Вазорати маориф ва илми Тоҷикистон. Акс аз бойгонӣ

Ҳушдори вазир ба мудирони мактабҳо дар бораи либоси хонандагон

120
Нуриддини Саид, вазири маориф ва илми Тоҷикистон, ба раҳбарони мактабҳои миёна ҳушдор дод, ки барои харидуфурӯши либоси хонандагон онҳоро аз кор хоҳанд ронд.

ДУШАНБЕ, 12 май Sputnik. Нуриддини Саид, вазири маориф ва илми Тоҷикистон, аз мудирони мактабҳои миёнаи кишвар хост, ки ба харидуфурӯши либоси мактабӣ машғул нашаванд, менависад "Радиои Озодӣ".

"Агар шунидам, ягон нафари Шумо ба харидуфурӯши сару либос машғул аст, як рӯз кор кардан намемонам. Вазифаи директор фақат аз бастани қарордод миёни мактаб ва истеҳсолкунанда бо хоҳиши волидон аст, на аз ин бештар", — гуфтааст вазир зимни ҳамоише 12 май дар шаҳри Душанбе.

Ба қавли вазири маорифи Тоҷикистон, ҳар як волидайн ҳақ доранд, бо хоҳиши худ барои фарзандашон аз корхонаҳо либос харанд, на ин ки мудирони мактаб маҷбур созанд, ки аз онҳо либос бигиранд. Нуриддини Саид ҳамчунин бо таассуф аз сифати пасти либосҳои ширкатҳои ватанӣ ёдоварӣ намудааст.

Вай афзудааст, ҳоло сокинон бештар либосҳои дӯхтаи ширкатҳои хориҷиро интихоб менамоянд.

"Дар таҳияи либос бештар ба рангҳои рӯшан, ки наврасон ба он таваҷҷуҳ доранд, рӯ биоред. Дигар ин ки нархи маҳсулоти дохилӣ аз хориҷӣ фарқи чандон надорад", — хостааст ваизр аз масъулони коргоҳҳои дӯзандагии ватанӣ.

Дар Тоҷикистон дар ҳашт соли пеш дастурамали либосҳои мактабӣ ба тасвиб расид. Вазири маориф ва илми Тоҷикистон мегӯяд, ҳарчанд ҳашт сол боз барои ин тасмимашон "гап" мешунаванд, аммо аз кишварҳои дигар барои омӯзондани таҷрубаи худ пешниҳодҳо гирифтаанд.

"Ин ҷо сухан аз арзишҳои ватанӣ ва зебоипарастӣ меравад. Баъд, кишварҳои дигар ба мо барои омӯзондани ин таҷриба муроҷиат мекунанд ва алакай баъзе аз кишварҳои ҳамсоя ба ин кор сар кардаанд", — афзудааст вай.

Марҳабо Ҷабборӣ, муовини нахуствазири Тоҷикистон, зимни ҳамоише, ки 12 май дар Душанбе баргузор шуд, аз сокинон даъват кард, бештар либосҳои дӯхтаи ширкатҳои ватаниро харидорӣ кунанд. Чун ба гуфтаи ӯ, талаботи зиёд ба моли ширкатҳои ватанӣ моликонашонро водор мекунад, дар фикри беҳтар кардани сифат ва ташкили ҷойҳои кории бештар бошанд.

"Тибқи маълумоти мо, 127 корхона ва коргоҳи дӯзандагӣ дар кишвар фаъол аст. То имрӯз 395 муассисаи таълимӣ бо ин корхонаҳо шартнома дорад ва барои беш аз 300 ҳазор хонанда либос пешниҳод кардаанд. Танҳо 5 дарсади хонандаҳо бо либосҳои мактабии корхонаҳои дохилӣ таъминанд", — гуфтааст Ҷабборӣ.

120
Барчаспҳо:
хонандагон, вазифаи волидайн, интихоб, либоси мактабӣ, вазорати маориф ва илм, Марҳабо Ҷабборӣ, Нуриддин Саид, Душанбе
Открытие нового здания факультета политики и государственного управления Государственного университета Бохтара

ММТ қоидаҳои қабул ба донишгоҳҳои Тоҷикистонро дар соли 2020 эълон кард

1022
(Таҷдидшуда 11:33 29.05.2020)
Маркази миллии тестии Тоҷикистон эълон кард, ки қабули донишҷӯён ба донишгоҳҳо ва коллеҷҳои ҷумҳурӣ чӣ гуна сурат мегирад

ДУШАНБЕ, 29  май — Sputnik. Тоҷикистон тасмим нагирифтааст, ки қоидаҳои баргузории имтиҳони марказонидашудаи дохилшавӣ дар муассисаҳои таҳсилоти олӣ ва миёнаи касбиро тағйир диҳад.

Гуфта мешавад, ки довталабон аз 1 июл то 7 июл метавонанд дар имтиҳонҳо иштирок кунанд.

"Дар сурати ворид намудани тағирот ба қоидаҳои баргузории СЕЕ, мо дар ин бора дар вебсайти расмии худ ва тавассути васоити ахбори омма иттилоъ хоҳем дод. Довталабон бояд аз 10 то 30 июн дубора сабти ном шаванд", - омадааст дар иттилоияи ММТ.

Ба иттилои манбаъ, то имрӯз беш аз 110 ҳазор нафар барои дохил шудан ба донишгоҳу донишкадаҳои кишвар ҳуҷҷат супоридаанд.

