Наврӯз Гулзода аснои дарс дар Мактаби забонҳои ҳамсоя дар Маскав

Гулзода дар Маскав забони тоҷикиро меомӯзонад

301
(Таҷдидшуда 13:24 23.03.2016)
Хоҳишмандони курсҳои “Мактаби забонҳои ҳамсоя” чунон зиёд буданд, ки ташкилкунандагон маҷбур шуданд хонандагонро тариқи саволномае, ки бояд сабаби омӯзиши забонро исбот мекард, ба курс интихоб намоянд.

ДУШАНБЕ,  23 мар — Sputnik. Дар пойтахти Русия омӯхтани забони тоҷикӣ барои шаҳрвандони Маскав шавқовар аст. Аввали моҳи феврали соли 2016 дар Китобхонаи давлатии адабиёти хориҷии бо номи М.А.Рудомино лоиҳаи ғайритиҷоратии "Мактаби забонҳои ҳамсоя" ба кор шурӯъ кард. Ин лоиҳа имкон медиҳад, то хоҳишмандон забонҳои кишварҳои ИДМ-ро омӯзанд.

Дар гурӯҳи забони тоҷикӣ 14 нафар машғули омӯзиш буда, аз онҳо 8 нафарашон донишҷӯ, ки дили гурӯҳ ба шумор мераванд, мебошанд.

"Гурӯҳи хубанд. Бисёр донишҷӯёни фаъол ва боҳушанд ",-мегӯяд Наврӯз Гулзода номзади илмҳои филологӣ, устоди Маркази фарҳанг ва забони тоҷикии Донишгоҳи забоншиносии Маскав, дар бораи хонандагон.

Ҳар яке аз инҳо мақсади худро доранд. Бархе мегӯянд забони тоҷикиро барои грамматикааш меомӯзанд, вале барои бештари онҳо ин забон барои кор кардан лозим шудааст.

Рағбати забономӯзон аз куҷост?

"Ман ҳис мекунам, ки дар як барнома баъди як сол он фаъол хоҳад шуд. Барои ҳамин кор ба ман донистани забони  тоҷикӣ ҳатмист",-- мегӯяд сардори ин синфи забономӯзӣ Олга Челберг, корманди ширкати муштараки  руси-булғорӣ.

Дарсҳо дар муҳити дӯстона мегузаранд. Муаллим Наврӯз ба ҳамаи донишҷӯён диққат медиҳад, бисёр шӯх аст, кӯшиш мекунад натанҳо дар бораи забони тоҷикӣ, балки дар бораи урфу одати тоҷикистониён барои мо маълумот диҳад.

На занятиях в Школе языков соседей в Москве
© Sputnik Анастасия Лебедева
Аснои дарс дар "Мактаби забонҳои ҳамсоя"

 

Аён аст, ки  иштирокчиён нисбати дигар донишҷӯён мехоҳанд дар муддати кӯтоҳ забони тоҷикиро аз худ кунанд. Онҳо ба муаллимашон саволҳои зиёд дода, бо диққати зиёд гуфтаҳои ӯро сабт мекунанд.

"Забони мушкил. Вазифаи хонагӣ хеле бисёр месупоранд, вале мо бо муаллимамон иртиботи дуҷониба дорем. Мо вазифаро иҷро карда ба устодамон мефиристем, Наврӯз  Давлатович бошад, ҷавобҳоро ба мо мефиристад ва ҳамин тавр дар давоми ҳафта иртиботамон барқарор аст", — мегӯяд Олга.

Дар давоми омӯзиш донишҷӯён калимаҳои навро аз худ карда, машғулиятҳои гуногун вобаста ба грамматикаро иҷро менамоянд ва ҳамчунин ба хондан ва тарҷумаи матнҳо машғул мешаванд.

Мутаассифона, қисме аз донишомӯзон бо сабаби реҷаи номуносиби кор наметавонанд дар дарсҳо иштирок кунанд. Вале ин боиси ақибмонии онҳо намегардад, зеро муаллим маводҳо ва вазифаҳои хонагиро тариқи почтаи электронӣ ба онҳо равон мекунад.

Хонандагон изҳор доштанд, ки курс барои омӯзиши мустақилона нигаронида шудааст. Ғайр аз дарс хонандагон ба омӯхтани вожаҳо ва тарҷумаи матнҳо мустақилона машғул шуда, бо устод тариқи шабакаҳои интернетӣ алоқа доранд.

Ин гурӯҳи чоруми дарсомӯзон аст, қайд кард Навруз Давлатович. Ва баръакси се гурӯҳи аввал,  донишҷӯёни ин гурӯҳ тариқи саволнома ва навиштани нақли хаттӣ интихоб гардиданд. Дар саволнома онҳо бояд қайд мекарданд, ки барои чӣ хоҳиши омӯхтани забони тоҷикиро доранд.

Ба қавли устод чунин қоидаҳои қабули донишомӯзон бо сабаби зиёд будани хоҳишмандон ҷорӣ шуданд. Ҳамин тавр, аз 28 нафари хоҳишмандон 14 нафарашон ба гурӯҳ интихоб шуданд.

"Ман мехоҳам, ки ҳама забони тоҷикиро донанд. Махз бо ин забон асарҳои волоарзиши ҷаҳонӣ навишта шудаанд. Дар дунё нафаре нест, ки Умар Хайёмро нашиносад. Ба мушкилоти сиёсию иҷтимоӣ нигоҳ накарда забони тоҷикӣ то имрӯз бо шарофати Хйём, Фирдавсӣ, Саъдӣ ва дигарон зинда аст", — мегӯяд Гулзода.

Барномаи омӯзишӣ аз 16 дарс иборат  аст. Баъди ҳар дарс хонандагон корҳои санҷишӣ менависанд, баъди ба итмом расидани курс бошад, онҳоро имтиҳон интизор аст.

Қисми зиёди донишҷӯён баъди хатми курс омӯхтани забони тоҷикиро идома медиҳанд.

301
Барчаспҳо:
курс, забономӯзӣ, забони тоҷикӣ, дарс, омӯзиш, устоди Маркази фарҳанг ва забони тоҷикии Донишгоҳи забоншиносии Маскав, "Мактаби забонҳои ҳамсоя", ИДМ, Олга, Наврӯз Гулзода, Душанбе, Тоҷикистон, Русия, Маскав
Мавзуъ
Китоби имову ишора бо забони тоҷикӣ ба нашр мерасад
Сохтмон, акс аз бойгонӣ

Чаро сохтмони мактаб 13 сол боз ба охир намерасад?

370
(Таҷдидшуда 20:31 26.11.2020)
Дар ноҳияи Ҷайҳун мактабе, ки сохтмонаш соли 2007 оғоз шуд, ҳанӯз ҳам анҷом наёфтааст. Дар мақомоти давлатӣ яке мегӯяд, ин муассиса соли оянда ва дигаре мегӯяд, соли 2023 ба истифода дода мешавад

ДУШАНБЕ, 26 ноя – Sputnik. Мактаби нотамом, ки сохтмонаш 13 сол қабл оғоз шудааст, барои 624 хонанда пешбинӣ гардидааст, хабар дод нашрияи парлумонии “Садои мардум”.

Манбаъ аз қавли Холмуҳаммад Одинаев, сардори шуъбаи соҳаҳои иқтисодии Сарраёсати молияи вилояти Хатлон хабар додааст, ки ин муассиса бояд соли 2015 мавриди истифода қарор мегирифт, аммо ба далели камбуди маблағ ба таъхир афтод.  Арзиши умумии сохтмон зиёда аз 21 миллион сомонӣ арзёбӣ шудааст.

“Аз соли 2007 барои сохтмони мактаб 9 миллион сомонӣ ҷудо гардидааст. Барои пурра ба анҷом расидани корҳо боз 12 миллион сомонии дигар лозим аст. Сарраёсати молияи вилояти Хатлон кӯшиш ба харҷ медиҳад, ки марҳила ба марҳила боқимондаи маб­лағро ҷудо намояд”, - гуфт Холмуҳаммад Одинаев.

Раҳматуллозода тавзеҳ дод, ки чаро дар Душанбе биноҳои 2-4 ошёна тахриб мешаванд

Абдулвоҳид Саъдуллозода, сардори Раёсати сохтмони асосии вилояти Хатлон, изҳор доштааст, ки корҳои сохтмонӣ дар иншооти мазкур идома дорад.

“Соли 2020 бо ин мақсад 2 миллиону 850 ҳазор сомонӣ пешбинӣ шуда, мактаб, тибқи нақша, бояд соли 2021 ба истифода дода шавад”, - омадааст дар матлаб аз қавли Саъдуллозода.

Аммо  сардори шуъбаи соҳаҳои иқтисодии Сарраёсати молияи вилояти Хатлон Холмуҳаммад Одинаев изҳор доштааст, ки корҳои сохтмонӣ соли 2023 ба охир мерасанд.

