Индюки

Мурғи марҷону занбӯри асал: кӯмаки ҳукумати Тоҷикистон ба занони мӯҳтоҷи деҳот

854
(Таҷдидшуда 19:50 18.02.2021)
Як муассисаи давлатии Тоҷикистон мегӯяд, ҳазорҳо мурғи хонагиву марҷон ва оилаи занбӯри асалро дар ихтиёри занони эҳтиёҷманди деҳот қарор додааст

ДУШАНБЕ, 18 фев — Sputnik. Абдулаҳад Хоҷазода, директори Муассисаи давлатии “Маркази идораи лоиҳаи “Рушди чорводорӣ ва чарогоҳҳо”, зимни нишасти матбуотии ниҳодаш гуфт, тайи як соли ахир дар даҳҳо инкубатор 15 ҳазору 545 бол чӯҷаи мурғи хонагӣ ва 5120 бол чӯҷаи мурғи марҷон истеҳсол карда, 2859 сар чӯҷаи мурғи хонагӣ ва 609 сар чӯҷаи мурғи марҷонро ба 476 зани эҳтиёҷманди деҳаҳои зерҳадафи лоиҳа ройгон тақсим кардааст.

Ба гуфти Хоҷазода, ҳадаф бо шуғл ва манбаи даромад таъмин намудани онҳо аст.

"Ҳамин сол барои 70 инкубатори хонагӣ бо технологияи муосири раванди барориши чӯҷаҳо дар ихтиёри занони парандапарвар қарор дода шуд. Аввал, тарзи истифодаи онро меомӯзем, сипас, онҳо бо истифода аз тухм худ ба истеҳсоли мурғҳои хонагӣ ва марҷон шурӯъ мекунанд”, - гуфт Абдулаҳад Хоҷазода.

Номбурда гуфт, онҳо имкон пайдо мекунанд, ки ҳам оилаи худро бо тухму гӯшт таъмин кунанд ва ҳам ба бозори маҳаллӣ маҳсулот бароранд ва аз ин роҳ эҳтиёҷи хонаводаи худро бароранд.

Тибқи иттилои ин муассиса, ин иқдом дар 161 деҳаи 7 шаҳру ноҳияи вилоятҳои Суғду Хатлон ва Навоҳии тобеи ҷумҳурӣ – Деваштич, Шаҳристон, Норак, Дӯстӣ, Ҷайҳун, Рашт ва Тоҷикобод – роҳандозӣ шудааст.

Бино ба ин манбаъ, дар шаҳру навоҳии зерҳадаф 2950 оилаи занбӯри асал бо дастгоҳу таҷҳизоти ёрирасони занбӯрпарварӣ ба деҳаҳои зерҳадаф низ дастрас шудааст.

Бо истифода аз инкубаторҳои дастрасгардида 15 ҳазору 545 сар чӯҷаи мурғи хонагӣ ва 5120 сар чӯҷаи мурғи марҷон истеҳсол карда шуда, 2859 сар чӯҷаи мурғи хонагӣ ва 609 сар чӯҷаи мурғи марҷон ба 476 зани эҳтиёҷманди деҳаҳои зерҳадафи лоиҳа ройгон дастрас карда шуданд.

Ин иқдомоти муассисаи мазкур дар пайи роҳандозии ду лоиҳа – “Рушди чорводорӣ ва чарогоҳҳо” ва “Дастгирии соҳаи кишоварзӣ дар заминаи ҷомиа” роҳандозӣ мешаванд. Лоиҳаи аввал моҳи феврали соли 2016 шуруъ шуда, моҳи сентябри соли равон ба анҷом мерасад ва 22,4 миллион доллар ҳазина дорад.

 Лоиҳаи дуввум бо ҳазинаи 30, 6 миллион доллар моҳи феврали соли 2018 шуруъ шуда, моҳи марти соли 2024 ба анҷом мерасад. Сармоягузории лоиҳаро Фонди байнулмилалии рушди кишварии Созмони милали муттаҳид бар дӯш дорад.

854
Барчаспҳо:
деҳот, занон, кумак кардан, Ҳукумат
Национальный банк республики Таджикистан. Архивное фото

Бонки миллӣ иҷозатномаи "Вестерн Юнион ДП Восток" ва "Амонатбонк"-ро тамдид кард

62
(Таҷдидшуда 20:26 02.03.2021)
Бонки миллии Тоҷикистон иҷозатномаи БДА "Амонатбонк" ва "Ташкилоти қарзии ғайрибонкии "Вестерн Юнион ДП Восток"-ро барои фаъолияти оператори низоми пардохтӣ ба муҳлати панҷ сол тамдид кард

ДУШАНБЕ, 2 мар — Sputnik. Тибқи қарори Раёсати Бонки миллии Тоҷикистон, тамдиди иҷозатномаи БДА ҶТ "Амонатбонк" санаи аз 26 феврали соли равон тасдиқ ёфтааст.

