Намоишгоҳи таҳсилотии Русия дар Душанбе

Таҳсили ройгон: Русия имсол ба тоҷикистониён бештар квота медиҳад

283
Сарвазири Тоҷикистон Қоҳир Расулзода дар бораи ҳамоҳангиҳо байни Маскаву Душанбе дар соҳаи маориф, нақл кард

ДУШАНБЕ, 23 апр — Sputnik. Маскаву Душанбе ҳамоҳангӣ карданд то теъдоди квотаҳои таҳсилро барои тоҷикистониён дар мактабҳои олии ФР, афзоиш диҳанд, гуфт нахуствазири Тоҷикистон Қоҳир Расулзода дар нишасти матбуотӣ  дар Маскав.

"Аммо дар робита ба масоили таҳсил бояд зикр кард, мо чунин ҳамоҳангӣ кардем, ки ФР дар шаҳрҳои ҶТ ба сохтани панҷ мактаби миёнаи ҳозиразамон оғоз мекунад. Ҳамчунин мо қарор додем то кореро, ки соли гузашта шурӯъ карда будем, давом диҳем. Чуноне шумо медонед, соли гузашта ба Тоҷикистон муаллимони рус омада буданд, ки алъон эшон дар мактабҳои миёнаи таҳсилоти умумӣ кор мекунанд", —гуфт сарвазири Тоҷикистон.

Расулзода изҳори боварӣ кард,  ки ин тарҳ дар солҳои 2018-2019 идома хоҳад ёфт. "Инчунин мо роҷеъ ба зиёд намудани квотаҳо барои таҳсилоти шаҳрвандони Тоҷикистон дар мактабҳои олии ФР, мувофиқат намудем", —гуфт Қоҳир Расулзода.

Моҳи марти соли ҷорӣ дар Тоҷикистон чорабиниҳои интихобӣ барои дохилшавандагон ба донишгоҳҳои Русия, баргузор шуданд.

Ба ҳайати комиссияи "Россотрудничество" дар Тоҷикистон бо роҳбарии Михаил Вождаев, намояндагони Вазорати маорифи  Тоҷикистон ва намояндагони донишгоҳҳои Русия, ки махсус барои ин мақсад ба Душанбе омада буданд, дохил шуданд.

283
Барчаспҳо:
афзоиши квотаҳо, квотаҳои таҳсил, Русия, Тоҷикистон
Ректор Московского государственного университета имени М. В. Ломоносова Виктор Садовничий

Садовничий гуфт, теъдоди донишҷӯёни хориҷӣ дар давраи ҳамагирӣ кам нашудааст

40
(Таҷдидшуда 18:48 17.01.2021)
Ректори Донишгоҳии давлатии Маскав ба номи М. В. Ломоносов гуфт, ҳамагирии коронавирус ба таҳсилот ва теъдоди донишҷӯёни хориҷӣ бетаъсир буд

ДУШАНБЕ, 17 янв — Sputnik. Ректори Донишгоҳии давлатии Маскав ба номи М. В. Ломоносов, Виктор Садовничий дар доираи дарҳои кушод, гуфт ҳамагирии коронавирус ба камшавии теъдоди донишҷӯёни хориҷӣ боис нашуд.

Ба гуфти ӯ ба баста шудани марзҳо нигоҳ накарда, теъдоди шаҳрвандони хориҷӣ аз ҳисоби донишҷӯёне, ки тариқи фосилавӣ таҳсил мекунанд, кам нашуд.

Коршинос: чӣ гуна дар пандемия донишҷӯи хориҷӣ метавонад дипломро дар Русия дифоъ кунад

"Мо ҳатто дар чунин шароити экстрималӣ сатҳ ва теъдодро кам накардем", - гуфт Садовничий.

Феълан дар МГУ тақрибан 8 ҳазор донишҷӯи хориҷӣ аз 75 кишвари ҷаҳон таҳсил мекунад.

Сатторов гуфт, ки донишҷӯён аз Тоҷикистон кай ба Русия баргашта метавонанд

Наздики 30 дарсади донишҷӯёни хориҷӣ аз кишварҳои хориҷи наздик: Қазоқистон, Ӯзбекистон, Тоҷикистон, Озарбойҷон, Арманистон ва  Белорус мебошанд.

40
Барчаспҳо:
таҳсил, вируси корона, Виктор Садовничий, МГУ, ректор
Абдукодир Тошкулов, наблюдатель из Узбекистана

Парлумони Ӯзбекистон таъйини як тоҷик ба мақоми вазириро тасдиқ кард

1483
(Таҷдидшуда 16:30 14.01.2021)
Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад

ДУШАНБЕ, 14 январ - Sputnik. Палатаи поёнии парлумони Ӯзбекистон рӯзи 13 январ номзадии Абдуқодир Тошқуловро ба вазифаи вазири маълумоти олӣ ва миёнаи махсус пешниҳод кард, хабар медиҳад Sputnik  Ӯзбекистон ба нақл аз хадамоти матбуоти Олий Маҷлиси Ӯзбекистон.

Ба иттилои манбаъ, тибқи тартиб, дар марҳилаи оянда пас аз тасдиқи фармон аз ҷониби Шавкат Мирзиёев, президенти Ӯзбекистон, Абдуқодир Тошқулов метавонад ба кор оғоз кунад.

Ӯ дар ин мақом Инъом Маҷидовро, ки аз соли 2017 дар ин курсӣ менишаст, иваз хоҳад кард.

Абдуқодир Тошқулови 45-cола, зодаи ноҳияи Бойсуни вилояти Сурхондарёи Ӯзбекистон аз шахсони боэътимоди Шавкат Мирзиёев гуфта мешавад.

Соли 2017 бо қарори ҳукумати Ӯзбекистон Абдуқодир Тошқулов ректори Донишгоҳи давлатии Тирмиз таъйин шуд ва худи ҳамон сол сенатори Ӯзбекистон интихоб шуд.

Узви Сенати Ӯзбекистон Абдуқодир Тошқулов дар интихоботи парлумонии Тоҷикистон, ки 1 марти соли 2020 ва интихоботи президентии Тоҷикистон, ки 11 октябри соли 2020 баргузор гардид, нозир буд.

"Абдуқодир Тошқулов, миллаташ тоҷик пай дар пай ду даъват - аз соли 2009 то 2017 вакили палатаи поёнии парлумони Ӯзбекистон буд", -  омадааст, дар иттилоияи Комиссияи марказии интихоботии ҷумҳурӣ.

1483
Барчаспҳо:
парлумон, мақом, тоҷик, Ӯзбекистон
Работа АЗС в Москве

Нархи газ ва бензину дизел дар Тоҷикистон якбора то 10 % гарон шуд

133
(Таҷдидшуда 11:02 18.01.2021)
Тайи ду рӯзи охир қиммати ҳама намуд маводи сӯзишвории воситаи нақлиёт якбора то 10 % боло рафта, ба 4, 3 ва 4, 6 сомонӣ баробар шудааст

 ДУШАНБЕ, 18 янв – Sputnik. Нархи гази моеъ ва бензину дизел (солярка) якбора ба 4, 3 ва 6, 6 сомонӣ дакка хурдааст. Дар баъзе аз навоҳии Тоҷикистон фурӯши газ 0, 30 сомонӣ ва бензину дизел то ба 0, 40 сомонӣ баланд шудааст.

Ронандаҳо мегуянд болоравии нарх ба ҷайби онҳо зарба мезанад. Ҳасан Каримов, як ронандаи таксӣ дар Хуҷанд мегуяд, болоравии нарх ба фаъолияти мусофирбарии ӯ барин сокинон таъсири амиқ мегузорад.

“Ҳоло газ то дар баъзе ҷойҳо 40 дирам гарон шудааст. Агар як ҳафта пеш 10 литр гази моеъро 40 сомонӣ мехридем, ҳоло он 43-44 сомонӣ шудааст. Мо нархро бардорем мардум ба мошин намешинад, набардорем фоида намемонад”, гуфт ронандаи таксӣ.

Зимнан сокинон мегуянд, арзиши маводи сӯзишворӣ қариб дар ҳамаи навоҳии кишвар яксон боло рафтааст. Чунин болоравии нарх дар муқоиса ба гузашта камсобиқа гуфта мешавад.

Баъзе аз масъулони ширкатҳои таъминоти сӯзишвории нақлиёт (АЗС) болоравии арзиши маводи сӯхтро ба коҳишёбии ҳаҷми воридоти он шарҳ медиҳанд.

Мирзо, як корманди нуқтаи фурӯши сӯзишворӣ дар ноҳияи Бобоҷон Ғафуров дар суҳбат ба Sputnik Тоҷикистон гуфт, як ҳафта ба ин тараф воридот камтар шудааст.

“Ҳамаи маводи сӯхт дар кишвар аз хориҷа ворид мешавад, яъне ин моли ватанӣ нест. Вақте, ки воридот кам шуд, ҳаҷми моли ба бозор арзашаванда ҳам кам мешавад ва ин ба баландшавии нарх бе таъсир намемонад”, иброз намуд ӯ.

Вазири энергетика гуфт, киҳо бештар аз ҳама барқу газро медузданд

Чи гуна воридоти маводи сӯхт кам шудааст, ин ҳамсӯҳбати мо изҳори бехабарӣ кард ва гуфт, ки “инро роҳбарон медонанд, шояд аз ҳисоби болоравии нархи нефт аст”.

Бино ба додаҳои ширкатҳои молиявӣ, ҳоло қиммати 1 бучка (барелль) нафт дар бозори ҷаҳонӣ то ба 55 доллари амрикоӣ баробар шудааст ва гуфта мешавад ин рақам назар ба ҳамин давраи соли гузашта то 35 % баланд гуфта мешавад.

Дар Тоҷикистон маводи сӯхт аз хориҷа асосан аз кишвари Русия ва Қазоқистон ворид карда мешавад. Бино ба иттилоъи мақомоти гумрук, соли гузашта беш аз 430 ҳазор тон гази моеъ, 180 ҳазор тон бензин ва бештар аз 250 ҳазор тон маводи дизелӣ ба Тоҷикистон ворид шудааст.

Ширкатҳои "Фароз", "Газпром", "Газойл", "Ориё", "Роҳи Сомон нафт", "Се ганҷ" ва "Суғднефт" аз ҷумлаи воридкунандаҳои маводи сӯзишворӣ дар Тоҷикистон ба ҳисоб мераванд.

133