Вход в банк Эсхата

Пояҳои нави низоми бонкии Тоҷикистон: эътимоди мардум бармегардад?

261
(Таҷдидшуда 17:24 08.02.2021)
Ахиран Бонки милли Тоҷикистон рӯйхати се бонки муҳими кишварро, ки бонкҳои низомсоз дониста мешаванд, нашр кард

ДУШАНБЕ, 8 фев — Sputnik, Алексей Юсупов. Бонки миллии Тоҷикистон рӯйхати ташкилотҳои қарзии низомсозро нашр кард. Ба рӯхайти мазкур се бонк, "Амонатбонк", "Ориёнбонк" ва "Бонки Эсхата" ҳамчун ташкилоҳои қарзии низомсоз ва як ташкилоти қарзии эҳтимолӣ  "Имон Интернешнл" дохил карда шудааст.

“Пасандозҳо дар низоми бонкӣ дар соли 2020 ба андозаи 17,2% афзоиш ёфта 11,4 миллиард сомониро ташкил медиҳад. Ин аз он шоҳидӣ медиҳад, ки даромади аҳолӣ ва боварии мардум ба ташкилотҳои қарзӣ афзоиш ёфтааст”, - таъкид дошт Эмомалӣ Раҳмон раисҷумҳури Тоҷикистон зимни паёми худ ба парлумону ҳукумати кишвар.

Ҳамзамон, роҳбари кишвар фаъолияти бонкҳоро дар бахши қарздиҳӣ ба иқтисоди миллӣ танқид кард. Раҳмон ба камбудиҳо дар низоми идоракунии корпоративӣ, "шумораи зиёди таҳдидҳои амалиётӣ ва қарзӣ, нигоҳ доштани қарзҳои ғайрифаъол, ҷалби нокофии сармоягузорӣ ба низоми бонкӣ" ишора кард.

Ин камбудиҳо ба бонкҳои низомсоз низ дахл доранд, ки муфлисшавии онҳо метавонад тамоми иқтисоди Тоҷикистонро баҳам занад. Sputnik Тоҷикистон дурнамои ин “Сегонаи бузург”-ро дар соли оянда таҳлил кард.

Қадимтарин, Бонки давлатӣ, ғарқшаванда

БДА "Амонатбонк" яке аз қадимтарин бонк дар ҷумҳурӣ ба ҳисоб меравад. Ин бонк фаъолияти худро моҳи марти соли 1885, замоне, ки дар Хуҷанд аввалин ҳазинаи амонатӣ ва қарзӣ ифтоҳ ёфт оғоз кард.

Дар ин муддат "Амонатбонк" фаъолияти худро дар саросари кишвар ба роҳ мондааст. Ин бонк пайваста ба панҷгонаи ташкилотҳои қарзии Тоҷикистон шомил мешавад. Дар маҷмӯъ  ин бонк ба кормандони ташкилотҳои буҷавӣ ва нафақахӯрон хизмат мерасонад.

Бонк ба қабули ҳама намуди пардохтҳои коммуналӣ манфиатдор аст. Аммо солҳои охир терминалу замимаҳои мухталифи мобилӣ ба даромади бонк таъсир гузоштааст. Ҳоло аҳолӣ имкон пайдо кардааст, ки бидуни боздид аз бонк маблағҳои коммуналиро пардохт намоянд.

Ин вазъ роҳбарияти "Амонатбонк" -ро водор сохт, ки барои таҳия ва ҷорӣ намудани маҳсулоти онлайнии худ чораҳо андешад ин гуна барномаҳо "хом" ҳастанд ва таблиғи ниёз доранд.

Бо вуҷуди ин, "Сбербонки тоҷикӣ" дар бораи ояндаи худ метавонад хавотир нашавад. Ҳузури давлат дар миёни муассисони бонк дар симои Вазорати молия намегузорад ин бонк муфлис шавад. Ба шарте, ки тамоми кишвар дучори рукуди иқтисоди нашавад.

Хешовандӣ,устуворӣ, дахлнопазирӣ

Тавре маълум аст "Ориёнбонк" - ро додарарусӣ расиҷумҳури Тоҷикистон - соҳибкори бузургу Ҳасан Асадуллозода роҳбари мекунад. Ғайр аз ин, ӯ инчунин соҳиби ширкати сохтмонии “Исмоил Сомонӣ - асри XXI” мебошад.

