Мактаб. Акс аз бойгонӣ

Соҳибкоре дар Суғд мактаби хусусӣ бунёд кард

287
(Таҷдидшуда 13:26 05.09.2017)
Дар ноҳияи Спитамен бо ташаббуси соҳибкори маҳаллӣ Олимҷон Юлдошев мактаби нав бунёд гардидааст

ДУШАНБЕ, 4 сен — Sputnik. Ба иттилоъи равобити умумии ҳукумати Суғд, ин мактабро раиси вилоят зимни сафар ба ноҳияи Спитамен ба баҳрабардорӣ додааст.

Мактаби хусусии "Акрам" дар Ҷамоати деҳоти Истиқлоли ноҳияи Спитамен ҷойгир буда аз ду ошёна ва 12 синфхона барои 240 хонанда бунёд шудааст.

Барои фаъолият дар мактаб 20 нафар омӯзгорон аз ноҳияи Спитамен, шаҳри Хуҷанд ва ноҳияи Бобоҷон Ғафуров ҷалб гардидаанд.

"Барои ҷалби хонандагон ба омӯзиши касбу ҳунар дар ин мактаб маҳфилҳои гуногун, аз ҷумла маҳфилҳои ҳунаромӯзӣ ва рӯзгодориву шоҳмотбозӣ ташкил карда шудааст", — омадааст дар хабарнома.

Раиси вилоят аз хонандагон даъват кардааст, ки ба омӯзиши фанҳои дақиқ, забонҳои хориҷӣ, технологияҳои иттилоотӣ ва касбу ҳунар диққати махсус зоҳир намоянд.

Манбаъ меафзояд, ки ба мактаби нав аз номи раиси вилоят маҷмӯи компютер ва принтерҳо, инчунин ба беш аз 50 нафар хонандагон аз оилаҳои ниёзманд либосҳои мактабӣ туҳфа шудааст.

287
Барчаспҳо:
хусусӣ, ифтитоҳ, мактаб, Абдураҳмон Қодирӣ, Суғд, Тоҷикистон
Мавзуъ
Мактаб ё масҷид: 1-уми сентябр дар Душанбе чигуна гузашт?
Имомон аз волидон даъват карданд, рӯзи иди Қурбон фарзандонро ба мактаб фиристанд
Раисҷумҳур ба сохтмони мактаб дар ноҳияи Носири Хусрав баҳои баланд дод
Ҳукумати Суғд ҳам хостори ҷалби омӯзгорони хориҷӣ шуд
Штартгина Лариса Вячесламовна учитель фортепиано

Аз забони қирғизӣ то суруду мусиқӣ: камбуди садҳо омӯзгор дар мактабҳои Тоҷикистон - омор

200
(Таҷдидшуда 09:15 15.07.2020)
Вазорати маориф ва илми Тоҷикистон аз камбуди ҳудуди 3 ҳазор омӯзгор дар мактабҳои таҳсилоти умумӣ хабар дод

ДУШАНБЕ, 15 июл — Sputnik. Бино ба оморе, ки маркази матбуоти вазорат дар ихтиёри Sputnik Тоҷикистон гузошт, мактабҳои Тоҷикистон ба 2 ҳазору 959 омӯзгор ниёз доранд.

Бино ба ин додаҳо, аз ҳама зиёд камбуди омӯзгорон дар мактабҳои вилоятҳои Хатлон (942), Суғд (882) ва навоҳии тобеи ҷумҳурӣ (857) мушоҳида мешавад.

Дар Вилояти мухтори Кӯҳистони Бадахшон ҳамагӣ 83 ва шаҳри Душанбе – 195 омӯзгор намерасад.

Аз рӯи таносуби фанҳои таълимӣ мактабҳои Тоҷикистон ба омӯзгорони фанҳои математика ва геометрия (357), забони русӣ (304) забони англисӣ (307), технологияи информатсионӣ (242), химия (243), физика ва астраномия (264), таърих ва ҳуқуқ (157), технология (таълими меҳнат, 144), синфҳои ибтидоӣ (120), тарбияи ҷисмонӣ (109), забон ва адабиёти тоҷик (105), биология (105), география (87), суруд ва мусиқӣ (83), омодагии дифои ҳарбӣ (81), методикаи томактабӣ (52), санъати тасвирӣ (51), равоншинос (38), забони арабӣ (37), забони давлатӣ (26) ва алифбои ниёгон (22) ниёз доранд.

Дар вилояти Суғд ба 3 омӯзгори забон ва адабиёти ӯзбек ва дар Кӯҳистони Бадахшон ба 2 омӯзгори забони қирғизӣ эҳтиёҷ доранд.

Тибқи иттилои вазорати маориф ва илм, ҳоло дар Тоҷикистон 3884 муассисаи таҳсилоти умумӣ вуҷуд дорад, ки дар онҳо 124 ҳазору 593 омӯзгор, ба шумули 74 ҳазору 046 зан дарс мегӯянд.

Аз ин шумора 92 ҳазору 224 нафар (50 ҳазору 708 зан) ё 74,1% маълумоти олӣ, 30 ҳазору 578 нафар (21 ҳазору 965 зан) ё 24,5% маълумоти миёнаи касбӣ ва 1 ҳазору 791 нафар (1 ҳазору 368 зан) ё 1,4% маълумоти миёнаи умумӣ доранд.

Бино ба ин манбаъ, дар муассисаҳои таҳсилоти умумии Тоҷикистон теъдоди хонандагон ба 2 миллиону 33 ҳазору 900, ба шумули 980 ҳазору 766 духтар расидааст.

Пешниҳоди омори норасоии омӯзгорон аз суи Вазорати маориф дар ҳолест, ки вазири собиқ Нуриддин Саид дар нишастҳои матбуотияш мегуфт, дар Тоҷикистон мушкили камбуди омӯзгорон қариб ҳал шудааст.

200
Школа, архивное фото

Раиси Рашт: афзоиши хонандагон бунёди синфҳои иловагиро тақозо мекунад

37
(Таҷдидшуда 12:53 13.07.2020)
Раҳимҷон Муқимӣ, раиси ноҳияи Рашт, мегӯяд, афзоиши шумораи хонандагон дар ноҳия сохтмони биноҳои нави таълимӣ ва синфхонаҳои иловагиро тақозо менамояд

ДУШАНБЕ, 13 июл — Sputnik. Раҳимҷон Муқимӣ гуфт, бунёди синфхонаҳо барои беҳтар ба роҳ мондани кори таълиму тарбия ва сифати таълим ҳатмист.

"Синфхонаҳои иловагӣ имконият фароҳам меоранд, ки дар муассисаҳои таълимӣ кабинетҳои фаннӣ ташкил карда шаванд. Дар ду моҳи охири соли равон дар назди 6 муассисаи таълимӣ аз ҳисоби маб­лағҳои буҷети маҳаллӣ, соҳибкорони саховатманд ва аҳолӣ барои 800 ҷойи нишаст бино ва синфхонаҳои нави таълимӣ сохта, ба истифода дода шудааст", - иттилоъ дод нашрияи "Садои мардум" аз қавли раиси Рашт.

Манбаъ афзуд, ки тайи як рӯз дар ноҳия 18 иншооти нав ба истифода дода шуданд. Дар қатори иншооти набунёд -  бинои иловагӣ барои шуъбаи касалиҳои сироятӣ дар маҳаллаи Фурудгоҳи деҳоти ба номи Нусратулло Махсум иборат аз 20 кат аз ҳисоби Агентии захираҳои давлатии назди Ҳукумати Ҷумҳурии Тоҷикистон, 3 чоҳи амудӣ аз ҳисоби соҳибкорони маҳаллӣ барои таъмини аҳолӣ бо оби нӯшокӣ, майдончаи варзишӣ дар деҳаи Руноби деҳоти "Аскалон" номбар шуданд.

Инчунин биноҳои нави таълимӣ дар деҳаҳои Ялдамичи деҳоти "Қалъанак", Чашмаи Қозии деҳоти ба номи Нусратулло Махсум, Навдонаки деҳоти "Қалъаи Сурх" ва Ҳисораки деҳоти "Ясман", сохтмони маркази савдо, қаҳвахона ва 5 хонаи истиқоматии дуҳуҷрагӣ дар шаҳраки Ғарм, корхонаи истеҳсоли обҳои ташнагишикану маҳсулоти қаннодӣ дар деҳаи Ҳисораки деҳоти "Ясман" ва нуқтаи таъмири нақлиёти сабукрав дар деҳаи Зарангаки деҳоти "Ҳиҷборак" ба истифода дода шудаанд.

37
Барчаспҳо:
бино, Рашт, Тоҷикистон

Тоҷикистону Афғонистон хостори тавсеаи муносибатҳо шуданд

0
Намояндгони ду кишвар дар рафти мулоқот изҳор доштанд, ки ҳамкории дуҷонибаро, ки бо руҳи муносибатҳои мардумони ду кишвар созгор аст, бояд тавсеа бахшид

ДУШАНБЕ, 16 июл – Sputnik. Тоҷикистону Афғонистон хостори тавсеаи муносибатҳоянд. Дар ин бора дар рафти мулоқоти вазири умури хориҷаи Тоҷикистон Сироҷиддин Муҳриддин ва сафири Афғонистон дар Тоҷикистон Муҳаммад Зоҳир Ағбар зикр гардид.

Тавре ВУХ Тоҷикистон гузориш медиҳад, 15 июл Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Ҷумҳурии Исломии Афғонистон дар Ҷумҳурии Тоҷикистон Муҳаммад Зоҳир Ағбарро ба ҳузур пазируфт.

Гуфта мешавад, дар  мулоқот тарафҳо  ҳолати кунунӣ ва дурнамои густариши муносибатҳои Ҷумҳурии Тоҷикистон ва Ҷумҳурии Исломии Афғонистонро баррасӣ намуданд.

Инчунин ҷонибҳо оид ба ҳамкории ду давлат дар доираи созмонҳои байналмилаливу минтақавӣ табодули афкор намуданд.

Пештар Сироҷиддин Муҳриддин бо сафири Чин, Ҳиндустон, Арабистони Саудӣ ва Украина мулоқот карда буд.

0