Язык жестов. Архивное фото

Китоби имову ишора бо забони тоҷикӣ ба нашр мерасад

458
(Таҷдидшуда 12:09 06.01.2015)
Адабиёти таълимӣ аз ҳисоби буҷаи давлат ба нашр хоҳад расид, зеро вазорати маорифу илм натавонист онро ба дасти чоп диҳад. Дар буҷаи соли 2015 хароҷоти нашри китоб ба назар гирифта шудааст.

ДУШАНБЕ, 6 янв — Sputnik. Моҳи марти соли барои аввалин бор дар Тоҷикистон китоби таълимӣ барои кӯдакони ношунаво (кар) чоп мешавад, иттилоъ медиҳад ОИ "Авеста".

"Ҷиҳати нашри китоб тендер эълон шуда буд. Аллакай ғолиб маълум аст",- иброз дошт Нуриддин Саидов, вазири маориф ва илм дар нишасти матбуотӣ.

Ба қавли вазир, қисмати аввали асари таълимӣ омода шуда, кор дар бахши дуюми он идома дорад.

"Мо се мутахассисамонро барои омӯзиши ҳаракатҳои имову ишора ба Русия равон кардем ва онҳо баргашта, қисматҳои алоҳидаи китобро комил карданд. Вақте ки китоб нашр шуд, он ба ҷойҳои зарурӣ ройгон ироа мешавад",-илова кард Саидов.

Ҳанӯз моҳи январи соли 2014 Саттор Қувватов, сарвари мактаб-интернати махсуси ҷумҳуриявӣ барои кӯдакони кару гунги ноҳияи Рӯдакӣ дар бораи нашри китоби имову ишора бо забони тоҷикӣ иброз дошта буд. Ӯ он вақт гуфт, муаллифи китоб худи ман мебошам ва он аз 23 мавзӯъ иборат буда, 1594 ишора дорад.

То ин вақт дар Тоҷикистон аз адабиётҳои русӣ барои омӯзиши кӯдакони ношунаво ва гунг истифода мешуд. Ҳоло дар китоби тоҷикӣ 206 аломати ишоратӣ илова шудааст.

Тибқи иттилоъ, дар ҷумҳурии Тоҷикистон 30 ҳазор кару гунг ба сар мебарад, ки аз ин шумора 3,2 ҳазорашро кӯдакон ташкил медиҳанд.

458
Барчаспҳо:
нашр мешавад, ношунаво, кару гунгҳо, китоби имову ишора, мактаб-интернати махсуси ҷумҳуриявӣ дар ноҳияи Рӯдакӣ, вазорати маориф ва илми ҶТ, Нуриддин Саидов, Русия, Тоҷикистон
Ҷаласаи Ҳукумат, акс аз бойгонӣ

Қарори Ҳукумат: аз мақоми нави Шоҳиён то хориҷсозии Фақеров

4879
(Таҷдидшуда 12:49 25.01.2021)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат дар ҳайати мушовараи Вазорати маориф ва илми кишвар тағйирот ворид кардааст

ДУШАНБЕ, 25 янв — Sputnik. Ҳукумати Тоҷикистон ҳайати нави мушовараи Вазорати маориф ва илмро тасдиқ кард.

Бар асоси қарор, ки Эмомалӣ Раҳмон ахиран имзо кард, Шоҳиён Нуралӣ Набот узви ҳайати мушовараи Вазорати маориф шудааст.

Шоҳиён аз соли 2016 то ҳол ректори Донишгоҳи давлатии Данғара мебошад. Ӯ соли 1959 дар ноҳияи Муъминобод таваллуд шуда, хатмкардаи Донишкадаи муҳандисӣ-сохтмонии Киев мебошад. Бар асоси ҳолномаи расмияш, ки дар сомонаи Донишгоҳи давлатии Данғара нашр шудааст,  ӯ забонҳои русӣ ва украиниро бо луғат медонад.  

Тибқи тасмими Ҳукумат Фақеров Ҳамидуллохон Нуриддинович аз ҳайати мушовараи Вазорати маориф хориҷ карда шудааст.

Ҳамидуллохон Фақеров охири соли гузашта аз вазифаи ректори Донишгоҳи давлатии тиҷорати Тоҷикистон озод шуда, ба ҷои ӯ Қурбонзода Маҳмадалӣ Раҳмат ректори долнишгоҳи мазкур таъйин гардида буд. Далели барканории Фақеров гузаштан ба кори дигар арзёбӣ шуда буд.

4879
Барчаспҳо:
таъйинот, Вазорати маориф, қарор, Тоҷикистон
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

1088
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

1088
Барчаспҳо:
таъйин, вазир, Ӯзбекистон
Выборы президента Узбекистана

Санаи интихоботи президентӣ дар Ӯзбекистон эълон шуд

280
Мақомоти Узбакистон санаи пешбинишудаи интихоботи президентӣ дар ин кишварро эълон карданд

ДУШАНБЕ, 26 январ - Sputnik. Интихоботи навбатии президентӣ дар Узбакистон дар назар аст моҳи октябри соли равон баргузор шавад, менависад Sputnik Ӯзбекистон.

"Интихоботи президентӣ дар Ӯзбекистон метавонад рӯзи якшанбеи даҳаи сеюми октябр баргузор шавад",-менависад, агентӣ.

Таъкид шудааст, ки санаи интихобот дар ҷаласаи фраксияҳои ҳизбҳои сиёсӣ дар палатаи поёнӣ муҳокима карда шуд.

Ба иттилои манбаъ, як рӯз пеш дар Ӯзбекистон ҷаласаи Комиссияи марказии интихоботи ҷумҳурӣ баргузор гардид, ки дар он қайд карда шуд, ки ҳайати САҲА ва Бюро оид ба институтҳои демократӣ ва ҳуқуқи инсон, ки интихоботи парлумониро мушоҳида кард, як қатор тағйироти мусбатро дар системаи миллии интихоботии кишвар эътироф кардааст.

Бояд қайд кард, ки дар Узбакистон номзадҳои президентиро танҳо аз ҷониби ҳизбҳои сиёсӣ пешбарӣ кардан мумкин аст. Айни замон, дар кишвар панҷ ҳизби сиёсӣ сабти ном шудаанд.

Интихоботи президентӣ дар Ӯзбекистон ҳар панҷ сол як маротиба баргузор мешавад.

Натоиҷи интихоботи такрории Узбакистон эълон гардид: се вакил тоҷиктабор ҳастанд

4 декабри соли 2016 дар Ӯзбекистон интихоботи пеш аз муҳлат баргузор шуд, ки дар он Мирзиёев, ки сарвазир буд, пирӯз шуд. 88,61% интихобкунандагон ба ӯ овоз доданд.

Президент Ислом Каримов, ки аз соли 1989 инҷониб кишварро идора мекунад, 2 сентябри соли 2016 дар синни 78-солагӣ бар асари сактаи мағзӣ даргузашт.

280
Барчаспҳо:
парлумон, номзад, Шавкат Мирзиёев, Санаи интихоботи президентӣ дар Ӯзбакистон муайян шуд