулоти кишоварзӣ, аз ҷумла, 89,4 ҳазор тонна ба маблағи 8,9 миллион доллар ба хориҷи кишвар танҳо пиёз содирот карда шуд.

“Боиси қайд аст, ки дар таъмини дурнамои содироти маҳсулоти кишоварзӣ ба хориҷӣ кишвар саҳми кишоварзон ва соҳибкорони ноҳияҳои Ҷайҳун, Шаҳритуз, Кӯшониён, Вахш, Дӯстӣ ва Қубодиён хеле назаррас мебошад”,- гуфт раиси вилояти Хатлон.

129
Барчаспҳо:
маҷлис, иқтисод, рушди, Хатлон, Тоҷикистон

Путин: уфти иқтисод аз замони Ҷанги дуввуми ҷаҳонӣ бузургтар буд

89
(Таҷдидшуда 17:13 27.01.2021)
Президенти Русия Владимир Путин ҷаҳонро аз афзоиши ташаннуҷ дар ҷомеа бинобар таназзули иқтисод ҳушдор дор

ДУШАНБЕ, 27 январ - Sputnik. Соли 2020 коҳиши иқтисодӣ бузургтарин пас аз Ҷанги дуюми ҷаҳон буд, гуфт президенти Русия Владимир Путин дар Форуми умумиҷаҳонии иқтисодӣ дар Давос.

Путин таваҷҷӯҳро ба аз даст додани даромади меҳнатии 3,5 триллион доллар дар 9 моҳи соли гузашта ҷалб кард.

"Нишондиҳанда афзоиш меёбад ва дар баробари он ташаннуҷи ҷомеа. Ҳамзамон, барқарорсозии пас аз бӯҳрон осон нест",- гуфт сарвари давлат.

Роҳбари Русия қайд кард, ки 20-30 сол пеш онҳо сиёсати болоравии макроиқтисодиро истифода мебурданд, аммо ҳоло ин захираҳо кор намекунанд, зеро захираҳо тамом шудаанд.

Форуми ҷаҳонии иқтисодии Давос 2021 аз 24 то 29 январ баргузор мешавад.

Чорабинӣ ба мавзӯи "Тағйироти бузург" бахшида шудааст. Дар форум президенти Русия Владимир Путин низ ширкат варзид.

89
Доллары в миниатюрной тележке

Коршиносон асъори фоидаовар барои соли 2021-ро гуфтанд

266
(Таҷдидшуда 12:40 27.01.2021)
Коршиносони молиявӣ гуфтанд, ки кадом асъорҳо метавонад дар соли 2021 даромади сармоягузорӣ ба даст орад ва баръакс, аз кадомҳо бояд худдорӣ кард

ДУШАНБЕ, 27 январ - Sputnik. Коршиносон дар муколама бо РИА Новости гуфтанд, ки барои ба даст овардани фоида аз сармоягузорӣ бояд дар соли 2021 ба кадом асъорҳо сару кор гирифт.

"Интизор меравад, ки Бонки марказии ИМА сиёсати "доллари заиф"-ро татбиқ мекунад. Мо тахмин мезанем, ки сармоягузорӣ бо евро метавонад нисбат ба доллар даромади бештар ба даст орад. Инчунин бояд ба юани чинӣ назар кард, ки метавонад дар муқобили доллар ва евро боло раванд ", - гуфт директори НРАМ Сергей Гришунин.

Иқтисодшинос инчунин франки Швейтсарияро қайд карда, илова намуд, ки фарқияти калони қурби асъор ба татбиқи он халал мерасонад, ки ин ҷолибияти сармоягузории онро коҳиш медиҳад.

Гришунин ҳушдор дод, ки сармоягузорӣ ба асъорҳои сусти рушдёбанда ба мисли лираи туркӣ метавонад аз ҷиҳати молиявӣ хатарнок бошад.

Стратегисти сармоягузории "Открытие брокер" Константин Бушуев гуфт, ки имсол метавон ба асъори "молӣ" - долларҳои Австралия ва Канада, инчунин асъори кишварҳои рӯ ба тараққӣ - реали Бразилия ва песои Мексика диққат дод.

Дурнамои хушоянд: нархи нафт дар соли 2021 чанд хоҳад буд

Коршинос равшанӣ андохт, ки худи ин асъорҳо воситаҳои фоидаовар нестанд, аммо воситаҳои фоиданоки молиявӣ (саҳмияҳо ва вомбаргҳо), ки бо асъори дигар кишварҳо харида шудаанд, метавонанд даромаднокии зиёд ба даст оранд.

266
Барчаспҳо:
евро, доллар, фоиданок, асъор
Самолет на закате, архивное фото

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

80
Ҷаласаи ҳукумати Тоҷикистон оид ба натиҷаҳои рушди кишвар дар соли 2020, ки имрӯз тақрибан тамоми рӯз идома ёфт, президенти кишвар ба масоили хадамоти ҳавоӣ низ дахл кардааст

ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.

“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.

Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Раҳмон пирӯзии Тоҷикистон бар коронавирусро эълон кард

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.

80
Барчаспҳо:
дастур, парвозҳо, Эмомалӣ Раҳмон