Орешки и сухофрукты на рынке

Тоҷикистон ба Ҳиндустон мева содир карданист

166
(Таҷдидшуда 17:49 03.02.2021)
Тоҷикистон мехоҳад бозори бузурги дигаре барои фурӯши маҳсулоти кишоварзияш - Ҳиндустонро касб кунад

ДУШАНБЕ, 3 фев — Sputnik. Тоҷикистон мехоҳад бо ҷумҳуриии Ҳиндустон ҳамкориҳои тиҷоратиашро тақвият бахшида, ба кишвар коло, асосан маҳсулоти кишоварзияшро содир кунад.

Дар ин бора Ҷамшед Ҷумъахонзода, раиси Палатаи савдо ва саноати Тоҷикистон дар рафти нишасти матбуотӣ хабар дод.

"Яке аз бозорҳои калони дигаре, ки ба мо наздик ҳаст, ин Ҳиндустон мебошад. Мо ҳоло масъалаи ҳамкории тиҷорӣ бо ин кишварро омӯхта истодаем", - хабар дод вай.

Ба қавли Ҷумъахонзода, палата аллакай аввалин қадамҳоро дар роҳи ифтитоҳи бозори содиротии нав гузоштааст - бо намояндагони тиҷоратии Сафорати Ҳиндустон дар Тоҷикистон ва худи сафири кишвар мулоқотҳо анҷом додааст.

"Мо дар бораи он ки кадом маҳсулотамонро ба Ҳиндустон содир карда метавонем, бо намояндагони кишвар мулоқотҳо доштем. Фақат бо назардошти роҳ муайян кардан лозим аст, ки кадом маҳсулоти мо он ҷо ба фурӯш меравад", - таъкид мекунад вай.

Дар посух ба суоли он ки интиқоли колоҳо бо кадом роҳ сурат хоҳад гирифт, раиси палата таъкид кард, ки пеш аз ҳама роҳи заминӣ ба назар гирифта мешавад. 

"Ҳастанд маҳсулоте, ки рақобатпазиранд. Онҳоро метавон ба воситаи ҳавопаймо низ содир кард - ин ҷанбаҳоро ҳам меомӯзем", - гуфт вай.

32%: рекоди нави содироти Тоҷикистон, он ҳам дар замони пандемия

Ҷамшед Ҷумъахонзода дар ҳамин ҳол таъкид кард, ки дар Тоҷикистон пеш аз ҳама мехоҳанд маҳсулоти кишоварзӣ - мева, аз ҷумла гелос, зардолу ва меваи хушкро ба Ҳиндустон содир кунанд.

Ӯ изҳори умедворӣ кард, ки ин ҳамкориҳо аз ҳамин сол ба роҳ монда мешаванд.

166
Барчаспҳо:
мева, содирот, Ҳиндустон, Тоҷикистон
Табло АЗС города Худжанд

Ҷаҳиши якбораи нархи бензин дар Тоҷикистон

1080
(Таҷдидшуда 17:57 04.03.2021)
Арзиши бензин ва сӯзишвории дизелӣ дар Тоҷикистон тайи як рӯзи ахир якбора боз боло рафт

ДУШАНБЕ, 4 мар – Sputnik. Бино ба нархномае, ки ахиран ширкатҳои фурӯши сӯзишворӣ пешниҳод кардаанд, қимати бензин ва сӯзишвории дизелӣ дар кишвар наздики 1 сомонӣ афзоиш ёфтааст.

Бар асоси нишондоди нуқтаҳои фуруши бензин барои 1 литр сӯзишвории навъи 92 дар Хуҷанду Душанбе 7 сомонию 80 дирам ва барои тамғаи 95 бошад 8 сомони 10 дирам медиҳанд.

Ях ҳамсуҳбати Sputnik Тоҷикистон дар Хуҷанд гуфт, бо ин нарх ҳам дар баъзе нуқтаҳо бензин камёфт шудааст.

Аммо дар Хоруғ бошад болотар барои як литр сӯзишвории навъи 92 беш аз 8 сонию 40 дирам медиҳанд.

Ин нишондод дар ҳолест, ки аз авали соли ҷорӣ, як литр бензин дар ҷумҳурӣ вобаста ба тамға ва минтақаи 5,80-6,90 сомонӣ арзиш дошт.

Як манбаи дигари Sputnik Тоҷикистон гуфт, болоравии нархи маводи сухт ин ба маҳдудияти воридот аз Қирғизистон аст.

"Ҳукумати Қирғизистон қарор қабул кард, ки маводи сухт ба хориҷа содир нашавад. Мақомти қудратии он кишвар дидбонгоҳҳоро сахт назорат мекунанд ва ҳамзамон ба шикори қочоқчиён пардохтаанд, ки на ҳар кас дар чунин вазъ тавакал мекунад".

Ба гуфтаи ӯ, тариқи қонунӣ ба кишвар аз Қирғизистон кам ворид мешуд, аммо аксар маводи сухт аз ин кишвар тариқи пинҳон ворид мегашт.

Болоравии нарх дар бозори нафт: то кай ин ҷараён идома меёбад

Раҳбари Хадамоти зиддиинҳисории Тоҷикистон қаблан дар бораи болоравии қиммати сузишворӣ гуфта буд, ки болоравии он ба Русия, ки воридкунандаи асосӣ аст, рабт дорад. Ба гуфти ӯ дар соли 2020 дар Русия 26 фисад боло рафта буд.

Ӯ гуфта буд, ки ширкатҳои фурӯши сӯзишворӣ барои беасос баланд кардани нарх ба маблағи 1,4 миллион сомонӣ ҷарима шуда буданд.

Бино ба қарори сарвазири Қирғизистон, мақомоти зидахли ин кишвар – шуруъ аз Хадамоти гумруку марзбонӣ то вазорати нақлиёту Хадамоти мубориза бо ҷиноятҳои иқтисодии ин кишвар дастури қатъӣ гирифтаанд, ки аз ҳар гуна талош барои содироти ғайриқонунии нафту фаровардаҳои нафтӣ ҷилавгирӣ намоянд. 

Ин қарор аз рӯзи имзо шуданаш, яъне 3 марти соли равон, ба иҷро даромадааст.

Тибқи иттилои расмӣ, Қирғизистон бо саҳми 2,02% сеюмин кишвари воридкунандаи маҳсулоти нафтӣ пас аз Русия (78,43%) ва Қазиқистон (15,24%) ба бозори Тоҷикистон маҳсуб мешавад. Ин кишвар дар соли 2020 дар ҳаҷми 11 ҳазору 780, 93 тон маҳсулоти нафтӣ, аз қабили бензину сӯзишвории дизелӣ, ба маблағи 5 миллиону 333 ҳазору 248 доллар ворид кардааст.

Мавҷи нав: болоравии нархи нафт пешгӯӣ шуд

Дар Тоҷикистон маводи сӯхт аз хориҷа асосан аз Русия ворид карда мешавад. Бино ба иттилоъи расмӣ, соли гузашта ба кишвар 234 ҳазор тон бензин ва 298 ҳазор тон сӯзишвории дизелӣ ворид шудааст.

1080
Мулоқоти сафири Тоҷикистон дар Эрон Низомиддин Зоҳидӣ бо муовини вазири корҳои хориҷаи Эрон

Коронавирус гунаҳгор: соли гузашта тиҷорати Тоҷикистону Эрон 10,3 дарсад коҳиш ёфт

46
(Таҷдидшуда 17:23 04.03.2021)
Сафири Тоҷикистон дар Теҳрон бо муовини вазири корҳои хориҷаи Ҷумҳурии Исломии Эрон дидор ва гуфтугӯ кард

ДУШАНБЕ, 4 мар — Sputnik. Ба нақл аз дафтари матбуотии Вазорати корҳои хориҷаи Тоҷикистон, Низомиддин Зоҳидӣ ва Саид Расули Муҳоҷир дар ин дидор оид ба сатҳи кунунӣ ва дурнамоии густариши муносибатҳои Душанбе ва Теҳрон баҳс ва табодули назар карданд.

Ду тараф бо арзёбии вазъи феълии равобити Тоҷикистон ва Эрон мавзӯи густариши ҳамкориҳои иқтисодӣ ва тиҷорӣ, ҳамлу нақл, энержӣ ва низ равобити илмӣ ва фарҳангиро мавриди баррасӣ қарор доданд. 

Зоҳидӣ ва Муҳоҷир ҳамчунин дар бораи ҳамкориҳои Тоҷикистон ва Эрон дар чорчӯби созмонҳои байналмилалӣ ва минтақавӣ ва роҳҳои густариши равобити дуҷониба гуфтугӯ карданд. 

Аз гузашта то имрӯз: муваффақиятҳову дастовардҳои Эрон – видео

Гуфта мешавад, ки дар соли 2020 ба далели густариши вируси корона мубодилоти тиҷории Тоҷикистону Эрон 57 миллиону 700 ҳазор доллар будааст, ки дар муқоиса бо соли 2019 коҳиши 10,3 дарсадиро нишон медиҳад.

46
Барчаспҳо:
сафир, гуфтугӯ, равобит, ҳамкорӣ, Тоҷикистон, Эрон
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

105
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

105
Барчаспҳо:
сафар, Тоҷикистон, раисҷумҳур, Қирғизистон