Хакимзода Курбон председатель Государственного комитета по земельному управлению и геодезии при правительстве Республики Таджикистан

Хатлон дар шароити пандемия воридоти гандум, биринҷ ва гӯшти мурғро кам кардааст

64
(Таҷдидшуда 19:05 28.12.2020)
Ахиран дар шаҳри Бохтар дар иҷлосияи чаҳоруми Маҷлиси вакилони халқи вилояти Хатлон, даъвати шашум раиси вилояти Хатлон гуфт, ки дар баробари кам кардани воридот содироти шаш намуди маҳсулотро ба хориҷ аз кишвар афзоиш додааст

ДУШАНБЕ, 28 дек — Sputnik. Раиси вилояти Хатлон Қурбон Ҳакимзода қайд намудааст, ки новобаста ба таъсири паҳншавии бемории “COVID 19”вилоят содироти 6 намуди молу маҳсулот нисбати ба ҳамин давраи соли гузашта афзоиш додааст.

Дар ин бора дафтари матбуоти мақомоти вилояти Хатлон хабар додааст.

Дар ҳамин ҳол вай афзуд, ки воридоти намудҳои маҳсулоте, ки имконияти истеҳсолашон дар дохили вилоят бештар гардид, аз ҷумла, воридоти гандум, биринҷ ва гӯшти мурғ нисбати ҳамин давраи соли гузашта кам шудааст.

Барои сол ба сол тадриҷан зиёд намудани содироти маҳсулоти кишоварзӣ ба хориҷи кишвар тадбирҳои иловагӣ амалӣ карда шуда, дар давраи ҳисоботӣ ба хориҷӣ кишвар 106,8 ҳазор тонна ба маблағи 11,4 миллион доллар маҳсулоти кишоварзӣ, аз ҷумла, 89,4 ҳазор тонна ба маблағи 8,9 миллион доллар ба хориҷи кишвар танҳо пиёз содирот карда шуд.

"Боиси қайд аст, ки дар таъмини дурнамои содироти маҳсулоти кишоварзӣ ба хориҷӣ кишвар саҳми кишоварзон ва соҳибкорони ноҳияҳои Ҷайҳун, Шаҳритуз, Кӯшониён, Вахш, Дӯстӣ ва Қубодиён хеле назаррас мебошад", -таъкид дошт Ҳакимзода.

Ба қавли раиси вилоят, таъмини шуғли пурмаҳсули аҳолӣ яке аз самтҳои асосии сиёсати иҷтимоии давлат буда, сатҳу сифати зиндагии сокинони вилоят аз татбиқи босамар ва оқилонаи он вобаста мебошад.

64
Барчаспҳо:
гандум, афзоиш, содирот, воридот, Хатлон, Тоҷикистон
Кухня типовой 2-комнатной квартиры

Коҳиши муҳоҷирон иҷораи хонаро дар Русия арзон кардааст

104
(Таҷдидшуда 16:38 18.01.2021)
Коҳиши теъдоди муҳоҷирон дар Русия дар замони пандемияи коронавирус боиси поин рафтани нархи иҷораи хонаҳо дар шаҳрҳои калони кишвар шудааст

ДУШАНБЕ, 18 янв — Sputnik. Дар ҷамъбасти соли 2020 нархи иҷораи хона дар шаҳрҳои калони Русия кам шуд.

Коршиносон яке аз сабабҳоро кам шудани теъдоди муҳоҷирон гуфтанд. Ба панҷгонаи шаҳрҳое, ки нархи иҷораи манзил дар онҳо аз ҳама зиёд поин рафтааст, Маскав ва Санкт-Петербург низ шомил шудаанд.

“Ин ҳолат аз як сӯ ба рафтани муҳоҷирон аз шаҳрҳои калон ва аз ҷониби дигар ба фароҳам шудани имкони кори фосилавӣ рабт дорад”, - изҳор дошт мудири кулли пойгоҳи амволи ғайриманқул, Павел Лутсенко.

Ӯ дар суҳбат бо "МК" изҳор доштааст, нархи иҷораи манзили якҳуҷраӣ дар Маскав  ба 37,9 ҳазор, дуҳуҷраӣ - 45,4 ҳазор ва сеҳуҷраӣ - 55 ҳазор рубл расидааст.

Бар асоси арзёбиҳои ин таҳлилгар, нархи иҷораи манзилҳои аз як то сеҳуҷраӣ мутаносибан дар Санкт-Петербург - 11,4%, 14,5%, 13,2% ва дар Маскав 10,9%, 12,9% ва 13,9% кам шудааст.

Инчунин коҳишёбӣ ба дастрас шудани ипотека дар хонаҳои навбунёд рабт дода мешавад, ки дар натиҷа ниёз ба иҷора кам шудааст.

Манбаъ таъкид кард, ки нархи иҷораи хонаҳо танҳо дар Новосибирск, Волгоград, Омск, Красноярск ва Самара боло рафтааст.

104
Барчаспҳо:
хона, иҷора, муҳоҷирон, Русия
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

58
(Таҷдидшуда 13:39 18.01.2021)
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

58
Рустами Шоҳмурод, вакили парлумони Тоҷикистон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

743
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

743
Барчаспҳо:
қонун, хизмати ҳарбӣ, Тоҷикистон