Ташкилоти қарзӣ ба мизоҷони худ маҳсулоти асосии бонкиро, ки дар таҷрубаи байналмилалии молиявӣ қабул гардидааст, пешниҳод менамояд. Аз ҷумлаи ин бонк хидматрасониҳои зеринро пешниҳод менамояд: барориши кортҳои бонкӣ, қарзи ипотекӣ ва қарздиҳии истеъмолӣ, идоракунии фосилавии суратҳисобҳо, кортҳои кредитӣ бо мӯҳлати имтиёзнок, пасандозҳои мӯҳлатдор, иҷораи сандуқ, интиқоли маблағ.

Интиқоли маблағ пас аз таъсиси як маркази протсесенгӣ барои интиқоли пул аз хориҷ, ки дар Бонки миллии Тоҷикистон таъсис ёфт, то андозае "пажмурда" шуд. Аммо даромади муайян аз ин намуди фаъолият дар бонк боқӣ монд, ҳарчанд на дар он ҳаҷме, ки қаблан буд.

Бартарияти ҶСК “Ориёнбонк” дар он будааст, ки баландтарин фоизи пасандозҳо доштааст. Нигоҳ доштани пасандозҳо дар ин ташкилоти қарзӣ барои сокинон фоидаовар будааст.

Ғайр аз он, хеш будан ба роҳбари давлат аз фишорҳои маъмурӣ нигоҳ медорад, ки аксарияти ҷамъиятҳои саҳҳомии ҷумҳурӣ ба ин ё он шакл дучор мешаванд.

Шимолӣ, сифатнок ва муваффақ

Бонки "Бонки Эсхата" ҷавонтарин бонки низомсоз мебошад. Мансубияти минтақавии ташкилоти қарзӣ аз худи номаш маълум аст. Шаҳри Хуҷанд, ки дар асри IV пеш аз милод аз ҷониби Искандари Мақдунӣ, забт шуд исми Искандарияи Эсхата гирифт.

Соҳибкории шимолиён ба тамоми мардуми Тоҷикистон маълум аст. Новобаста аз муҳлати кӯтоҳ фаъолият, "паланги ҷавон" бомуваффақият ба майдони бонкӣ ворид шуд. Сифати баланди хидматрасонӣ ва сиёсати дастгирии соҳибкорони хурду миёна имкон дод  зуд боварии муштариён худ ҷалб кунад.

Ин бонк барои муштариёни худ хизматрасониҳои васеъро пешниҳод менамояд. Роҳбарияти бонк ҳамеша аз  навигониҳои IT-технология бо хабар аст ва доимо хидматрасониҳои нави онлайнро ба бозор пешниҳод менамояд. Ҳамкориҳои байналмилалӣ низ ба таври назаррас рушд меёбад. БАТР кайҳост, ки ҳамчун шарики "Бонки Эсхата" дониста мешавад.

Мардум, пулҳоятонро дар хазинаи амонатӣ нигоҳ доред

Фикр намекунам, ки ин шиоре, ки яке аз қаҳрамонҳои филми кӯҳнаи замони Иттиҳоди Шӯравии "Иван Васильевич касбашро иваз мекунад" мегуфт ба дили мардуми Тоҷикистон ҷой гирад. Мушкилоти молии ду бонки низомсоз кишвар “Агроинвестбонк” ва “Тоҷпромбонк” боварии мардумро ба бонкҳои кишвар коста кард. Мардум якбора пасандозҳои худро аз даст доданд.

На ҳама пасандозгузорон тавонистанд пули худро аз бонкҳо бозпас гиранд.

Ин раванд боиси муфлисшавии чандин соҳибкор, кашмакашҳои оилавӣ ва ҳатто худкушӣ гардид. Барои таҷдиди қарз ҳукумати кишвар кӯмакҳои молиявӣ пешниҳод кард, ки бонкдорон натавонистанд аз он дуруст истифода намоянд.

"Бо гирифтани чандинмиллиард кумаки молиявӣ аз Вазорати молия, роҳбарони бонкҳое, ки мушкилоти молиявӣ доштанд ғайр аз пур кардани банкоматҳои худ бо пули нақд чизе беҳтаре фикр накарданд. Табиист, ки ҳамаи пулҳо дар давоми чанд рӯз тамом шуданд ва суде ҳам аз ин иқдом ба даст наоварданд", - мегӯяд яке аз собиқадорони бахши бонкдорӣ Файзулло Аминов.

Ҳоло рафъи ин нокомиҳо бори гароне бар дӯши бозигарони боқимондаи соҳаи бонкии кишвар гузошат шудааст. Пандемия ва ташаббусҳои нави Кумитаи андоз мушкилотро боз ҳам шадидтар карданд.

Эҳтиром ба куҳансолон, роҳ ба ҷавонон

То моҳи январи соли 2021 дар бозории  Тоҷикистон 19 бонк, 18 ташкилоти амонатии қарзии хурд, 5 ташкилоти қарзии хурд ва 27 фонди қарзии хурд фаъолият доранд.

Ғайр аз ташкилотҳои дар боло зикршуда, якчанд ташкилотҳои қарзии умедбахш мавҷуд аст, ки мехоҳанд бо роҳҳои инноватсионӣ бозорро ба дасти худ бигиранд. Яке аз онҳо Бонки байналмилалии Тоҷикистон мебошад, ки фаъолона технологияҳои онлайнро дар фаъолияти худ ба кор гирифтааст. Ва ҳатто "андоз аз Google", ки миёни ҷомеа шуҳрат пайдо кард, ба самаранокии он чандон таъсире нарасонд.

"Замимаи мобилии OSON-и мо аз аввал дар шакли Person-2-Person таҳия шуда буд, яъне он барои ҳамкории байни шахсони алоҳида пешбинӣ шудааст, на ташкилотҳо. Ба ҳамин хотир андозбандӣ намешавад", - шарҳ медиҳад яке аз таҳиягарони ин барнома Фаридун Қаландаров.

Бояд гуфт, ки аксари  майдонҳои савдои электронӣ дар интизорӣ санадҳои меъёрӣ аз Кумитаи андоз, маҷбур шуданд, фаъолияти худро ба таври назаррас коҳиш диҳанд. То ҳол ҳамаи ҷанбаҳо рушан нест, тиҷорат роҳи сабрро интихоб кардааст ва умедвори ба зуди масъалаҳои мушкил ҳалли худро пайдо хоҳанд кард.

Ба ҳар сурат, ғурури бозигарони ҷавон дар бозори бонкӣ бисёр зиёд ва аз ин рӯ, "пиронсолон" набояд ором бошанд, - машварат медиҳанд мутахассисони соҳаи молия.

261
Барчаспҳо:
Ориёнбонк, Амонатбонк, Бонки миллии Тоҷикистон, Бонки миллӣ, бонк, Тоҷикистон
Слитки золото, архивное фото

Соҳибаш дар Душанбест: эълони номи молики 90 кило тиллою миллионҳо пул видео

1956
(Таҷдидшуда 20:30 28.02.2021)
Расонаҳои Афғонистон гузориш додаанд, ки наздики 90 кило тиллою пули қочоқии боздоштшуда дар фурудгоҳи Душанбе моли Муҳаммад Мирзо Катавозай, муовини раиси Маҷлиси намояндагон – Вулус Ҷиргаи Афғонистон мебошад. Худи ӯ то ҳол ин қазияро шарҳ надодааст

ДУШАНБЕ, 28 фев – Sputnik. Телевизиони 1-и Афғонистон мегӯяд, тиллою пули боздоштшуда дар фурудгоҳи Душанбе моли Муҳаммад Мирзо Катавозай, ноиби аввали раиси парлумони Афғонистон аст, ки феълан дар қатори як ҳайати баландпоя дар Тоҷикистон қарор дорад. Худи Катавозай ин иттилоъро ҳоло шарҳ надодааст. Ба иттилои расонаҳои Афғонистон, пули нақду тилло асосан бо мошинҳои боркаш ба Тоҷикистону Ӯзбекистон интиқол дода шуда, аз он ҷо ба кишварҳои арабӣ фиристода мешавад.

Ин гузориш дар ҳолест, ки феълан як ҳайати баландпоя таҳти роҳбарии раиси парлумони Афғонистон, Мирраҳмон Раҳмонӣ дар Тоҷикистон қарор дошта, мулоқоти ҳайат бо раисиҷумҳур, Эмомалӣ Раҳмон ва Юсуф Раҳмон, додситони кулли кишвар дар назар аст.

