Любов Глебова-роҳбари оҷонсӣ оид ба кишварҳои ИДМ. Акс аз бойгонӣ

Россотрудничество дар Тоҷикистон, Арманистон ва Озарбойҷон филиал мекушояд

26
(Таҷдидшуда 19:09 12.12.2016)
Дар охири соли равон дар шаҳри Оши Қирғизистон филиали Россотрудничество кушода мешавад. Ҳамчунин боз намудани филиали Россотрудничество дар Тоҷикистон, Арманистон ва Озарбойҷон дар назар аст

ДУШАНБЕ, 12 дек — Sputnik. Россотрудничество мехоҳад дар Тоҷикистон, Арманистон ва Озарбойҷон филиалҳои худро боз намояд, изҳор дошт дар мусоҳиба бо РИА Новости роҳбари ин ниҳод Любов Глебова.

"Кушодашавии марказҳо дар мувофиқа бо созишномаҳои байнидавлатӣ сурат мегирад. Чун анъана филиалҳои мо дар пойтахтҳои давлатҳои хориҷ ҷойгиранд. Вале чуноне маълум гардид, дар минтақаҳои алоҳида низ нисбати таҳсил талабот зиёд аст. Аз ин лиҳоз дар ҷое, ки талабот зиёд аст, онҷо мо марказҳоро ифтитоҳ мекунем",-гуфт мусоҳиби оҷонсӣ.

Глебова қайд кард, ки охирҳои соли равон дар шаҳри Оши Қирғизистон филиали Россотрудничество кушода мешавад. Ҳамчунин боз намудани филиали Россотрудничество дар Тоҷикистон, Арманистон ва Озарбойҷон дар назар аст.

"Мо албатта диққати асосиро ба кишварҳои ИДМ медиҳем, зеро онҳо барои Россотрудничество самараноканд. Вале танҳо дар ҳамкорӣ бо ин кишварҳо фаъолиятамон маҳдуд намешавад. Масалан барои кушодани филиал дар АМА аллакай гуфтушунидҳо доир гардиданд",-илова кард роҳбари Оҷонсӣ.

Ӯ гуфт, ки дар ҳоли ҳозир Россотрудничество дорои  94 намояндагӣ дар 80 кишвари ҷаҳон буда, аз байни онҳо дар 61 кишвар 70 маркази илм ва фарҳанги  Русия фаъол аст.

26
Барчаспҳо:
ифтитоҳи намояндагӣ, Россотрудничество, Любов Глебова, Тоҷикистон
Мавзуъ
Таҳсил дар донишгоҳҳои Русия
Штихино: таваҷҷӯҳи ҷавонони ИДМ ба таҳсил дар Русия меафзояд
Самара довталабони тоҷикро даъват мекунад. Ба таҳсил
Эмомалӣ Раҳмон, раисиҷумҳури Тоҷикистон ва профессор Лутфулло Солиев

Даргузашти профессор Солиев, чанд ҳафта баъд аз гирифтани ҷоизаи махсус

4294
(Таҷдидшуда 15:27 21.09.2020)
Профессор, олими маъруфи кимиё, Лутфулло Солиев, ки чанд ҳафта қабл бо ҷоизаи махсуси Президент дар соҳаи маориф қадрдонӣ шуда буд, даргузашт

ДУШАНБЕ, 21 сен — Sputnik.  Дар бораи даргузашти Солиев, ки тайи солҳои охир мудири кафедраи кимиёи Донишгоҳи омӯзгории Тоҷикистон буд, сомонаи расмии ин муассиса хабар додааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Солиев 79 сол дошт. Феълан дар бораи сабаби даргузашташ чизе маълум нест. Ӯ чанд ҳафта қабл аз ҷониби Эмомалӣ Раҳмон, раисиҷумҳури Тоҷикистон бо мукофоти давлатӣ, Ҷоизаи Президенти Тоҷикистон дар соҳаи маориф қадрдонӣ шуда буд.

Котиботи раисиҷумҳури Тоҷикистон хабар дода буд, ки “бори аввал дар таърихи соҳибистиқлолии кишвар бо Амри Президенти мамлакат ба хотири қадршиносии омӯзгорони беҳтарин мукофоти махсуси давлатӣ таъсис дода шуда, 5 нафар бо Ҷоизаи Президенти Ҷумҳурии Тоҷикистон дар соҳаи маориф сарфароз гардид”.

Бар асоси донишномаи озод, Лутфулло Солиев, кимиёшиноси маъруфи тоҷик, доктори илмҳои химия (1989), профессор (1991), Арбоби илм ва техникаи Тоҷикистон (2002), академики шӯъбаи тоҷикистонии Академияи илмҳои байналмилалии мактабҳои олӣ буд. Ӯ соли 1941 дар ноҳияи Рӯдакӣ,  собиқ ноҳияи Ленин таваллуд шуда, солҳои 1959–1964 дар факултети табиатшиносӣ ва географияи Донишкадаи давлатии омӯзгории шаҳри Душанбе ба номи Т. Г. Шевченко таҳсил кардааст.

“Солҳои 1964–1965 дар сафҳои Артиши Шӯравӣ хизмат намудааст. Солҳои 1966–1969 аспиранти Институти химияи умумӣ ва ғайриорганикии АИ ҶШС Украина (ш. Киев), 1970–1989 ходими хурди илмӣ, ходими калон илмӣ ва ходими пешбари институти мазкур, 1989–1997 дотсент ва профессори кафедраи химияи умумӣ ва ғайриорганикии Донишгоҳи давлатии омӯзгории Тоҷикистон ба номи Қ. Ҷӯраев, 1997–1998 декани факултети химия, 1998–2007 муовини ректори донишгоҳи номбурда оид ба корҳои илмӣ буд”, - омадааст дар ҳолномаи Солиев дар донишномаи озод.

