Доллары

Иттиҳодияи Аврупо аз доллар даст мекашад

378
(Таҷдидшуда 14:19 02.02.2021)
Кишварҳои Иттиҳодияи Аврупо ният доранд вобастагии худро аз доллар кам кунанд ва иқтисоди худро ҳимоя намоянд

ДУШАНБЕ, 1 феврал - Sputnik. Комиссияи Иттиҳодияи Аврупо нақшаи пешакӣ барои даст кашидан аз долларро рӯ даст гирифтааст, менависад Financial Times.

Иттиҳодияи Аврупо ин иқдомро ба хотири кам кардани вобастагии худ аз доллар роҳандозӣ хоҳад кард. Бар ивази доллар Иттиҳодияи Аврупо ният дорад евроро ба кор барад. Имрӯз ин дуввумин асъори серталаб дар ҷаҳон ба шумор меравад.

"Тақвияти нақши байналмилалии евро иқтисод ва низоми молиявии моро аз зарбаҳои асъорӣ муҳофизат мекунаду, вобастагӣ аз дигар асъорро кам карда, хароҷоти пасти транзаксионӣ ва молиявиро коҳиш медиҳад", - гуфт Комиссари аврупоӣ оид ба масъалаҳои иқтисодӣ Паоло Ҷентилони.

Гуфта шудааст, ки тибқи нақшаҳои пешакӣ, евро бояд дар шартномаҳои интиқоли мол иникос ёбад ва дар меъёрҳо бояд таҷдиду тайғирот ворид гардад.

Танзимкунандагон метавонанд тасарруфи ширкатҳои аврупоиро аз ҷониби ширкатҳои хориҷӣ пешгирӣ кунанд, чунки ин таҳдид ба амнияти миллӣ дониста мешавад.

Бо кумаки низоми нави назорати сармоягузории мустақими хориҷӣ, ҳар як амалиёт санҷиш хоҳад шуд. Бо ин роҳ, ба сосони мешавад муайян кард, корхонае, ки тасарруф карда шудааст, оё таҳримҳои бурнмарзиро роя хоҳад кард ё на.

Тибқи гузориши Бонки марказии Аврупо, серталабии евро барқарорсозии бунёди Иқтисоди Аврупо пас аз пандемия, ки 750 миллиард евроро ташкил медиҳад, афзоиш хоҳад дод.

Ҳамчун алтернатива ба доллар, Иттиҳодияи Аврупо нақша дорад, вомбаргҳои ягонаи шарикӣ ба фурӯш барорад. Ин метавонад хавфҳои эҳтимолӣ пешгирӣ намояд.

Аммо, оҷонсиҳои пешрафтаи амрикоӣ, аз ҷумла Bloomberg, боварӣ доранд, ки ин нақша амал нахоҳад шуд. Ба гуфтаи коршиносони амрикоӣ ин нақша ба хотири доштани мухолифат миёни ҳукуматҳои мухталифи кишварҳои Аврупо наметавонад амал шавад.

378
Барчаспҳо:
ҳимоя, евро, иқтисод, доллар, Аврупо
Встреча Президента с Председателем Правления Евразийского банка развития Николаем Подгузовым

Суҳбати Раҳмон бо Подгузов: аз ҷалби сармоя барои саноат ва энержӣ то сохтмони мактабҳо

232
(Таҷдидшуда 16:41 05.03.2021)
Ҷонибҳо ҷалби сармояро барои рушди саноат, аз ҷумла истихроҷу коркарди маъдан, саноати хӯрокворӣ дар асоси коркарди маҳсулоти кишоварзии аз ҷиҳати экологӣ тоза, баррасӣ карданд

ДУШАНБЕ, 5 мар — Sputnik.  Президенти Тоҷикистон Эмомалӣ Раҳмон бо раиси Раёсати Бонки Авруосиёии Рушд Николай Подгузов мулоқот кард.

Бино ба гузориши котиботи раисиҷумҳур, дар ҷараёни мулоқот масъалаҳои густариши ҳамкории Тоҷикистон ва Бонки Авруосиёии Рушд баррасӣ гардидааст.

"Тоҷикистон ба масъалаи рушди ҳамкории судманд бо Бонки Авруосиёии Рушд, аз ҷумла дар самти ҷалби сармоя ба бахшҳои афзалиятноки иқтисодиёт ҳавасманд аст", — таъкид намуд Эмомалӣ Раҳмон.

Аз сатҳи ҳамкории дуҷониба ва иқдоми Ҳукумати Русия оид ба татбиқи лоиҳаи сохтмону муҷаҳҳазгардонии 5 мактаб дар Тоҷикистон, ки тавассути Бунёди Авруосиёии устуворӣ ва рушд амалӣ мегардад, изҳори қаноат карда шуд.

Мавриди зикр аст, ки идоракунандаи фонди мазкур Бонки Авруосиёии Рушд мебошад.

Ҷонибҳо зимни мулоқот имкониятҳои ҳамкории пурсамар ва ҷалби сармояро барои рушди саноат, аз ҷумла истихроҷу коркарди маъдан, саноати хӯрокворӣ ва сабук дар асоси коркарди маҳсулоти кишоварзии аз ҷиҳати экологӣ тоза ва рақамикунонии иқтисодиёт, табодули андеша карданд.

Манбаъ афзуда, ки дар бахши энергетика иштироки бонк дар татбиқи лоиҳаҳои сохтмону таҷдиди нерӯгоҳҳои хурду бузург ва бунёди хатҳои интиқоли барқ, зарур шумурда шуд.

232
Барчаспҳо:
иқтисод, мулоқот, суҳбат, Эмомалӣ Раҳмон, БОР, Тоҷикистон
Денежные купюры

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

403
(Таҷдидшуда 12:38 05.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Дар Тоҷикистон қурби евро ва рубли русӣ боло рафтааст

ДУШАНБЕ, 5 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1534 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро аз 13.6101 то 13.8500 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1534 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рубл имрӯз 0,1530 - 0,1550 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1530 то 0.1560 ва дар "Алифбонк", 1 рубл аз 0,1520 то 0,1560 сомонӣ нишон дода шудааст.

БОР ба Тоҷикистон 105 миллион доллар медиҳад: вазир гуфт ба куҷо сарф мекунанд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

403
Барчаспҳо:
сомонӣ, доллар, рубл, Бонки Миллӣ
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол