Доллары

Бонки Ҷаҳони гуфт, чигуна Тоҷикистон метавонад аз буҳрони иқтисодӣ раҳо ёбад

296
(Таҷдидшуда 12:47 31.12.2020)
Намояндаи Бонки Ҷаҳонӣ дар Тоҷикистон барномаи ислоҳоти иқтисодӣ дар ин кишварро дар шароити паҳншавии вируси корона ироа кардааст, ки иҷрои он муҷиби эҷоди ҷои кор ва афзоиши маошу дастмуздҳо хоҳад шуд

ДУШАНБЕ, 31 дек — Sputnik. Ян Питер Олтерс бо ишора ба вобастагии шадиди буҷаи ҳукумати Тоҷикистон ба андоз пешниҳод кардааст, ки андози бахши хусусӣ дар ин кишвар коҳиш ёбад ва заминаи фаъолияти баробар барои бахши хусусӣ ва корхонаҳои давлатӣ фароҳам шавад, иттилоъ додааст хабаргузориии “Парстудей”.

Вай афзудааст, ки ҳамакнун марказҳои вобаста ба ҳукумат аз имтиёзоти зиёде бархӯрдоранд, ки дар бахши хусусӣ ин сабукиҳо вуҷуд надорад.

Намояндаи Бонки Ҷаҳонӣ дар Тоҷикистон ҳамчунин бар баҳрагирии ҳукумати Тоҷикистон аз фанновариҳои навини мудирияти иқтисодӣ, ислоҳот дар бахши кишоварзӣ, диҷиталӣ кардани хадамоти ҳамлунақл, банкҳо ва дигар бахшҳо таъкид ва изофа кард: “Истифода аз зарфиятҳои бахши хусусӣ дар содироти маҳсалот низ метавонад заминаи иштиғолзоӣ ва афзоиши вуруди арзҳои хориҷӣ ба манзури ҳимоят аз арзиши пули миллии Тоҷикистонро фароҳам кунад”.

Ян Питер Олтерс бо таъкид бар зарурати коҳиши вобастагии Ҳукумати Тоҷикистон ба даромади интиқоли пули муҳоҷирони меҳнатӣ роҳи ҳалли ин мушкилро таъмини ҷойи кор дар дохили кишвар донист.

Вай изҳор дошт, ки густариши вируси корона осебпазирии иқтисоди Тоҷикистонро нишон додаву исбот кардааст, ки бо равишҳои қаблии мудириятӣ наметавон аз ин буҳрон хориҷ шуд.

296
Барчаспҳо:
рушд, барнома, иқтисод, Бонки ҷаҳонӣ, Тоҷикистон
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

48
(Таҷдидшуда 13:39 18.01.2021)
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

48
мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев

Азми Душанбею Остона барои густариши ҳамкориҳо

51
(Таҷдидшуда 13:45 17.01.2021)
Тоҷикистону Қазоқистон ният доранд, бо истифодаи имкониятҳои мавҷуда ҳамкориҳои ду кишварро густариш диҳанд

ДУШАНБЕ, 17 янв — Sputnik. Тибқи иттилои Кумитаи давлатии сармоягузорӣ ва идораи амволи давлатии Тоҷикистон, дар назар аст ҷаласаи навбатии 16-уми байниҳукуматии Тоҷикистону Қазоқистон оид ба ҳамкориҳои иқтисодӣ баргузор гардад.

Манбаъ афзуд, омодагӣ ба ҷаласаи мазкур дар мулоқоти раиси Кумитаи сармоягузорӣ, Қодирзода Саъдӣ Сангинмурод ва сафири Қазоқистон дар Тоҷикистон Аскар Тажибаев баррасӣ шуд.

“Зимни вохурӣ масъалаҳои мубрами рушди муносибатҳои тиҷоратию иқтисодӣ ва сармоягузорӣ байни Ҷумҳурии Тоҷикистон ва Ҷумҳурии Қазоқистон, инчунин пешбурди лоиҳаҳои муштарак дар соҳаҳои гуногуни иқтисодӣ мавриди баррасӣ қарор гирифт”, - омадааст дар иттилоия.

Ҷонибҳо таъкид кардаанд, ки имкону захираҳои мавҷуда ҳар ду ҷониб барои таҳкими ҳамкориҳо зиёд мебошанд.

Феълан, Қазоқистон яке аз шарикони асосии тиҷории Тоҷикистон буда, таъминкунандаи кишвар бо орду маводи сӯхт мебошад.

51
Барчаспҳо:
ҳамкорӣ, Қазоқистон, Тоҷикистон
Глава парламента Таджикистана Рустам Эмомали

Метавонед бисанҷед: Рустами Эмомалӣ ба Палатаи ҳисоб дархост ирсол кард

0
Интизор меравад, ки Палатаи ҳисоби Ҷумҳурии Тоҷикистон ояндаи наздик фаъолияти шаҳрдории Душанберо мавриди санҷиши навбатӣ қарор диҳад

ДУШАНБЕ, 18 янв — Sputnik. Дар ин бора раиси шаҳри Душанбе Рустами Эмомалӣ ба ин ниҳоди кишвар дархост ирсол кардааст.

Дар ин бора дафтари матбуоти шаҳрдории Душанбе хабар медиҳад.

Гуфта мешавад, мақсад аз дархости санҷиши фаъолят аз ҷониби раиси шаҳр, таъмини шаффофияти фаъолияти шаҳрдорӣ ва истифодаи буҷаи он аст.

"Раиси шаҳри Душанбе Рустами Эмомалӣ бо мақсади таъмини шаффофият ва самаранокии истифодаи мақсадноки маблағҳои буҷетии мақомоти иҷроияи ҳокимияти давлатии шаҳри Душанбе ба Палатаи ҳисоби Ҷумҳурии Тоҷикистон ҷиҳати санҷиши фаъолияти молиявию хоҷагидории мақомот дар соли 2020 дархост  ирсол намуд", - омадааст дар иттилои манбаъ.

Ҳамин тавр, интизор меравад, ки Палатаи ҳисоби Ҷумҳурии Тоҷикистон ояндаи наздик фаъолияти шаҳрдории Душанберо мавриди санҷиши навбатӣ қарор диҳад. Айнан чунин даъватро соли гузашта низ раиси шаҳри Душанбе ба палатаи мазкур ирсол карда буд.

Палатаи ҳисоб гуфт, барои хунукназарӣ чанд мансабдори давлатиро ҷазо доданд

Ёдрас мешавем, охирҳои моҳи январи соли 2020 Палатаи ҳисоб гузориш дода буд, ки дар соли сипаригардида аз ҷониби кормандони Палатаи ҳисоб соли  сипаригардида беш аз 300 санҷиши аудиторӣ дар  вазорату идораҳо, марказ ва гурӯҳҳои татбиқи лоиҳаҳои сармоягузорӣ, бонкҳо субъектҳои  хоҷагидорӣ ва дигар муассисаҳои буҷетӣ гузаронида шуданд, ки  дар натиҷа беш аз 234 миллион  сомонӣ  зарари молиявӣ  муайян гардид.

0