Ӯ аз соли 2007 то дами марг ба ҳайси мудири кафедраи химияи умумӣ ва ғайриорганикии Донишгоҳи давлатии омӯзгории Тоҷикистон ба номи Садриддин Айнӣ фаъолият кардааст. Шогирдону ҳамкорон ӯро ҳамчун омӯзгори ҳалим, олими пуркор пухтакор ва хоксор ёд мекунанд.

4294
Барчаспҳо:
профессори фахрӣ, даргузашт, Тоҷикистон
Студенты на лекции

Вазорати маориф сабти номи донишҷӯёни машғули таҳсил дар хориҷаро оғоз кард

488
(Таҷдидшуда 16:48 15.09.2020)
Вазорати маориф ва илми Тоҷикистон сабти донишҷӯёни тоҷикро, ки дар мактабҳои олии кишварҳои хориҷа дохил шуданд ё таҳсил мекунанд ва бинобар сабаби қатъи алоқаи ҳавоӣ ба муассисаҳои таълимиашон рафта наметавонанд, оғоз кард

ДУШАНБЕ, 15 сен — Sputnik. Вазорати маориф ва илми Тоҷикистон таъкид кардааст, ки  бақайдгирии донишҷӯён дар Маркази барномаҳои байналмилалии вазорат ба роҳ монда мешавад.

“Аз донишҷӯёне, ки дар соли таҳсили 2020-2021 ба муассисаҳои таҳсилоти олӣ ва илмии хориҷи кишвар дохил шудаанд ва донишҷӯёне, ки ҳангоми таътил ба Ҷумҳурии Тоҷикистон омада, вобаста ба вазъи эпидемиявӣ ҷорӣ шудани маҳдудият ва баста шудани сарҳадҳо ба донишгоҳҳои хориҷи кишвар баргашта натавонистанд, хоҳиш карда мешавад, ки тибқи ҷадвали замимашуда ба суроғаи электронии Маркази барномаҳои байналмилалии Вазорати маориф ва илм - mbb-2008@mail.ru (ш. Душанбе, кӯчаи Мирзо Турсунзода 47) маълумоти заруриро ирсол намоянд”, -таъкид доштааст вазорати маориф.

Бояд қайд кард, ки қаблан ширкати ҳавопаймоии “Сомон Эйр” барои донишҷӯёни тоҷик, ки дар мактабҳои олии Беларус ва Украина таҳсил мекунанд, ду парвози чартерӣ ба шаҳри Минск ташкил кард.

Ҳамчунин донишҷӯёни тоҷике, ки дар донишгоҳу донишкадаҳои Русия таҳисл мекунанд, интизори оғози парвозҳо мебошанд.

Вазорати умури хориҷаи Тоҷикистон, шумори донишҷӯёнро, ки дар мактабҳои олии Русия таҳсил мекунанд беш аз 4 ҳазор нафар эълон карда буд. Ба иттилои ВУХ Тоҷикистон аз ин шумор зиёда аз 1 ҳазор нафарашон ҳамин сол дохил шудаанд.

488
Барчаспҳо:
хориҷ, таҳсил, алоқа, ҳавоӣ, мактаб, донишҷӯён, вазорати маориф, Тоҷикистон

Тоҷикистон дар навбат: кадом кишварҳо мехоҳанд аз Русия бар зидди COVID-19 даво бихаранд

0
(Таҷдидшуда 17:46 22.09.2020)
Аксари кишварҳои ҷаҳон барои харидории воксинаи сохти Русия - "Спутник V" алоқамандӣ пайдо карданд. Аксари кишварҳои хориҷи наздик омода ҳастанд аз Русия ин ваксинаро харидорӣ намоянд

Дар Русия ба сохти воксинаи зидди вируси корона ҳанӯз моҳи январи соли 2020 оғоз карда буданд. Ба сохти воксина якбора чанд гурӯҳи олимон шурӯъ карданд.

Дар ниҳоят Вазорати тандурустии Русия аввалин воксинаи зидди вируси коронаро дар моҳи августи соли равон ба қайд гирифт. Ин воксина аз сӯи маркази тадқиқотии зиддиэпидемиологӣ ва микробиологии ба номи Гамалеи кашф карда шуд ва сохти ин даво дар ҳамкорӣ бо бунёди сармояҳои мустақими Русия сурат мегирад.

Дар ниҳоят ин воксина комилан безарар дониста шуд. Ин даво метавонад бар муқобили вируси корона мубориза барад. Сипас аз самаранокии ин воксина маҷалаи бонуфузи The Lancet мақолае чоп кард.

Русия дар ҳоли ҳозир, аз кишварҳои хориҷӣ ба андозаи як миллиард адад воксина дархост қабул кардааст. Аз ҷумла Тоҷикистон, Арабистони Саудӣ, Аморати муттаҳидаи Араб, филипин, Мексика, Венесуэлло, Молдова ва Озарбойҷон омодагии худро барои харидории ин воксина эълон карданд.

Нахустин кишваре, ки ба воксинаи зидди вируси корона дастрасӣ пайдо мекунад, ин Белорус мебошад.

Инчунин Руся созишнома барои фуруши воксина бо Қазоқистон низ ба имзо расонидааст. Тибқи ин созишнома ба Қазоқистон беш аз миллион адад воксина дода мешавад. Дар ҳоли ҳозир Ӯзбекистон ва Қирғизистон низ хариди ин воксинаро баррасӣ доранд.

0
Барчаспҳо:
ҷаҳон, кишварҳо, Русия, харидорӣ, навбат, Тоҷикистон