Пайёми раисҷумҳури Русия ба Маҷлиси Федералӣ. 3 декабри соли 2015

Путин: барои таъмиру тармими мактабҳо 50 миллиард ҷудо мешавад

11
(Таҷдидшуда 16:19 03.12.2015)
Теъдоди хонандагони макотиб дар Русия ҳамасола зиёд мешавад ва тайи 10 соли оянда шумори онҳо то 3,5 миллион афзоиш хоҳад ёфт.

ДУШАНБЕ, 3 дек — Sputnik. Ҷойҳои нишасти иловагӣ дар мактабҳо зарур мешавад, зеро теъдоди толибилмон давоми даҳ соли оянда 3,5 миллион бештар хоҳад шуд, иброз дошт Владимир Путин, раисҷумҳури Русия аснои ироаи пайёмаш ба Маҷлиси Федералӣ.

"Муҳим он аст, ки толибилмони мо бо мактабу ҷиҳози таълим таъмин бошанд, бештар шудани шумори онҳо ба сифати хонишашон таъсири манфӣ нарасонад. Кӯшиш бояд кард, ки сатҳу сифати таълим боз ҳам рушд кунад",- гуфт президенти ФР.

Ба қавли Путин, бо дастури ҳукумати марказӣ мақомоти маҳаллӣ ва минтақаҳо нақшаи муассири фаъолиятро дар ростои маориф таҳия карда, зина ба зина онро татбиқ менамоянд.

"Тайи солҳои оянда даҳҳо мактаб сохта шуда, фақат барои таъмиру тармими макотиб дар соли 2016 ҳудуди 50 миллиард рубл ҷудо мегардад",- афзуд Путин.

Ҳамзамон Владимир Путин ба мушкилоти амниятии ҷаҳони муосир ишора карда, даъват намуд, ки "як ҷабҳаи муштараки зиддитеррористӣ ташкил шавад, ки бар асоси қонунҳои байналмиллалӣ ва зери назари СММ" фаъолият кунад.

 

 

11
Барчаспҳо:
мактаб, мақомоти маҳаллӣ, СММ, рубл, миллиард, муассир, минтақаҳо, Маҷлиси Федералӣ, Владимир Путин, Русия
Абдуқодир Тошқулов, вазири маорифи Ӯзбекистон, акс аз бойгонӣ

Норозигии вазири тоҷиктабори навтаъйин дар Ӯзбекистон аз коғазу маҷлисбозӣ ва беташаббусӣ

352
(Таҷдидшуда 20:18 24.01.2021)
Абдуқодир Тошқулов, ки ба тозагӣ аз ҷониби президенти Ӯзбекистон Шавкат Мирзиёев ба вазифаи вазири таҳсилоти олӣ ва миёнаи махсус таъйин шуд, гуфтааст, ки таассуроти рӯзҳои аввали кор дар ин вазорат вайро ҳаргиз қаноатманд намесозад

ДУШАНБЕ, 24 янв— Sputnik. Тошқулов гуфт, дар ин ҷо касе ташаббускорӣ намекунад, зеро тартиби кор дуруст ташкил нашудааст, захираҳои инсонӣ нодуруст идора мешаванд, хабар додааст хабарнигори сомонаи “Фараж” дар Тошканд бо такя ба дафтари матбуоти вазорат дар саҳифаи шабакаи интернетии худ навиштааст.

“Ходимон аз ҷиҳати равонӣ ва ҷисмонӣ хаста шудаанд. Чунин ба назар мерасад, ки онҳо ба оила ва тарбияи фарзандони худ расидагӣ намекунанд. Дар ҷое, ки озод кор кардан ва фикрронӣ нест, барои истироҳат шароит фароҳам оварда нашудааст, натиҷаи кори босамарро талаб кардан имконнопазир мегардад”, - гуфтааст Абдуқодир Тошқулов.

Манбаъ афзуд, ки вазир аз фаъолияти баъзе сохторҳои ин ниҳод ибрози норизоӣ кардааст Ӯ зарур хондааст, ки минбаъд фаъолияти ин сохторҳо мунтазам мониторинг карда мешавад ва мутахассисони хуб қадрдонӣ, вале шартномаи онҳое, ки аз ӯҳдаи иҷрои кори худ намебароянд, бекор карда мешавад.

Ба гузориши “Фараж”, вазири навтаъйин тақозо намудааст, ки ба коғазбозиҳои беҳуда хотима гузоранд, баҳудаву беҳуда маҷлисбозӣ накунанд, ба кору вазифаашон бо эҳсоси масъулият муносибат намоянд.

Абдуқодир Тошқулов аз адами шароит барои профессорҳо-устодони макотиби олӣ ибрози нигаронӣ карда, афзудааст, ки шунидани ҳарфу дарди роҳбарони он аз вазифаҳои муҳими ӯ хоҳанд буд.

Натоиҷи интихоботи такрории Ӯзбекистон эълон гардид: се вакил тоҷиктабор ҳастанд

Тошқулов, ки 29 августи соли 1976 дар деҳаи Пасурхии ноҳияи Бойсуни вилояти Сурхондарё зода шуда, миллаташ тоҷик мебошад, ахиран аз ҷониби президент ва парлумони Ӯзбекистон ба мақоми вазирӣ таъйин гардид.

Бар асоси ҳолнома, Тошқулов соли 1998 факултаи молия ва қарзи Донишгоҳи давлатии Тирмизро хатм кардааст ва дар ҳамин донишгоҳ ба фаъолият оғоз намудааст. Номзади илмҳои иқтисодӣ мебошад. Абдуқодир Тошқулов узви Ҳизби либерал-демократии Ӯзбекистон аст ва дар соли 2017 ректори Донишгоҳи давлатии Тирмиз таъйин шуда, то таъйиноти наваш дар ин мақом кор кардааст.

352
Барчаспҳо:
таъйин, вазир, Ӯзбекистон
Президент Республики Таджикистан Эмомали Рахмон

Эмомалӣ Раҳмон дар "Шаҳраки донишҷӯён" хобгоҳ ва бинои нав ифтитоҳ кард

1206
(Таҷдидшуда 13:10 22.01.2021)
Кишвардори Тоҷикистон ва раиси шаҳри Душанбе дар "Шаҳраки донишҷӯён" бинои нави факултаи иқтисод ва молияро мавриди истифода қарор доданд

ДУШАНБЕ, 22 янв — Sputnik. Имрӯз бо иштироки раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар Донишгоҳи милли Тоҷикистон бинои нави факултаи иқтисод ва молия ва ҳамчунин хобгоҳи замонавӣ барои донишҷӯён мавриди истифода қарор дода шуд.

Ба иттилои котиботи раисҷумҳури Тоҷикистон, бинои нави таълимии факултетҳои иқтисодии Донишгоҳи миллии Тоҷикистон барои дар ду баст ба таҳсил фаро гирифтани 5048 нафар пешбинӣ шудааст.

Раҳмон дар Балҷувон аз бинои Хадамоти муҳоҷират то хобгоҳ ва боғчаи кудакон ифтитоҳ кард

Иншооти мазкур аз ду қисми 7-ошёнагӣ иборат буда, дар он факултети молиявию иқтисодӣ, иқтисод ва идора, баҳисобгирӣ ва иқтисоди рақамӣ ҷойгир мебошад.

Таъкид гардидааст, ки бинои нави таълимии факултетҳои иқтисодии Донишгоҳи миллии Тоҷикистон бо дастгирии Ҳукумати Ҷумҳурии Тоҷикистон аз ҷониби ширкати сохтмонии ватанӣ Ҷамъияти Дорои Масъулияти Маҳдуди "Азизӣ-сохтмон" бо тарҳи наву замонавӣ сохта шудааст.

Раҳмон гуфт, дар панҷ сол ҳоҷати воридот намемонад: ифтитоҳи корхонаи санги хорову мармар

Аснои шиносоӣ роҳбари давлат ба сифати корҳои сохтмонӣ ва тарҳи бино, ки аз ҷониби мутахассисони ватанӣ анҷом дода шудааст, баҳои баланд дод.

Раисҷумҳур пас аз ифтитоҳи иншоот аз устодон ва кормандони соҳаи илму маориф талаб намуд, ки дар самти тарбия намудани ҷавонони худогоҳу худшинос ва мутахассисони варзидаи талаботи бозори меҳнат бештар таваҷҷуҳ намоянд.

1206
Барчаспҳо:
ифтитоҳ, бино, хобгоҳ, Рустами Эмомалӣ, Эмомалӣ Раҳмон
Пожарная машина в Душанбе

Тафсилоти сӯхтори бозори "Султони Кабир": сабаб ва ҳаҷми хисорот маълум шуд

0
(Таҷдидшуда 11:34 25.01.2021)
Вазорати умури дохилаи Тоҷикистон мегӯяд, оташнишонон ба маблағи 2 миллион сомонӣ молу маҳсулоти мардумро аз сӯхтор наҷот доданд

ДУШАНБЕ, 25 янв— Sputnik. Омили асосии сӯхтор дар бозори "Султони Кабир", ки субҳи рӯзи 25 январ рух дод, расиши кӯтоҳи ноқилҳо арзёбӣ мешавад, хабар медиҳад ВУД Тоҷикистон.

Ба иттилои манбаъ, сӯхтор ду айвони фурӯши молҳои пластикиро фаро гирифта буд.

ВКД сабаби зиёд шудани сӯхтор дар Тоҷикистонро гуфт

Гуфта мешавад, алангаи сӯхтор бо гузашти 2 соат ва бо заҳмати 348 нафар кормандони оташнишонӣ пурра хомӯш гардид. Дар хомӯш шудани сӯхтор ҳамчунин 16 автомашинаи оташнишонӣ ва 200 корманди дастаи таъиноти махсус, РВКД дар шаҳри Душанбе сафарбар карда шуданд.

Манбаъ меафзояд, зарари расонида шуда аз сӯхтор тахминан 800 ҳазор сомониро ташкил медиҳад.

"Аз оташ молу маҳсулоти мардум ба маблағи зиёда аз 2 миллион сомонӣ эмин дошта шуд.

ВУД Тоҷикистон мегӯяд, феълан аз рӯи ҳодисаи сӯхтор парвандаи ҷиноятӣ оғоз гардидааст.

Бояд қайд кард, ки ин бори дувум аст, ки давоми се соли ахир дар бозори "Султони Кабир" оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ соли 2000 бунёд шуда, дар он 1700 соҳибкор кор мекунанд.

0
Барчаспҳо:
сабаб, сӯхтор, Султони Кабир