"Бинобар сабаби ба итмом расидани муҳлати амали иҷозатномаи БДА ҶТ "Амонатбонк" барои фаъолияти оператори низоми пардохтӣ, ба "Амонатбонк" барои фаъолияти оператори низоми пардохтии миллии "Корти миллӣ" бо роҳи тамдид ба муҳлати 5 (панҷ) сол иҷозатнома дода шуд", - таъкид доштааст Бонки милӣ.

Гуфта шудааст, ки мутобиқи қарори мазкур, иҷозатномаи БДА ҶТ "Амонатбонк", ки аз 9 феврали соли 2018 барои фаъолияти оператори низоми пардохтӣ дода шуда буд, беэътибор дониста шудааст.

Ҳамзамон роҳбарияти Бонки миллӣ Идораи низоми пардохтро вазифадор кардааст, ки дар Феҳристи операторони низоми пардохтӣ оид ба тағйироти зерин сабти дахлдорро ворид намояд.

Инчунин бо қарори Раёсати Бонки миллии Тоҷикистон аз 26 феврали соли 2021, бинобар сабаби ба итмом расидани муҳлати амали иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток" барои фаъолияти оператори низоми пардохтӣ, ба "Вестерн Юнион ДП Восток" барои фаъолияти оператори низоми пардохтии "Вестерн Юнион" бо роҳи тамдид ба муҳлати 5 (панҷ) сол иҷозатнома дода шуд.

Тибқи иттилои Бонки миллӣ дар асоси қарори зикршуда, иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток", ки аз 9 феврали соли 2018 барои фаъолияти оператори низоми пардохтӣ дода шудааст, аз эътибор соқит дониста шуд.

Ҳамчунин роҳбарияти Бонк, Идораи низоми пардохтро барои ворид намудани сабти дахлдор дар Феҳристи операторони низоми пардохтӣ вазифадор намудааст.

62
Барчаспҳо:
Амонатбонк, тамдид, иҷозатнома, Бонки миллӣ, Тоҷикистон
Завкизода Завкӣ провел переговоры с первым замом главы парламента Афганистана Махмад Мирзо Махмадраҳим

Тоҷикистон ба Афғонистон таъсиси терминали логистикӣ дар Панҷро пешниҳод кард

109
(Таҷдидшуда 17:32 02.03.2021)
Тоҷикистон ба Афғонистон дар бораи таъсиси Терминали логистикии байналмилалӣ дар минтақаи озоди иқтисодии “Панҷ” бо ҷалби сармоягузорони афғонистонӣ пешниҳод кард

ДУШАНБЕ, 2 мар — Sputnik. Имрӯз мулоқоти вазири рушди иқтисод ва савдои Тоҷикистон Завқӣ Завқизода бо муовини якуми раиси Вулуси ҷиргаи (Маҷлиси намояндагони) Шӯрои миллии Афғонистон Маҳмад Мирзо Маҳмадраҳим сурат гирифт. 

Бино бар иттилои дафтари матбуоти вазорати иқтисод ва саводои Тоҷикистон дар доираи мулоқот ҷонибҳо дар бораи густариши ҳамкориҳои тиҷоратии дуҷониба ва бисёрҷониба байни ду кишвар гуфтанд.

Ҳамзамон иттилоъ додаа шудааст, ки мусоҳибон дар робита ба бештар густариш додани муносибатҳои тиҷоратӣ, иқтисодӣ ва сармоягузорӣ байни Тоҷикистон ва Афғонистон тазаккур доданд, ки ҳоло ҳам иқтидори мавҷудаи ду кишвар дар самти тиҷорату иқтисод ба таври зарурӣ истифода нашуда, имконияти  ба маротиб афзоиш додани гардиши тиҷорати дуҷонибаи молу маҳсулот мавҷуд мебошад.

"Дар робита ба ин ҷиҳати вусъат бахшидани ҳамкорӣ якчанд пешниҳодҳо, аз ҷумла таъсиси корхонаҳои дорусозӣ, маҳсулоти нассоҷӣ, хӯрокворӣ ва коркарди маҳсулоти кишоварзӣ ва таъсиси Терминали логистикии байналмилалӣ дар минтақаи озоди иқтисодии "Панҷ" бо ҷалби сармоягузорони афғонистонӣ аз ҷониби Тоҷикистон манзур гардиданд", - зикр кардааст манбаъ.

Дар навбати худ, ҷониби Афғонистон омодагии худро барои беҳтар тавсеа бахшидани муносибатҳои иқтисодӣ ва тиҷоратӣ бо Тоҷикистон иброз дошт.

109
Барчаспҳо:
таъсис, Афғонистон, Панҷ, терминал, Тоҷикистон
Акция по выдаче питания лицам без определенного места жительства

Нигарониҳо дар бораи гуруснагӣ дар саросари ҷаҳон афзоиш ёфт

0
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидааст

ДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".

Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.

Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.

0
Барчаспҳо:
боло, қиммат шудан, ғизо, байналмилалӣ, ҷаҳон