370
Барчаспҳо:
сохтмон, мактаб, Тоҷикистон
Студенты, архивное фото

Пешниҳоди Матвиенко барои афзоиши намояндагии донишгоҳҳои Русия дар Тоҷикистон

109
(Таҷдидшуда 14:23 26.11.2020)
Агар ҷониби Тоҷикистон ҳавасманд бошад, Русия намояндагиҳои донишгоҳҳояшро дар ин ҷумҳурӣ зиёд мекунад

ДУШАНБЕ, 26 ноя – Sputnik. Русия метавонад, намояндагии донишгоҳҳояшро дар Тоҷикистон зиёд кунад, изҳор дошт раиси Шӯрои Федратсия, Валентина Матвиенко.

Ин нуктаро Матвиенко рӯзи чоршанбе дар Маскав зимни ҷаласаи Комиссияи ҳамкории Шӯрои Федератсияи Русия ва Маҷлиси миллии Тоҷикистон изҳор дошт.

“Мо медонем, ки солҳои 2020-2040 дар Тоҷикистон 20-солаи илмҳои дақиқ ва табиатшиносӣ эълон гардидаанд”, - гуфт Матвиенко.

Ӯ тавзеҳ дод, ки ин бахш метавонад заминаи хуби ҳамкорӣ миёни Тоҷикистону Русия гардад.

“Агар Тоҷикистон ҳавасманд бошад, имкон дорад намояндагиҳои донишгоҳҳои беҳтарини Русия дар ин кишвар зиёд карда шавад, ҳамкорӣ дар бахши маориф, табодули технология дар бахшҳои гуногун, аз ҷумла тиб ва дигар илмҳо таҳким дода шавад”, - илова намуд раиси Шӯрои Федератсия.

Матвиенко гуфт, комиссияи ҳамкории байнипарлумонӣ метавонад дастбакор шавад, то 20-солаи эълонкардаи роҳбарияти Тоҷикистон самаранок гардад.

109
Барчаспҳо:
донишгоҳ, Русия, Тоҷикистон

Натиҷаи баҳсбарангез: муҳорибаи Майк Тайсон ва Рой Джонс бидуни ғолиб анҷом ёфт

76
(Таҷдидшуда 12:47 29.11.2020)
Дар Лос-Анҷелес муҳорибаи миёни ду муштзани машҳури ҷаҳон анҷом ёфт. Майк Тайсон ба рақиби ҷавонтараш тавоноии худро пурра нишон дод, аммо ҳайати доварон эълон карданд, ки муҳориба бидуни ғолиб анҷом ёфт

ДУШАНБЕ, 29 ноя — Sputnik. Дар Лос-Анҷелеси Амрико муҳорибаи бокс миёни ду муштзани номӣ Майк Тайсон ва Рой Джонс анҷом ёфт.

Пушти сари ҳар яке ин ду муштзан беш аз 50 муҳориба аст ва ҳар ду муштзан собиқ Чемпиони ҷаҳон мебошанд.

Майк Тайсон вазни вазнин дошт  ва Рой Джонс, ки харобтар буду барои ин муҳориба вазнашро зиёд кард, дар ринг каме мушкилӣ кашид.

Тайсон мухлисонашро дар ҳайрат гузошт. Пеш аз муҳориба ӯ гуфт "ҳаяҷон дораду сину солаш рафтааст".

“Ман Брюс ли ҳастам? Шумо чӣ фикр мекунед? Ман 54 сол дорам. Мехоҳам ӯро нокаут кунам? Бале” – гуфт Тайсон.

Аммо вақте, ки ба ринг баромад сину сол фаромуш шуд. Ӯ тамоми тавоноии худро нишон дод. Тайсон рақиби худро мисли давраи ҷавонӣ ба кунҷи ринг мебурду муштҳои сангин мезад. Дар ин муҳориба Тайсон аз даврони ҷавониаш, ки ӯро "Тайсони оҳанин" меномиданд, ҳеҷ фарқияте надошт.

Рой Джонс дар ин муҳориба натиҷаи хубе нишон надод. Аммо баъди 8 раунд доварон эълон карданд, ки дар ин муҳориба касе пирӯз нашуд. Аммо аксари мухлисони бокс бар онанд, ки дар ин муҳориба Майк Тайсон пирӯзӣ ба даст овард.

Худи муштзани номӣ Майк Тайсон аз хулосаи доварон норозигӣ кард ва як каме аз доварон хашмгин шуд. Аммо ба рақиби худ дӯстона рафтор кард.

Рой Джонс пас аз муҳориба гуфт, муштҳои Тайсон ба ӯ мушкилоти зиёде ба бор оварданд.

Рой Джонси 51-сола дар 75 муҳориба 66 пирӯзӣ ба даст оварду дар 9 муҳориба мағлуб шуд.  Майк Тайсон 58 муҳориба анҷом доду дар 50 муҳориба пирӯз шуд.

76
Барчаспҳо:
доварон, пирӯз, пирӯзӣ, ғолиб, муҳориба, бокс, Майк Тайсон