Натюрморт из овощей

Гаронтарин сабзавот дар вилояти Суғд гуфта шуд

369
(Таҷдидшуда 13:22 31.01.2021)
Раёсати Агентии омори Тоҷикистон дар вилояти Суғд гаронтарин сабзавот дар минтақаро номбар кард

ДУШАНБЕ, 31 январ - Sputnik. Дар вилояти Суғд, сабзавотҳоеро номбар карданд, ки нархи онҳо дар соли 2020 нисбатан зиёд баланд шудаст.

Тибқи маълумоти Агентии омори назди президенти Тоҷикистон дар минтақа, нархи помидор бештар афзоиш ёфтааст. Гуфта мешавад, нархи ин сабзавот беш аз 83% афзоиш ёфтааст.

Лиму дар феҳристи маҳсулоти минтақа, ки нархашон боло рафт, ҷои дуввумро гирифт. Арзиши ин мева 72% ҷаҳидааст.

Нархи картошка бошад беш аз 65% ва нархи ангур 38% афзоиш ёфт.

Ин ниҳод инчунин маҳсулоти дар тӯли соли гузашта арзонтарро номбар кард. Бештар аз ҳама, нархи қаламфури булғорӣ арзон шудааст, ки 45 фоиз поин рафтааст. Илова бар ин, нархи каду (42,7%), тарбуз (24,5%), пиёз (19,5%), сирпиёз (19,2%), лаблабу (9,7%), бодиринг (7,8%) ва карам (5%) арзон шудааст.

Агентӣ қайд кард, ки индекси нархҳои истеъмолӣ дар соли 2020 нисбат ба соли 2019 дар вилояти Суғд 108,8% -ро ташкил медиҳад.

Дар Суғд бурду бохти соли гузаштаро натиҷагирӣ карданд

Дар робита ба маҳсулоти хӯрокворӣ, нишондиҳандаҳо 114,5% ва ғайриозуқа 103,9% -ро ташкил додаанд.

Ҳамзамон ин ниҳод гуфт, ки дар ҳоли ҳозир дар минтақа нархи сабзавот чи гуна муқаррар шудааст.

Тибқи иттилои манбаъ, ҳоло як кило помидор 12 сомонӣ (1,06 доллар) муқаррар шудааст.

Истеҳсоли пиёз дар Тоҷикистон якчанд маротиба зиёд шуду картошка бетағйир

Шумо метавонед як кило картошкаро дар вилояти Суғд ба 5 сомонӣ (0,44 доллар), пиёз - 1,5 сомонӣ (0,13 доллар) ва бодирингу карамро мутаносибан 10 сомонӣ (0,88 доллар) ва 2 сомонӣ (0, 17 доллар) харед.

369
Барчаспҳо:
нархи наво, сабзавот, Агентии омори Тоҷикистон
Табло АЗС города Худжанд

Ҷаҳиши якбораи нархи бензин дар Тоҷикистон

1373
(Таҷдидшуда 17:57 04.03.2021)
Арзиши бензин ва сӯзишвории дизелӣ дар Тоҷикистон тайи як рӯзи ахир якбора боз боло рафт

ДУШАНБЕ, 4 мар – Sputnik. Бино ба нархномае, ки ахиран ширкатҳои фурӯши сӯзишворӣ пешниҳод кардаанд, қимати бензин ва сӯзишвории дизелӣ дар кишвар наздики 1 сомонӣ афзоиш ёфтааст.

Бар асоси нишондоди нуқтаҳои фуруши бензин барои 1 литр сӯзишвории навъи 92 дар Хуҷанду Душанбе 7 сомонию 80 дирам ва барои тамғаи 95 бошад 8 сомони 10 дирам медиҳанд.

Ях ҳамсуҳбати Sputnik Тоҷикистон дар Хуҷанд гуфт, бо ин нарх ҳам дар баъзе нуқтаҳо бензин камёфт шудааст.

Аммо дар Хоруғ бошад болотар барои як литр сӯзишвории навъи 92 беш аз 8 сонию 40 дирам медиҳанд.

Ин нишондод дар ҳолест, ки аз авали соли ҷорӣ, як литр бензин дар ҷумҳурӣ вобаста ба тамға ва минтақаи 5,80-6,90 сомонӣ арзиш дошт.

Як манбаи дигари Sputnik Тоҷикистон гуфт, болоравии нархи маводи сухт ин ба маҳдудияти воридот аз Қирғизистон аст.

"Ҳукумати Қирғизистон қарор қабул кард, ки маводи сухт ба хориҷа содир нашавад. Мақомти қудратии он кишвар дидбонгоҳҳоро сахт назорат мекунанд ва ҳамзамон ба шикори қочоқчиён пардохтаанд, ки на ҳар кас дар чунин вазъ тавакал мекунад".

Ба гуфтаи ӯ, тариқи қонунӣ ба кишвар аз Қирғизистон кам ворид мешуд, аммо аксар маводи сухт аз ин кишвар тариқи пинҳон ворид мегашт.

Болоравии нарх дар бозори нафт: то кай ин ҷараён идома меёбад

Раҳбари Хадамоти зиддиинҳисории Тоҷикистон қаблан дар бораи болоравии қиммати сузишворӣ гуфта буд, ки болоравии он ба Русия, ки воридкунандаи асосӣ аст, рабт дорад. Ба гуфти ӯ дар соли 2020 дар Русия 26 фисад боло рафта буд.

Ӯ гуфта буд, ки ширкатҳои фурӯши сӯзишворӣ барои беасос баланд кардани нарх ба маблағи 1,4 миллион сомонӣ ҷарима шуда буданд.

Бино ба қарори сарвазири Қирғизистон, мақомоти зидахли ин кишвар – шуруъ аз Хадамоти гумруку марзбонӣ то вазорати нақлиёту Хадамоти мубориза бо ҷиноятҳои иқтисодии ин кишвар дастури қатъӣ гирифтаанд, ки аз ҳар гуна талош барои содироти ғайриқонунии нафту фаровардаҳои нафтӣ ҷилавгирӣ намоянд. 

Ин қарор аз рӯзи имзо шуданаш, яъне 3 марти соли равон, ба иҷро даромадааст.

Тибқи иттилои расмӣ, Қирғизистон бо саҳми 2,02% сеюмин кишвари воридкунандаи маҳсулоти нафтӣ пас аз Русия (78,43%) ва Қазиқистон (15,24%) ба бозори Тоҷикистон маҳсуб мешавад. Ин кишвар дар соли 2020 дар ҳаҷми 11 ҳазору 780, 93 тон маҳсулоти нафтӣ, аз қабили бензину сӯзишвории дизелӣ, ба маблағи 5 миллиону 333 ҳазору 248 доллар ворид кардааст.

Мавҷи нав: болоравии нархи нафт пешгӯӣ шуд

Дар Тоҷикистон маводи сӯхт аз хориҷа асосан аз Русия ворид карда мешавад. Бино ба иттилоъи расмӣ, соли гузашта ба кишвар 234 ҳазор тон бензин ва 298 ҳазор тон сӯзишвории дизелӣ ворид шудааст.

1373
Мулоқоти сафири Тоҷикистон дар Эрон Низомиддин Зоҳидӣ бо муовини вазири корҳои хориҷаи Эрон

Коронавирус гунаҳгор: соли гузашта тиҷорати Тоҷикистону Эрон 10,3 дарсад коҳиш ёфт

55
(Таҷдидшуда 17:23 04.03.2021)
Сафири Тоҷикистон дар Теҳрон бо муовини вазири корҳои хориҷаи Ҷумҳурии Исломии Эрон дидор ва гуфтугӯ кард

ДУШАНБЕ, 4 мар — Sputnik. Ба нақл аз дафтари матбуотии Вазорати корҳои хориҷаи Тоҷикистон, Низомиддин Зоҳидӣ ва Саид Расули Муҳоҷир дар ин дидор оид ба сатҳи кунунӣ ва дурнамоии густариши муносибатҳои Душанбе ва Теҳрон баҳс ва табодули назар карданд.

Ду тараф бо арзёбии вазъи феълии равобити Тоҷикистон ва Эрон мавзӯи густариши ҳамкориҳои иқтисодӣ ва тиҷорӣ, ҳамлу нақл, энержӣ ва низ равобити илмӣ ва фарҳангиро мавриди баррасӣ қарор доданд. 

Зоҳидӣ ва Муҳоҷир ҳамчунин дар бораи ҳамкориҳои Тоҷикистон ва Эрон дар чорчӯби созмонҳои байналмилалӣ ва минтақавӣ ва роҳҳои густариши равобити дуҷониба гуфтугӯ карданд. 

Аз гузашта то имрӯз: муваффақиятҳову дастовардҳои Эрон – видео

Гуфта мешавад, ки дар соли 2020 ба далели густариши вируси корона мубодилоти тиҷории Тоҷикистону Эрон 57 миллиону 700 ҳазор доллар будааст, ки дар муқоиса бо соли 2019 коҳиши 10,3 дарсадиро нишон медиҳад.

55
Барчаспҳо:
сафир, гуфтугӯ, равобит, ҳамкорӣ, Тоҷикистон, Эрон
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

358
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

358
Барчаспҳо:
сафар, Тоҷикистон, раисҷумҳур, Қирғизистон