Омӯзгорони русе, ки муҳассилини тоҷикро дарс хоҳанд гуфт

Ҳукумати Суғд ҳам хостори ҷалби омӯзгорони хориҷӣ шуд

185
Раиси вилояти Суғд Абдураҳмон Қодирӣ хостори ҷалби омӯзгорони хориҷӣ ба мактабҳои вилоят шуд

ДУШАНБЕ, 29 авг— Sputnik. Ба гузориши равобити умумии ҳукумати вилояти Суғд, имрӯз дар Кохи фарҳанги ба номи Абӯабдуллоҳи Рӯдакии шаҳри Хуҷанд машварати августии кормандони соҳаи маорифи вилояти Суғд баргузор гардидааст.

Дар кори машварат раиси вилоят Абдураҳмон Қодирӣ, муовини вазири маориф ва илмиТоҷикистон Латофат Қаҳҳор, муовинони соҳавии раисони шаҳру навоҳӣ ва доираи васеи кормандони соҳаи маориф ширкат карданд.

Раиси вилоят гуфтааст, ки дар баробари дастовардҳои назаррас дар соҳаи маориф камбудиҳои ҳалталаб кам нестанд.

Вай дастур додааст, ки фаъолияти мактабҳо ва роҳбарони онҳо аз рӯи маҳсулнокии дастранҷи омӯзгорон таҳлил карда шуда, ба фаъолияти роҳбарони муассисаҳо баҳои воқеӣ дода шавад.

"Шароити замони муосир тақозо мекунад, ки дар баробари баланд бардоштани савияи дониши худи омӯзгорони маҳаллӣ, инчунин муаллимони хориҷӣ низ ба мактабҳои вилоят ҷалб карда шаванд", — гуфтааст раиси вилоят.

Масаълаи дигари машварат фаъолияти омӯзгорони ғайриихтисос будааст.

Ба гузориши манбаъ шумораи чунин омӯзгорон дар вилоят 330 нафарро ташкил медиҳад, ки аз ҷумла 48 нафар ба ноҳияи Ҷаббор Расулов рост меояд.

Дар ин замина, ҳанӯз дар баъзе шаҳру навоҳии вилоят шумораи муайяни муаллимон бо маълумоти миёнаи касбӣ фаъолият мебаранд.

Ёдоварӣ мекунем, ки Русия ба мактабҳои Тоҷикистон 29 омӯзгори фаннҳои мухталиф равон кард. Ин омӯзгорон дар литсейҳои бонуфузи шаҳрҳои гуногуни ҷумшӯҳурӣ ба толибилмони тоҷик дар тӯли як сол дарс хоҳанд гуфт.

185
Барчаспҳо:
машварати августӣ, маориф, Абдураҳмон Қодирӣ, Суғд, Тоҷикистон
Мавзуъ
Дастури Қодирӣ ба омӯзгорон: забони давлатӣ дар сатҳи зарурӣ омӯзонида шавад
Эмомалӣ Раҳмон омӯзгорон ва волидони ноҳияи Хуросон ва Ҷомиро сарзаниш кард
Омодагии омӯзгорони доғистонӣ барои сафар ба Тоҷикистон
Омӯзгорони доғистонӣ мехоҳанд донишомӯзони тоҷикро савод биёмӯзонанд
Президент Республики Таджикистан Эмомали Рахмон

Эмомалӣ Раҳмон дар "Шаҳраки донишҷӯён" хобгоҳ ва бинои нав ифтитоҳ кард

1090
(Таҷдидшуда 13:10 22.01.2021)
Кишвардори Тоҷикистон ва раиси шаҳри Душанбе дар "Шаҳраки донишҷӯён" бинои нави факултаи иқтисод ва молияро мавриди истифода қарор доданд

ДУШАНБЕ, 22 янв — Sputnik. Имрӯз бо иштироки раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар Донишгоҳи милли Тоҷикистон бинои нави факултаи иқтисод ва молия ва ҳамчунин хобгоҳи замонавӣ барои донишҷӯён мавриди истифода қарор дода шуд.