Юсуф Раҳмон, ахиран боздошти гуруҳи қочоқбар бо наздики 90 кило тиллою садҳо ҳазор фунт стерлингро тасдиқ карда буд.

Гузориш ба Рустами Эмомалӣ аз боздошти Сафарову Назаров бо 90 кило тиллою садҳо ҳазор пул

“Аз онҳо 89 килою 350 гр тилло, 489 638 риёл ва 200 000 фунт стерлинг, ки бо роҳи қочоқ ба шаҳри Дубайи Аморати Муттаҳидаи Араб интиқол дода мешуд, ёфта, мусодира гардид”, - изҳор дошт Юсуф Раҳмон зимни ҳисоботи ахираш ба Маҷлиси миллӣ.

Додситони кулли Тоҷикистон аз қочоқбарон Назаров.С. ва Сафаров.Ф. ном бурдааст, ки дар Фурудгоҳи байналмилалии Душанбе дастгир гардидаанд.

Раҳмоналӣ Раҳимзода, сардори Раёсати ташкилоти мубориза бо ҳуқуқвайронкунии гумрукии Тоҷикистон низ ҷой доштани ин ҳолатро тасдиқ карда, афзуд ки дар доираи парвандаи талоши қочоқи тилло ва пул ба хориҷа се кормандашон низ боздошт шудаанд. Қарори додгоҳ дар ин мавриди ин парванда феълан эълон нашудааст.

1956
Раҳмон Исломиддин Раҳмон, раиси ноҳияи Данғара ва раисиҷумҳур Эмомалӣ Раҳмон ҳангоми мулоқот бо заминдорон

Қарз нест: Раҳмон гуфт, чанд миллиард доллар ба Данғара ҷалб шудааст

2284
(Таҷдидшуда 17:17 28.02.2021)
Раҳмон Исломиддин Хайриддин, раиси ноҳияи Данғара, мегӯяд, то имрӯз 1 миллиарду 155 миллион доллар сармояи хориҷӣ ба ноҳия ҷалб карда шудааст, ки аз ин 1 миллиарду 49 миллиону 146 ҳазор доллар сармояи мустақим мебошад

ДУШАНБЕ, 28 фев – Sputnik. Ба иттилои Исломиддин Раҳмон, соли гузашта нақшаи даромади буҷаи ноҳия барзиёд иҷро шуда, ба ҷои 144,1 миллион ба буҷа 160,6 миллион сомонӣ ворид шуд.

Раиси ноҳия дар суҳбат бо нашрияи “Ҷумхурият” аз сармоягузории давлатию хориҷӣ дар Данғара гуфта, иттилоъ додааст, ки то имрӯз беш аз 1 миллиарду 155 миллион доллар сармояи хориҷӣ ҷалб карда шудааст.

Инчунин манбаъ зикр кардааст, дар ноҳия 12 лоиҳаи давлатии сармоягузорӣ амалӣ мегардад, ки маблағи истифодашуда 33,7 миллион доллари амрикоиро ташкил медиҳад.

“Барномаи рушди иҷтимоию иқтисодии ноҳия барои солҳои 2016-2020 -ум 119 лоиҳаро ба маблағи 685,6 миллион сомонӣ дар бар гирифта, ба ҳолати 1 декабри соли гузашта 60 лоиҳа ба маблағи 478,9 миллион сомонӣ ба иҷро расидааст”, - иттилоъ додаст Исломиддин Раҳмон.

Манбаъ афзудааст, ки ҳоло дар ноҳия 38 корхонаи саноатӣ фаъолият дошта, то 30 - солагии Истиқлоли давлатӣ боз 4 корхонаи саноатӣ фаъол мешаванд.

Ҳаҷми умумии истеҳсоли маҳсулоти кишоварзӣ тайи соли 2020 дар ноҳия муодили 1 миллиарду 196 миллион сомонӣ арзёбӣ шудааст.

Қаблан Эмомалӣ Раҳмон, раисиҷумҳури Тоҷикистон, заминҳои паҳновари Данғараро захираи тиллоии Тоҷикистон хонда, таъкид намуд, ки танҳо одам даркор, ки ин заминро истифода барад.

2284
Барчаспҳо:
Данғара, пул, Тоҷикистон
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон