Водка, архивное фото

Аз арақ то шириниҳои зараровар: кашфи беш аз 2 миллион кило маҳсулоти ғайристандартӣ

102
Диловар Пирназарзода, муовини якуми раиси “Тоҷикстандарт” мегӯяд, соли гузашта дар ҷумҳурӣ беш аз 2 миллиону 355 ҳазор кило маҳсулоти ғайристандартиро ошкор кардаанд

ДУШАНБЕ, 8 фев — Sputnik. Пирназарзода зимни нишасти матбуотӣ дар Душанбе гуфт, аз 2,3 миллион кило маҳсулоти ғайристандартие, ки ошкор шудааст, 1,7 миллион килояш барои саломатӣ зараровар буда, нобуд карда шудааст.

Ӯ таъкид намуд, ки 646 ҳазор килои боқимонда мушкилоти марбут ба тамғагузорию навиштаҷот дошт, ки баъди ислоҳ дар доираи талаботи стандартҳо дигарбора ба фурӯш роҳ дода шуд.

Манбаъ афзуд, ки аз маҳсулоти ғайристандартии ошкоршуда беш аз 455 ҳазор килояш маҳсулоти гӯштӣ, 160 ҳазор кило равғани растанӣ, 22 ҳазор литр нӯшокиҳои спиртӣ, 44 ҳазор килоро маҳсулоти қаннодӣ ташкил додааст.

Тибқи иттилои “Тоҷикстандарт”, дар маҷмуъ давоми соли 2020 ҳамагӣ 7 ҳазору 970 нафар барои нақзи қоидаҳои савдою хизматрасонӣ, аз ҷумла қоидаҳои беҳдоштӣ ба ҷавобгарии маъмурӣ кашида шуда, маблағи ҷарима беш аз 1,7 миллион сомониро ташкил дод.

Мақомдорони “Тоҷикстандарт” таъкид намуданд, ки маҳсулоти ғайристандартӣ дар бозори  истеъмолии Тоҷикистон коҳиш ёфта истодаанд ва яке аз омилҳояш вуҷуди рақобати солим арзёбӣ мешавад. Масъулин мегӯянд, вақте мардум маҳсулоти босифат интихоб мекунад, тавлидкунанда низ маҷбур мешавад маҳсулоти хуб ба бозор барорад ва колои пастсифат худаш аз байн меравад.

102
Барчаспҳо:
ғайристандартӣ, Тоҷикстандарт, Тоҷикистон
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

3
(Таҷдидшуда 00:23 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.8100 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

3
Сохтмонҳои нав дар Душанбе, акс аз бойгонӣ

Бонкҳои Тоҷикистон ипотекаро зиёд кардаанд

176
Ташкилотҳои қарзии Тоҷикистон ният доранд, ки ҳаҷми қарзҳои ипотекаро имсол зиёд кунанд, зеро дар кишвар рушди устувори бунёди биноҳои нав ба қайд гирифта шудааст

ДУШАНБЕ, 1 мар - Sputnik. Дар Тоҷикистон ният доранд, ҳаҷми қарзҳои ипотекиро барои шаҳрвандони кишвар афзоиш диҳанд, навиштааст "Авеста".

Бонкҳои кишвар тасмим гирифтанд, ки шумораи қарзҳои ипотекаро зиёд кунанд, зеро солҳои охир дар Тоҷикистон рушди устувори бинои манзил ба қайд гирифта шудааст. Аммо ташкилотҳои қарзӣ вобаста ба имкониятҳои молиявии худ қарзҳои ипотекӣ медиҳанд.

Андозаи маблағе, ки барои қарзи ипотекӣ ҷудо шудааст, нисбатан кам аст. Масъулини бонкҳои ҷумҳурӣ мегӯянд, барои гирифтани қарзи дарозмуддат амонати дарозмуддат лозим аст. Аммо дар ташкилотҳои қарзии маҳаллӣ пасандозҳо кӯтоҳмуддат - аз як то сесола мебошанд.

Чунин муҳлати ками пасандозҳо имкониятҳо барои қарздиҳии ипотекиро коҳиш додаст. Дар маҷмӯъ, дар соли 2020, бонкҳо ба маблағи умумии 103 миллион сомонӣ, беш аз 9 миллион доллар қарзи ипотека доданд, ки ин нисбат ба соли 2019 ҳудуди 17,1 миллион сомонӣ ё худ 1,4 миллион доллар зиёд аст.

Қаблан роҳбарияти "Амонатбонк" эълон карда буд, ки дар нимаи дуюми сол ба муштариён қарзҳои ипотека пешниҳод мекунад. Тибқи омори соли гузашта, дар Тоҷикистон биноҳои истиқоматӣ бо масоҳати умумии 1,3 миллион метри мураббаъ ба истифода дода шуданд, ки ин нисбат ба соли пешӣ 1,4% зиёдтар аст.

176
Барчаспҳо:
қарз, Тоҷикистон