Ба иттилои котиботи раисҷумҳури Тоҷикистон, бинои нави таълимии факултетҳои иқтисодии Донишгоҳи миллии Тоҷикистон барои дар ду баст ба таҳсил фаро гирифтани 5048 нафар пешбинӣ шудааст.

Раҳмон дар Балҷувон аз бинои Хадамоти муҳоҷират то хобгоҳ ва боғчаи кудакон ифтитоҳ кард

Иншооти мазкур аз ду қисми 7-ошёнагӣ иборат буда, дар он факултети молиявию иқтисодӣ, иқтисод ва идора, баҳисобгирӣ ва иқтисоди рақамӣ ҷойгир мебошад.

Таъкид гардидааст, ки бинои нави таълимии факултетҳои иқтисодии Донишгоҳи миллии Тоҷикистон бо дастгирии Ҳукумати Ҷумҳурии Тоҷикистон аз ҷониби ширкати сохтмонии ватанӣ Ҷамъияти Дорои Масъулияти Маҳдуди "Азизӣ-сохтмон" бо тарҳи наву замонавӣ сохта шудааст.

Раҳмон гуфт, дар панҷ сол ҳоҷати воридот намемонад: ифтитоҳи корхонаи санги хорову мармар

Аснои шиносоӣ роҳбари давлат ба сифати корҳои сохтмонӣ ва тарҳи бино, ки аз ҷониби мутахассисони ватанӣ анҷом дода шудааст, баҳои баланд дод.

Раисҷумҳур пас аз ифтитоҳи иншоот аз устодон ва кормандони соҳаи илму маориф талаб намуд, ки дар самти тарбия намудани ҷавонони худогоҳу худшинос ва мутахассисони варзидаи талаботи бозори меҳнат бештар таваҷҷуҳ намоянд.

1090
Барчаспҳо:
ифтитоҳ, бино, хобгоҳ, Рустами Эмомалӣ, Эмомалӣ Раҳмон
Школьный класс новой средней школы № 102 в Шохмансурском районе

Ҷопон барои сохтмони ду мактаб дар Тоҷикистон пул ҷудо кард

134
(Таҷдидшуда 17:33 21.01.2021)
Сафири Ҷопон дар Душанбе эълом кард, бо кумаки молии давлати Токио ду мактаб бо ҳазинаи ду миллион сомонӣ дар Тоҷикистон сохта мешавад

ДУШАНБЕ, 21 янв— Sputnik. Tакаюки Миясита дар маросими имзои ин созишнома гуфтааст, ки то кунун бо кумаки ройгони Ҳукумати Ҷопон дар Тоҷикистон 50 мактаб сохта шуда, ин барнома идома хоҳад дошт, иттилоъ додааст сафорати Ҷопон дар Душанбе.

“Ду мактаби ҷадид дар ноҳияҳои Турсунзода ва Файзобод ҳар як бо ҳазинаи 1 миллион сомонии ройгони ҳукумати Ҷопон сохта ва таҷҳиз хоҳад шуд. Мо талош мекунем, ки ин ду мактаб бо таҷҳизоти пешрафтаи омӯзишӣ таъмин шаванд то донишомӯзони тоҷик битавонанд дар шароити матлуб улуми рӯзро фарогиранд”, - гуфт Tакаюки Миясита.

Ҳамзамон сафири Ҷопон таъкид доштааст, ки кишвараш дар чорчӯби ин барнома бо Вазорати маориф ва илми Тоҷикистон ҳамкории наздик дорад.

Гуфта мешавад аз соли 1996 ҳукумати Ҷопон барои иҷроӣ 421 тарҳи иҷтимоӣ ва омӯзишӣ дар Тоҷикистон 34 доллар кумаки ройгон ихтисос додааст.

134
Барчаспҳо:
пул, сохтмон, мактаб, Ҷопон, Тоҷикистон
Далер Назаров дал интервью

Аз писари вазир то домоди Президент ва дороӣ: ногуфтаҳои Далер Назаров-видео

693
(Таҷдидшуда 21:26 22.01.2021)
Далер Назаров, овозхони шинохтаи тоҷик, дар бораи ҳаёту эҷодиёташ чун писари вазир, домоди президент, дороӣ ва хушбахтияш суҳбат кардааст

ДУШАНБЕ, 22 янв — Sputnik. Далер Назаров дар ин суҳбат бархе аз ҷанбаҳои ҳаёту эҷодиёташро гуфтааст, ки қаблан оммавӣ изҳор надошта бу.

Навори суҳбат дар саҳифаи расмии Daler Nazarov Studio дар Youtube нашр шудааст.

Ӯ гуфт, замоне, ки бори аввал сурудҳои The Beatles-ро шунидааст, майли овозхонияшро дарк кардааст.

Далер Назаров афзуд, талабаи хуб набуд ва аз ягон фан дониши фавқулодае надоштааст. Дар мактаб вохӯрӣ бо дӯстонро хуш медоштааст. Ба суол дар мавриди писари вазир буданаш, Далер Назаров изҳор дошт, ки бо вуҷуд мулоқот бо дӯстон аз қишрҳои гуногунро ҳамеша хуш медошт.

“Ман ҳамеша ҷамъ овардани одамонро дӯст медоштам ва то ҳол ин корро мекунам. Ҳар қадаре одамон гуногунтар бошанд, ҳамон қадар руҳияам роҳат мекунад. Агар одамони миллату табақаҳои гуногун ҷамъ омада бошанд”, - изҳор дошт Далер.

Ӯ инчунин аз солҳои мактабию ишқи наврасияш гуфтааст.

“Бисёри онҳое, ки ошиқашон шудаам, то ҳол ҳам инро намедонанд. Ин ишқе буд, ки наметавонистӣ бо он мухолифат нишон диҳӣ ва наметавонистӣ онро баён кунию наздик шавӣ”, - изҳор дошт овозхон.

Дар суҳбат инчунин аз издивоҷ бо Мунаввара Набиева, духтари нахустин раисиҷумҳури Тоҷикистон, Раҳмон Набиев гуфта шудааст, ки дар мактаб шинос шудаанд. Ӯ гуфт, ин хонадорӣ се сол давом кардааст.

“Раҳмон Набиев инсони бисёр нек буд, ки дар чеҳраи ӯ ман падари дуюми худро пайдо кардам. Ӯ маро хеле зуд худӣ қабул кард”, - афзуд Назаров.

Маҳз дар суҳбату муошират бо ин сиёсатмадор, Далер Назаров дарк кардааст, ки чӣ гуна вазнин аст, президент будан, сарфи назар аз бартариятҳое, ки ба назар мерасанд.

Овозхон дар мавриди он ки дар 62-солагияш худро чӣ гуна эҳсос мекунад, изҳор дошт, ки касе нест, варақи тоза аст.

“Ман касе нестам, ҳеч гуна, варақи сафедеям, ки дар он ҳар замон метавонад чизи дигаре навишта шавад”, - илова намуд ӯ.

Овозхон гуфт, тайи ин қадар сол ҳеч дороиеро ҷамъ накардааст. Ӯ мегӯяд, мошин дорад, ки барои ҳаракати роҳаташ миёни Душанбе ва Хоруғ зарур аст. Ба гуфтаи овозхон, наметарсад, ки бе чиз мемонад, зеро дӯстони зиёд дорад.

Вай таъкид кард, ки ягона нишонаи муваффақияти инсон ин хушбахтии ӯст ва илова намуд, ки хушбахт аст.

Ӯ мегӯяд, баъди зиндагияш мехоҳад мусиқияш боқӣ монад, мехоҳад сурудҳояш чун беному халқӣ садо диҳанд.

693