Соли 2020 дар муассисаҳои таҳсилоти олӣ ва миёнаи касбии Тоҷикистон беш аз 80 ҳазор ҷой ҷудо карда шудааст.

Масъулини ММТ мегӯянд имсол довталабон бешиар ҳуҷҷатҳояшонро дар риштаҳои  тиб, ҳуқуқ, биология, тарбияи ҷисмонӣ, филология, педагогика ва санъат супоридаанд.

Сабти ном барои иштирок дар имтиҳонҳои марказонидашудаи дохилшавӣ дар соли 2020 2 март оғоз шуда, 30 апрел ба анҷом расид.

1022
Дети собирают конфеты по обычаю идгардак

Омӯзгорон муваззаф шуданд дар рӯзи ид рафтори шогирдонашонро зери назорат гиранд

1079
(Таҷдидшуда 22:12 22.05.2020)
Вазорати маорифи Тоҷикистон устодону омӯзгорони тамоми зинаҳои таҳсилотро вазифадор кардааст, ки дар рӯзҳои ид рафтору муносибати хонандагону донишҷӯёни маҳалли зисти худро зери назорат гиранд

ДУШАНБЕ, 22 май – Sputnik. Вазорати маорифи Тоҷикистон дар як муроҷиатномае аз хонандагону донишҷӯён хоҳиш кардааст, ки дар рӯзҳои таҷлили иди Рамазон ва рӯзҳои дигари таътил ба вазъи саломатии худ ва атрофиёнашон таваҷҷуҳи бештаре зоҳир карда, тартибу низоми вазъи кунунии кишварро ба таври ҳатмӣ риоя намоянд.

"Дар рӯзҳои ид барои идгардак ба хонаи якдигар нараванд, ҳамсинфону ҳамкурсони худро ба зиёфатҳои идона даъват нанамоянд ва шиори Вазорати маориф ва илмро, ки "Мо худ ва дигаронро аз беморӣ ҳифз менамоем" аст, ба таври қатъӣ риоя кунанд.Устодону омӯзгорони тамоми зинаҳои таҳсилот даъват ва вазифадор мешаванд, ки дар рӯзҳои ид рафтору муносибати хонандагону донишҷӯёни маҳалли зисти худро зери назорат қарор дода, бетарафӣ зоҳир накунанд", - омадааст дар муроҷиатномаи Вазорат.

Дар баробари ин, ин ниҳод дар муроҷиат ба падару модарон хоҳиш кардааст, ки вазъи имрӯзаи эпидемикии кишвар ва оламро дуруст дарк намуда, ба заҳмату талошҳои духтурон, ҳамшираҳои шафқат, кормандони дорухонаҳо ва санитарию эпидемикии деҳа, ноҳия ва шаҳри худ эҳтиром гузоранд ва ба онҳо кумаку дастгириҳои хешро ба хонадони онҳо дареғ надоред, зеро онҳо ҳастии худро барои ҳифзи саломатии мардум равона кардаанд.

"Падару модарони меҳрубон, бо назардошти эҳтирому арҷгузорӣ ба ҳамаи анъанаву суннатҳои миллӣ оид ба таҷлили идҳои динӣ аз шумо эҳтиромона хоҳиш менамоем, ки дар рӯзҳои ид садди роҳи идгардаки кӯдакон шуда,  аз оростани дастурхонҳои пурдабдабаи идона, омода кардани хӯроку хӯришҳои гуногун, даъвати хешу табору наздикон худдорӣ карда, маблағҳои худро барои ҳифзи саломатии хонадону пайвандон, харидории китобу лавозимоти таълимӣ ва вазъи беҳдоштии фарзандони худ равона сохта, ба шахсони ятим, беморону дармондагони маҳалли зисти худ дасти ёрию навозиш дароз намоед", - таъкид намудааст Вазорат. 

Зиёда аз ин Вазорат дар хитоб ба волидайн хоҳиш кардааст, ки ҷиҳати самаранок гузаронидани таътили тобистонаи фарзандон, ҳифзи саломатии онҳо  таваҷҷуҳи хоса зоҳир карда, рафтору муносибат ва фазои иттилоотии онҳоро дар ин рӯзҳои ниҳоят душвори паҳншавии бемории оламро фарогир – КОВИД-19 зери назорати ҷиддӣ қарор диҳандд.

"Нагузоред, ки гурӯҳҳои мухолифу манфиатҷӯ аз ин вазъият истифода карда, фарзандони мову шуморо гирифтори доми фиребу найранги худ созанд", - омадааст дар муроҷиатнома. 

Ҳамчунин роҳбарони муассисаҳои таълимӣ, сардорони сарраёсат, раёсат ва мудирони шуъбаҳои маорифи вилоят ва шаҳру ноҳияҳо вазифадор шудаанд, ки дар чунин рӯзҳои ҳассос бо тамоми сохторҳои давлатӣ, соҳибкорон ва аҳли пешоҳанги ҷомеа ҳамкорӣ карда, дар паст гардидани шиддати паҳншавӣ, аз байн бурдани бемории коронавирусу дигар маризиҳои сироятӣ саҳмгузор бошанд ва дар самти иҷрои ҳамаи дастуру супоришҳои Ҳукумати мамлакат ва Вазорати маориф ва илм доир ба раванди таълиму тарбия ва ҳифзи саломатии мардум чораҳои зарурӣ андешанд.

1079
Барчаспҳо:
муроҷиатнома, Вазорати маориф, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1156
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1156
Барчаспҳо:
бозор, нуқтаи назар, Тоҷикистон