Заместитель премьер-министра Таджикистана Азим Иброхим, архивное фото

Вазири нақлиёти Тоҷикистон ҳаҷми зарар дар соҳаи бору мусофиркашониро гуфт

217
(Таҷдидшуда 13:49 03.02.2021)
Азим Иброҳим, вазири нақлиёти Тоҷикистон, ҳаҷми хисорот дар соҳаи ҳамлу нақли байналмилалии кишварро ҳангоми пандемия гуфт

ДУШАНБЕ, 3 фев - Sputnik. Пандемияи коронавирус ба интиқоли бор ва мусофиркашӣ ба маблағи 300 миллион сомонӣ зарар расонд, гуфт вазири нақлиёт, Азим Иброҳим зимни нишасти матбуотӣ дар Душанбе.

"Зарар танҳо дар соҳаи боркашонии автомобилӣ беш аз 272 миллион сомониро ташкил додааст", - гуфт вазир.

Раҳбари Вазорати нақлиёт илова кард, ки талафот дар умури ҳамлу нақли мусофирон 28,9 миллион сомониро ташкил додааст.

Дар ҳамин ҳол, ҳаҷми борҳое, ки Корхонаи воҳиди давлатии "Роҳи оҳани Тоҷикистон" интиқол медиҳад, афзоиш ёфтааст.

Ҳамин тариқ, ширкати "Роҳи оҳани Тоҷикистон" давоми соли гузашта 6,3 миллион тонна бор кашонд, ки 5,8 миллион тоннааш ҳамлу нақли байналмилалӣ мебошад.

Қаблан Агентии омори назди президенти ҷумҳурӣ хабар дода буд, ки тақрибан 92,3% ҳаҷми умумии борҳо дар Тоҷикистон ба нақлиёти автомобилӣ рост меояд.

217
Барчаспҳо:
боркашонӣ, Азим Иброҳим, вазири нақлиёт, Тоҷикистон
Встреча Президента с Председателем Правления Евразийского банка развития Николаем Подгузовым

Суҳбати Раҳмон бо Подгузов: аз ҷалби сармоя барои саноат ва энержӣ то сохтмони мактабҳо

231
(Таҷдидшуда 16:41 05.03.2021)
Ҷонибҳо ҷалби сармояро барои рушди саноат, аз ҷумла истихроҷу коркарди маъдан, саноати хӯрокворӣ дар асоси коркарди маҳсулоти кишоварзии аз ҷиҳати экологӣ тоза, баррасӣ карданд

ДУШАНБЕ, 5 мар — Sputnik.  Президенти Тоҷикистон Эмомалӣ Раҳмон бо раиси Раёсати Бонки Авруосиёии Рушд Николай Подгузов мулоқот кард.

Бино ба гузориши котиботи раисиҷумҳур, дар ҷараёни мулоқот масъалаҳои густариши ҳамкории Тоҷикистон ва Бонки Авруосиёии Рушд баррасӣ гардидааст.

"Тоҷикистон ба масъалаи рушди ҳамкории судманд бо Бонки Авруосиёии Рушд, аз ҷумла дар самти ҷалби сармоя ба бахшҳои афзалиятноки иқтисодиёт ҳавасманд аст", — таъкид намуд Эмомалӣ Раҳмон.

Аз сатҳи ҳамкории дуҷониба ва иқдоми Ҳукумати Русия оид ба татбиқи лоиҳаи сохтмону муҷаҳҳазгардонии 5 мактаб дар Тоҷикистон, ки тавассути Бунёди Авруосиёии устуворӣ ва рушд амалӣ мегардад, изҳори қаноат карда шуд.

Мавриди зикр аст, ки идоракунандаи фонди мазкур Бонки Авруосиёии Рушд мебошад.

Ҷонибҳо зимни мулоқот имкониятҳои ҳамкории пурсамар ва ҷалби сармояро барои рушди саноат, аз ҷумла истихроҷу коркарди маъдан, саноати хӯрокворӣ ва сабук дар асоси коркарди маҳсулоти кишоварзии аз ҷиҳати экологӣ тоза ва рақамикунонии иқтисодиёт, табодули андеша карданд.

Манбаъ афзуда, ки дар бахши энергетика иштироки бонк дар татбиқи лоиҳаҳои сохтмону таҷдиди нерӯгоҳҳои хурду бузург ва бунёди хатҳои интиқоли барқ, зарур шумурда шуд.

231
Барчаспҳо:
иқтисод, мулоқот, суҳбат, Эмомалӣ Раҳмон, БОР, Тоҷикистон
Денежные купюры

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

403
(Таҷдидшуда 12:38 05.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Дар Тоҷикистон қурби евро ва рубли русӣ боло рафтааст

ДУШАНБЕ, 5 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1534 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро аз 13.6101 то 13.8500 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1534 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рубл имрӯз 0,1530 - 0,1550 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1530 то 0.1560 ва дар "Алифбонк", 1 рубл аз 0,1520 то 0,1560 сомонӣ нишон дода шудааст.

БОР ба Тоҷикистон 105 миллион доллар медиҳад: вазир гуфт ба куҷо сарф мекунанд

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

403
Барчаспҳо:
сомонӣ, доллар, рубл, Бонки Миллӣ
Футбольный клуб Худжанд

Футболбозони клуби “Хуҷанд” ба Туркия мераванд: мақсад чист?

0
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кард

ДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.

Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.

Дар ин росто бозингарони дастаи "Хуҷанд"  бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.

"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.

Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.

Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.

0
Барчаспҳо:
Раҷаббой Аҳмадзода, Туркия, Хуҷанд, Футбол