Отделение банка Амонатбонк

Се сутуни низоми бонкии Тоҷикистон: Бонки миллӣ рӯйхати бонкҳои низомсозро нашр кард

853
(Таҷдидшуда 17:55 28.01.2021)
Бонки миллии Тоҷикистон (БМТ) ташкилотҳои қарзии низомсозро барои соли 2021 муайян кард

ДУШАНБЕ, 28 янв — Sputnik.  Тавре шуъбаи матбуоти БМТ хабар медиҳад, "Рӯйхати ташкилотҳои қарзии низомсоз ва ташкилотҳои қарзии эҳтимолӣ барои соли 2020" бо қарори Раёсати Бонки миллӣ мутобиқи "Қоидаҳои муайян намудани ташкилотҳои қарзии низомсоз" тасдиқ карда шуд.

Аз рӯйи натиҷаи фаъолияти солона (аз 1-уми январ то 31-уми декабри соли 2020) ба рӯйхати мазкур 3 ташкилоти қарзӣ ҳамчун низомсоз дохил шуданд.

Инҳо Бонки давлатии амонатгузории "Амонатбонк", ҶСК "Ориёнбонк" ва ҶСК "Бонки Эсхата" мебошанд.

Дар банди ҷудогона ба сифати ташкилотҳои қарзии эҳтимолӣ дар замима ба қарор Ташкилоти амонатии қарзии хурди "Имон Интернешнл" зикр шудааст.

Дар замима шарҳ дода мешавад, ки ба ташкилотҳои қарзии эҳтимолӣ он муассисаҳои молиявие дохил мегарданд, ки аз рӯйи баҳодиҳии навбатӣ метавонанд ташкилоти қарзии низомсоз эътироф шаванд.

Рӯйхати мазкур соле як маротиба таҳия шуда, дар сомонаи Бонки миллӣ ва маҷаллаи "Бонкдорӣ Тараққиёт Ҷаҳонишавӣ" нашр мешавад.

853
Барчаспҳо:
рӯйхат, ташкилоти қарзӣ, Амонатбонк, Бонки миллӣ, Тоҷикистон
Слитки золото, архивное фото

Соҳибаш дар Душанбест: эълони номи молики 90 кило тиллою миллионҳо пул видео

2102
(Таҷдидшуда 20:30 28.02.2021)
Расонаҳои Афғонистон гузориш додаанд, ки наздики 90 кило тиллою пули қочоқии боздоштшуда дар фурудгоҳи Душанбе моли Муҳаммад Мирзо Катавозай, муовини раиси Маҷлиси намояндагон – Вулус Ҷиргаи Афғонистон мебошад. Худи ӯ то ҳол ин қазияро шарҳ надодааст

ДУШАНБЕ, 28 фев – Sputnik. Телевизиони 1-и Афғонистон мегӯяд, тиллою пули боздоштшуда дар фурудгоҳи Душанбе моли Муҳаммад Мирзо Катавозай, ноиби аввали раиси парлумони Афғонистон аст, ки феълан дар қатори як ҳайати баландпоя дар Тоҷикистон қарор дорад. Худи Катавозай ин иттилоъро ҳоло шарҳ надодааст. Ба иттилои расонаҳои Афғонистон, пули нақду тилло асосан бо мошинҳои боркаш ба Тоҷикистону Ӯзбекистон интиқол дода шуда, аз он ҷо ба кишварҳои арабӣ фиристода мешавад.

Ин гузориш дар ҳолест, ки феълан як ҳайати баландпоя таҳти роҳбарии раиси парлумони Афғонистон, Мирраҳмон Раҳмонӣ дар Тоҷикистон қарор дошта, мулоқоти ҳайат бо раисиҷумҳур, Эмомалӣ Раҳмон ва Юсуф Раҳмон, додситони кулли кишвар дар назар аст.

Юсуф Раҳмон, ахиран боздошти гуруҳи қочоқбар бо наздики 90 кило тиллою садҳо ҳазор фунт стерлингро тасдиқ карда буд.

Гузориш ба Рустами Эмомалӣ аз боздошти Сафарову Назаров бо 90 кило тиллою садҳо ҳазор пул

“Аз онҳо 89 килою 350 гр тилло, 489 638 риёл ва 200 000 фунт стерлинг, ки бо роҳи қочоқ ба шаҳри Дубайи Аморати Муттаҳидаи Араб интиқол дода мешуд, ёфта, мусодира гардид”, - изҳор дошт Юсуф Раҳмон зимни ҳисоботи ахираш ба Маҷлиси миллӣ.

Додситони кулли Тоҷикистон аз қочоқбарон Назаров.С. ва Сафаров.Ф. ном бурдааст, ки дар Фурудгоҳи байналмилалии Душанбе дастгир гардидаанд.

Раҳмоналӣ Раҳимзода, сардори Раёсати ташкилоти мубориза бо ҳуқуқвайронкунии гумрукии Тоҷикистон низ ҷой доштани ин ҳолатро тасдиқ карда, афзуд ки дар доираи парвандаи талоши қочоқи тилло ва пул ба хориҷа се кормандашон низ боздошт шудаанд. Қарори додгоҳ дар ин мавриди ин парванда феълан эълон нашудааст.

2102
Раҳмон Исломиддин Раҳмон, раиси ноҳияи Данғара ва раисиҷумҳур Эмомалӣ Раҳмон ҳангоми мулоқот бо заминдорон

Қарз нест: Раҳмон гуфт, чанд миллиард доллар ба Данғара ҷалб шудааст

2352
(Таҷдидшуда 17:17 28.02.2021)
Раҳмон Исломиддин Хайриддин, раиси ноҳияи Данғара, мегӯяд, то имрӯз 1 миллиарду 155 миллион доллар сармояи хориҷӣ ба ноҳия ҷалб карда шудааст, ки аз ин 1 миллиарду 49 миллиону 146 ҳазор доллар сармояи мустақим мебошад

ДУШАНБЕ, 28 фев – Sputnik. Ба иттилои Исломиддин Раҳмон, соли гузашта нақшаи даромади буҷаи ноҳия барзиёд иҷро шуда, ба ҷои 144,1 миллион ба буҷа 160,6 миллион сомонӣ ворид шуд.

Раиси ноҳия дар суҳбат бо нашрияи “Ҷумхурият” аз сармоягузории давлатию хориҷӣ дар Данғара гуфта, иттилоъ додааст, ки то имрӯз беш аз 1 миллиарду 155 миллион доллар сармояи хориҷӣ ҷалб карда шудааст.

Инчунин манбаъ зикр кардааст, дар ноҳия 12 лоиҳаи давлатии сармоягузорӣ амалӣ мегардад, ки маблағи истифодашуда 33,7 миллион доллари амрикоиро ташкил медиҳад.

“Барномаи рушди иҷтимоию иқтисодии ноҳия барои солҳои 2016-2020 -ум 119 лоиҳаро ба маблағи 685,6 миллион сомонӣ дар бар гирифта, ба ҳолати 1 декабри соли гузашта 60 лоиҳа ба маблағи 478,9 миллион сомонӣ ба иҷро расидааст”, - иттилоъ додаст Исломиддин Раҳмон.

Манбаъ афзудааст, ки ҳоло дар ноҳия 38 корхонаи саноатӣ фаъолият дошта, то 30 - солагии Истиқлоли давлатӣ боз 4 корхонаи саноатӣ фаъол мешаванд.

Ҳаҷми умумии истеҳсоли маҳсулоти кишоварзӣ тайи соли 2020 дар ноҳия муодили 1 миллиарду 196 миллион сомонӣ арзёбӣ шудааст.

Қаблан Эмомалӣ Раҳмон, раисиҷумҳури Тоҷикистон, заминҳои паҳновари Данғараро захираи тиллоии Тоҷикистон хонда, таъкид намуд, ки танҳо одам даркор, ки ин заминро истифода барад.

2352
Барчаспҳо:
Данғара, пул, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон